كل يوم
وتجربة بعد أخرى
وفى لحظة صدق
غير تلك التى نقنع أنفسنا فيها
أن المشكلة غالبا ما تكمن فى الأخرين
أتذكر تلك الكلمة مما قيل فى الأثر
طوبى لمن شغلته عيوبه عن عيوب الناس
هى كلمة
صعبة التحقيق
ولكن تخيلوا حياة صاحبها
هى الأجمل على الاطلاق
من هم مثله
هم النقاء
هم الرحمة
هم الصلة
أووووووووووووووووول كومينت
ReplyDeleteحياة طيبة
ومش بس كدا
هدوء نفسى غير طبيعى ورضا بكل تفصيلات حياتك
المشكلة فى تحميل الآخرين أخطاءنا أننا نعطيهم فرصة التحكم
وبالتالى لانعيش مسؤلية إتخاذ القرار
ولا تحمل نتائجه
أن نكون الحلول
راااااااااااااااائعة
وحشتينى جدا جدا جدا والله
يا سلام.. بمنتهى البساطة
ReplyDeleteصح و الله يا اسماء
كانت كلمة جميلة سمعتها معرفش عرفها و لا لأ
لنكن نحن التغيير الذي نريد ان نراه
فعلا اذا انشغل كل منا بإصلاح عيوب نفسه والإرتقاء بها سيكون للحياة طعم آخر حياة طيبة
ReplyDeleteلكن ممكن يكون محتاج مساعدة فلا مانع من ان يساعده احبابه
تقبلى سلامى لك وتحياتى ودعواتى
سلمي لى على فزلوكة هانم
وربنا يعينكم فى مذاكرتكم
This comment has been removed by the author.
ReplyDeleteصدقت في طرحك .. ولكن صبرا فلعل ما هو آت أفضل
ReplyDeleteلو اتبع كل واحد لمنهج الرباني لكان أفضل .. قال تعالى : أتامرون الناس بالبر وتنسون أنفسكم وأنتم تتلون الكتاب أفلا تعقلــون
السلام عليكم ورحمة الله
ReplyDeleteجزاكم الله خيرا على الموضوع وعلى الطرح
وتقبلوا مرورى
طالب بيذاكر
ياه يا أسماء
ReplyDeleteعارفة ... من كام يوم كنت باتكلم مع حد ظروفنا متشابهة بشكل كبير من حيث مشكلة معينة واقعين فيها ...
كل الكلام كان إن المجتمع بيسبب كذا ... الناس كانوا عايزين كذا ... اضطرينا نعمل كذا غصب عننا
امبارح قعدت مع نفسي شوية ... لقيتني عايزة اتصل بيها تاني و اقولها لأ على فكرة ... احنا غلط ...
اللي عايز يعمل حاجة بيعملها ... أياً كانت الظروف حواليه ....
خلينا نعترف إن احنا اللي غلطانين و ضعفاء و مش بالقوة إننا ننفذ اللي احنا مقتنعين انه صح ... او يمكن احنا مش مقتنعين بالقوة الكافية انه صح ... و في كلتا الحالتين مانلومش حد غير نفسنا !!!
بس رغم كل ده ... طنشت الخواطر دي كلها و ماكلمتهاش : D
بس لقيت كلامك النهاردة بيخبط في نفس الحتة ...
اللي عايز يعيش حياة حلوة ... هيخلي الجمال يطلع من جواه يظهر على كل اللي حواليه ... مش العكس
زهراء اللى بتتفزلك
ReplyDeleteكويس انك اوووووول كومينت
ولو انه بينى وبينك يعنى
اسمه تعليق
:D
بس يلا هما بتوع الاعلام كده
هنعمل ايييه
!!!
تعليقك اضافلى حاجة مكنتش فى دماغى وانا بكتب
فكرة اننا وقت بنحمل الاخرين الخطأ
كأننا بنقول ان التغيير مفتاحه عندهم
وبالتالى ليس لنا سوى الانتظار
فزى مقلتى لا نعيش مسؤلية اتخاذ القرار
صح كلامك
وانتى كمان يا زهروءة
:)
------
سلماية
لنكن نحن التغيير الذي نريد ان نراه
لا مكنتش اعرفها
وعجبتنى جداا
اصلا المعنى ده مسيطر عليه الايامدى
اصل هوه الحل
لو كل حد استنى الظروف
وتغير البنى ادمين
غالبا يعنى هيفضل منتظر طول عمره
والاكتر من كده
ان البيئة اللى بتشجع على الابداع او الانتاج فى اى مجال بأت قليلة جداا
وبالتالى فالفرصة الايامدى للجادين
انهم يصنعوها ولا ينتظروها
يصنعوها لهم ولغيرهم
بس يبقوا فاهمين ومخلصين وجادين
الفهم والاخلاص والجدية والصبر دول طلعوا حكاااية
كل كلمة فيهم خمس ست حروف بس يبنوا أمة بجد
ربنا يوعدنا يا بنتى
:)
د.أميمة
ReplyDeleteاو خالتو أميمة
اولا..سعيدة بزيارة حضرتك للمدونة
ثانيا
حضرتك قلتى
لكن ممكن يكون محتاج مساعدة فلا مانع من ان يساعده احبابه
ده غالبا بيكون كده
الواحد فى الوقت ده بيكون محتاج اشد الاحتياج لمن يرشده ويساعدهويحبه بصدق..لان التغيير فى النقطة دى بمثابة تغيير لنظام الحياة نفسه ونظرتنا لها
فبعد مكنت شايف نفسى مجرد رد فعل لناس بتصرفاتها وافكارها
بحاول اكون جزء من الفعل نفسه
باصلاح نفسى اللى اكيد مليانة عيوب
ومحاولة استيعاب ما حولى
الموضوع ده محتاج صدق واخلاص واخوة عاليةاوى يا خالتو
بس اذا تحقق
اظنها بتبقى نقلة فى حياة الانسان
بتكون حياة طيبة بجد
هوصل السلام وهى هتشوفه كمان ان شاء الله
------
وضاح
أتامرون الناس بالبر وتنسون أنفسكم وأنتم تتلون الكتاب أفلا تعقلون
جزاكم الله خيرا على ذكر الاية
وكما قلت لو اتبعنا المنهج الربانى لكان افضل للجميع فى اى ظرف وفى اى زمن وفى اى مكان
معاذ فتحى..فارس الأزهر
ReplyDeleteواياكم والمسلمين
وفقكم الله
-----
جنين
ازيك يا بنتى
بقالى كتير مشفتكيش هنا ولا انا جيت عندك كمان
بس رحت من شوية
ولقيتك محتاسة فى الكلية
ربنا يعينك ان شاء الله
وقريت بتاعت البانوراما
كلماتها جميلة اوى
نيجى بأه لتعليقك
بصى عشان منبقاش بنبحث عن المثالية بردو
فالطبيعى ان الواحد وهو لسه فى اول سكة التغيير دى
بييجى عند اى موقف صعب
او ظروف مدايقانا او اى حاجة
وبنرجعها للوهلة الاولى للناس بردو وتصؤفاتهم واللى بيعملوه
الهم بس اننا نعمل زى معملتى ونفكر تانى بعد شوية
هنلاقى غالبا ان احنا كنا غلطانين وان لينا دور فى اللى بيحصل ده
بتقولى
خلينا نعترف إن احنا اللي غلطانين و ضعفاء و مش بالقوة إننا ننفذ اللي احنا مقتنعين انه صح ... او يمكن احنا مش مقتنعين بالقوة الكافية انه صح ... و في كلتا الحالتين مانلومش حد غير نفسنا !!!
معاكى فى كلامك
بس بأكد انى مقصدش معنى المواجهة العنيفة مع الواقع والناس اللى حواليه
مش قصدى عنف ضرب يعنى
:D
اقصد عنف وعدم تدرج فى عرض ما اريده او اؤمن به
ربنا يكرمك يا مى
ويعينك
انتى وصاحبتك
:)
دعواتك
سلام
معك الكثير من الحق وإن ما كنش فيه مانع من اني أنظر لعيوب الآخرين ومحاولة مساعدتهم على التخلص منها وإلا فأين حق الأخ على أخيه؟ ولا إيه
ReplyDeleteالسلام عليكم
ReplyDeleteتحياتى على عمق الفكرة وقصر الكلام
جزاكى الله خيرا
وكم نتمنى هذه الحياة
كان فى مقولة بتقول " نحن نعيب على الأخرين انهم يرتكبون نفس اخطأنا"م
ReplyDeleteشمس بكره
ReplyDeleteخالتو منى
:D
ده باه لقبك من ساعة مبأيتى خالتو
كلامك صح جداا ومتفقة معاك فيه
ومساعدة حد انه يشوف عيب معين عنده ويحاول يتخلص منه ده من اجمل واهم حقوق الاخوة.
لكن ما قصدته هو ان احيانا عينى تتسع لرؤية عيوب الاخرين ويبقى عندى دايما نظرة انتقادية للتصرفات
ونفس العين دى بتضيق أدام عيوبى الشخصية اللى اكيد موجودة
يعنى دايما بشوف المشكلة عند الناس وانشغل بده وانسى نفسى او حتى محاولش اساعد حد انه يغير حاجة
مبكنش حل بكون المشكلة
ربنا يباركلك يا منى
بتبسط انك بتيجى هنا
ده بيعوض شوية تباعد لقاءتنا
ولو انه مبيعوضش اوى يعنى
اتمنى اشوفك قريبا
:)
دعواتك
--------
عمر المصرى
واياكم والمسلمين
ربنا ينعم علينا جميعا بهذه الحياة وهذا القلب
--------
أن الأوان
جميلة الجملة
مكنتش اعرفها قبل كده
وتخيلى فعلا افتكرت حاجة ممكن اكون فكرت فيها كده
عموما منورة يا ستى
بس ذاااكرى
:P
اه صحيح
احتمال انزل حاجة رسوم هنا
عشان تقولى رايك بصراحة
ومش وجها لوجه
:D