يا أهلنا في غزة .. نحن معكم

Sunday, July 15, 2007

الجلسة انهارده...لخبطة


اصدق كلمة وجدتها تتقال على جلسة انهارده هى اللخبطة


كل شيئ عكس حقيقته


ابى واخوانه مدنيين

يحاكموا امام محكمة عسكرية


وقضية النزاع بين المحاكم شغالة

لكن العسكرية شغالة هى كمان عادى


الجلسة المفروض علنية

ووسائل الاعلام تتمنع من الدخول هى

وممثلى منظمات حقوق الانسان

وبقية المدونين والحاضرين


طيب ملفقينلهم احراز

هى لا تخصهم


وفى منهم الحاجات بتاعته

بعد مخدوها مش لاقيها


طيب الدفاع بيطلب طلبات

والمحكمة قرارتها فى اتجاه واحد لانها اصلا مسرحية


كل اخ كان بيخرج من القفص لمشاهدة أحرازه كمتهم

وكنا بنسقف لكل واحد بيخرج تسقيف كتير كشريف


الاطفال كانوا فى محاكمة واباءهم فى الأقفاص

لكن كانوا متمساكين لانهم اصبحوا اقوى


الناس اللى حواليك لم تكن تعرفهم الا ببداية الاعتقال

لكنك تشعر انك وسط عائلتك الحقيقية


اباءنا بداخل الأقفاص العالية

روحهم اعلى منها بكتير وبسمتهم تعلو الوجوه


يمكن حاجات كتير بتشاور على ليل طويل

لكن الاكيد ان اللى شقته انهارده دليل على فجر قرييييب
--------------------
اسفة على التغطية السريعة لان اليوم كان طويل للغاية
وغدا يوم مزدحم ان شاء الله
لكن انتظروا قريييبا
" فى بيتنا مباحث "

48 comments:

محمد السيد..مش حاسكت said...

حمدا لله علي السلامة يا أفندم ....

كنت معاكم ... وربنا يصبرهم ويصبركم ويثبتا جميعا ....

تحياتي ودعواتي

آن الأوان said...

فعلا الفجر جاى وقرب خلاص

ومن اللى شوفنا انهارده وحاجات تانيه كتير مش لازم نفقد الامل حتى لو الطريق طويل حتى لو الطريق شاق الا ان سلعه الله غاليه الا ان سلعه الله هى الجنه

MoHaMmAd said...

عرفت اللى حصل فى المهزلة .. وعارفة حضرتك جه على وشى تعبير لو كنت خريج معهد تمثيل وكنت أحسن ممثل فى العالم ماكنتش هاطلعه ... ابتسمت ابتسامة واحد خلاص هايبكى..عارفة لما العين تتملى دموع وخلاص هاتنزل اهيه ...رحت مبتسم ابتسامة صفرااااااا...حبست الدموع....المهم نتطمن على استاذ ياسر عبده بكرة ان شاء الله يا ريت تكتبلنا اخبار صحته ايه

Rehab Saber said...

سمسمة حبيبتى

ازيك يا قمر؟

ياابنتى ده شىء متوقع.. نزاهة نزاهة يعنى


الصبر جميل

فاروتا المصرى said...

ربنا يثبتكم ويقويكم وينفع بكم

Anonymous said...

أخ محمد السيد
أن الأوان
أخ محمد
كات
أخ فاروتا

جزاكم الله خيرا جميعا

واللى بيحصل مبشر فعلا

ربنا يثبتنا جميعا

ووسط هذا الكم الحاشد اللى جه حتى لو مش من الأسر مبقاش حد عارف مين من الأسر ومين لأ..الكل يحملون نفس المشاعر

ادامها الله علينا نعمة

-------
أن الأوان
مبروك المدونة يا انسة
:)

مشروع انسان said...

اللهم لك الحمد
تم الافراج عن احمد الجيزاوى الساعة 2.30

ياسر سليم said...

السلام عليكم

انا كنت هناك

وعاملونى زى ما عاملوا


وزير العدل الأمريكي الأسبق رمزي كلارك

Jobove - Reus said...

We have spent a good moment in his blog congratulations
Regards from Catalonia Spain

Anonymous said...

ده عمل بسيط عما حدث فى المهزلة

http://dl4.ohshare.com/v/6366532/1Movie.wmv.html

Anonymous said...

كان الله في عونكم، و فرج كربكم عما قريب.
دعاثنا المستمر لكم و أن يصبركم الله و يصبرنا أن نحتمل كل هذا الظلم الذي يقع علي الإصلاحيين و الشرفاء في مصر.
أتمني أن نكون أصدقاء و أخوات في الله.
فاطمة جمال عبدالسلام

Aml Ghonaim said...

صبركم الله ؛وصبرنا ؛
آواكم الله ؛ وآوانا ؛
أيدكم الله ؛ وأيدنا ؛
نصـــــــركم الله ؛
ونصرنا ....

فقاقيع كلام ـ شروق الشمس said...

السلام عليكم ورحمة الله وبركاته..،

بجد والله في اليوم ده حسيت إن الناس اللي جوا القفص أهلي أبويا وخالي وجدي وأخويا..

على قد ما كنت مكتئبة من الظلم اللي شوفتوا في أهلي الشرفاء المحبوسين على قد ما كانت روحانياتي عالية جدًا

لما شوفت المهندس خيرت وهو خارج وكله عزة ويقين بالله والحاج سعودي وهو بيهزر مع مالك وبيقوله متقطعش الجوابات.. ههههه روح جميلة متبقاش غير من إخوة في الله وحب ولقاء على طاعة الله..

وفرحت جدًا إني التقيت بأخوات حبتهم فعلا في الله.. بس للأسف في اليوم ده مكنتش مظبوطة وكان مودي كئيب بسبب الظلم

أتعرفت على الفجرية وحبيتك فعلا في الله
وأتعرفت على ناس كتير..

ربنا على الظالم والظلمة
لكم الله أيها الشرفاء

فقاقيع كلام ـ شروق الشمس said...

على فكرة أنا دخلت المحكمة على إني من الأسر

هههههههههههه
وكان أول مرة أدخل محكمة في حياااااتي

Anonymous said...

السلام عليكم، فرحت جدا بمدونتك وكلماتك التى تهز القلوب ففعلا انت بنت الاستاذ الذى طالما تعلمنا منه فانتم جميعا اهل الفضل انت على بناتى ( مريم ومروة ) والوالدة على زوجتى والاستاذ ياسر على وعلى يوسف . نسأل الله سبحانه ان يرده لنا سالما غانما
اللهم امين . م. فرج

mo'men mohamed said...

حسبى الله ونعم الوكيل
دى مهزلة و مسرحية بتلعبها الحكومة
ولا الحاجات اللى وجدوها دى
يعنى مشافوهاش الا فى المحاكمة التالتة
عالم دماغها تعبانة
ربنا يصبركوا ويصبرهم و يصبرنا جميعا
السلام عليكم

جهاد خالد said...

هيجي يوم
وكل اللي اتلغبط يترتب

زي الليل ضلمة وتخبيط
وبعده يجي

وضوح

الفجرية

:)

---------
وحشتيني

الـفجـريـــة said...

امام الجيل

جزاكم الله خيرا على توصيل الخبر

والحمد لله..ربنا يثبتهم


أخ ياسر

على فكرة الكلمة دى كل مسأل حد ليه معرفتوش تدخلوا

يقولوا محنا زى وزير العدل الاسبق

يعنى اهوه الجلسة جت بفايدة

belal said...

أنا برضك كنت هناك ..بس الصراحة مالحقوش يعاملوني زي وزير العدل..أنا جيت متأخر شوية
..
ربنا يصبركم ..وياخدهم

الـفجـريـــة said...

أخ محمود

جزاكم الله خيرا كثيرا

شاهدته وهو رائع

على فكرة الحاجات دى بتوصل اكتر من الكلام بكتير



فاطمة جمال عبد السلام


دعاءكم يصل ونشعر به دوما

بس يا فاطمة طلب
نحتاج من حين لاخر وبالذات الفترة دى وما يحدث فى فلسطين لضيف من حماس يطمئنا عليهم وتتضاءل امام محنتهم ما نمر به ايا كان

يعنى دلوقتى احنا دعينا ود.جمال خرج الحمد لله
:)
احنا ناس بندعى من غير مقابل صحيح
لكن لو فى مقابل لا نرفضه
:)
يا ريت توصليله المطلب الشعبى ده

وانا ايضا اتمنى ذلك

الـفجـريـــة said...

حبيبتى أمل

آواكم الله ؛ وآوانا ؛

أميييين
جزاكى الله خيرا

فقاقيع

أحبك الله الذى أحببتنى فيه
وفعلا الروح بينهم كانت راااائعة
بصى فعلا ربنا سبحانه وتعالى لما بييسر لحد بيكون هو منبع السعادة فى اى مكان يحل فيه
وبحس كده فيهم
ربنا يباركلنا فيهم

المهم انت دلوقتى ايه الاخبار
لسه مش مظبوطة؟؟
اوعى يا بنت
انتى ادها وادود
وبعدين انتى مكنتيش داخلة على انك من الاسر

احنا حسينا اصلا ان كلنا اسر
ده بصدق مش كلام
جزاكى الله خيرا
واتمنى اشوك تانى
:)

الـفجـريـــة said...

م.فرج

سعدت بتعليق حضرتك
جزاكم الله خيرا

بل انتم أصحاب الفضل
ودعاءكم يصل لنا
ونشعر به

سلامى لخالتو ومريم ومروة ويوسف

الـفجـريـــة said...

أخ مؤمن

هيه فعلا مسرحية
بس موضوع الاحراز ده مسرحية لوحده

ربنا يتقبل دعاءكم


جهاد

وانتى كمان وحشتييينى

وكلامك الجميل انا موقنة به ان شاء الله

جزاكى الله خيرا


أخ بلال

هوه فعلا جم عند وقت معين

وعرفنا ان فى مجموعة كبيرة مازالت بالخارج وغير مسموح لها بالدخول

بس ان شاء الله لكم الأجر

هاني جابر said...

السلام عليكم
ما شاء الله مدونة جميلة جدا
بارك الله فيكي
فعلا هو كان يوم طويل جدا ومتعب جدا
لكن بإذن الله ايام الفرج قريبة
لا تيأسي
ولا نملك إلا ان نقول حسبي الله ونعم الوكيل
وياريت تشرفني بزيارتك مدونتي
لا تنسينا من دعائك

Anonymous said...

حمد الله على السلامة
ما شاء الله بتعرفي تتكلمي :):):)
بس كلام استاذه حفصة النهارده هو اللي كان مش ممكن
انا بكتب التقرير حالا
سلااام

challenging_sam said...

I'm sorry for your father really ..

he's not the only prisoner ... we're all are ... and we're about to get freed soon isa.

I saw from your profile that you're interested in graphics and art in general and thought to give you some sites that might be interesting for you ...

http://forums.cgsociety.org/forumdisplay.php?f=121

http://forums.cgsociety.org/forumdisplay.php?f=137

http://www.dylancolestudio.com/index2.html

http://www.dusso.com/

and many more.

ياسر سليم said...

انا كنت فى المؤتمر امبارح

و كان مؤتمر رائع باللى فيه

وكلمتك كانت جميلة

وسجلت كلمات الشيخ امين الديب

وان شاء الله ممكن انزلها على المدونة

إما صوتى أو كتابة

فقاقيع كلام ـ شروق الشمس said...

لا الحمد لله أنا دلوقتي أحسن

وانهاردة الأربعاء في ندوة د. طارق سويدان

في ساقية الصاوي ياريت أشوفكم هناك يااااااريت

والتفاصيل على مدونتي


وبردوا في قافلة للفلسطنين في معبر رفح

والتفاصيل بردوا على المدونة

ياريت تشاركوا

الناس دي في أمس الحاجة لينا

Anonymous said...

ياااه و بعد طول غياب و بعد طول انتظار .... ينفع إعلان تلفزيوني تعود إليك يا حبيبتي يا أسماء سلمى حلى عارفة إنك مش قادرة تمسكي نفسك من الفرحة لكن خليني ابدأ بقول الله تعالى " أخرجوهم من قريتكم إنهم أناس يتطهرون " سبحان قوم سيدنا لوط أرادوا إخرجه من القرية لمجرد أنه يتطهر يا شيخة دا كتر خير حكومتنا إنها مبتسبناش نتعذب بيد حد غريب هي بتطمن علينا بنفسها و سبحان الله هي هي الجريمة أننا نريد أن نتطهر من الباطل و نطهر الآخرين منه و البلد يلا . عموما شكلنا كده بنتكلم في السياسة و هنروح في س و ج
وبجد شفا الله و عافى عمو عصام الراجل ده أصله بحبه في الله جدا و عموما هو كان عمل معايا موقف معين أنا لن أستطيع مجازاته فتركت مجازاته خيرا عني عند الله
آخر حاجة بقأه كتير عاوزة أقولها لك و لا على رأيك يا شيخة خليني ساكتة
أكيد هتعرفيني
سلمى حلي

Anonymous said...

بالفعل يا اسماء الجلسه فعلا لخبطه
وتحليلك عجبنى فعلا بدون مبالغه
وبالفعل فان الاطفال قلوبهم قويت
يعنى اتذكر عندما كنت صغيره كنت عكسهم تمما ولرغم ان هذه الحبسه لها سلبيات ولكن لها ايجابيات واولها انى تعرفت عليكى وكانت اجمل صدفه لن استطيع ان انساها ثانيا تعرفت على اباء كثيرين اثروا فىبشكل كبير وانا اقول لكى يا اسماء امضى فى طريقك ودونى
وجزاك الله خيرا
اختك
نيره عصام عبد المحسن

همسة قلم said...

فكرتيني بنفس المهزلة اللى حصلت ايام محاكمة ابي الله يرحمه ياسمسمة

حسبنا الله ونعم الوكيل .. بس شوفي ياسمسم

هتلاقي من قلب المحنة منحة ربنا عز وجل باعتها لكل اسر المعتقلين الشرفاء اللى غيبوهم خلف القضبان

ودولة الظلم لو قامت ساعة .. فدولة الحق الى قيام الساعة

شوفي بقى مين فيهم أكبر :)

كل التحية والحب كِ حبيبتي الغالية

سلامنا لخالتو امنية من غير غيرة انا بقول أهو:D

جمعاوى said...

قد لا يفيد تعليقى

و لكن

صبرا فإن بعد العسر يسرا

Rehab Saber said...

سمسمة انا عايزاكى .. خدى ايميلى من عندى وضفينى ..

Anonymous said...

ألف مبروك يا مس أسماء
بجد الف ألف ألف مبروك
يارب كده على طول
و ان شاء الله فرحتنا الكبيرة بفرج اخواننا تكون قريب اوي

MoHaMmAd said...

http://el-nay.blogspot.com/2007/07/blog-post_19.html#links

ahmed mefrh said...

تقبل الله الجهد و العمل و الصبر

mazagat said...

فقط أعقب بقول الله تعالى


إن الله لا يصلح عمل المفسدين


قريبا نرى انوار الفجر أختي

الله وعدنا هذا

وسبحانه لا يخلف وعده

صبر جميل والله المستعان




... مزاجات

صاحب البوابــة said...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

سارة بندارى said...

أعزكم الله

وزادكم صبرا على صبر

والليل إذا اشتد ظلمته نقول الفجر لاح

تحياتى

Anonymous said...

اخ هانى
جزاكم الله خيرا
وان شاء الله هزور المدونة

أخ عبدالرحمن
كلمة حفصة فعلا كانت رائعة
ومؤثرة جداا
ربنا يكرمها

أ.سامر
جزاكم الله خيرا جداعلى المواقع

أخ ياسر
ياريت تنزلها فيديو مش كتابة
لان الشيخ امين الديب له اسلوب
القاء مميز

Anonymous said...

فقاقيع كلام

جزاكى الله خيرا
ومعرفتش اجى
بس هتابع عندك
لو فى فاعليات تانية
بس اباى وافينا بالاخبار
حلوة وافينا دى
:)

سلماية

انتى بتقولى فيها
ايوة بجد فرحانة جدا
مش عشان التعليق
لكن عشان اطمنت انك لازلتى على قيد الحياة
سلمى
يا انا يا الموبايل فى حياتك
اختارى
فعلا بشع
:(
المهم تفتكرى واحدة صاحبتنا كده
اول يوم كلية قبل متقول حتى سلام عليكم
داخلة علينا بتقول
انا من طرف د.عصام حشيش
فاكراها ولا ايييه
:)
ادعيلى اوصلك

Anonymous said...

نيرة

بس ايه الكلام الحلو ده
مش واخدة على كده
:)
وانتو كمان يا نيرة كنتم من اكبر رحمات الله فى هذه الايام
ربنا يباركلكم ويكرمكم

حاضر..همضى ان شاء الله
:)


أسموءة
ازيك يا سمسمة
وحشانى جدا

مهى نفس المسرحية بتكرر تانى
اما بالنسبة لماما

فمتخفيش
سلمى براحتك
انا وماما فى المواضيع دى
عندنا سلام داخلى
:)

Anonymous said...

جمعاوى
ابو مفراح
مزاجات

جازكم الله خيرا على مروركم وتعليقكم


كات حبيبتى

ضيفتك خلاص



أخ عبد الرحمن

الله يبارك فيك
ان شاء الله نفرح بخروجهم قريبا
اميين


سارة بندارى

جازكى الله خيرا
ومبروك المدونة

مش هنسى said...

أختى الفجرية
لما اشتد على أيوب المرض قال الله له اركض فزال الألم و
ولما اشتد على موسى من فرعون الظلم قال له ربه اضرب فكان له النجاة ولفرعون الغرق
ولما مل نوح من اسلام قومه قال له ربه للفلك اصنع فكان له النجاة ومن خالفه هلك وكذلك سنة الله ولن تجد لسنةالله تبديلا
وما لنا سوى طرق أبواب السماء والصبر والدعاء واليقين بنصر
وأقسم بالله أنى أباكى إلى الخير سائر وإليكم عائد
وإن أحزان اليوم ذكريات الغد
دمت بالخير أختى

محمد النجار said...

اللهم ائذن بزوال حكم الظالمين

جزاكم الله خيرا وجعله فى ميزان حسناتك

فاروتا المصرى said...

الف مبروك على النجاح
ويارب دايما كده
ويارب يرد كل الغائبين

ahmad senosy said...

جزاكم الله خيرا على التغطية لليوم
انا كان نفسى اروح بس الظروف منعتنى
يلا الحمد
و ان شاء ربنا ينصرنا و يظهر الحق و يفك اسر اباءنا و استاذنا قريبا
و المدونة جميلة اول مرة ادخل عليها
و صراحة انا شفت عمو ياسر مرة واحدة بس
و كان حتى فى فرح و كنت سعيد جدا انى شفته و سلمت عليه و استقبلنى و استقبل الجميع ببسمة جميلة و هدوء
يارب فك اسره و اسر اخوانه و اجمعنا بهم فى جنة عرضها السموات و الارض
و سلامنا لخالتو

احمد سنوسى

Anonymous said...

حبيبتى اسماء فعلا مدونة رائعة بارك الله فيكى يا حبيبتى صدقينى انا حسة فعلا ان الظلم لن يدوم طويلا وان الفجر نوره سيضىء قريبافصبرا على الالام الدنيا واتمنى من الله ان يفك اسرى جميع اخوانا قريبا باذن الله بس لازم لما عمو يخرج تعملنا مقابلة معاه . ماشى اوعى تنسى