Thursday, November 6, 2008

عن الساعات الأخيرة من الليل



على الرغم من حبى لشكل حجرتى بعد تنظيمها وسعادتى _وسعادة أمى والبيت كله_ بها الا ان سعادتى الكبرى تكون بما وقع تحت يدى خلال عملية "الترويق" والتنظيم تلك.. يتكررهذا من وقت لأخر وعادة ما اجد اوراق كثيرة بخطى او لأخرين و قصاقيص مختلفة أكون قد نسيتها..غالبا ما أسعد لانى وجدتها ولما تحمله لى من ذكرى أيا كانت.."الساعات الأخيرة من الليل" واحدة من هؤلاء..هى تجربة أدبية ولكن الغريب انى نسيتها تماما..لا اذكر بالتحديد وقت كتابتها ..كان ذلك فى الكلية ولكن متى؟؟لا أدرى على وجه التحديد..لا أذكر ايضا الدافع لذلك..هل هى مجرد خاطرة ألحت على أم كان وراءها حدث أو سبب ما..المهم اننى وجدتها واحببت ان تكون هنا ..فعلى الرغم من استغرابى الأن من بعض عباراتها وتكوينها اللغوى..الا أن فيها شيئ ما جعلنى أحب ان أدونها كما هى..

هكذا تكون الساعات الأخيرة من الليل

بشر هنا وهناك

البعض نائمون

والأ ُخر قائمون

وبين هذا وذاك

قلبٌ سائحٌ يتأمل

فلا النوم يطمح اليه

ولا القيام يقدر عليه

هكذا تكون الساعات الأخيرة من الليل

عيونٌ تحلم

وأخرى دب فيها يأس ما بعد الملل

فلملمت ما بقى من انسانيتها

وكورتها كوسادةٍ للنوم

ربما توحى لها

بأحلامٍ أكثر مودة

وبقية اختارت

أن تبقى على حلمها

بخيط نور يتسلل

رغم عثرات الطريق

لازالت ترى

غداً أجمل

بذلك تحيا

يظنونهم حمقى

تسعى لتبديد ظلام لا يتبدد

ولكنها تبعث الأحلام

ترسم الصور

وتعمل

هكذا تكون الساعات الأخيرة من الليل

والكل وقع فى الذلل

أحدهم يبارز بذلاته

فخورٌ أنه جرأ

جرئٌ أنه فعل

وأخر يبكى

يناجى ويدعو

تغمر عينيه دموع العائدين

يطرق الباب مراراً

يطمع لو قـُبـِل

هكذا تكون الساعات الأخيرة من الليل

لا تتعجب فيها من تسارع الحركة

واختلاف مواقع البشر

فبين لحظةٍ وأخرى

تجد من كان دوماً

فى أوائل من سبق

استقبلته خطوط ٌ خلفية

ربما أضحى أصحابها

بالكد من الأ ُوَل

هكذا تكون الساعات الأخيرة من الليل

لا يوقفك ظالم لا يفيق

ولا منافق مستمر فى الطريق

ولا قلب حالم وأصابه الكلل

فالمثابر ان فاجأته دمعة يأس

تمحوها دموع الأمل

ولا من جروح يوما ستندمل

فالساعات الأخيرة من الليل

ميقات سعى الموقنين

ومن سعى وصل


18 comments:

Doctor R said...

كويس كويس مش بطال ليكي مستقبل يا بنتي
لازم أشجعك برضو
بس المعاني جميلة فعلا
ربنا يجعلنا ممن يعمرون تلك الساعات بذكره و طاعته

Anonymous said...

السلام عليكم
نفهم من المقدمة انك الحمد الله رتبتي غرفتك أستعدادا لاخذ خطوات مهمة
فمبروك تلك الخطوة الجريئة

فعلا جميلة جدا وفعلا تأثرت بها جعلكي الله سببا في التغيير
جزاكي الله خيرا

الـفجـريـــة said...

Doctor R
او فى قول أخر رفيدة

كويس كويس مش بطال
ماشى يا ستى
:0
تشجيع الناس بتوع طب ليه طعم تانى بردو
:)

جزاكى الله خيرا يا روفى وربنا يتقبل دعائك

------

Anonymous

واياكم والمسلمين

والله يبارك فيكم..هى خطوة الغرفة دى متاخدة من 3 اسابيع تقريبا بس التدوينة هى اللى مجتش بسرعة ..اما عن الخطوات المهمة فيعنى ممكن نقول ان اول الغيث قطرة


سبب فى التغيير
ياااا رب
جزاكم الله خيرا

sara kamal said...

:))
طبعا مفاجأة
متنكريش

تدوينة جميلة يا سمؤة

يعنى ساعات كدة بيطلع منك حاجات كويسة

وجزاكى الله خيرااااااااا على انهاردة

بجد ادخلتى السرور على قلبى

م/ الحسيني لزومي said...

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

شمس بكرة said...

فيها حاجة خلتني أسرح مع نفسي شوية ولمست حاجة من قلبي

شوكت said...

بالنسبة الى حديث اعداد الغرفة و ترويقها فهو مبدأ بعيد عني تماما و ياريت محدش من البيت عندي يقرأ تدوينتك...و بالمناسبة دايما التدوينات الشعرية في مرحلة الجامعية بيكون ليها طعم تاني خالص..احتفظي بها مهما يكن

رابطة هويتي اسلامية said...

السلام عليكم ورحمة الله وبركاته

ندعوك للمشاركة معنا في رابطة

" هويتي إسلامية "

من أجل إعادة الهوية الإسلامية للمسلمين عامة وللمدونين خاصة.

شبكة اتصال مباشرة وقاعدة عريضة من أفضل المدونين .

هيا ..... كن معنا من أجل الدفاع عن الإسلام من الغزو الغربي

سأرحل يوما said...

أسماء
انتى شاعره يا بنتى
ربنا يوفقك يارب
بحبك فى الله

بقلمي said...

حلوه يا اسماء الليل من الاشياء التي يكثر عليها الكلام ومليئ بالاحاسيس العميقه وانتي عبرتي عن جزء منها

جمعاوى روش طحن said...

تكون الساعات الأخيرة من الليل

لا يوقفك ظالم لا يفيق

ولا منافق مستمر فى الطريق

ولا قلب حالم وأصابه الكلل

فالمثابر ان فاجأته دمعة يأس

تمحوها دموع الأمل

ولا من جروح يوما ستندمل

فالساعات الأخيرة من الليل

ميقات سعى الموقنين

ومن سعى وصل


هو ده الكلام

بس

Anonymous said...

وحشتنى تدويناتك
وماصبرنى أن ورقتك كانت معى فى الغربة : )
وأخواتك أيضا (عشان مش يزعلوا بي) وحشتينى جدا
أفتقدك كثيراااااااااااااا
ولا أطيق الانتظار حتى ألقاكى يا توأمتى الجميلة

نهى
13\11\2008

دونت التاريخ لتضميها إلى قصاقيصك
حتى عند ترتيب غرفتك (مدونتك) مرة أخرى (والعلم عند الله متى ) لأن خبر ترتيب غرفتك يعتبر من المعجزات :P

ولكن أظنها فعلا خطوة للتغيير !!!

الـفجـريـــة said...

سارة كمال

مفاجأة كبيرة اوى
عموما الايامدى انتى عملتيلى كذا مفاجاة أجمل من بعض
لسه بستوعبهم

جزاكى الله عنى خيرا يا سارة

-----

شمس بكره

أى خدمة
:)
بس ده عشان سيادتك انسانة حساسة ورقيقة يعنى
ازيك اهم حاجة
بقول يااارب من ساعتها

الـفجـريـــة said...

شوكت

هى فعلا بيكون لها طعم مختلف
نتيجة ان فترة الجامعة نفسها بتكون فترة مختلفة وبنتعرض فيها لمؤثرات كثيرة

احتفظ بها بالفعل
جزاكم الله خيرا

-----
سأرحل يوما..مريومة

لا انا مش شاعرة خالص
دى تجارب كده فلتات فى اوقات
لكن الاساس انى مليش فى الشعر
أقرا بس مكتبش
:)
وحتى كقراية مش هو اقرب الحاجات لي

أحبك الله الذى أحببتنى فيه
أشوفك انهارده ان شاء الله

الـفجـريـــة said...

بقلمى

شكرا يا أستاذة

وفى انتظار كتاباتك

-----

جمعاوزى روش طحن

جزاكم الله خيرا

-----

نوناا

حمدا لله على السلامة
يعنى الدنيا هنا نورت والمانيا طبعا ضلمت

افتقدتكم كثيييييرا
ومش هعرف اقولك حاجات كتير هنا
لذلك انا ايضا منتظرة جدااا انى اشوفك انهارده ان شاء الله

اما بالنسبة لترتيب الأوضة
اللى بتقولى عليه من المعجزات

المعجزة دى بتحصل كل شهر بالكتير يا استاذة
احنا ناس ميهمناش
:D
وبعدين انتى بالذات متتكلميش عن موضوع الترتيب
:P:P

رشَاش وفٌل said...

جميلة حقا :)

شوكت said...

يدعوكم شوكت كاظم السلحدار الى حضور

مصطبة شوكت و المشاكرة فيها بأرائكم

http://shawkat85.blogspot.com/

تشرفونا

سارة زكي said...

السلام عليكم
انا سعيدة اني بعلق بعد طول غياب علي مدونتك
احساسها رائع ومؤثر حسستني اني في الساعات الاخيرة من الليل بالفعل
زادك الله من هباته ورزقك الاخلاص
بحبك في الله جدا
اختك-سارة زكي