بكتب دلوقتى وانا سعيييدة جدا الحمد لله
تجربة جميلة ولو انها صغيرة
والغريب انى كنت متخيلة انى هسكت خالص
بس ادام اللى بيقولوه حسيت انى لا زم اقولهم حاجة
-------------
009728284
ثم أضف اليها أربعة ارقام عشوائية
ترد عليك احدى عائلات غزة
تحدثوا اليهم يا جماعة
ومحدش يقلق انه مبيعرفش يصيغ الكلام فى مواقف زى كده
لانى انا كذلك
لكن ربنا بييسرها
.........
أضفت اربع ارقام عشوائية واتصلت..ردت على طفلة اتصورها فى العاشرة مثلا..اخبرتها بانى من مصر
حتى اخذت تنادى على والدتها قائلة : "يومااااا..يوماا.حد من مصر" لتأتى والدتها بصوت مبتهج
ربما يظن البعض انه ما فائدة ذلك لهم
لكن لو سمعتم صوتها وهو يرد ستعرفون ان هناك الكثير
يعنى مش عارفة اوصف
......
سألتها عن احوالهم..وعن الكهرباء
اجابت بانهم بخير..وان الكهرباء تاتى على فترات متباعدة وتظل فترة قصيرة ثم تنقطع ثانية
لكن قالت انهم اذا كان عليهم مش قلقانين
ومستعدين يعيشوا بدون كهرباء اصلا
ولكن قلقهم الوحيد على المصابين والمرضى فى المستشفيات
وان كان قلقهم ده مش قلق من اللى هيحصل لانهم عندهم ثقة فى الله
لكنه قلق هل هما خدوا بكل الاسباب أم لا
......
سألتها ايضا عن نفسية الناس والاطفال
قالتلى ان اسرتها كانت عارفة ثمن اختيارها
وانها يوم مكانت رايحة تختار حماس وتديها صوتها
كانت عارفة ان دى البداية
وأسر تانية كتير عندها نفس الشعور
ثم قالت بلهجة فلسطينية محببة "اسرائيل تحتمل اى شى الا اننا نختار الاسلام ونختار المقاومة"
......
اخبرتها اننا ندعو لهم
فأخبرتنى انهم يعلمون ذلك
وانهم يروننا على التليفزيون فى مصر وبقية الدول
على حد تعبيرها..بنشوفكم ثابتين صامدين
بداخلى ضحكت بصراحة ..ليس سخرية منا ..ولكن ..ضحكت وخلاص
......
حتى هذه اللحظة لم تكن تعرف سوى انى من مصر ولو تكن تعرف اسمى او اى شيئ
قالت
بدنا نتعرف بيكى
ولسه هقول أسماء
الخط اتقطع
حاولت الاتصال بعدها لكن الرقم مكانش بيجمع
حاولت ثانية..فعاد الى صوت ابنتها
يوما..نفس البنية من مصر
عادت والدتها..اعتذرت لها عن قطع الخط
واخبرتها باسمى
سلمت عليها..وانتهت المكالمة
...........
تحدثوا اليهم
هم يحتاجون ذلك
ونحن نحتاجه أيضا
.jpg)
18 comments:
كنت ناوية اعملها فعلا يااسماء
ايه رأيك نبدأها حملة :)
سأنقل مشاركتك على المدونة ولتكن حملة لمن يستطيع ان يشارك
فإن لم نستطع الا ان نسمع اصواتهم وندعو لهم ..فليكن
دمتِ بكل ود ياسمسمة
كانت عيناي تقرأ كلماتك بشغف وعقلي يسترجع لحظات عشتها أنا وأنت وبعض أخواتنا سويا حين ذهبنا لزيارة المصابين الفلسطينيين في معهد ناصر على ما أذكر وتحدثنا إلى أم فلسطينية أنشدنا لها أنشودة
ياأماى الحنونة
يومها أمطرت السماء ... لكنها لم تمطر وحدها فقد شاركتها عيوننا في البكاء
أذكر الأثر الذي تركناه لهم بزيارتنا
أسماء ..جزاك الله عني خيرا فقد شجعتيني على الذهاب معكم يومها وقد كنت مترددة واليوم تعاد القصة لتقترحي علي الاتصال
جزاك الله خيرا
منى عبد الحي
جزاك الله خيرا على هذه اللمحة الطيبة الجميلة و ندعوا الله عز وجل ان يتقبل منا و منك هذا العمل البسيط و هو عند الله عظيم
هذه اول مشاركة لى فى مدونتك و ارجو ان لا تكون الاخيرة و هذا متوقف على ما تقدميه من نفع
تجربة جديدة وفكرة رائدة وإبتكار فريد
وحقاً تتنوع دروب الجهاد لمن صدق العزم وأخلص النية
إن شاء الله ننشر الفكرة
لك الله يا غزة
فكرة رائعة
تقبلها الله منكم
وان شاء الله ننفذها
نسأل الله لهم العون
سمسمة
جميل لو تبقى حملة
او تنتشر أكتر
عندى اخر امتحان بكره ان شاء الله
واخد الاجازة و نتكلم..وياريت لو قدرت اشوفك لو كنتى رايحة مؤتمر نقابة الاطباء
عشان وحشتينى جدا
منى عبد الحى
اولا..اعلن سعادتى يعنى انك بايتى من زوار هذا المكان
:)
اليوم ده مبنساهوش
كان يوم بجد جميل جدا
اما عن انى يوميها شجعتك تروحى
فده تقريبا على ما اذكر لانى انا كمان كنت مترردة
فكنت بأشجع نفسى من خلال انى اشجعك
شفتى يعنى مصلحتى بردو
:)
أبو رويدا
واياكم وجزاكم الله خيرا على المرور
أما على مقدار ما ستجد من نفع
فهو متوقف على مفهوم النفع عند حضرتك
محمد شمس الدين
تجربة جديدة وفكرة رائدة وإبتكار فريد
ما شاء الله كلد ه
ربنا يجازى خير اللى فكر فيها
اللى هوه مش أنا
ولكن وجدتها فى تعليق لامام الجيل فى مدونة يلا مش مهم فتذكرت ايام العراق فأردت تجربتها ثم ابلاغكم بما حدث..
فربنا يكرمه ويجعلها فى ميزان حسناته
mo3az
ربنا يتقبل منا ومنكم تنفيذها وتكرارها
ويتقبل من صاحبها ابلاغنا بها
جزاك الله خيرا وباذن الله نصل هذه الفكرة لاكبر عدد ممكن من الناس
http://masr.20at.com/newArticle.php?sid=13982
السلام عليكم ورحمة الله وبركاته
حبيبتي أسماء..
ربنا يبارك في حضرتك
فكرة رائعة
باذن الله تعالى نجرب
ويفك اسر والدك وجميع اخواننا المعتقلين
لقد انتهى وقت السلبية والكلام ..حان وقت الفعل و العمل...
تم فتح باب التبرعات إلى غزة
Care Club يدعوكم للمساهمة في جمع التبرعات المادية و العينية لأهل غزة
خلال 3 ايام من الفترة 25-28 سوف يتم استقبال المساعدات فى مبنى الدراسات العليا فرع القاهرة.
مزيد من المعلومات:-
0101006130 0105305542 0101809601 0105373462
سوف يتم إرسال التبرعات بالتنسيق مع نقابة الأطباء .... مع وفد من طلبة الجامعة
السيارات سوف تتحرك من أمام مبني الجامعة يوم الإثنين 28 \ 1 إلي غزة الأكاديمية العربية لعلوم الادارة و الهندسة و النقل البحري مساكن شيراتون مصر الجديدة القاهرة
يا فجرية حرام عليكي يا أمي ... أنا قعدت أقرا البوست داه كتير قبل كده و مافمتش حاجة لغاية أما دخلت على مدونة إخوانية أخرى فيها الدعوة لهذه المكالمات ... ففهمت أخيرا
والله أنا كل داه فاكر إن إنت بتكلمي حد من قريابكم و لا حاجة ... ولا يمكن قلت بقت مراسلة صحفية
أنا أصلا مفهمتش إن داه رقم تليفون و قعدت اضرب أخماس في أسداس يا ترى الرقم داه ايه ... و قلت يمكن فزورة
أنا اسف على الكلام بس و الله داه اللي حصل ... وبكرر اعتذاري
بس هي المشكلة اللي أنا قلتلك عليها زماااااااااااااان
إن أنت إخوان و فاكرة كل جمهورك من الإخوان بالتالي تتكلمي عما يدور داخل الجماعة كأنه من المعلومات العامة التي لا بد أن الناس كلها تعرفها
خللي الدعوة عامة
و أنا أسف مرة تانية
جعلتيني أبكي ياأسماء
تكلم الكثيرين علي هذه الفكره من قبل و لكني لم أجرب
ولكن كلامك سيجعلني أفعلها باذن الله
فكرة رائعة .. أخبرني بها صديق
جزاك الله خيرا لنشر الفكرة
أسماء ...سمسم
بعد ما قرأت البوست يا بنتى قلت خلاص الموضوع سهل
مسكت الموبايل واتصلت
وآه يا أسماء على إللى حصل
بجد بجد كان موقف محرج
لإن إللى رد على كان فاكرنى أمن ولا جاسوسة
أو كان لسه صاحى من النوم
مش عارفة بصراحة
ذنبى فى رقبتك يا أسماء
والظاهر كده إنك مش عايزة تشوفينى
السلام عليكم ورحمة الله وبركاته
بجد بجد جزاكم الله كل خير اخيتي
وباذن الله ننفذها والله المستعان
"اني احبك في الله "
بجد شكرا
شكرا جدا
جزاكم الله خيرا اوي
الارقام معايا كتير اوي
بس فعلا .. انتي افضل
السلام عليكم
انا نفذت الفكرة
بجد متميزة
جزاكم الله كل خير
---------------
لكم تاج عندنا
نرجوا قبوله
تقبل الله منكم
Post a Comment