يا أهلنا في غزة .. نحن معكم

Saturday, November 10, 2007

من شارع المعز

ازيكم يا جماعة

قبل محكى على النهارده نرجع لورا شوية

من اول مدخلت القسم وتعودنا بين كل وقت والتانى

نروح منطقة الازهر والقاهرة الفاطمية

يعنى شارع المعز وبوابات القاهرة وما حولها

نرسم من هناك علطول أو نصور ونرسم فى الكلية

أو حتى نصور بس

وأحيانا ولا بنرسم ولا بنصور

لكن بنروح كمكان ملهم له روح خاصة به

انهارده كان يوم من أيام التصوير

بندرس مادة اسمها دراسات طرز زخرفية

فنزلنا لكن كان تركيزنا الاكبر على الجوامع

هتلاقوا معظم الصور من 3 اماكن

جامع الغورى

جامع الأشرف

جامع برقوق

الثلاثة مميزين ..فيه غيرهم طبعا

لكن انهارده كان مخصص ليهم هما

شوفوا الصور..على فكرة لسه بنتعلم تصوير كويس يعنى

لأ لسه حاجة قبل متشوفوها

هما حاجتين يعنى
أولا..حاولوا تلاحظوا فى الفن الاسلامى عموما وفيما بخص المرحلة دى بالذات

هتتلاقوا فعلا ان الاسلام كدين بيحتك بواقع الناس تماما وصالح لكل وقت ومكان

وصل صفته ديه للفن الخاص به

فهتلاقوا المعادلة اللى حرص دائما على تحقيقها

الغنى الفنى العالى جدااا مع البحث عن مناسبة الوظيفة

الثراء فى الشكل مع عدم الاسراف او البذخ الزائد فيما لا قيمة اساسية له

الدقة التامة مع المرونة
هوه الفن الاسلامى الكلام عليه مش فى جملتين
لكن دى بس ملاحظة
فى كلام تانى كتييير
بس مش انهارده


ثانيا..خاطرة دايما بتجيلنا واحنا هناك..لما بنقارن ما كان متاحا لهم وما هو متاح لنا الان بالذات فى أساليب التنفيذ وتطورها

ونقارن بين الانتاج الثقافى والفنى لهم ولنا الان

اية بتيجى علطول ادام عينينا


اتقوا الله ويعلمكم الله

فيه حاجات بشوفها هناك بحس ان اللى عملها مكنش انسان عادى..كان حاسس فعلا باللى بيعمله..كان يملك حب للاسلام وصلة بالله مختلفة عننا

انا مش بقول كده كياس من حالنا

لأ

انا بس بحط المعادلة ادام عينينا

مش فى فن وثقافة بس ..لكن عموما فى كل اتجاهات حياتنا

مش عاوزة يكون فى التدوينة دى اى حاجة تزعل

بس هقول مش بتفصيل

الاسلوب الفذ اللى بتتبعه وزارة الثقافة فى الترميم

ولا بلاش..خلوا دى لوقت تانى
صحيح بمناسبة اليأس بأه

اللى انا مسحته من دماغى خااالص الحمد لله

بدأت بداية جديدة مع نفسى امبارح السعة 7 الا ربع مساءا

بالظبط

على كافة المستويات يا جماعة

دعواتكم بأه

قلت أفرحكم يعنى زى مشتكيت قبل كده

واللى عاوز يبدأ

ميترددش

ياخد الخطوة علطول

واخيرا بأه..طلب

اللى يعرف موقع بيترفع عليه أناشيد بحيث يدينى كود احطها على المدونة

ويكون بينفع فيه أنها تتشغل أوتو بلاى من نفسها اول متتفتح المدونة

ي/تقول

وجزاكم الله خيرا أوى
تحديث
زودته على التدوينة الساعة 1 وربع صباحا
احنا الجرايد بتاعت بكره بنجيبها من بليل
فياريت تبصوا على المصرى اليوم
الخبر بتاع الصفحة الأولى
وكمالته الأعجب فى الصفحة الرابعة
عشان تقولوا
كلكم
بملئ فيكم
ربنا يشفى
الخيال الخصب كويس
بس مش فى الأخبار الصحفية
(كنت كاتبه بس مش فى الصحافة فنصحتنى احدى الخبيرات المستقبليات فى الصحافة بأن الخيال عند الصحفى عامة يعتبر قدرة وابااع فى حالات كتير لكن الاخبار لأ وقد اقتنعت بكلامها لذا وجب التعديل ووجب شكرها كمان)


أسيبكم مع شوية صور






17 comments:

حلم الحرية said...

yessssssssssssssss

اخيرا اول تعليق

استني احجز التعليق الاول وبعدها افكر في كلام اعلق بيه تعليق حقيقي عالبوست

الـفجـريـــة said...

وانا تانى تعليق
:1:1

حلم الحرية said...

تعرفي يا اسماء

انا عاشقة للخط العربي

احد الاساتذة زمان اللي كانوا بيعلمونا خط كان بيركز اوي
علي نقطة انتي ذكرتيها في موضوعك
ازاي الفن الاسلامي عامة والخط العربي خاصة جمع بين قمة الدقة وتمام المرونة
ازاي جمع ما بين البساطة والثراء

يمكن اكون اللي استفدته من الخط كهواية يقابله الكثير مما استفدته كمعني وقيمة


اما بئا بالنسبة للصور

بجد تحفففففففة ما شاء الله
شكلي هاجي اخد دروس خصوصية عندك
وبلاها صيدلة
هههههههه

فرحت اوي بقرارك ترك اليأس
يارب يكون قرار بلا رجعة
وحلوة اوي الساعة 7 الا ربع دي
باحب انا الناس الدقيقة

ربنا ييسرلك امورك دايما يا اسماء ويباركلك

حاجة اخيرة بئا قبل ما امشي ياريت حد يرد علي طلب اسماء بتاع الموقع ضروري .... عشان انا كمان اخده عشان محتاجااااه
( وش عامل مش واخد باله )

حلم الحرية said...

ايه ده انتي لحقتي تيجي امتي

ده انا يدوبك كتبت التعليق

هو انا قلت كل اللي عايزاه التعليق اللي فات بس ده تعليق كده فوق البيعة

انا قلت اخليني تالت ورابع تعليق غلاسة يعني

ههههههههههه

آن الأوان said...

فنانه من يومك

بس طبعا انا بصور احسن منك

انا عجبتنى الصورة السادسه و الاخيره

وبخصوص الساعه 7الا ربع انا كمان خت الخطوه ديه

اما باه بالنسبه للمصرى اليوم فاربنا يشفى فعلا انا برده كنت ماشيه فاشفت الجرنان و شدينى الاسم و ربنا يشفى

abderrahman said...

حاسس انه نوعية دراستك جميلة جدا
هو الجامع اللي في البوست ده السلطان حسن؟
أصل المساجد التلاتة الغوري والأشرف وبرقوق دول مدخلتهومش من جوا، تقريبا فيه منهم لسه بيترمم

سناالإسلام said...

ما شاء الله

فن رائع يا أسماء وفعلا اتقوا الله ويعلمكم الله
ربنا يرزقنا التقوى والإخلاص ويعلمنا من فضله
تصويرك جميل يا أسماء
وربنا يعينك ويثبتك على الخطوة الجديدة
وأشوفك النهاردة ونكمل كلام

سناالإسلام said...

بالنسبة للمصرى اليوم

احنا اللى أعطيناهم الفرصة بالنقد العلنى على المدونات

محمد said...

جميلة التدوينة

وصورك ما شاء الله جميلة

التصوير فن جميل جدا كان نفسي أتعلمه .. وهاتعلمه بإذن الله

ربنا يباركلك أخت أسماء

الـفجـريـــة said...

مرواية
اللى لسه متكلمة معاها اول مرة على الناسنجر من شوية

الاول اتبسطت انى كلمتك يا أستاذة

ثانيا..بشترك معاكى فى حب الخط العربى
وعلى فكرة فى حاجة بخصوص كده ممكن لما نتكلم أقولك عليها..يعنى تجربة ممكن نعملها سوا بخصوص موضوع الخط العربى ده

استفادتنا منها فعلا زى منتى قلتى بتكون أوسع من كونها مجرد هواية..

نرجع فى الاتفاق ايه يا بنت
عييييييييييب
ان شاء الله مش هرجع
ده انا لسه بادية
دعواتك
وشفتى ولا حد قال حاجة فى موضوع موقع رفع الصوت..
مبقاش لينا كلمة خلاص
:1

-------

ان الأوان

ربنا يكرمك يا بنتى والله مشجعة
:1

اما بالنسبة للخطوة فكويس انك خدتيها وشدى حيلك كده..انا كمان بحب السادسة والاخييرة جدا لانهم فيهم زوايا ضوئية بس بحب الباقيين بردو
:1
:1

الـفجـريـــة said...

Abdou Basha

هيه المادة دى فعلا جميلة بس عاوزة اهتمام عشان تخرجى منها بتراث كامل اكتر منه طرز فنية وبس

لا ده مش السلطان حسن
مش عارفة تقصد انهى صورة فيهم
بس هيه واحد من التلاتة(الغورى-الاشرف-برقوق)
اه فيهم ترميميات شغالة فعلا بس فى اجزاء منهم

----

سناء
ربنا يتقبل دعائك
كويس ان الصور عجبتك
اما عن الخطة الجديدة
فالبداية الى الان الحمد لله موفقة وتمام
:1
اما عن المصرى اليوم
فكلمة النقد اللى انتى بتقوليها دى معناها واسع
يعنى فيه اللى بينفع وفيه اللى فى رايى ملوش نفع
وحتى لو كان اصدك على اللى ملوش نفع
فده يخليهم صحيح احيانا يزودوها
بس مش لدرجة مكتب ارشاد مواز
مش عارفة حساها عيالى أوى
---------

أخ وضاح

جزاكم الله خيرا
حاول ان تتعلمه فعلا
بس الممارسة الكتير بتساعد جدا

مصطفي النجار said...

انا هركز ان شاء الله
الساعة 7 الا ربع
وهحاول ابدأ أنا كمان
غالبا الساعة دي لها
بركات معينة

انا علي فكرة مش بتريق
بس فعلا قريت الكلام دا وحسيته جدا
فعلا لما الانسان بيبدأ بيفضل فاكر اللحظة والدقيقة والظروف المحيطة
ربنا يثبتك علي الحق ويفرج همك

Unknown said...

أدعوك للمشاركة في الحملة ضد جريدة المصري اليوم

زوروا مدونة مظلومين للتعرف على الحملة وأسبابها وأهدافها

كن إيجابيًا وشارك وقل
لا للكذب والتلفيق

مالك مصطفى

Anonymous said...

سبعة الا ربع بتاعتي مش مطوعاني ياسمسمة ومش راضية تستهدى بالله وتيجي :)

الصور جمية جدا يااسماء

علميني فن التصوير وانا اعلمك السواقة ماشي؟:D

فزلوكة said...

إحم إحم... العفو يا أسماء على إيه يعنى
لاشكر على واجب يا بنتى وبعدين دى رسالتى مع المبتدئين
بس هو أنا مقنعة أوى كده

الـفجـريـــة said...

د.مصطفى

طيب كويس ان حضرتك هتعمل بداية جديدة

هو الى الان الوضع كويس بس يارب يستمر
ان شاء الله هيستمر
وافضل فاكرة البداية دى علطول


-----------
سمسمية

يا سمسمة يا بنتى 7 الا ربع مبتجلناش لوحدها
اسالينى انا
فضلت مستنياها كتير
دى لازم احنا اللى نروح نجيبها
حيث كانت
ونفضل وراها لغاية ما تيجى
وده بيكون بفضل الله
عشان كده ادعى كتير

اما بالنسبة للسواقة والتصوير فموافقة جداا بس الوقت يتظبط واشوفك الاول وبعدين نتعلم يا ستى
:1
---------------

فزلوكة

لا يا بنتى
وجب الشكر على النصيحة بردو
الاخبار الصحفية والصحافةبينهم فرق
ميلقطوش غير المتخصصين زى حضرتك
:1
دى رسالتك مع المبتدئين
طب لما اشوفك يا متعمقة
:1

admin said...

مجموعة صور رائعة الصور شدتني جدا

فكرتن بحي عندنا بروح اقعد فيه لا الواحد يحس الخنقة

تصدقي لما تقعدي فيه تشعرين بانك في زمن الحملة الفرنسية

الناس كما هي حتي اسلوبهم في اللبس والحديث وخلاقة

تقبلي التحية