هل يا ترى سيطول ليل الغاشمين
على ثرى النيل الحزين
أم أن نور الفجر حتماً
عائداً لو بعد حين
قادماً عبر السنين
غداً سيروق لقاء الأحبة
غداً قادمين
وأبعث أشواقى تصاحبها
زهور الياسَمين
غداً نلاقى الغائبين
غداً نسير على ضفتيك
نسابق موجات الحنين
كنت أخاف
كنت اخاف أن أكون
يا نيل أنا وحدى الحزين
وأنت لم تعد سوى مزاراً للزائرين
لا يبالى بالقيود
ولا الظلام ولا السجين
ولكنى أحسبك يا نيل أوفى
أحسبك أوفى من ظنونى
من عيونى الدامعين..
خاطرة جميلة اوي يا باشمهندسة
ReplyDeleteبس الشعر التاني أحسن بصراحة :$
ويارب يارب يارب
يكون النيل عند ظنك
وكل مصر تكون عند ظننا .. أوفى من كل حاجه تانية
تحياتي
---------
ممكن حضرتك تبعتي لي صور بحجم كبير للأستاذ ياسر عبده .. لو أمكن يعني
او تحطيها هنا في المدونة
جزاكم الله خيرا
سلام
مش هيطول ابدا....النيل وفي وامين....وولاده مخلصين جدا..........والفجر طالع طالع والاحبة هيتجمعوا......والنيل مش هيبقي سعيد والفجر مشقشق عليه وحواليه ولاده المخلصين..........
ReplyDeleteما شاء الله جميل والله
ReplyDeleteلكن عندي شوية ملاحظات لو حضرتك تسمحي
..فيه تشتت في الأفكار أو أنها غير مرتبة ..كان من الممكن أن تقسميها فقرات ..وفيه كسر في الأوزان ..
أوبعث أشواقي تصاحبها ..المفروض إن ديات ذروة وليست ابتداء لفقرة جديدة
ومتهيألي ..من عيوني ..دي غلطة إملائية ..
عل العموم زي ما قال عبدو هي خاطرة جميلة جدا
وحشتيني يا أسماء جدا
ReplyDeleteالقصيدة معانيها ممتازة بل أكثر من رائعة و على فكرة أنا خلصت تلحين النشيد طبعا لحن عمرك ما تحلمي بيه
و عموما يلا بأه خدي بيت الشعر ده
شعب الأباة مقاوم لغزاته
مهما ضروا و تراه ليس بمهطع
و الحر حر النفس لا يعنو و إن
يمنى بتعذيب و قيد موجع
إن الأبي إذا استضيم يظل ير
فع رأسه حرا و لم يتوجع
أكيد هتعرفيني
رائعة يا اسماء فعلا جميلة جدا
ReplyDeleteربنا يوفقك يا رب
وجميل اوى ابيات الشعر دى يا سلمى عجبتنى مووووووووووت
سلام عليكم,,
ReplyDeleteبجد يا جماعة جزاكم الله خيرا..بكون داخلة متخيلة لسه محدش رد..وبعدين ألاقيكم..ربنا يكرمكم
أخى عبدالرحمن,,
انا بحب الخواطر دى جدا لكن هوه الثانى أحسن فعلا
أولا عشان عادى أوقات حاجات بتطلع احسن من حاجات لكن السبب الاكبر ان دى كانت أول تجربة شعر فى حياتى فبدائية شوية ومن زمان يعنى لو استخدمنا تعبير حضرتك نقدر نقول
انها مش من رحم المحنة
مع انه مش شرط لكن بردو الحاجات دى بتكون أجمل و أعمق
نور جزاكى الله خيرا حبيبتى على روحك العالية المتفاءلة التى نقلتها لنا
أخى بلال..ما شاء الله ..ايه كل ده..هوه أبى فعلا نصحنى بأن أبدأ فى تركيزى على الجوانب النحوية واللغوية أكثر شوية..
بس كده واضح انى لازم أركز فعلا..
الموضوع مبقاش يتسكت عليه
اشراقة
جزاكى الله خيرايا حبيبتى
خدى من سلمى كتير من ده
سلمى
انت اللى وحشتينى وافتقدتك جدا..مكنش ضرورى سفر يوم الخميس ده يا أنسة..بس يلا خير
بجد خلصتيه..الحمد لله..أدها وأدود يا بنتى..ربنا يجازيكى خير..على فكرة ده اخر أمل لينا فى النجاة..لأن لو مكنش خلص منى كانت ممكن تعمل جريمة..بس ربنا ستر
أشوفك بكره ان شاء الله
الابيات جميلة
على فكرة أخ عبدالرحمن
ReplyDeleteالصور ان شاء الله هبعتها على الميل اللى فى البروفايل
تساؤل يستحق أن نقف لنجيبه ...
ReplyDeleteهل سيطول ليل الغاشمين
على ثرى النيل الحزين ؟
باذن الله لن يطول ... نيلنا أوفى من ذلك ...
وشعبنا أكبر من ذلك ..........
وأصدق من ذلك .........
ثقى فى أن النصر قادم ؛ وقريبا ؛ فقط : لو أردناه .........
هو طبعا لازم تذاكرى أوزان كويس
بس أعتقد انك لو قرأتيها صح لن يشعر أحد بفروق الوزن ...
الشعر حلاوته فى السماع ...
لكن بجد ... غاية فى الروووعة ...
سلمت يمينك يا أسماء ......
جزاكم الله خيرا اخت اسماء
ReplyDeleteوصلت الصور
تحياتي
سلام
جزاكم الله خيرا أختى الحبيبة الشعر جميل أوى و أذا كان على الأوزان أصلحهالك يا ستى "انا فى دار علوم " و كلامك عن الغايبين فكرنى بأخويا المسافر و خلتينى أعيط و أن شاء الله النيل حيكون أوفى والى أمام دائما مع شكرى وتحياتى لك
ReplyDeleteاظن ان المشكله مش فى النيل
ReplyDeleteبل فى الساكننين على ضفاف النيل
تذكرت كلمات ابو القاسم الشابى
إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر
وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر
كل هذاقريب باذن الله
This comment has been removed by the author.
ReplyDeleteكلمات جميلة جدا ياأسماء:)
ReplyDeleteلكِ ألف ألف تحية أخية ثبتكِ الله وفرج همك ويسر أمرك ..ومش تنسيني من دعائك زي ما انا مش بنساكي :)
طلي على اللينك ده لو كان عندك وقت يمكن تلاقي فيه حاجة مفيدة:)
http://hamset-qalam.blogspot.com/2007/03/blog-post_11.html
اختك
أسماء
بعد السلام
ReplyDeleteاكيد النور قادم ويتحدى كل القيود بس علشان النور يعرف الطريق لازم يكون فى نور العقول فاذا ضائت العقول اصبح للنور هدف وطريق
وكا طلب الجميع ارغب فى مجموعه صور للااخونا ياسر عبدة لعمل فليم وتائقى
يا ابتى استعن بالله ولا تعجز
ReplyDeleteفما استعين به الا وانتصر
ياابتى قل كما قال رسولك
لا تحزن ان الله معنا
ماشاء الله عليك يا اسماء
ربنا يكرمك ويوفقك ان شاء الله
ومنتظرين مزيد من اشعارك
والسلام عليكم
نيرة عصام
أسماء تحياتى لك
ReplyDeleteوأشواقى وسلامى لأستاذى ياسر
جميل ان الواحد يتعامل مع الواقع ويعيش ولا ينهزم نفسيا وده الأهم
لى تعليق لو يتسع صدرك
كنت خايف اقوله
نفسى الشعارات والأشعار التى نعبر بها عم الظلم الذى نتعرض له تكون متسقه مع البيئة والعصر بمعنى
ان اللى بيشوف فى التلفزيون مسيرات الأخوه والأخوات شكلهم وزيهم وتعليقاتهم وشكواهم يشعر أنهم فئة غريبة ومختلفة عن المجتمع وانا شايف ده مش صح
لازم احنا نشعر والأخرين كمان ان دى بلدنا وان دول أهلنا وأحنا وهما بنتكلم لغة واحدة
احنا مش ناس من زمان من عصر الكفار احنا من دلوقتى زيهم بالظبط وكمان أحق بالبلد دى منهم
يعنى انتى كاتبة شعار كويس
مش هنبطل مش هنسافر مش هنسيب
انا شايفه معبر أكتر من شعار أبى انت حر وراء السدود
لانه بيتكلم باللغة اللى موجوده دلوقت والناس بتفهمها وكمان بيقولهم ان احنا منكم ومش من زمن تانى
زيهم يعنى واللى بيحصلنا ممكن يحصلهم
فاهمانى
يعنى بلاش نحسس الناس ان احنا فئة خاصة ليها لبسها وشعارتها وطريقتها
والفئة دى يا حرام مضطهدة
لا لا لا
احنا زي كل الناس
محنش هنود حمر عايشين فى امريكا
دى بلدنا
ياترى عرفت أوضح
تحياتى
الولد الصغير الفلعوص
ReplyDeleteاللي طالع من البيضة بيصوص
بعد ما ضيع القطاع العام وراح للخصوص
و البنوك اتشفطت منها كل الفلوس
أصله شويه كده لسه مأموص
لأنه عاوز ياكل كل حاجة حتى العصعوص
فأبوه حيساعده و يغير له كل النصوص
و الدستور حيبقي بالكلمات له مرصوص
و حيقعد و يربع رجليه فوق كل الروس
مصرى
سلام عليكم..
ReplyDeleteجزاكم الله خيرا جميعا على تعليقاتكم الرائعة
اتأخرت فى الرد كتيييييييير لأن الكمبيوتر كان فى مفترق طرق..يا يعييش يا يموت بس الحمد لله تم انقاذه وأخيرا ركبت adsl
استاذ محمد البنا,,
هوه فيه حاجتين..
أولا..وصلت لبابا السلام وهوه بيسلم على حضرتك كتيييييير وبيرسل تحياته وسلاماته الكثيرة جدا اليك
ثانيا..بالنسبة لكلام حضرتك عن الشعور باختلافنا..هوه انا متفقة معك فى ان ده شعور غير محبب وبيفصل بيننا وبين الناس لكن مختلفة فى ان المظهر او الشعارات هى السبب الرئيسى لهذا الفصل فانا ارى ان التفاعل مع الناس أو الانفصال عنهم يأتى من داخل الشخص نفسه لايمانه باهمية وجوده بينهم وعندما يؤمن بذلك ويعطى له من عزمه ووقته يصل وتصبح شعاراته ومظهره والذى يمكن أن يكون مختلف يصبح قريبا من الناس لأنه استطاع أن يشركهم معه فى رسالته وطريقه وكان صادقا فى ذلك
..لا أنفى ضرورة أن نواكب ما نحن فيه ولكن اذا شعر شخص بالغربة عن الناس وأنه جزء منفصل كليا عنهم فلن تنجح الشعارات والمظاهر مهما كانت قريبة فى تغيير ذلك الشعور
وعلى العكس فان شخص يشعر بالقرب والتكامل مع من حوله ايا كان انتمائهم الفكرى يستطيع تطويع مظاهر وشعارات حوله ويقرب الناس منها..
جميله اوى يا سمسمه
ReplyDeleteسلامى الكبير لبابا وماما
وان شاء الله ربنا يجمعكو تانى قريب
سميه العريان
http://al-ghareeb.blogspot.com/2007/03/blog-post_1866.html
ReplyDelete-------------
لنضع من هنا التصاميم التي نعبر بها عن رفضنا للتعديلات الدستورية
شاركونا