Sunday, January 28, 2007

لأنى على يديه عرفت حبيبتى

الكلية دى بجد مش ممكن الواحد مش عارف حياته كانت هتبقى عاملة ازاى لو مدخلهاش بحب فيها كل المناطق.

والأركان والجناين( ده على أساس انها واسعة يعنى ) وقبل ده كله النــــاس ..الناس عندنا فى الكلية عموماً لهم روح تخصهم والأخوات خصوصاً لا أستطيع ان أنسى أى جزء منها ففى كل مكان اكتسبت شيئ جديد واتربت فيه حاجة مختلفة .. ولكل الناس دى والقلوب التى أحضنتنا وعرفنا معها معانى جديدة للاخوة والتضحية وجعلهم الله سبباً فى تغلغل هذه الدعوة فى أعماقنا ..لكل هؤلاء

جزاكم الله عنا خيراً

و فعلا الكلية غيرت فيه كتير لكن حولى ناس تانية كانت الجامعة هى نقطة التحول فى حياتهم واهدافهم وافكارهم وتغيرت توجهاتهم بشكل كلى ..عرفوا اشياء لم يعرفوها من قبل وذاقوا لذة أن تعيش الحياة وتخطو الخطوات وتجتهد لتصلح نفسك ومن حولك فالمهم لما بفكر فى كل ده جاءت هذه القصة القصيرة أو الخواطر مش عارفة يتقال عليها ايه لإنسان تسير أمامه الذكريات عن ماضيه وتغيره واخوة فى الله جعلهم الله سبباً فى حياة جديدة له وسبباً فى أن يعرف حبيبته بعد طول غياب..

**لأنى على يديه عرفت حبيبتى**



يسألون كيف؟ كيف أحبه كل هذا الحب؟
كيف يسكن هذه الربوة العالية فى قلبى..محاطاً بسماءٍِ نجومها ذكريات لا تنسى..مطلاً على بحيرةٍ قطراتها أرى فيها بوضوح كل ايامنا معاً..
كل اللحظات..كل المواقف..كل الخطوات..
كل دقات ساعات الجامعة..
حين رأيته أول مرة..
أجيب عليهم إنه اخى أفلا أحبه؟؟
لأجد الاجابة تحتوى سؤالهم وتصل لقلوبهم وتكفى لرد باب الحيرة والفكر.. ولكن حقيقةً ً .. واذا تعمقت فى اتجاهات عقلى وطفت بأركان قلبى .. فدائماً أجد اجابة أعمق تتلمس طريقها لتنير ظلال أيام ٍ سُجلت بداخلى..
و أجد السبب ويرقى فى خيالى الموقف والذكرى حتى أراه رأيى العين.. وأعلن على مسامع الجميع أن الذى تسألون عنه له الحق فى الذكرى ..
له الحق فى دعوات السحر..
له الحق فى كل ذلك..فقد كان سبباً فى تبدل الحياة.. فى أن أرمق الماضى بنظرةٍ ثابتة وأعلن عن بدأ كل جديدٍ فى حياتى..كل ذلك وكثير غيره تبدل فى حياتى منذ جعله الله سبباً فى لقاء حبيبتى..

سبباً فى اول كلمة .. فى أول نبضة قلب.. فى اول عهدٍ بيننا أن لا نفترق.. سبباً فى أن يكون لكل لحن ٍ ذكرى فى قلبى..ذكرى تربطنى بحبيبتى.. فى أن ألقاها فى وقت ما أكثر فيه احتياجى إليها..
ألقى حبيبة من نوع ٍ جديد..حبيبة تستمر حياتى بحياتها و وأموت مبتسماً ان عاشت هى ..

تملأ عليك حياتك..ربما يعتقد البعض أنها من تحتاج إليك ولكن حقيقة الأمر أنك انت من ستفقد طعم الحياة ان غابت هى لحظة ً عنها...
معطاءة لدرجة تفقدك القدرة على ادراج اسمك وسط صفوف المعطاءين حتى و ان جدت بما لديك كله..
حبيبة لا تغار عليها بل تتمنى لو يحبها الجميع ليجدوا فى قلوبهم ما وجدت أنت فى حبها.. أصبح لكل شيئ ٍ معنى..
أعدك يا أخى أن أظل على الوفاء وأن تظل حبيبتى حبيبتى وان تجدنى دوماً رهن النداء متى أرادت.. أما أنت فلك منى دقات قلب ٍلا ينساك أبداً ..و دعوات صادقة من نفس تهفو لرؤياك وان مر على لقانا أمداً بعيدا..
فعلى يديك عرفتها.. وعرفت تفسى..على يديك عرفت حبيبتى ..
دعوتى

8 comments:

أختك said...

أختى الحبيبة بارك الله فيك وسددخطاك وجعل هذه المدونةالرائعة فى ميزان حسناتك ودعوتناهى روحنا التى تخفف عنا الام الحياةوهى الماء التى تروينا عند العطش ثبتنا الله واياكم عليها وتقبل الله منا ومنكم

صوت عصفورة said...

حبيبتي.... مبروك على المدونة يا جميل ..
ربنا يباركلك ... و يثبتك ...
حبيبتي....اوعي تنسي تجددي النية مع كل كلمة بتكتبيها في المدونة دي..

على فكرة...التدوينة دي حلوة اوي...عشان دعوتنا دي حلوة اوي...

AbdElRaHmaN AyYaSh said...

:) مشاعر راقية
وبالفعل المدونة لو تابعتيها ستظهر وتنتشر بأسرع مما تتوقعين
فالان واضح جدا ان الناس تبحث عمن يمثل الاخوان .. خصوصا فتيات الاخوان
وأنتم تمثلون ذلك الركن
بوركتم
وللأمام دوما
عبدالرحمن

elfagreya said...

ربنا يباركلكم بجد وجزاكم الله خيرا كثيرا..اديتونى دفعة قوية وان شاء الله
تبقى أفضل

على فكرة مدوناتكم رائعة

واحدة من الاخوان بتحب البلد دي said...

بالنسبة للكلية ...معلش يا بنتي مفيش حاجة بتيجي بالساهل ..انتي بس شدي حيلك ( بس اوعي يتقطع من كتر الشد)...اعملي اللي عليكي واتوكلي علي ربنا وكله بيعدي متقلقيش

اما بالنسبة للمدونة...مبروك اضافة مدونة لمدونات الاخوات علي النت
..
انتي ركزي فيها شوية ..تابعيهاوابداي انشريها حتلاقي الامور ماشية

اما بقي موضوعك(لاني علي يديه عرفت حبيبتي)!!؟
معلش بقي حاوجه نداء زيك (محدش احسن من حد)

الي امي ...ابي ...اهلي
لاني علي يديكم عرفت حبيبتي الكبري..دعوتي
جزاكم الله عني خير الجزاء

elfagreya said...

هيه بصراحة الكلية مظلومة معايا بأجل الحاجات لاخر فرصة وبعدين ميكنش فى وقت فاشتغل بقوة 24 ساعة فى اليوم فطبعا بتبقى حاجة تشوش على التفكير ويتوقف المخ عن أى حاجة حلوة بيعملها

المفروض النداءات دى بفلوس على فكرة..

SALMA ABD EL_ HADY said...

بصراحة يا أسماء مكنتش عارفة اكتب الكلام اللي جاي فين ، حتى وجدت الشئ المشترك بيننا و الذي جمعني بك أنا من شارع حسن رضوان بطنطا ، و أنت من حسن محمد الهرم
و الشعر إن يصدر عن القلب الكليم
إلى القلوب نفاذة متعمق
حبات قلبي قد نظمن قصائدا
أما المداد فترف جرح دافق
لا غرو إن جرت الدموع جداولا
و أنا أضمك و الحشاشة تحرق
أكيد هتعرفيني
(سلمى حلي )

Anonymous said...

أختى الحبيبة أسماء بارك الله فيك مدونتك جميلة وصادقةأعنك الله على الإستمراروالمواصلة
أما تدوينتك لأنى على يديه عرفت حبيبتى فهى حقاراااااائعةواسمحيلى أن أهديها إلى من على يديه عرفت حبيبتى
إلى.......أبى الحبيييييييب
دعاء محمدكمال