Wednesday, December 19, 2007

العيد وطره والبومبونى وأصدقائى وأشياء أخرى



معلش العنوان طويل أوى

بس التدوينة دى ممكن تقولوا عليها من تداعيات العيد

وزيارة العيد و هدايا العيد وحلويات العيد بردو

هيه هتكون صور وفيديو هحاول بنشرها هنا انى اقول جزاكم الله خيرا وشكرا جداا للناس التى ساهمت فى ان اشعر بالعيد وبهجته
الحمد لله أولا

وبعدين شوفوا معايا الصور دى
هيه مش كل الحاجات

لكن من اكتر الحاجات اللى اثرت فيه

دول من أبى

بومبونى من طره وبلونة من طره بردو





جزاك الله خيرا يا أبى
----------
دى بأه من طره بردو بس مش من أبى بالذات

من الناس كلها
بلونة بردو بس لسه متنفختش



أما دى بأه
فدى من هدايا العيد المميزة أوى
وبحبها جداا
انا اصلا مليش فى الحاجات المسكرة أوى لكن دى

بحسها من زمان ملهمة
:)


الشوكولاتة اللى بتجيبهالى خالتو بحبها جدا..بقولها ادام الناس كلهم من مشارق الارض لمغاربها
جزاااااكى الله خيرااا يا خالتو
وكنت ناوية ادى لأن الأوان منها بس هيه اللى مشيت بأه
مش انا اللى غلطانة
:)
اخر حاجة بأه
اصدقائى الصدوقيييين..ومتحملى افكارى

ومن امامهم تتضاءل الاحزان لغاية متبقى حاجة صغيرة خااالص ملهاش حجم
رقية_روكة_..رفيدة
كنت ناوية مع نفسى يبقى ليهم تدوينة مخصوص
لكن قلت لازم لغاية ماكتبها ان شاء الله اقولهم جزاكم الله خيراعلى حاجات كتير جميلة عرفتها معاكم

وحاجات تانية أجمل اتعلمتها منكم

من اول اننا نحاول دايما نفضل قادرين على الدهشة والاستكشاف والاستمتاع ولو حصل ايييه
ولغاية ترتيب الأولويات اللى بترتبوهالى بفطرة وبساطة طفولية تامة من غير كلام كتير لما بتلاقونى ورايا حاجات كتير وماشية معاكم متلخبطة
يمكن يكون كلامى ده كبير عليكم شوية او مش هتفهموه ..مش مشكلة

لكن اللى انتو مش فاهمينه ده هوه اللى بتعملوه معايا بحرفنة شديدة وفطرة رقيقة

فجزاكم الله خيرا

ودى الهدية اللى غنوهالنا انا وأن الأوان فى العيد

هيه رفيدة واخدة فيها دور البطولة مش عشان رقية مبتعرفش تقولها

لأه

لكن عشان رقية مؤمنة بتداول الفرص

احسن من ناس كتيييييربقالها كتييييير

:)



شوفوا خروفى..خروفى




14 comments:

صاحب المضيفة said...

عيد سعيد عليكم جميعا يارب

وكل عام وأنتي إلى الله أقرب وعلى طاعته أدوم

ومش هاقول السنة الجاية يكون الوالد معاكم

لكن يارب يخرجوا كلهم قريبا ان شاء الله

حاجات جميلة وهدايا راقية جدا

ربنا معاهم في سجنهم

ومعانا احنا كمان

دمت بخير

آن الأوان said...

لو كنت قولتيلى انك هادينى منها كنت استنيت عموما انا موجوده خاليلى نصيبى و انا هاجى و اخده

اما عن رقيه _ روكة_ و رفيده فدول حكايه عاوزين تدوينه لوحدهم ربنا يحفظهم

وضـّاح said...

كل عام وأنتم بخير
وتقبل الله منا ومنكم

بارك الله في والدك وفيك وجزاه خيرا

بارك الله في أخواتك وحفظهن من السوء

جمييييلة الشيكولاتة .. بالهناء والشفاء
:)

فزلوكة said...

لن أنسى لكى هذا الموقف يا أسماء
أبقى معاكى فى نفس الغرفة
ومتجبليش شوكولالالالالالالالالا
بهزززززززززززر

مستنية أعرف رقية وروكة وروفيدة
إنتى بقيتى بتنافسى التوأمان فى البلالين على فكرة وده خطر على مستقبلك
فاهمانى يا سمسم
يالا سلالالالالالام

محمود سعيد said...

أول التعليق
الصور ديه إحترافية وحلوة قوى
والفيديو الجميل ده


وكل سنة وأشراف طرة بخير

وبره طره إن شاء الله

Mohamed A. Ghaffar said...

تقبل الله منك ومنهم ، العيد القادم فى احضان اسرهم بإذن الله

اسماء العريان said...

مقلتلهمش ليه على العيدية الى ادتهالك :D

الـفجـريـــة said...

صاحب المضيفة

جزاكم الله خيرا

ربنا يقدرلهم الخير

ربنا يعين الجميييع جوه وبره


---------

ان الاوان

هوه انتى بتسيبى حاجة غير لما تخدى منها
:)
يا شيخة وسعى كده
ده هيه دى الوحيدة اللى عدت منك

---------

وضاح

جزاكم الله خيرا
وتقبل الله دعاءك

وفعلا ربنا يباركلنا فيهم ويحفظهم

الـفجـريـــة said...

فزلوكة

اولا انا مجبتهاش معايا الزيارة
عارفاكو يا حبيبتى
مكنتش هرجع بيها
:p

اما عن التوامان اللى عندك
فمش بنافس حد حرام عليكى
ده هما بالونتين
الناس دى زعلها وحش
:D

----------

محمود سعيد

احترافية مرة واحدة

ربنا يكرمك

وان شاء الله العيد الجاى يبقوا بره
بس ميبقاش فى حد جوه
تبقى فرجت بـأه
:)

------------

Mohamed A. Ghaffar

اميين
تقبل الله دعاءك

----------

اسماء العريان

عيدية ايه يا شيخة
ده انا مكسوفالك
:)
اذا كان اصدك على عيدية العيد اللى فات
فعيب أوى يعنى تخليها للعيد ده كمان

اما اذا كان اصدك انك بعتيلى حاجة على الكائن المسمى الفيس بوك
اللى انا وهو لسه مش عارفين نتصاحب
ومش بحبه
فيبقى مشفتهاش لأنى مش بدخل
ومخدتش منك لا ابيض ولا اسود
:0

ذااااكرى يا حبيبتى
عشان تبقى بنت كويسة
:p:p:p

طلال فيصل said...

كل عام وانت بخير..
وشكرا على قراءتك للديوان وتعليقك الذى وقف بى بين الفرحةوالشجن..
بارك الله فيك و رد إليك أباك سالما..
وإنا لمنتظرون

همسة قلم said...

كل سنة وانتي طيبة ياسمسمة

كل عام وانتِ بألف ألف خير

والعيد الجاى على عرفات

وانا معاكِ :)

دمتِ بألف خير وبود وحب :)

وكل سنة وخالتو حبيبتي وعمو بألف خير

Anonymous said...

كل سنه وانتى طيبه يا اسماء
وانا مش مصدقه باللونتى طالعه على النت
للدرجادى هى مشهوره
انا قلت اسماء مش هتحتفظ بالباللونه
اختك
نيره عصام عبد المحسن
عسكريه 2

الفجرية said...

طلال فيصل

عفوا
وتقبل الله دعاءك
وبالتوفيق فيما هو قادم ان شاء الله

----------
سممسية

ازيك يا بنتى وحشاانى
دى تبقى جمييلة اوى يا اسماء لو رحنا مع بعض

لسه فى الزيارة انهارده عمالين نعمل فى خطة ان لما بابا يخرج ان شاء الله نطلع حج
وأعدين نرتب
يعنى
كان ناقص اروح احجزو بس
:1
هسلملك عليهم ان شاء الله
----------
نيرة_نونى_

والله افتقدتك انهارده يا شيخة

طبعا بالونتك تنزل صورتها
هوه انتى اى حد يا نيرة
يعنى اى حاجة تتخيلى انى مش هحتفظة بيها

غالبا يعنى هتلاقينى محتفظة بيها
:1
وبعدين انا برد عليكى ليه اصلا
مش انتى عندك امتحان بكره
روحى ذاكرى يا جميلة
ايه اللى جايبك هنا
:p:p:p

أحمد..فيه ما فيه said...

يوما سيعود الغائب
يوما ما