تفتقد عينى لقائه
تفتقد أذنى ندائه
يفتقد بيتنا خطواته
يفتقد قلبى حنانه
يفتقد عقلى حديثه
تفتقد روحى ابتسامته
أفتقدك أبى حقاً
وددت لو لبيت طلبك هذه المرة
وددت لو استطعت ان اوقف الزيارات فى فترة الامتحانات كما طلبت
وددت لو فعلت ذلك فعلا
ولكنى حقا لا استطيع
ميعادنا يوم السبت
حتى ولو لم أطيل
فقط لأراك
والى يوم السبت هذاكر ان شاء الله
أظن كده متفقين
--------------------------------------------------
تحديث
اثناء المذاكرة جاءتنى خاطرة فى صورة سؤال حيرنى..
لما تكون فى فنون
ليه يبقى فى مادة مقررة عليك
اسمها ادارة انتاج ودراسة جدوى!!!
ايه العلاقة
وعندما وجدتنى فاقدة للاجابة
انتبهت لشيئ هام
هوه ايه يعنى اللى حوالينا منطقى وله اجابة..
ولا ايييه؟؟!!
كــان الله لكِ
ReplyDeleteوجمع بينكما على خير في القريب العاجل
خالص دعائي
وذاكري كويس عشان زي مانتي فخورة بيه هو يفخر بيكي
:)
بعد اذنك يا سمسمة عايزة اتواصل معاكي
ReplyDeleteممكن؟؟
:)
السلام عليكم
ReplyDeleteشدى حيلك يا اسماء فى المذاكرة واوعى متروحيش يوم السبت و اكيد طبعا عمو مش هيزعل بس المهم تكونى ذاكرتى
ربنا معاكى إن شاء الله و يفتح عليكى فى المذاكرة و يرجعلك بابا بالسلامة إن شاء الله
حبيبتى جهاد
ReplyDeleteهذاكر ان شاء الله
على فكرة عدد استقبالى لكلمة ذاكرى كويس الايامدى عدا الالاف
خير..بس عارفة يا جهاد بجد فعلا نفسى ربنا ييرلى الخير فى الامتحانات عشان ابى وامى يتبسطوا
يلا ان شاء الله خير
ايوة طبعا ممكن ده ايميلى
mooah87@yahoo.com
ضيفينى عندك لو بتدخلى على الماسنجر
لو لأ
ابعتيلى ميل من عندك عشان اعرف ميلك
ايمان
ربنا يكرمك يا ايمانو
ويا رب اشوفك هناك ورنا كمان
متنسيناش فى الدعاء
ربنا معاك وغدا يعود الاحبة
ReplyDeleteليه كده يا أسماء
ReplyDeleteوعد الحر دين عليه
ايه التقل ده
ماتخلى خالتو شوية لازم يعنى تكبسى على نفسهم
احنا مش بنعمل زيك
احنا خفاف خفاف بنخلي ماما تروحوا لوحدها :p
وبعدين بعد شوية يلاقوا حد داخل لهم مننا
يارب يا عمو تفرح بمجية اسماء مش تزعل
( :Dيظهر ان عمو اتعدى من بابا )
وسلميليى على عمو وطنط
وربنا يوفقك ا نشاء الله فى الامتحانات
وادعى لنا معاكى
نيرة عصام
كان الله في عونكم ...
ReplyDeleteإذا كان هناك أخوة لا نطيق فراقهم ... فما بالكم بمن ربونا وفضلهم علينا كبير ...
حسبنا الله ونعم الوكيل في الظالمين ...
ربنا يارب يكرمك يا سمسمتي
ReplyDeleteويجمعكوا حالا علي خير
:)
:)
:)
سلاماتي
وحين يلف الشوق أرواحنا
ReplyDeleteوحين يلم الحب بقلوبنا
فنشتاق لآبائنا وإخواننا وأصحابنا
فتحجبهم عنا فئة طاغية ظالمة ..
وتزيد قسوتهم بقدر ما يزيد الحب في قلوبنا والشوق في جنباتنا ..
حينها ..
نتوسل لله ربنا ومولانا أن يكشف غمة ويزيح ظلمة ويرد علينا أحبة ..
اللهم يا قدير أنت القادر أنت تجمع بين أمتك وأبيها ولو اجتمع على فراقهم كل البشر فنسألك بقدرتك أن تلم شملهما وشمل كل محروم من أبيه ..
قولوا آمين
فقد قلت آمين
تحية
... مزاجات
يعني الحق عل الناس إنهم بيدرسوا ليكم انتاج وجدوى..عشان لا قدر الله
ReplyDeleteلا قدر الله
.....
وماجالكوش نفس تشتغلوا فنون ...تقوموا شغالين تجارة
..
أو مثلا عشان حضرتك لما تفتحي متحف
أو تفتحي هرم ..تعملي دراسة جدوى
بنت من الاخوان
ReplyDeleteأمين يا رب العالمين
واليوم ده جاى أكيييييد وقريبا ان شاء الله
نيرة
باه بعد مخالتو تفتكر انها الحمد لله خلصت منكم
تلاقيكم قدامها
ماشى يا ستى منكم نستفيد
على فكرة يا نيرة اسلوب الخطاب بينى وبينك هيتغير من انهارده
اصل فى حاجة حصلت
هبقى اقولهالك لما اشوفك
:)
:)
:)
حاجة جميييييييية
أخ شرقاوى
ReplyDeleteربونا وعلمونا واحتوونا حتى اصبحنا جزءا منهم وهم جزء منا
برنا يرزقنا جميعا برهم ويجمعنا بهم على الخير
أروى الطويل
ربنا يتقبل دعائك
يا رب تكونى بخير والمذاكرة ماشية تمام
والجزيرة توك تمام التمام
مزاجات
ReplyDeleteاللهم يا قدير أنت القادر أنت تجمع بين أمتك وأبيها ولو اجتمع على فراقهم كل البشر
كلمات رائعة اخى الكريم
كنت لسه بتكلم مع ابى فى الموضوع ده وان مفيش حاجة بعيدة وان فى لحظة ممكن كل شيئ يتغير حتى لو الكل شايف غير كده وحاول يمنعه..
أمييييييييين
أخ بلال
لما افتح متحف او لما افتح هرم
فكرة بردو
:)
هوه الموضوع مش فى المواد على اد مفى اسلوبها
يعنى واقعيا مبنستفدش منها حاجة
الشرح اى كلام
وطبعا المذاكرى اى كلام
ذاكر وامتحن واقلب
للأسف
أسمؤة
ReplyDeleteربنا يفك أسر عمو وبجمع شملكم و
ربنا يوفقك يا حبيبتى وتطلعى الأولى
ومعلش يا أسماء مش عارفة ايه فايدة التعليم من أساسه بهذا الشكل ال... معلهش يا أسماء أصل أنا لسه راجعه من الامتحان ومتضايقة
ربنا يوفقك ولا تنسينى من دعائك
بسم الله
ReplyDeleteاستعيني بالله وشدي حيلك
تحياتي
البحر
www.ana-elbahr.blogspot.com
سلام عليكم
ReplyDeleteانا اولا لم اكن اتوقع ان مدونتي هتشرف بزيارتك ابدا .
لما دخلت مدونتك عرفت اد ايه ان في هذا الكون احرار يرفضون الفساد .
عرفت اد ايه ان الواحد فينا لما يحس انه بطل ويرى الابطال يتصاغر امام نفسة .
تحية كبيرة لك ايتها الصابرة تحية لاهلك جميعاً تحية لوالدك العزيز فك الله أسرة .
وان شاء الله نحتفل قريباً جميعاً بخروجة هو واخوانه .
شكرا جزيلا لزيارتك
عم أحمد
خير اللهم اجعله خير
ReplyDeleteهيتغير ليه كفا الله الشر
ماشى يا ستى لما تشوفينى ابقى قوليلى
صحيح طمنينى
عمو فرح بزايرتك ولا ايه؟؟؟؟
ولا كان بيقولك جيتى ليه بس بالذوق يعنى
زى مثلا سيبتى مذاكرتك ليه يا أسماء الحاجات دى يعنى
اكيد هو ده اللى حصل
نيرة عصام
ربنا يفك أسر جميع إخواننا و ينتقم من الظالمين
ReplyDeleteقولوا آمين
لا لا ياسمسمة مافيناش من خلف الوعود ده
ReplyDeleteولا اقولك .. المرة دي بس سماح .. وابقي خلي عمو يدعيلي اوي معاكِ
هو انا مش تبعكم ولا ايه
وشدي حيلك ياقمر ربنا معاكِ
سناء
ReplyDeleteربنا يكرمك يا حبيبتى
الأولى..نبقى نتكلم فى الموضوع ده لما اشوفك يا استاذة
:)
أخى الكريم (البحر -علاء)0
جزاكم الله خيرا وربنا يتقبل دعاءكم
أخى الكريم أحمد رفعت
كلام حضرتك على اد مهو صادق ومعبر
على اد مهوه أكبر منى وأعظم بكثيييير
فكم من اناس لم يعتقلوا ولم يغيب عنهم احبابهم الا انهم يحملون قلبا نقيا ويبذلون ما فى وسعهم لاسعاد من حولهم وادخال السرور عليهم لينالوا بذلك مكانة عند خالقهم ربما يسعى الكثيرون لينالوها
نحسبكم جميعا كذلك ولا نزكى على الله أحدا
نيرة
ReplyDeleteهتعرفى هيتغير ليه والى ان اقابلك هيبقى
تشوييييييييييييق
طبعا اتبسط يا بنتى
وقاللى مكنتش فاكرك هتيجى بس اتبسطت لما جيتى
شايفة الكلام الجميل
:)
هوه بردو فى وسط الكلام
قاللى بس عاوزك تركزى
تفتكرى قصده ايه بابا؟؟
خلتينى اسيئ الظن
ربنا يسامحك
أسموءة
هقوله المرة الجاية ان شاء الله
عشان انا جيت خلاص
ايوة طبعا تبعنا
ومش تبع حد تانى
سامعة يا من تعرف نفسها؟؟
حبيبتي أسماء
ReplyDeleteأولا جزاكم الله خيرا على قبولك أخوتي
ثانيا.. موضوع الموااد اللي مالهاش علاقة بالكلية ده شيء طبيعي جدا
إنتي نسيتي إن احنا في مصر باين
ثالثا بقى أنا مررتلك تاج عندي في المدونة
تعالي خديه
خااااااااالص دعائي
سلام
السلام عليكم
ReplyDeleteازيك يا سمسمة ، وحشتيني جداااااااااا
جدا جدا ، وبجد كلماتك رااااائعه ،
ربنا يعزك يا حبيبتي ، ووالدك يرجع ان شاء الله بالسلامة ،
لكن هذا هو طريق اصحاب الدعوات ،
ربنا يجعلنا واياكم مثل ابيكي وربنا يعزه ويكرمك ويكرمه يااااااااارب
اما بقي انتاج وجدوي
لنـــــــــــــــا اللــــــــه
مش قادرة اقول غير كده
بس شدي حيلك وركزي في المسائل علشان عليها درجات اكبر وهي الاسهل ان شاء الله
هقولك زي ما عودتيني انتي
ههههههه
اختك الحبيبة
معلش يا سميمة
اسمحيلي هوقع كده بعد كده ، علشان بصراحة حسيت فيها باخوة ووق عالي جدا منك
اختك الحبيبة
تحياتي لمدونتك الرائعة
ReplyDeleteوبصراحة
النشيد في الخلفية
ادمع عيناي