معلش العنوان طويل أوى
بس التدوينة دى ممكن تقولوا عليها من تداعيات العيد
وزيارة العيد و هدايا العيد وحلويات العيد بردو
هيه هتكون صور وفيديو هحاول بنشرها هنا انى اقول جزاكم الله خيرا وشكرا جداا للناس التى ساهمت فى ان اشعر بالعيد وبهجته
الحمد لله أولا
وبعدين شوفوا معايا الصور دى
هيه مش كل الحاجات
لكن من اكتر الحاجات اللى اثرت فيه
دول من أبى
بومبونى من طره وبلونة من طره بردو
جزاك الله خيرا يا أبى
----------
دى بأه من طره بردو بس مش من أبى بالذات
من الناس كلها
بلونة بردو بس لسه متنفختش
أما دى بأه
فدى من هدايا العيد المميزة أوى
وبحبها جداا
انا اصلا مليش فى الحاجات المسكرة أوى لكن دى
بحسها من زمان ملهمة
:)
الشوكولاتة اللى بتجيبهالى خالتو بحبها جدا..بقولها ادام الناس كلهم من مشارق الارض لمغاربها
جزاااااكى الله خيرااا يا خالتو
وكنت ناوية ادى لأن الأوان منها بس هيه اللى مشيت بأه
مش انا اللى غلطانة
:)
اخر حاجة بأه
اصدقائى الصدوقيييين..ومتحملى افكارى
ومن امامهم تتضاءل الاحزان لغاية متبقى حاجة صغيرة خااالص ملهاش حجم
رقية_روكة_..رفيدة
كنت ناوية مع نفسى يبقى ليهم تدوينة مخصوص
لكن قلت لازم لغاية ماكتبها ان شاء الله اقولهم جزاكم الله خيراعلى حاجات كتير جميلة عرفتها معاكم
وحاجات تانية أجمل اتعلمتها منكم
من اول اننا نحاول دايما نفضل قادرين على الدهشة والاستكشاف والاستمتاع ولو حصل ايييه
ولغاية ترتيب الأولويات اللى بترتبوهالى بفطرة وبساطة طفولية تامة من غير كلام كتير لما بتلاقونى ورايا حاجات كتير وماشية معاكم متلخبطة
يمكن يكون كلامى ده كبير عليكم شوية او مش هتفهموه ..مش مشكلة
لكن اللى انتو مش فاهمينه ده هوه اللى بتعملوه معايا بحرفنة شديدة وفطرة رقيقة
فجزاكم الله خيرا
ودى الهدية اللى غنوهالنا انا وأن الأوان فى العيد
هيه رفيدة واخدة فيها دور البطولة مش عشان رقية مبتعرفش تقولها
لأه
لكن عشان رقية مؤمنة بتداول الفرص
احسن من ناس كتيييييربقالها كتييييير
:)
شوفوا خروفى..خروفى
عيد سعيد عليكم جميعا يارب
ReplyDeleteوكل عام وأنتي إلى الله أقرب وعلى طاعته أدوم
ومش هاقول السنة الجاية يكون الوالد معاكم
لكن يارب يخرجوا كلهم قريبا ان شاء الله
حاجات جميلة وهدايا راقية جدا
ربنا معاهم في سجنهم
ومعانا احنا كمان
دمت بخير
لو كنت قولتيلى انك هادينى منها كنت استنيت عموما انا موجوده خاليلى نصيبى و انا هاجى و اخده
ReplyDeleteاما عن رقيه _ روكة_ و رفيده فدول حكايه عاوزين تدوينه لوحدهم ربنا يحفظهم
كل عام وأنتم بخير
ReplyDeleteوتقبل الله منا ومنكم
بارك الله في والدك وفيك وجزاه خيرا
بارك الله في أخواتك وحفظهن من السوء
جمييييلة الشيكولاتة .. بالهناء والشفاء
:)
لن أنسى لكى هذا الموقف يا أسماء
ReplyDeleteأبقى معاكى فى نفس الغرفة
ومتجبليش شوكولالالالالالالالالا
بهزززززززززززر
مستنية أعرف رقية وروكة وروفيدة
إنتى بقيتى بتنافسى التوأمان فى البلالين على فكرة وده خطر على مستقبلك
فاهمانى يا سمسم
يالا سلالالالالالام
أول التعليق
ReplyDeleteالصور ديه إحترافية وحلوة قوى
والفيديو الجميل ده
وكل سنة وأشراف طرة بخير
وبره طره إن شاء الله
تقبل الله منك ومنهم ، العيد القادم فى احضان اسرهم بإذن الله
ReplyDeleteمقلتلهمش ليه على العيدية الى ادتهالك :D
ReplyDeleteصاحب المضيفة
ReplyDeleteجزاكم الله خيرا
ربنا يقدرلهم الخير
ربنا يعين الجميييع جوه وبره
---------
ان الاوان
هوه انتى بتسيبى حاجة غير لما تخدى منها
:)
يا شيخة وسعى كده
ده هيه دى الوحيدة اللى عدت منك
---------
وضاح
جزاكم الله خيرا
وتقبل الله دعاءك
وفعلا ربنا يباركلنا فيهم ويحفظهم
فزلوكة
ReplyDeleteاولا انا مجبتهاش معايا الزيارة
عارفاكو يا حبيبتى
مكنتش هرجع بيها
:p
اما عن التوامان اللى عندك
فمش بنافس حد حرام عليكى
ده هما بالونتين
الناس دى زعلها وحش
:D
----------
محمود سعيد
احترافية مرة واحدة
ربنا يكرمك
وان شاء الله العيد الجاى يبقوا بره
بس ميبقاش فى حد جوه
تبقى فرجت بـأه
:)
------------
Mohamed A. Ghaffar
اميين
تقبل الله دعاءك
----------
اسماء العريان
عيدية ايه يا شيخة
ده انا مكسوفالك
:)
اذا كان اصدك على عيدية العيد اللى فات
فعيب أوى يعنى تخليها للعيد ده كمان
اما اذا كان اصدك انك بعتيلى حاجة على الكائن المسمى الفيس بوك
اللى انا وهو لسه مش عارفين نتصاحب
ومش بحبه
فيبقى مشفتهاش لأنى مش بدخل
ومخدتش منك لا ابيض ولا اسود
:0
ذااااكرى يا حبيبتى
عشان تبقى بنت كويسة
:p:p:p
كل عام وانت بخير..
ReplyDeleteوشكرا على قراءتك للديوان وتعليقك الذى وقف بى بين الفرحةوالشجن..
بارك الله فيك و رد إليك أباك سالما..
وإنا لمنتظرون
كل سنة وانتي طيبة ياسمسمة
ReplyDeleteكل عام وانتِ بألف ألف خير
والعيد الجاى على عرفات
وانا معاكِ :)
دمتِ بألف خير وبود وحب :)
وكل سنة وخالتو حبيبتي وعمو بألف خير
كل سنه وانتى طيبه يا اسماء
ReplyDeleteوانا مش مصدقه باللونتى طالعه على النت
للدرجادى هى مشهوره
انا قلت اسماء مش هتحتفظ بالباللونه
اختك
نيره عصام عبد المحسن
عسكريه 2
طلال فيصل
ReplyDeleteعفوا
وتقبل الله دعاءك
وبالتوفيق فيما هو قادم ان شاء الله
----------
سممسية
ازيك يا بنتى وحشاانى
دى تبقى جمييلة اوى يا اسماء لو رحنا مع بعض
لسه فى الزيارة انهارده عمالين نعمل فى خطة ان لما بابا يخرج ان شاء الله نطلع حج
وأعدين نرتب
يعنى
كان ناقص اروح احجزو بس
:1
هسلملك عليهم ان شاء الله
----------
نيرة_نونى_
والله افتقدتك انهارده يا شيخة
طبعا بالونتك تنزل صورتها
هوه انتى اى حد يا نيرة
يعنى اى حاجة تتخيلى انى مش هحتفظة بيها
غالبا يعنى هتلاقينى محتفظة بيها
:1
وبعدين انا برد عليكى ليه اصلا
مش انتى عندك امتحان بكره
روحى ذاكرى يا جميلة
ايه اللى جايبك هنا
:p:p:p
يوما سيعود الغائب
ReplyDeleteيوما ما