يا أهلنا في غزة .. نحن معكم

Tuesday, October 28, 2008

بعيني نهى


بداية ً من هى نهى؟؟
نهى هى احدى أقرب صديقاتى واخواتى الى قلبى..بالاضافة لذلك هى دفعتى وقسمى وتجمعنا كثير من الاهتمامات المشتركة أهمها ما يسمى"رغى ما بعد الصلاة" فغالبا ما يجمعنا وقت ليس بالقليل بعد كل صلاة لنا معا نتحدث فيه عن كل شيئ..نبدأ بكلمة من هنا او هناك ثم يأخذنا الحديث حتى نفاجا بانفسنا وقد تحدثنا وضحكنا وبكينا أيضا واختلفنا واتفقنا واندهشنا ولا يوقف هذا الا صوت موبايل احدانا يخبرنا ان "السيكشن" بدأ..وهى كثيرا ما تظهرنى بمظهر "العيلة" امام نفسى اذا قررت ان لا اخبرها بشيئ ما يشغلنى فهى تستدرجنى الى مساحة من البوح أجدنى فيها اعود عن قرارى وأخبرها بما تريد:) ..بقى ان تعرف _واظنها تعرف_انى دوما ما ارى فيها طاقة منطلقة وبناءة جدا فقط اذا أرادت ولنضع مائة خط_او اكثر_ تحت أرادت..ماشى يا نهى

من هوايات نهى المحببة اليها _والى_التصوير الفوتوغرافى وقد أعجبتنى صور كثيرة فى مجموعتها الاخيرة لذا أحببت أن أشارككم معى فى رؤيتها و"أستفتح" بها مساحتى الواسعة

جزاكى الله خيرا يا نهى































18 comments:

Anonymous said...

يا بختك يا نونا

معلشى انا مستعجلة

اصلى لسة راجعة من مشاجرة قوية

هحكيلكو بكرة

اسال الله ان يجمعنا جميعا تحت ظله
يوم لا ظل الا ظله

بحبك يا نونا
ويا اسموقة

Anonymous said...

عندما طلبت منى صورة فوتوغرافية من تلك المجموعة على ال fb توقعت أنك هتكتبى خاطرة أو تدوينة وصورتى أوحتلك بحاجة ..

لكن.........
لم أكن أتخيا أبداً أنها ستكون موضوع عنى !!
أقولك أول حاجة جت فى بالى لما قرأت العنوان : (بعينى نهى)

أفتكرتك هتتكلمى عن نفسك
لأنى مسمياكى على الموبيل (عينى)

عينى...التى ترى مزاياى التى أبدا ما رايتها حتى تُشجعنى عليها ..

والتى ترى عيوبى التى عن الناس أخفيتها..حتى تُطهرنى منها ..

مراَتى ..بكل بساطة التى اسأل الله عز وجل أن تظل أمام نفسى حتى أرانى ،
لأن عينى الحقيقية هى عينك انت لا عينى ..

والله..يا أسماء لو حد شافنى فى أى خلق حسن أو باعمل اى حاجة كويسة يبقى بسببكم بعد ربنا (سبحانه وتعالى)

أنتن جنتى واستجابة دعوة طالما دعوت بها ربى ..جزاك الله عنى خيرا يا -أختى-

أنا بكن ومن دونكن...لاشئ والله
وباعرف ربنا أمتى بيكون راضى عنى لما بتكونوا مبسوطين منى :)

وصدقاً ما قلت عنى حبيبتى ..
وصدقاً ما قُلت أنا أيضا :
ألم أقل سابقا أنك عينى : )


بقى أن توعدينى على نفسك
ألا تتركينى أبدا ما بقيت وحتى بعد ما اموت ..إلا فى حالة واحدة
لما ندخل الجنة واحنا ماسكين أيد بعض وبعد كده مالكيش خيارات هافضل لازقة فيك برضه : )
وهافضل أعرف بطريقتى كل ما خفى
وهاعلم ولادكازاى يفرحوك وازاى لما يلاقوك بتعيطى يضحكوك:)

يااااه
ده انا هاحكيلهم على حكاياااات :]

يفنى الكلام ولكن ما وقر فى القلب أعظم ولا يعلمه إلا الله ..

عينى وأختى وحبيبتى فى الله التى أدعو الله أن يظلنى معك فى ظل يوم لا ظل إلا ظله
جزاك الله خيرا وبركة فة دنياك وأخرتك وأعاننى معك على السير فى الطريق حتى الممات ..واعانك على : )

توأمتك :
نهى

ايمان مجدى said...

يا حظك وسعدك يا نهى اسمؤتى الحلوة اتكلمت عنك بجد انتوا الاتنين تجننوا اسمؤة بحنيتها وطفولتها الجميلة ونهى بكل ما فيها واحلى ما فيها واللى بيدينى تفاؤل جميل اوى (ضحكتها الطفولية ) اللى بحس ان فجاة الدنبا كلها ضحكت معاها
سبحان الله اجمل صاحبتين ربنا يكرمكم يارب ويخليكم لبعض دايما
وبجد قسمكم كله بحس انكم فعلا لازم كنتوا تبقوا سوا

Anonymous said...

انا مش عارفة اقول ايه بعد الكلام ده غير ان ربنا يباركلكوا فى بعض و يجمعنا كلنا فى الجنة

و على فكرة الصور جميلة اوى و بالذات اول واحدة

Aml Ghonaim said...

لا ؛ حرااام كده ؛؛؛
دلوقتي أنا لسه ماشفتكيش يا أسماء ؛ وشوفي من امتى نفسي أشوفك ؛ دلوقتي تشوقيني أشوف نهى !
يعني الواحد يعمل في نفسه ايه ؟!!!!!!!!!!!!!
ربنا يجعلكم - وأنا معاكم طبعا - ممن قال فيهم رسول الله - صلى الله عليه وسلم - : ورجلان تحابا في الله اجتمعا عليه وتفرقا عليه .
بارك الله لكم صحبتكم هذه ؛ ولا حرمكم منها أبداااا ...
* على الهامش : الصور أكثر من رااااااائعة ؛
أحسن واحدة عجبتني : كتيير ؛
بس صورة اليد التي تهم بقطف الزهرة رااائعة ؛
وصور القاهرة القديمة مميزة جداااااا

مريم عمر said...

ههههههههه
يا بختك يا نهى بس بجد أكثر ما يميز صور نهى انها معبره جدااا
سلام يا حبيبى وأشوفكو بكره

جمعاوى said...

أدام الله الحب بينكما

قرأت تعليق الأخت نهى

أظنه هو موضوع التدوينة القادمة
!!

صاحب المضيفة said...

ادام الله صداقتكما ومتعكما بكل خير


تحياتي

ياسمين نعمان said...

آه .. أنا عارفة موضوع الرغي بعد الصلاة ده .. أنا و صديقات لي كنا بنعمل كدة أيام الكلية .. و بالأخص الناس اللي مش معايا في نفس القسم، فبتبقى الفرصة الوحيدة للكلام معاهم هي بعد الصلاة ..
فكرتيني بأيام جميلة يا سمسمة .. ربنا يخليكوا لبعض ..
الصور جميلة أوييي ما شاء الله، و عنوان التدوينة كمان معبر أوي ..
أكتر صور عجبتني هم رقم 9 "الكرسيين" و11الشجرة عاملة زي ما تكون واحد رافع ايديه .. حلوين فعلا
جزاك الله خيرا

Anonymous said...

ادام الله الحب فيه بينكم
وجمعكم فى الفردوس الأعلى كما جمعكم فى الدنيا

الصورة رااائعة
بارك الله فى موهبتها ونفع بها الإسلام

===

ندعوكِ لزيارة المدونة

Esraa Hamed said...

يا بختك يا عم نهي

ربنا يخليكوا لبعض ياااارب بجد انتوا الاتنين اجمل و احلي و اصفي من بعض
بجد انا بحبكوا جدااااااااااااااااااااا و الله
يارب يكرمكوا يااااااارب


عايزة اقول كمان بقي ان الصور بجد تحححححفة
تسلم ايديكي يا نونا
:)

الـفجـريـــة said...

شيموءة

حلوة زهرتنا دى

ربنا يتقبل دعاءك يا شيماء

اما عن المشاجرة
فان شاء الله اللى حصل ميحصلش تانى ابدا
واخدة بالك من ابدااا
:D

-----

نونا

جزاكى الله خيرا على تعليقك يا نهى..اللى بجد مش عارفة ارد عليه خالص ولو انك عارفة اللى انا حساه..ربنا يجعلنى افضل مما تظنى بى

يعنى انا دلوقتى عمال يعدى قدامى ذكريات وصور كتير اوىى المشهد الاول فيها هاجر وهيه بتعرفنى على واحدة اول مرة اشوفها وبتقولى دى نهى معاكى فى اعدادى وانتى مبتسمة الابتسامة بتاعتك والمشهد الثانى لينا واحنا فى القسم الايامدى وعاملين نفسنا كبرات الكلية :D

ربنا يجمعنى بك دائما على الخير يا نهى ويوفقك لما يحب ويرضى

الـفجـريـــة said...

ايمان

بأه يا حظها هيه
ولا يا حظى أنا
:)

جزاكى الله خيرا يا ايمان يا مظبطانا
:D
حسيت ان احنا كتاكيت..وربنا يتقبل دعاءك
وياريت يعنى
ياريت
كل متكونى فاضية
تخدى سارة من ايديها وتطلعلنا

الجو فى الدور الثالث
احسن كتيييير من الجو فى البدرومات
:P:P

-----
مرواية

أمييين

متفقة معاكى ان الصور جميلة بس المفضلة بتاعتى هى الصور التاسعة
بتاعت الكرسيين
ويليها الصورة الاخيرة
وفى كذا واحدة تانيين

موحشكيش التصوير يا مروة
!!

الـفجـريـــة said...

أمل

اصلا هيه كمان هتبقى عاوزة تشوفك
ايه رايكم تشوفوا بعض انتو

وانا مع نفسى بأه
:)

ربنا يتقبل دعاءك يا أمل

وهيه زمانها شافت تعليقك ورايك دلوقتى

-----

ساحل يوما..مريومة

هى فعلا صورها جميلة ومعبرة
كده هتتغر علينا يا مريم

وانتى متعرفيش نهى لما تتغر
بتقى حكاية تانية خالص
:D:D
ولو اننا يا عينى مش مدينها فرصة

الـفجـريـــة said...

جمعاوى روش طحن

ربنا يتقبل دعاءكم

اما عن تعليق نهى فهو فعلا جميل جدا وأثار فى نفسى الكثير من الخواطر ولكن لا اظنها للكتابة..حتى الأن على الأقل

-----
صاحب المضيفة

جزاكم الله خيرا
وتقبل دعاءكم

----

ياسمن

اظاهر الموضوع ده منتشر
بس اللى بستغربه كل مرة ان الوقت بيعدىى واحنا ولا هنا خالص
:)

انا كمان بحب رقم 9 دى جدا جدا
وهيه المفضلة بالنسبة لى
وبردو بتاعت الشجرة

يعنى ذوقنا متقارب
:)

الـفجـريـــة said...

الشيشان فخر الامة

تقبل الله دعاءكم
ربنا يبارك لها فيها

-----

اسراء

جزاكى الله خيرا يا اسراء
واحنا كمان بنحبك جدا

وانتى عارفة اصلا طبعا ان قسم ديكور عموما محبوب
بالذات دكاترته
:D:D
الجزء ده كاتباه مخصوص عشان سارة تشوفه

ربنا يباركلك يا اسراء
وفى انتظار الديوان قريبا ان شاء الله

Anonymous said...

الآن

على فنون التغيير

خارطة الصراع

http://changearts.blogspot.com/

نحتاج ارائكم

تقبلوا تحياتى

عمر أفندى و أبووه said...

الصور دى تحفة