Friday, August 1, 2008

شيماء وأطياف الصمت..موعدنا غداً



المكان… مركز طلعت حرب الثقافى-السيدة نفيسة
الزمان...يوم السبت 2/8 _بكره ان شاء الله _الساعة 7 مساءا

المناسبة...حفل توقيع ديوان أطياف الصمت لكاتبته شيماء سمير

اللى فوق ده الكلام الرسمى..الكلام بتاع الدعوة اللى ممكن تلاقوه على مدونتها هنا..او على الفيس بوك هنا
اما عن الكلام اللى مش رسمى واللى بكتب التدوينة دى مخصوص عشان اقوله فهو اوله اعتذار واخره دعاء وفى النص باه حاجات كتيييير

بعتذر يا شيموءة عن تأخيرى فى كتابة التدوينة دى واللى كان نفسى اكتبها بقالى حوالى اسبوع..شرح ظروف الايامدى يطول..بس انا على يقين انك عارفة بكره ده مهم بالنسبة لى اد ايييه..

أطياف الصمت هو تجربة النشر الاولى لشيماء واول خطواتها الجادة فى مجال الكتابة..اللى فات أكيد مكنش هزار..لكن ده اول حاجة نمسكها فى ايدينا من انتاجها :)..صادر عن دار أكتب للنشر
اعرفكم اولا..مين شيماء..من اقرب الناس لقلبى وبتجمعنى بشيماء دواير كتيير مش اهمها وجودنا سوا فى الكلية ودفعتى وقسمى كمان والاهتمام بالنشاط الطلابى والدعوى ..لكن اهمها بالنسبة لى العلاقة نفسها وانها من اكتر الناس اللى بحس انهم على استعداد تام لللاستماع لى..وقت حيرتى..وقت شجنى..وقت اى حاجة..من اكتر الناس اللى ممكن يسمعوك وانته قاعد تتكلم كلام كتيير ورا بعضه ومتلخبط وانته نفسك مش عارف انته عاوز تقول ايه..شيماء كما اشعر بها_ولا اخبرها_كتير من الاوقات بتكون مصدر طاقة بالنسبة لى. .ومن الناس اللى بييجى اسمهم على لسانى بعد جملة ناس فرقوا معايا كتير..

ليييه اليوم ده مميز بالنسبة لى

1-لانى ورغم ان الشعر مش اقرب فروع الأدب بالنسبة لى الا ان التجربة الاولى للكتاب بشكل عام ولشيماء بشكل خاص اجد نفسى متشوقة لاراها وارى فيها وجها جديدا لشيماء ربما لم اراه من قبل..لا يقلل من اشتياقى انى قرات كثييرا منه قبل ذلك لان الوضوع مختلف وانت تقرا تجارب مختلفة على الورق الاولى عنه وانت ممسك بديوانها الاول تقلب صفحاته لتجد كلماتها وغلاف من تصميمها ورسم خاص بها بين الحين والاخر..باختصار عالمها


2-لانى سعيدة بخوضك تلك التجربة يا شيماء..واعلم كم اعطيتها من وقتك وجهدك وعقلك وتفكيرك وحتى احلامك..اعلم ايضا انه من السهل على الانسان ان يتخلى عن حلم مثل هذا بسهولة تحت ضغط الوقت او الظروف او غيره..لكنك لم تفعليها.. رغم ضغوط ومعوقات مختلفة..وسواء اكملت خطواتك على هذا الطريق او اكتفيت بتلك المحاولة ستبقى تجربة لك الحق بالسعادة والفخر بها



أدعوكم_وأدعو نفسى بالطبع_لحضور حفل التوقيع الساعة السابعة مساءا ان شاء الله..وكما ذكرت ان نهاية كلامى دعاء لك يا شيماء..ان يوفقك الله لما يحب ويرضى..وان يهدينى واياكى لما فيه الخير ويرينا الحق حقا ويرزقنا اتباعه ويرينا الباطل باطلا ويرزقنا اجتنابه
--------
-----
--

14 comments:

lotto philippine result said...

It could widen my imagination towards the things that you are posting.

همسة قلم said...

:)

ماشاء الله

ربنا يجعله في ميزان حسناتها ياأسموءة يارب
ويبارك صداقتكم ويجمعكم دايما على طاعته

لو قدرت اجي هكون موجودة باذن الله والله المستعان

اشتقت لك والله :)

shaimaa samir said...

اسماء

ادمعتى عينى

بداية لانك اول مرة اسمع منك الكلام د_ومااكثر ما قلته لك_
هههههههههههههههههه
لكن بجد ضعف رؤية
او ضعف احساس
او قلة ثقة

حاجت كتير
معرفشى
خلتنى اتفاجا بالبوست

جزاكى الله خيرا
انا بعتذر برضو انى لسه شايفة البوست

وانتى اول واحدة كلمتها وانا مرهقة جدا امبارح بعد ما رجعت
لانى كان نفسى اسلم عليكى جدا
وملحقتش

دعواتك لى كثيرا
ودعواتك بالخير جدا

احبك فى الله
ورزقك الله الخير

المدون / أحمد كجول said...

انا أحمد كجول محتاجك لموضوع مهم

zizi said...

السلام عليكم
اختي اسماء مدونتك كانت من اول المدونات لنا قريتهم في حياتي و دة كان من فترة وقتها مكنتش بعرف اعمل تعليق و لا انسجل و لا حاجة
و مرت شهور و اديني اتعلمت و عملت مدونة خاصة و جيت اقلك شكرا فعلا
و ان مدونتك حميلة اوي و يا رب تقبليني صديقة ليكي انا فعلا متشوقة لمعرفتك عن قرب
ممكن تقبلي تضفيني
zms.malak@yahoo.com
بارك الله فيكي

محمد said...

زرونى ع
www.ihkwanazhar.bolgspot.com

أميرة محمد محمد محمد said...

قوليلها مبروك بالنيابه عني
وربنا يجمعكوا علي خير دائما

بنت أبيها said...

السلام عليكم

مليار مليون الف مبروك على النتيجة

ولوانها جات متاخر

بس معلش

والف مبروك لشيماء زميلتك ويا رب دايما من نجاح لنجاح

فزلوكة said...

قولتيلى على بكرة هتلاقى الواقفون فى المحطة

شكلى كدا هقف كتيير

والله هتضربى يا أسماء
يا بنتى مش مدونتك دى ولا مدونة الجيران

صدقينى هيبقى فى كلام تااانى بعد كدا
حفاظا على مستقبلك المهنى
نزلى بوست جديد

فزلوكة said...

قولتيلى على بكرة هتلاقى الواقفون فى المحطة

شكلى كدا هقف كتيير
والله هتضربى يا أسماء
يا بنتى مدونتك دى ولا مدونة الجيران

صدقينى هيبقى فى كلام تانى بعد كدا
نزلى بوست جديد حفاظا على مستقبلك التدوينى
وإلا

فزلوكة said...

قولتيلى على بكرة هتلاقى الواقفون فى المحطة

شكلى كدا هقف كتيير
والله هتضربى يا أسماء
يا بنتى مدونتك دى ولا مدونة الجيران

صدقينى هيبقى فى كلام تانى بعد كدا
نزلى بوست جديد حفاظا على مستقبلك التدوينى
وإلا

دى تالت مرة أكتب التعليق
كل مرة أعملوا نشر
ألاقى تعليق جديد نزل
مرة أميرة ومرة بنت أبيها
شكل المدونة مش عاجبها كلامى

المهاجر الى الله said...

ادعوكم لزيارة مدونتى المتواضغة والمساهمه بتعلقاتك وارائك
www.eyuon.blogspot.com
وشكرا

قبس من نور said...

لطفاً .. رايك يهمني في هذه التدوينة

http://kabasisapharmacist.blogspot.com/2008/08/blog-post.html

قبس من نور said...

لطفاً .. رايك يهمني في هذه التدوينة

http://kabasisapharmacist.blogspot.com/2008/08/blog-post.html