يا أهلنا في غزة .. نحن معكم

Friday, February 16, 2007

حكاية الحياة



كل ظلم وله نهاية
كل فجر وله بداية
بس علشان فجر يطلع
كل نور الشمس دوت مش كفاية
مش كفاية نقول كلام
مش كفاية عيوننا تحلم إننا
وفى لحظة واحدة فى الأمام
مش كفاية ماتش كورة
يخص بلدى
وجون يخدر جوه فى الإنسان ألام
مش كفاية دعوة حلوة
طالعة من القلب الحزين
قلب طيب
بس دايماً مستكين
مش كفاية ارفض الكذب فى مكانى
بس لو كدب اللي فوقى
أقول تمام
مش كفاية
كل دوت مش كفاية
الكفاية واللى نضربله صحيح تعظيم سلام
هما ناس قالوا فى حياتنا القيود ملهاش مكان
ليه رب خلقنى حى
خلقنى انسان
ليه حرية ومقام
قرروا يواجهوا اللى فاكر
إنه قادر
مش عشان كره وخلاف
لكن عشان احنا لينا
رب واحد
منه بس صحيح نخاف
أما لو غيره أراد
اننا نكون له عبيد
ردنا واحد اكيد
نعيش كرام...نموت كرام

ناس غايتها ربها
واللى غايته ربه ده بتهون عليه كل الألام
حتى لو كان جوه سجنه
حلمه طاير فى الجناين
ويا أسراب الحمام
عارف الناس دى يا صاحبى
عايشة فينا
حتى لو سكت الكلام
عايشة بمبادئ جمعتهم
باختلاف جو الزمان أو فى المكان
أما غيرهم راح يموت
حتى لو سمٌعنا صوت
أصدى ع الموتة القوية
موت فى القلوب
مش فى الدفاتر
يعنى عايش وسطنا
ولا حد فاكر

وحياتنا مليانة اختيار
الكل ممكن تقدمله استمارة انضمام
كل الفرق سهل الموصول ليها بسرعة
وفى دقايق
كل ده غير المزايا
والهدايا
وشوف تبيع نفسك بكام ؟؟
أما اذا اخترت الكرامة
يبقى لازم تدفع انته
مش فلوس لكن مواقف
اسمح لصوتك ينتفض من وسط صمتك
يعلا..يثور
اصبر على شوك الطريق
هيخرج الورد الحبيس من أرض عطشانة وبور
وتيقى دى نهاية وبداية
نهاية الظالم وظلمه
وبداية الفجر الجديد
اللى راح ينشر ضياه
ويوصل الاذان لودن
كل من وحشه نداه
وهيه دى حكاية الحياة
تعيش وتختار الطريق
علشان كده دقق وشوف
قبل متبدأ حكايتك
بيوم ميلادك
بالسلام يا ناس عليكم
وتنتهى يوم الممات
بعليكم السلام
...

24 comments:

AbdElRaHmaN Ayyash said...

ما شاء الله عليكي يا استاذه
فعلا راااااااااااااااااااااائع
ما شاء الله
ربنا يفرج عنهم وعننا يارب
أعجبني كثيرا ذلك المقطع
---
أصدى ع الموتة القوية
موت فى القلوب
مش فى الدفاتر
يعنى عايش وسطنا
ولا حد فاكر
---
بيوم ميلادك
بالسلام يا ناس عليكم
وتنتهى يوم الممات
بعليكم السلام...
---
ما شاء الله
رائعة جدا
بعد اذن حضرتك هنقلها في مدونتي بنصها مع الاشارة لهنا أكيد
والسلام

بنت من الاخوان said...

اسماء
رائعه كلاتك ومعبره جدا
ورائعون هؤلاء الرجال الذين اتهنوا العطاء والبذل حتى خلف القضبان
ودعوه يحملها هؤلاء الرجال او اشباههم لن تموت ابدا

بنت من الاخوان said...

احييكي يا اساء علىكلماتك الرائعه
ودعوه يحملها رجال كهؤلاء لن تموت أبدا

Anonymous said...

السلام عليكم يا أسماء
بجد مندهشة من الحاجات الرائعة دى بجد مكنتش متخيلة كدة (ما شاء الله طبعا)
حبيت أوى حكاية الحياة ، على فكرة أنا حاسة دلوقتى بإحساس مختلف عن أى وقت فات؛ حاسة إنى فخورة بيكي -أرجوكى متستغربيش أنا بقول اللى حاسة بيه _ ربنا يوفقك يا أسموؤة ويفرج كربتنا جميعا.
أروى صلاح

الـفجـريـــة said...

يااااااااااااااااااااااااه
جزااااااااكم الله خيرا كثيرا

..بتشجعونى كثيرا بصدق

عموما ماشى ..كده جبتوه لنفسكم هنزل تجاربى الشعرية المذهلة وعليكم التحمل..

المقطع الذى أشرت اليه اخى الكريم عجب أبى لما قراه بتاع أصدى عالموتة القوية وأخت من اخواتى ايضا
ممكن طبعاً تنقلهافى مدونتك ان شاء الله..
جزاكى الله خيرا بنت من الاخوان..هى فعلا دعوة لن تموت ان شاء الله..جزيتى خيرا على التشجيع ده

أروىىىى..اتبسطت اوى لما لقيت اسمك ..فخورة بيه..ايه الكلام الكبير ده يا أروى.. ربنا يباركلى فيكى ويجزيكى عنى خيرا ..

حلم الحرية said...

لالالالا
نش ننكن
نش نعقول
(معلش لدغة في الميم)
فزيييييييييييييعه
جامدة بجد

ايه الاحساس العالي ده

وتيقى دى نهاية وبداية
نهاية الظالم وظلمه
وبداية الفجر الجديد

صح هيه النهاية وهيه البداية
اهنيكي يا اسماء ..مستنيين ابداعاتك علطول

شذى مولوتوف said...

اسماء ياسر بتدون طلعت شاعرة كمان يعنى ماتأخذنيش لازم عمو يعنى يروح يتفسح فى طرة علشان تطلعى الابداعات الفظيعه دى

انا اما شفت اسمك مصدقتش قلت اكيد تشابه اسماء
وسبحان الله لقيتك هى انتى وانتى هى

اسماء انا بجد مش مصدقة
انتى جميلة قوى بجد بجد ربنا يكرمك ويعزك ويفرج كربك وكرب ماماتك وكرب
عمو ياسر ان شاء الله
سلميلى على ماماتك وابقى زورينى فى مدونتى المفرقعه هاستناكى
شذى

AbdElRaHmaN Ayyash said...
This comment has been removed by the author.
AbdElRaHmaN Ayyash said...

:D يا سلاااااام
والله فرحت اوي ان اختياري يكون زي اختيار الاستاذ ياسر عبده ربنا يفرج عنه
جزاكم الله خيرا
وسلامنا له .. كتير
ثانيا :) ..
أنتظر أن أرى أيا من تدويناتكم تحمل شيئا مما تصممون
جرافكس يعني
أنتظرها فعلا
والسلام

AbdElRaHmaN Ayyash said...

:) هنا نقلت قصيدتكم
http://al-ghareeb.blogspot.com/2007/02/blog-post_16.html

آية said...

الحمد لله ... طلع عندنا شعراء بالجمال و الاحساس ده... تحفة يا بنتي بجد ... يلا شدي حيلك و ورينا انتاجك ... و متخافيش احنا هنستحمل

انحلت سيور العربه وسقط المهر من الاعياء said...

السلا م عليكم

سيا تى يوما تعلو فيه رايا ت المؤمنين خفا قه ويومئزا يفر ح المؤمنين بنصر الله
تحيا تى

Anonymous said...

ما شاء الله جزاك الله خيرا علي هذا الاحساس العالي و هذا الكلام المؤثر و ربنا يفرج عن المظلومين و يجزي الظالم بما عمل
و السلام عليكم

IBN BAHYA - إبــن بهيـــــــــــــة said...

مرغم عليك يا صبح مغصوب يا ليل
لا دخلتها برجليا ولا كان لي ميل
شايلني شيل دخلت أنا في الحياه
وبكره هاخرج منها شايلني شيل
عجبي

رحم الله صلاح جاهين

وشكرا على هذا الشعر الجميل
ربنا يوفقك يا رب
أرق تحياتي

None said...

مش كفابه

بجد بجد رائعه
وربنا يكرمك
ويفك اسر والدك ان شاء الله
وبدايه موفقه فى التدوين

وسلااااااااام

الـفجـريـــة said...

سلام عليكم,,

اولاً لو أعدت اقول جزاكم الله عنى خيرا من هنا لبكره لن اوفيكم حقكم على ما تقدون لى من تشجيع دائم..

ثانيا..طبعاً حد هيهقول انتى لسه فاكرة عشان تاخيرى وده لأن الكلية بدأت والكمبيوتر فى الللحظات الاخيرة من حياته وبيحتضر فبطييييئ جداااا

خير المهم فى كذا حد عاوزة اعلق على كلامهم ..جازكى الله خيرا "واحدة من الاخوان بتحب البد دى" و " صوت عصفورة" و " الجحيم هو الحقيقة" مع ان الاسم قوى شوية وبانتظر تعليقاتكم دائما وارائكم

سعدت بمروركم "فنان جيولوجى" و" ابن بهية" و دخلت مدوناتكم..جميلة.. ربنا يتقبل دعاءكم

أما بالنسبة لموضوع التصميمات فان شاء الله هأضع منها على المدونة لاحقاً مع التاكيد اخى عبد الرحمن على ان مش شرط لو الشعر كويس تطلع التصميمات ..حبيت أءكد بس يعنى

شذااااااا..ذشذا بتاعتنا يعنى..طب نمن كمان أول معرة اعرف انك بتدونى ..دانا طلعت دخلت على مدنتك قبل كده ومكنتش أعرف ..عموما هسلملك على ماما وانتى سلمى على الفريق كله
سلاااام

Anonymous said...

ماشاءالله أكثر من رائع سددالله خطاك وفك قيد أسر عمو وقر عين والديك بتميزك

Anonymous said...

ننتظر المزيد بفارغ الصبر

Anonymous said...

فكرتينى ببيت الشعر اللى بيقول

ولدتك أمك يا ابن ادم باكيا
والناس من حولك يضحكون سرورا

فاعمل لنفسك أن تكون اذا بكوا
في يوم موتك ضاحكا مسرورا

ربنا يوفقك يارب

Anonymous said...

رائع رائع رائع
اسمحيلى اقولك انك موهوبة فعلا
القصيدة عجبتنى جدا جدا
ما شاء الله عليكى يا اسماء
ربنا يكرمك يا رب ويرجعلك باباكى ان شاء الله قريب جدا ودعاؤنا لا ينقطع

اروي الطويل said...

الله حلو اوى اوى اوى
والله هتخلونى اعيط اه والله
ربنا يكرمهم ويفك اسرهم يارب وينتقم من الظلمه

سناالإسلام said...

أتمنى تشريفك على مدونتى المتواضعة جدا...أختك حماس

Anonymous said...

السلام عليكم
ازيك يا أسماء
ما شاء الله المدونة كلها أكثر من رائعة
الكلمات عجباني وطريقة تفكيرك عجبانى أكتر
ربنا يوفقك يا أسماء بس متخليش المدونة تأثر على مذاكرتك

أبو نضال said...

بورك قلمك أختى الكريمة، و فى انتظار جديد الابداعات قريبا إن شاء الله