Tuesday, November 25, 2008

حدث من قبل :)


تعارفنا فى اوائل أيام هذا العام..هى طالبة بالسنة الاولى بكليتنا وأنا فى السنة الرابعة والأخيرة ان شاء الله.. جلسنا اليوم معاً..تحدثنا اكثر من ذى قبل..وتعرفنا أكثر بالطبع..وفى طريق عودتى للبيت لم تفارق نظراتها ولا كلماتها خيالى..أحببتها وتذكرت معها كل شيئ..فمنذ أربع سنوات سألت نفس سؤالها..وعلقت تعليقات قريبة مما سمعت منها اليوم..منذ أربع سنوات كنت اتحدث بمثل هذا الحماس وابتسم مثل تلك الابتسامة..تحدثت معها فتذكرت الكثير من خلالها وتذكرت ان هناك أربع سنوات قد مرت بى مسرعة فى هذا المكان..وجدتها تحكى لى عن مواقف دراسية وحياتية تمر بها مقاربة جدا لما مررت به..أخبرها ألا تحزن تجاه تلك المواقف فستخرج منها بما يفيدها بالتأكيد وأصارحها ضاحكة بأنها على الأقل ستجد خبرات ومواقف تحكيها لمن تأتى وتسألها بعد أربع سنوات من الأن..


يوم بعد أخر يزداد يقينى بأن هذا المكان_أى كليتى الحبيبة_من أغلى الأماكن عندى وأن القلوب التى التقيتها هناك من أقرب القلوب إلى ّ وان فراقه لن يكون سهلاً على الاطلاق..اللهم اجعل أيامنا فيها شاهداً لنا لا علينا..


18 comments:

جمعاوى روش طحن said...

أول تعليق

(:

فعلا و بدون شك فترة الكلية مش ح تتعوض من كل حاجة

حاولى فى الفترة القليلة اللى باقي
تشبعى منها

(:


جزاكم الله خيرا

Anonymous said...

ورد في الاثر أن قطع الارض تتنادي كل صباح فتقول هل مر عليك اليوم من يذكر الله فتقول لها لا
فتتيه( فتفتخر( علي باقي القطع بأن مر عليها من يذكر الله جعل الله قطع أرض الكلية شاهدة لك لا عليك
وجعل أعمال تلك الاخت في موازين حسناتك دون أن ينقص ذلك من أجرك شيئا
وكده يعني

اصرار أمل said...

ذكرتيني بما مضى ...
بجد ؛ كانت أحلى أيام ...بس في أحلى منها طبعا بعدين :)
أسأل الله أن يكتب كل خطوة مشيتيها في الكلية في موازين حسناتك ؛؛ وأن لايحرمك أجر كل عمل عملتيه ...
ربنا يكرمك يا قمر ؛ ويسعدنا بيك ..
لا تنسيني من دعائك ...

آن الأوان said...

يااااااااااه يا اسماء كانت ايام جميلة
ربنا يجعلها فى ميزان حسناتك و يجعلك سبب فى ارتقاء الكلية

صاحب المضيفة said...

بارك الله لك في عمرك وحياتك كلها

وجعلك نبراسا لكل سائل يارب


كل التحية

د.احمد خيرى said...

فعلا لقد تعلمت فى الجامعة ما لم أجده فى غيرها

شمس بكرة said...

مبلاش السيرة دي عشان الواحد ميعيطش

وضّاح said...

ربنا يجعل ذكرياتك كلها جميلة.. لا تعوض
:)

أنا المقاوم said...

الأخ الكريم/

تدعوكم مدونة أنا المقاوم وفي أول أيامها على شاشات الحاسوب لمؤتمرها الأول والذي بعناون:


غزة....إلى أين ونحن ....إلى متى!!؟؟
والذي سنناقش فيه الآتي :
لماذاغزة!!؟؟
غزة إلى أين.
ونحن إلى متى.
وما واجبنا نحو غزة و الغزيين كمصريين و كعرب وكمسلمين.

بزايرتك أخي
تدعم صمود غزة
فلا تبخل على أخوك المسلم بهذه الزيارة.

موعدنا:
اليوم الجمعه في تمام الساعة العاشرة مساءاًبتوقيت القاهرة.
تنويه:
للإشتارك من فضلك سارع بإضافة هذا البريد على قائمتك حيث أن المؤتمر سيتم من خلاله
el.moqawem@yahoo.com


لكم جزيل الشكر و التقدير


حسن البنا
أنا المقاوم
http://elmoqawem.blogspot.com

ياسمين نعمان said...

فكرتيني بأيام جميلة يا سمسمة .. اشبعي من الكلية على قد ما تقدري دلوقتي عشان فعلا هتوحشك .. و ان شاء الله أيامك بعدها تكون أحلى
أنا كويسة الحمد لله يا سمسمة جزاك الله خيرا

Anonymous said...

يااااااااه يا توأمتى الجميلة
هى أيام الجد والضحك والهزار والعياط والفطار والدعاء واليأس والأمل والتقييمات وعم عبد العزيز (الله يرحمه) والعميد السابق والجديد والحفلات والرحلات
والكافتيريا والاسانسير العطلان
يعنى هاجر ومريم وسمية وشيماء ونهال ومروة وسارة
يعنى الدادة اللى بتعشق اليمام يعنى الشباك اللى فوق ...يعنى اللوحات والكاميرا يعنى حياتى كلها فى 4 سنين

أحلى سنين عمرى اللى عشتها
والله أعلم باللى جاى

وعلى رأيك
عشان نلاقى حاجة نحكيهالهم....ده احنا هنلاقى حاجااااااااااااات

فقط دعائى دوما حتى فى العمرة
اللهم أربط على قلوبنا ولاتفرقنا حتى نلقاك

توأمتك
نهى
ليلة أول الأيام العشرة من ذى الحجة
(لك ولقصاقيصك)علنا نتذكرها ونحن بلا أسنان فنضحك على الأيام الخوالى : )

نور جديد said...

ااااااااه يا اسماء
انا اصلا عيطت
يمكن منخوقة من حاجة تانية
بس رغم ان تدوينتك فيها معاني كتير
الا اني مش هقول و اول مرة اقولها لحد
دايما كنت اقولها لنفسي و خلاص
ان فراق دفعتكم بقى هوه اللي مش سهل عليا خالص
و انتي بالذات يا اسماء
مش متخيلاني خالص السنة الجاية ان شاء الله من غيرك
اللهم كما جمعتنا على حبك دون ترتيب و لا تدبير منا لا تفرقنا ابدا يارب العالمين

حفيدة البنا said...

والله نفس الإحساس ده جالى بس مش لما سبت الكليه طبعا لأنى لسه مدخلتهاش لكن لما سبت مدرستى اللى كنت فيها فى إبتدائى .كتير كنت بروحها وسلم على صحابى اللى كانوا فيها كان صعب جدا بردك عليا بس عرفت إن هيا الدنيا كده ناس نعرفهم ونحبهم وفى لحظه نفترق عنهم.
خصوصا كمان البنات اللى فى الكليه لما كنت بسمع أسماء أختى وهيه بتقولى دى فلانه آخر سنه ليها والنهارده كانت بتعيط وتسلم علينا عشان مش جيه تانى فعلا بيبقى إحساس صعب.
أنا حسه إنى بديقك أكتر ...آسفه على الإطاله.

... وفقك الله وجعل تلك الأيام فى ميزان حسناتك
جزاكى الله خيراا

النجمة الصامدة said...

سبحان الله

إحساس غريب حقا

والأغرب هي السرعة التي تمر بها تلك السنوات

نسال الله ان يبارك لنا في اعمارنا


....
جزيتِ الجنة

الـفجـريـــة said...

اعتذر عن تأخرى فى الرد عليكم
لأن الكلية بدأت تعلن عن وجهها الأخر والحمد لله
:)
----

جمعاوى روش طحن

هذا ما أحاوله فعلا
جزاكم الله خيرا

----

غير معرف

تقبل الله دعاءكم
أما بالنسبة لها ولكل من يمر على الكلية بعدنا فربنا يعينهم ويستعملهم فيما يحب

-----

أمل

ربنا يتقبل دعاءك يا أمل
وبتبسط جدا لما بترنى عليه
بس انا مبرنش
:D
جزاكى الله عنى خيرا

الـفجـريـــة said...

أن الأوان

اصلا وانا بكتبها كنت فاكراكى جدا

بس ايه بس ارتقاء دى

ده احنا بنتطور والله
:D

بس طبعا أمييين

------

صاحب المضيفة

تقبل الله دعاءكم
وجزاكم الله خيرا

-------
د.أحمد خيرى

هى فعلا فترة مختلفة عما قبلها وعما بعدها
ربنا ينفعنا بها

الـفجـريـــة said...

شمس بكره

لا خلاص ولا كأنى قلت حاجة

ربنا يجعلها فى ميزان حسناتك
ويوفقك فى الشغل والكفاح اليومى بتاعكو
:)

---
وضاح

جزاكم الله خيرا
---

ياسمين نعمان

منا بحاول
طيب الحمد لله انك بخير يا ياسمين
سلمى على أسماء لما تشوفيها
:)

---
نهى حبيبتى

اللهم أربط على قلوبنا ولاتفرقنا حتى نلقاك

أمين

فكرتينى بكل الحاجات يا نهى
اللى انا اصلا مش ناسياها

وبالذات الأسانسير العطلاان
:)

أراك على خير
وأكيد مكالمتى انهارده اسعدتك
:P:P

الـفجـريـــة said...

سلماية

يا بنتى عندك حق طبعا
دفعتنا متتعوضش
ربنا يعينكم
:P:P

لا نتكلم بجد بأه
احنا اللى مش متخيلين
لكن انا على يقين ان من جمعنا بكرمه وفضله فى الكلية لن يفرق قلوبنا ولو تباعدت الأبدان

وبعدين احنا هنعمل دراما ليه دلوقتى
ده لسه ترم بحاله ان شاء الله
:)
جزاكى الله عنى خيرا يا سلمى
----

حفيدة البنا

أولا..أهلا بك فى المدونة ..اوظن ان ده اول تعليق هنا

ما مررت به فى المدرسة مقارب فعلا للكلية لكن الكلية بيكون احساسها اكبر نظرا لان شخصية الواحد بتبقى اتكونت اكتر وكبر شوية فعلاقاته بالناس بتكون اعمق

لا مبتدايقنيش ولا حاجة
انا اصلا مش مدايقة الحمد لله
يعنى صحيح عارفة ان التخرج مش هيكون سهل عليه
لكن ربنا كريييم
:)
تقبل الله دعاءك

----

جهاد

أمين
بتمر بسرعة جداا
لانى فاكرة انى من وقت قريب جدا كنت قاعدة مع اصحابى فى ثانوى وعمالين نفكر يا ترى ايه نظام الجامعة وهنعمل فيها ايه

وفجأة

تدوينة عن التخرج
وتستمر الحياة
:)