Friday, February 15, 2008

يا لــيل





يا ليل يا بحر السكون ماذا طويت من القرون

كم أمة ٍ ودعتها صارت حكاية أو ظنون

لم يبقى منها شاهدٌ وبقيت آلاف السنين

تتلو كتاب وجودنا في طيه سرٌ دفين
في طيه عبرٌ وآياتٌ تـُردد كل حين

طورا تُلاقي معرضاً أو يهتدي فيها الفطين

أبقاك ربك شاهداً للنـاظرين
للناظرين المهتدين

يا ليل من يثني عنانك كيفما يبغي تكون

يا ليل من يوليك بالإصباح في حق ٍ مبين

أنشاك ربك راحة ً يا مُسكناً كل العيون

يا مؤنس العُبّاد في سحر ٍ وقد رفعوا الأنين

كم رتل الآيات عبدٌ حاذرٌ ريب المنون

جأروا إلى رب الورى بارى الخلائق أجمعين

سالت دموعهم على الخدين من خوف مكين

ما أعجب الليل الذي خضعت لسطوته الجفون

مازال يؤنسني فما يهتز من حس ٍ قنين

أوحى إلى بألف معنى لم أكن فيها ظني

فحديثه الصمت العميق وصخبه هذا السكون
كم فتق الأفكار صمتٌ موغل عبر السنين

كم فجر الإبداع في قلبٍ ذوا فيه حزين

يا ليل يا مستودع الأسرار يا موج الظنون
كم مقلةٍ خافت دياجير الظلام المستكين

حسبته أشباحاً وراحت ترتجي فيه المعين
لم تدري أن الفجر يطرده أمام الناظرين

27 comments:

إسلام ناجح said...

كلام جميييييل جدااااا
ومعبر للغاية..
الليل.. يثير الشجون، وتنهمر الدموع..
ما أجملها من لحظات..
يعجز الكلام عن وصفها..
...
هو الشعر دا من تأليفك؟
عموما هو جميل خالص
والصور أضافتله رونق تاني
...
تحياتي

آن الأوان said...

ياااااه يا اسماء النشيد ده بحبه اوى و بيأثر فيا اوى

فزلوكة said...

" فى حب الليل"
هكذا يمكن أن نقول
نشيد أكثر من جميل
معانيه رائعة

هناك أيضا ليل للظالمين
يختلف عن ليلنا كثيرا
فرغم جرح ليلنا إلا أنه ليل مطمئن , هادىء
وليلهم ...أعاذنا الله منه

سمسم...وحشتينى
وبعدين يا ستى عايزة أشوفك قبل البراءة!!!؟

مدونة يلا نفضحهم said...

ما أروعه محراب التدوين الذي جعلنا نعرف ونتعرف علي الكثير من المدونين الشرفاء الذين إمتلأت قلوبهم وعقولهم بحب هذا الوطن والعمل والسهر علي رفعته وعزته والقضاء علي الظلم الذي يستشري بين جنباته ....

=======================

إنضم معنا في حملة الألف مدون للإفراج عن المدون الدكتور إبراهيم الزعفراني
علي مدونة يلانفضحهم : http://www.yallanefdahom2.blogspot.com/
الدكتور الزعفراني الفارس النبيل

إسلام ناجح said...

دا طلع نشيييييييييد!!
...
أنا بعتذر عن جهلي دا :)
وبسحب السؤال اللي سألته للأخت أسماء
وهحاول أحمله واسمعه..
لإني ماسمعتهوش قبل كدا

الـفجـريـــة said...

اسلام ناجح

هو تعليقك بيقول ان غالبا النشيد مكانش شغال

هو نشيد للمنشد حمود الخضر
مش كلماتى أكيد
:)
لكن مش عارفة اسم مؤلفها المبدع

بس هدور على اسمه لانى بزعل احيانا من نفسى ومننا عموما..لاننا غالبا بنفتكر اسم المنشد لكن مبنفتكرش اسم المؤلف

مع ان دوره كبيير اوى

-----

ان الاوان

أى خدمة
انتى تامرى بس
:)

الـفجـريـــة said...

فزلوكة

حلو اسم فى حب الليل ده
يعنى يليق ببتوع الاعلام اللى زى حضرتك
اللى بيقولوا كلام مترتب كده

اما يا ليل بأه
فيليق ببتوع الفنون اللى زيى
:)

لا يا شيخة ليل الظالمين ده ربنا يعافينا منه..
ويعافينا اننا نكون منهم
ولو حتى بظلم انفسنا

اما عن انى وحشتك فانتى كمان جداا جداا
واما عن البراءة
فهل قصدك براءتكم ولا براءتنا
تفرق كتييير
:)

ولا شكلنا هنعد سوا كده
:)
ربنا يقدر الخير

-----
اسلام ناجح

معلش اصلى كنت بكتب التعليق الاول
قبل متنزل تعليقك الثانى

هو نشيد جمييل

إسلام ناجح said...

لأ هو النت اللي كان بطييييييييييء
وفعلا دور الشاعر في حركة النشيد الإسلامي مهضوم، ودا الكلام اللي قريته لأستاذ نجدت لاطة في إحدى مقالاته عن النشيد..
أحيانا بتتاخد الأشعار من غير استشارة الشاعر ومن غير إذنه وما يتكتبش اسمه كمؤلف الكلمات!!!
هوّ ممكن يكون الموضوع دا بدأ يتحل مع إصدارات الصوت الجديد بالأردن والوعد في مصر وغيرهم..
ربنا ييسر

شمس بكرة said...

النشيد رائع بل أكثر من رائع
يمكن تكون أول مرة أسمعه لكن عجبني جدا
وأكثر ما عجبني فيه هذه الكلمات
كم مقلة خافت دياجير الظلام المستكين
حسبته أشباحا وراحت ترتجي فيه المعين
لم تدري أن الفجر يطرده أمام الناظرين
بجد جزاكم الله خيرا

صاحب المضيفة said...

بعد الليل الطويل لازم الفجر يجي أكيد

ربنا معاكي ويسعدك

صانعة الحرية said...

رائع يا اسماء
ربنا يجعله فى ميزان حسناتك والصور متماشيه معاه وعطياله معنى جميل
انى احبك فى الله

Anonymous said...

بوست رائع كالعادة .......بصراحة مدونتك من المدونات القليلة التي لازلت حريص على متابعتا باستمرار هي وفضفضة محمد عبد الله وقضية عم احمدرفعت......مواضيع جميلة وبها معاني عميقة رغم بساطتها.....نشيد رائع ....مش عارف ليه بحب اسمع في الشتا بالذات الحاجات الهادية قوي .... يمكن لان الشتا ليله طويل وهادي ....مفيش حد في الشوارع الدنيا هاديةورايقة في كل حتة..... المهم الرسومات برضو اكثر من رائعة.....فعلا فعلا يعني ...حاجة جميلة



A.SAMIR

اروي الطويل said...

ايه ياعم الرومانسي
بشويش علينا كدا
طب بزمتك مين بقي اللي عاطفي

ض/خالد said...

وما هي إلا ليلة...
وتنقضي ظلمتها

إن شاء الله

الـفجـريـــة said...

شمس بكره

مبسوطة انه عجبك
وكمان انك بقيتى من الزوار الدائمين يا منى

الجزء ده فى النشيد بحبه جدا فعلا
وبحب كمان

كم فتق الأفكار صمتٌ موغل عبر السنين
كم فجر الإبداع في قلبٍ ذوا فيه حزين

وكل كلماته بحبها
:)

------
صاحب المضيفة

أكييد
جزاكم الله خيرا

الـفجـريـــة said...

صانعة الحرية

أحبك الله الذى أحببتنى فيه

كويس انه وصل

جزاكى الله خيرا
:)

-----

A.SAMIR

اولا..جزاكم الله خيرا على المتابعة ..وموضوع البساطة والعمق ده اتمنى يكون حقيقى

ثانيا..عن النشيد..هو الشتاء فعلا له جوه الخاص به بهدوءه وليله..لكن هيه الفكرة بتكون فى ان نجد انفسنا عموما..صيفا او شتاءا او مهما اختلف الوقت..وظنى اننا لن نصل لهذا الا بالاتصال بالله..وقتها يصبح هدوء ليل الشتاء فرصة للتفكر وصخب نهاره فرصة للتواصل والعطاء والانجاز..وكل وقت مهما كان سيكون له تميزه وجماله..

الـفجـريـــة said...

اروى الطويل

عم الرومانسى
يا بخت الصحافة واللغة بيكى بجد
:D
اما عن مين العاطفى
فده سؤال محتاج تفكييير
لكن لو قلنا مين العصبى
؟؟
اظن دى بأه سهلة
:P

وحشتينى بنسبة عالية
:)

-----
ض.خالد

هى فعلا كذلك
امل ان تنقضى على خير وفيما يرضى ربنا عنا

Mo3Az said...

جميل
نسأل الله ان يأتى بعد الليل فجر يقر اعيننا
جزاكم الله خير

Esraa Hamed said...

النشيد أكثر منراااااائع يا اسماء
ربنا يكرمك يااارب
جزاكي الله كل خير

AbdElRaHmaN Ayyash said...

نقدر نقول هانت
هانت بجد

Nour-Gedeed said...

هااااااااااااااااي
وحشتني المدونة يا اسماء
طبعا انا زعلانة
النشيد مش شغال
بس الكلمات جميلة
هقولك شعوري و انا بقرأها بس تفهميني
فعلا حسيت
ان قلبي نزل في بطني
ده غير بأه القشعريرة
جزاك الله خيرا
هقولك كلمة تضايقك
تحياتي
ههههه

شمس بكرة said...

السلام عليك ورحمة الله وبركاته
ازيك يا سمسمة أخبارك ايه؟
وازاي أمي دلوقتي أخبارها ايه؟
تعرفي ياسمسمة وحشتيني جدا أكثر من أي كلمة ممكن أعرف أقولها
صدقا
إني أحبك في الله

كبر دماغك said...

wa7shany awe:)

salmley 3ala tant omneya ento wa7shenyyyyyyyyyyyy

post momayaz kal 3ada:)

salmely 3aala uncle rabena farago areeb areeb awe insha allah:)

محمد مصطفى said...

الكلمات فعلاً أكثر من رائعة
جزاكم الله خيراً

alfarag said...

ماشاء الله كلمات جميله

mohamed said...

اللليل والقمر .. روميو وجولييت
اتمنى تزورى مدونتى ونبقى اصحاب
mobkhat.blogspot.com

Amr Magdi said...

الأول افتكرته شعر خاص بك زي ما إسلام افتكر

لكن بعد ما قرأت التعليقات بسرعة عرفت إنه نشيد معروف لكن أنا لم أسمعه من قبل

عامة أحببت فقط أن أترك تعليقا هنا، حتى أتأكد أن هناك بعض الدماء تجري في عروقي، لأنك تعلقين كثيرا لدي في حين أنني لم أعلق هنا من قبل

أنا عامة لدي مشكة في متابعة المدونات حقيقة لا أتابع الكثير منها.. ربما لظروف قهرية واخرى تتعلق بانخفاض هرمون الكورتيزون ربما ..

إذا كان من تعليق مباشر فيما يتعلق بهذا الشعر ، أقول إن الليل بالنسبة لي مخلوق غير محبب.. فقط حين نرى القمر ننسب الفضل لليل لكن في النهاية الشمس هي السبب ..

حد فاهم حاجة!