اصدق كلمة وجدتها تتقال على جلسة انهارده هى اللخبطة
كل شيئ عكس حقيقته
ابى واخوانه مدنيين
يحاكموا امام محكمة عسكرية
وقضية النزاع بين المحاكم شغالة
لكن العسكرية شغالة هى كمان عادى
الجلسة المفروض علنية
ووسائل الاعلام تتمنع من الدخول هى
وممثلى منظمات حقوق الانسان
وبقية المدونين والحاضرين
طيب ملفقينلهم احراز
هى لا تخصهم
وفى منهم الحاجات بتاعته
بعد مخدوها مش لاقيها
طيب الدفاع بيطلب طلبات
والمحكمة قرارتها فى اتجاه واحد لانها اصلا مسرحية
كل اخ كان بيخرج من القفص لمشاهدة أحرازه كمتهم
وكنا بنسقف لكل واحد بيخرج تسقيف كتير كشريف
الاطفال كانوا فى محاكمة واباءهم فى الأقفاص
لكن كانوا متمساكين لانهم اصبحوا اقوى
الناس اللى حواليك لم تكن تعرفهم الا ببداية الاعتقال
لكنك تشعر انك وسط عائلتك الحقيقية
اباءنا بداخل الأقفاص العالية
روحهم اعلى منها بكتير وبسمتهم تعلو الوجوه
يمكن حاجات كتير بتشاور على ليل طويل
لكن الاكيد ان اللى شقته انهارده دليل على فجر قرييييب
--------------------
اسفة على التغطية السريعة لان اليوم كان طويل للغاية
وغدا يوم مزدحم ان شاء الله
لكن انتظروا قريييبا
" فى بيتنا مباحث "
حمدا لله علي السلامة يا أفندم ....
ReplyDeleteكنت معاكم ... وربنا يصبرهم ويصبركم ويثبتا جميعا ....
تحياتي ودعواتي
فعلا الفجر جاى وقرب خلاص
ReplyDeleteومن اللى شوفنا انهارده وحاجات تانيه كتير مش لازم نفقد الامل حتى لو الطريق طويل حتى لو الطريق شاق الا ان سلعه الله غاليه الا ان سلعه الله هى الجنه
عرفت اللى حصل فى المهزلة .. وعارفة حضرتك جه على وشى تعبير لو كنت خريج معهد تمثيل وكنت أحسن ممثل فى العالم ماكنتش هاطلعه ... ابتسمت ابتسامة واحد خلاص هايبكى..عارفة لما العين تتملى دموع وخلاص هاتنزل اهيه ...رحت مبتسم ابتسامة صفرااااااا...حبست الدموع....المهم نتطمن على استاذ ياسر عبده بكرة ان شاء الله يا ريت تكتبلنا اخبار صحته ايه
ReplyDeleteسمسمة حبيبتى
ReplyDeleteازيك يا قمر؟
ياابنتى ده شىء متوقع.. نزاهة نزاهة يعنى
الصبر جميل
ربنا يثبتكم ويقويكم وينفع بكم
ReplyDeleteأخ محمد السيد
ReplyDeleteأن الأوان
أخ محمد
كات
أخ فاروتا
جزاكم الله خيرا جميعا
واللى بيحصل مبشر فعلا
ربنا يثبتنا جميعا
ووسط هذا الكم الحاشد اللى جه حتى لو مش من الأسر مبقاش حد عارف مين من الأسر ومين لأ..الكل يحملون نفس المشاعر
ادامها الله علينا نعمة
-------
أن الأوان
مبروك المدونة يا انسة
:)
اللهم لك الحمد
ReplyDeleteتم الافراج عن احمد الجيزاوى الساعة 2.30
السلام عليكم
ReplyDeleteانا كنت هناك
وعاملونى زى ما عاملوا
وزير العدل الأمريكي الأسبق رمزي كلارك
We have spent a good moment in his blog congratulations
ReplyDeleteRegards from Catalonia Spain
ده عمل بسيط عما حدث فى المهزلة
ReplyDeletehttp://dl4.ohshare.com/v/6366532/1Movie.wmv.html
كان الله في عونكم، و فرج كربكم عما قريب.
ReplyDeleteدعاثنا المستمر لكم و أن يصبركم الله و يصبرنا أن نحتمل كل هذا الظلم الذي يقع علي الإصلاحيين و الشرفاء في مصر.
أتمني أن نكون أصدقاء و أخوات في الله.
فاطمة جمال عبدالسلام
صبركم الله ؛وصبرنا ؛
ReplyDeleteآواكم الله ؛ وآوانا ؛
أيدكم الله ؛ وأيدنا ؛
نصـــــــركم الله ؛
ونصرنا ....
السلام عليكم ورحمة الله وبركاته..،
ReplyDeleteبجد والله في اليوم ده حسيت إن الناس اللي جوا القفص أهلي أبويا وخالي وجدي وأخويا..
على قد ما كنت مكتئبة من الظلم اللي شوفتوا في أهلي الشرفاء المحبوسين على قد ما كانت روحانياتي عالية جدًا
لما شوفت المهندس خيرت وهو خارج وكله عزة ويقين بالله والحاج سعودي وهو بيهزر مع مالك وبيقوله متقطعش الجوابات.. ههههه روح جميلة متبقاش غير من إخوة في الله وحب ولقاء على طاعة الله..
وفرحت جدًا إني التقيت بأخوات حبتهم فعلا في الله.. بس للأسف في اليوم ده مكنتش مظبوطة وكان مودي كئيب بسبب الظلم
أتعرفت على الفجرية وحبيتك فعلا في الله
وأتعرفت على ناس كتير..
ربنا على الظالم والظلمة
لكم الله أيها الشرفاء
على فكرة أنا دخلت المحكمة على إني من الأسر
ReplyDeleteهههههههههههه
وكان أول مرة أدخل محكمة في حياااااتي
السلام عليكم، فرحت جدا بمدونتك وكلماتك التى تهز القلوب ففعلا انت بنت الاستاذ الذى طالما تعلمنا منه فانتم جميعا اهل الفضل انت على بناتى ( مريم ومروة ) والوالدة على زوجتى والاستاذ ياسر على وعلى يوسف . نسأل الله سبحانه ان يرده لنا سالما غانما
ReplyDeleteاللهم امين . م. فرج
حسبى الله ونعم الوكيل
ReplyDeleteدى مهزلة و مسرحية بتلعبها الحكومة
ولا الحاجات اللى وجدوها دى
يعنى مشافوهاش الا فى المحاكمة التالتة
عالم دماغها تعبانة
ربنا يصبركوا ويصبرهم و يصبرنا جميعا
السلام عليكم
هيجي يوم
ReplyDeleteوكل اللي اتلغبط يترتب
زي الليل ضلمة وتخبيط
وبعده يجي
وضوح
الفجرية
:)
---------
وحشتيني
امام الجيل
ReplyDeleteجزاكم الله خيرا على توصيل الخبر
والحمد لله..ربنا يثبتهم
أخ ياسر
على فكرة الكلمة دى كل مسأل حد ليه معرفتوش تدخلوا
يقولوا محنا زى وزير العدل الاسبق
يعنى اهوه الجلسة جت بفايدة
أنا برضك كنت هناك ..بس الصراحة مالحقوش يعاملوني زي وزير العدل..أنا جيت متأخر شوية
ReplyDelete..
ربنا يصبركم ..وياخدهم
أخ محمود
ReplyDeleteجزاكم الله خيرا كثيرا
شاهدته وهو رائع
على فكرة الحاجات دى بتوصل اكتر من الكلام بكتير
فاطمة جمال عبد السلام
دعاءكم يصل ونشعر به دوما
بس يا فاطمة طلب
نحتاج من حين لاخر وبالذات الفترة دى وما يحدث فى فلسطين لضيف من حماس يطمئنا عليهم وتتضاءل امام محنتهم ما نمر به ايا كان
يعنى دلوقتى احنا دعينا ود.جمال خرج الحمد لله
:)
احنا ناس بندعى من غير مقابل صحيح
لكن لو فى مقابل لا نرفضه
:)
يا ريت توصليله المطلب الشعبى ده
وانا ايضا اتمنى ذلك
حبيبتى أمل
ReplyDeleteآواكم الله ؛ وآوانا ؛
أميييين
جزاكى الله خيرا
فقاقيع
أحبك الله الذى أحببتنى فيه
وفعلا الروح بينهم كانت راااائعة
بصى فعلا ربنا سبحانه وتعالى لما بييسر لحد بيكون هو منبع السعادة فى اى مكان يحل فيه
وبحس كده فيهم
ربنا يباركلنا فيهم
المهم انت دلوقتى ايه الاخبار
لسه مش مظبوطة؟؟
اوعى يا بنت
انتى ادها وادود
وبعدين انتى مكنتيش داخلة على انك من الاسر
احنا حسينا اصلا ان كلنا اسر
ده بصدق مش كلام
جزاكى الله خيرا
واتمنى اشوك تانى
:)
م.فرج
ReplyDeleteسعدت بتعليق حضرتك
جزاكم الله خيرا
بل انتم أصحاب الفضل
ودعاءكم يصل لنا
ونشعر به
سلامى لخالتو ومريم ومروة ويوسف
أخ مؤمن
ReplyDeleteهيه فعلا مسرحية
بس موضوع الاحراز ده مسرحية لوحده
ربنا يتقبل دعاءكم
جهاد
وانتى كمان وحشتييينى
وكلامك الجميل انا موقنة به ان شاء الله
جزاكى الله خيرا
أخ بلال
هوه فعلا جم عند وقت معين
وعرفنا ان فى مجموعة كبيرة مازالت بالخارج وغير مسموح لها بالدخول
بس ان شاء الله لكم الأجر
السلام عليكم
ReplyDeleteما شاء الله مدونة جميلة جدا
بارك الله فيكي
فعلا هو كان يوم طويل جدا ومتعب جدا
لكن بإذن الله ايام الفرج قريبة
لا تيأسي
ولا نملك إلا ان نقول حسبي الله ونعم الوكيل
وياريت تشرفني بزيارتك مدونتي
لا تنسينا من دعائك
حمد الله على السلامة
ReplyDeleteما شاء الله بتعرفي تتكلمي :):):)
بس كلام استاذه حفصة النهارده هو اللي كان مش ممكن
انا بكتب التقرير حالا
سلااام
I'm sorry for your father really ..
ReplyDeletehe's not the only prisoner ... we're all are ... and we're about to get freed soon isa.
I saw from your profile that you're interested in graphics and art in general and thought to give you some sites that might be interesting for you ...
http://forums.cgsociety.org/forumdisplay.php?f=121
http://forums.cgsociety.org/forumdisplay.php?f=137
http://www.dylancolestudio.com/index2.html
http://www.dusso.com/
and many more.
انا كنت فى المؤتمر امبارح
ReplyDeleteو كان مؤتمر رائع باللى فيه
وكلمتك كانت جميلة
وسجلت كلمات الشيخ امين الديب
وان شاء الله ممكن انزلها على المدونة
إما صوتى أو كتابة
لا الحمد لله أنا دلوقتي أحسن
ReplyDeleteوانهاردة الأربعاء في ندوة د. طارق سويدان
في ساقية الصاوي ياريت أشوفكم هناك يااااااريت
والتفاصيل على مدونتي
وبردوا في قافلة للفلسطنين في معبر رفح
والتفاصيل بردوا على المدونة
ياريت تشاركوا
الناس دي في أمس الحاجة لينا
ياااه و بعد طول غياب و بعد طول انتظار .... ينفع إعلان تلفزيوني تعود إليك يا حبيبتي يا أسماء سلمى حلى عارفة إنك مش قادرة تمسكي نفسك من الفرحة لكن خليني ابدأ بقول الله تعالى " أخرجوهم من قريتكم إنهم أناس يتطهرون " سبحان قوم سيدنا لوط أرادوا إخرجه من القرية لمجرد أنه يتطهر يا شيخة دا كتر خير حكومتنا إنها مبتسبناش نتعذب بيد حد غريب هي بتطمن علينا بنفسها و سبحان الله هي هي الجريمة أننا نريد أن نتطهر من الباطل و نطهر الآخرين منه و البلد يلا . عموما شكلنا كده بنتكلم في السياسة و هنروح في س و ج
ReplyDeleteوبجد شفا الله و عافى عمو عصام الراجل ده أصله بحبه في الله جدا و عموما هو كان عمل معايا موقف معين أنا لن أستطيع مجازاته فتركت مجازاته خيرا عني عند الله
آخر حاجة بقأه كتير عاوزة أقولها لك و لا على رأيك يا شيخة خليني ساكتة
أكيد هتعرفيني
سلمى حلي
بالفعل يا اسماء الجلسه فعلا لخبطه
ReplyDeleteوتحليلك عجبنى فعلا بدون مبالغه
وبالفعل فان الاطفال قلوبهم قويت
يعنى اتذكر عندما كنت صغيره كنت عكسهم تمما ولرغم ان هذه الحبسه لها سلبيات ولكن لها ايجابيات واولها انى تعرفت عليكى وكانت اجمل صدفه لن استطيع ان انساها ثانيا تعرفت على اباء كثيرين اثروا فىبشكل كبير وانا اقول لكى يا اسماء امضى فى طريقك ودونى
وجزاك الله خيرا
اختك
نيره عصام عبد المحسن
فكرتيني بنفس المهزلة اللى حصلت ايام محاكمة ابي الله يرحمه ياسمسمة
ReplyDeleteحسبنا الله ونعم الوكيل .. بس شوفي ياسمسم
هتلاقي من قلب المحنة منحة ربنا عز وجل باعتها لكل اسر المعتقلين الشرفاء اللى غيبوهم خلف القضبان
ودولة الظلم لو قامت ساعة .. فدولة الحق الى قيام الساعة
شوفي بقى مين فيهم أكبر :)
كل التحية والحب كِ حبيبتي الغالية
سلامنا لخالتو امنية من غير غيرة انا بقول أهو:D
قد لا يفيد تعليقى
ReplyDeleteو لكن
صبرا فإن بعد العسر يسرا
سمسمة انا عايزاكى .. خدى ايميلى من عندى وضفينى ..
ReplyDeleteألف مبروك يا مس أسماء
ReplyDeleteبجد الف ألف ألف مبروك
يارب كده على طول
و ان شاء الله فرحتنا الكبيرة بفرج اخواننا تكون قريب اوي
http://el-nay.blogspot.com/2007/07/blog-post_19.html#links
ReplyDeleteتقبل الله الجهد و العمل و الصبر
ReplyDeleteفقط أعقب بقول الله تعالى
ReplyDeleteإن الله لا يصلح عمل المفسدين
قريبا نرى انوار الفجر أختي
الله وعدنا هذا
وسبحانه لا يخلف وعده
صبر جميل والله المستعان
... مزاجات
اعتذر عن التحليق خارج السرب
ReplyDeleteلكنني أريد رأيكم للأهمية في آخر موضوع لي
بعنوان
شكــر وإعتــذار
تحياتي
أعزكم الله
ReplyDeleteوزادكم صبرا على صبر
والليل إذا اشتد ظلمته نقول الفجر لاح
تحياتى
اخ هانى
ReplyDeleteجزاكم الله خيرا
وان شاء الله هزور المدونة
أخ عبدالرحمن
كلمة حفصة فعلا كانت رائعة
ومؤثرة جداا
ربنا يكرمها
أ.سامر
جزاكم الله خيرا جداعلى المواقع
أخ ياسر
ياريت تنزلها فيديو مش كتابة
لان الشيخ امين الديب له اسلوب
القاء مميز
فقاقيع كلام
ReplyDeleteجزاكى الله خيرا
ومعرفتش اجى
بس هتابع عندك
لو فى فاعليات تانية
بس اباى وافينا بالاخبار
حلوة وافينا دى
:)
سلماية
انتى بتقولى فيها
ايوة بجد فرحانة جدا
مش عشان التعليق
لكن عشان اطمنت انك لازلتى على قيد الحياة
سلمى
يا انا يا الموبايل فى حياتك
اختارى
فعلا بشع
:(
المهم تفتكرى واحدة صاحبتنا كده
اول يوم كلية قبل متقول حتى سلام عليكم
داخلة علينا بتقول
انا من طرف د.عصام حشيش
فاكراها ولا ايييه
:)
ادعيلى اوصلك
نيرة
ReplyDeleteبس ايه الكلام الحلو ده
مش واخدة على كده
:)
وانتو كمان يا نيرة كنتم من اكبر رحمات الله فى هذه الايام
ربنا يباركلكم ويكرمكم
حاضر..همضى ان شاء الله
:)
أسموءة
ازيك يا سمسمة
وحشانى جدا
مهى نفس المسرحية بتكرر تانى
اما بالنسبة لماما
فمتخفيش
سلمى براحتك
انا وماما فى المواضيع دى
عندنا سلام داخلى
:)
جمعاوى
ReplyDeleteابو مفراح
مزاجات
جازكم الله خيرا على مروركم وتعليقكم
كات حبيبتى
ضيفتك خلاص
أخ عبد الرحمن
الله يبارك فيك
ان شاء الله نفرح بخروجهم قريبا
اميين
سارة بندارى
جازكى الله خيرا
ومبروك المدونة
أختى الفجرية
ReplyDeleteلما اشتد على أيوب المرض قال الله له اركض فزال الألم و
ولما اشتد على موسى من فرعون الظلم قال له ربه اضرب فكان له النجاة ولفرعون الغرق
ولما مل نوح من اسلام قومه قال له ربه للفلك اصنع فكان له النجاة ومن خالفه هلك وكذلك سنة الله ولن تجد لسنةالله تبديلا
وما لنا سوى طرق أبواب السماء والصبر والدعاء واليقين بنصر
وأقسم بالله أنى أباكى إلى الخير سائر وإليكم عائد
وإن أحزان اليوم ذكريات الغد
دمت بالخير أختى
اللهم ائذن بزوال حكم الظالمين
ReplyDeleteجزاكم الله خيرا وجعله فى ميزان حسناتك
الف مبروك على النجاح
ReplyDeleteويارب دايما كده
ويارب يرد كل الغائبين
جزاكم الله خيرا على التغطية لليوم
ReplyDeleteانا كان نفسى اروح بس الظروف منعتنى
يلا الحمد
و ان شاء ربنا ينصرنا و يظهر الحق و يفك اسر اباءنا و استاذنا قريبا
و المدونة جميلة اول مرة ادخل عليها
و صراحة انا شفت عمو ياسر مرة واحدة بس
و كان حتى فى فرح و كنت سعيد جدا انى شفته و سلمت عليه و استقبلنى و استقبل الجميع ببسمة جميلة و هدوء
يارب فك اسره و اسر اخوانه و اجمعنا بهم فى جنة عرضها السموات و الارض
و سلامنا لخالتو
احمد سنوسى
حبيبتى اسماء فعلا مدونة رائعة بارك الله فيكى يا حبيبتى صدقينى انا حسة فعلا ان الظلم لن يدوم طويلا وان الفجر نوره سيضىء قريبافصبرا على الالام الدنيا واتمنى من الله ان يفك اسرى جميع اخوانا قريبا باذن الله بس لازم لما عمو يخرج تعملنا مقابلة معاه . ماشى اوعى تنسى
ReplyDelete