Sunday, July 22, 2007

عقل ويد


حاجات سريعة :

ا- عاوزة اقول لأروى الطويل جزاكى الله خيرا على التدوينة دى و متعيطيش تانى..وعشان اللى مقراش عند اروى

الحمد لله جبت جيد جدا

ولسه الترتيب معرفوش عشان دى نتيجة كنترول مش رسمى..


2-عاوزة اقول مبروك لاثنين

سمية صادق الشرقاوى

اللى فرحها كان امبارح..ربنا يباركلك يا سمية

ويرجعلكم عمو صادق قرييييبا

والحمد لله اننا عرفنا نوصل لمكان الفرح

القريب أوىىى

:)

اما التهنئة الثانية

فدى بأه لسارة خيرت الشاطر

عشان عقدها يوم 1/8

بس هقولك الدعاء من دلوقتى بأه

بارك الله لكما وبارك عليكما وجمع بينكما فى خير

:)


3- ذكرت فى اخر التدوينة السابقة اننى ساكتب بعنوان " فى بيتنا مباحث " وقد قاربت على الانتهاء منها فعلا الا انى فكرت انى انزل التدوينة دى الأول لسبب فى نفسى وممكن لموقف مررت به على ان تكون القادمة ان شاء الله " فى بيتنا مباحث "0


4-أخيرا الحمد لله عملت مدونة..واحدة من أقرب الناس لى..آن الأوان..ومعها ملك ان شاء الله تكون جميلة
وقلتلها انى هعلن عن مدونتها عندى وأتبعها بجملة مهو التدوين لم وأى حد بأه بيدون خلاص


لأجدها بترد عليه وتقول

مهو لامم من زمان

يعنى بالتحديد من شهر ديسمبر 2006

والحمد لله على كل حال

دى الاخوة فى اسمى حالاتها

:)


كفاية كده كلام وندخل فى الموضوع


عقل ويد

العقل واليد هستخدمهم كرمزان لحاجتين اساسين فى حياتنا..فنجد العقل رمز الفكر والعمليات الذهنية والثقافة

ونجد اليد كأحد الجوارح هى رمز للتطبيقات العملية والتجارب والاحتكاك والمواقف الحياتية

وقد انعم الله على كل منا وأمده بقدرات فى كلا الاتجاهين وان تفاوتت من شخص لأخر ولكنها فى النهاية موجودة بداخلنا بنسبة ما..


من مزايا العمل الجماعى

تأتى ميزة العمل الجماعى هنا...ليه؟؟؟

لانه يستطيع استيعاب تنوع الأفراد وقدراتهم..ويسمح لكل فرد بالافادة بما يتميز فيه..يعنى اللى بيميلوا للاتجاه الفكرى والعقلى بيشتغلوا وبيستوعب نقطة تميزهم واللى بيملوا للنزول اكثر لارض الواقع والتطبيقات العملية بردو بتستغل تلك الطاقة لديهم..


طيب ليه الكلام ده؟؟


لانى لاحظت حاجة..أكيد موجودة من قبل كده..لكنى فى الفترة الاخيرة مريت بكذا تجربة أعطتنى الفرصة لأراها..

ممكن نقول عليها الاكتفاء..أو الاقتصار

لا أدرى ان كانت تسمية دقيقة أم لا..لكنى اقصد بها ان الانسان يكتفى بجانب واحد اللى شايف نفسه بيتميز فيه دون محاولة التزود بحد أو بنسبة من الجانب الاخر..فنجد نفسنا أمام حالتين


أولهما..شخص يتميز بفكر عالى جدا وعقل يحاول دائما تنيمته..فهو ما بين كتاب وندوة..وبين مناقشة ومقال..واحيانا وحده يبحث هنا وهناك ويتجول بين الأفكار يحاول الاستفادة منها والوصول للاطار الفكرى المتميز الخاص به.. لكنه يكتفى بذلك ويهمل ادواره الأخرى فى الحياة العادية او ممكن نقول الاجتماعية..يعنى النزول بين الناس سواء اقارب او جيران او من خلال نشاط دعوى معين..ويهمل جانب التطبيق العملى..والاحتكاك بالمشاكل الحياتية الحقيقية مكتفيا بمحاولات واجتهادات فكرية ..


المشكلة بتيجى امته؟؟

بمرور الوقت..يمر هذا الشخص بأمرين..اولهما انه يفقد قدر كبير من اتصاله بالناس وملامسة مشاكلهم وما يشغلهم وثانيهما والذى لا يقل ضررا عن الاول فى رأيى هو فقدانه لمنبع هام ومغذى لفكره ..فدائما تساهم التجارب والاتصال بالناس فى تكوين مساحة فكرية وثقافية فى عقل الانسان غالبا لا تستطيع اى وسيلة اخرى تكوينها..سيبدأ فكره فى الصعود للبرج العاجى فى طريقه للانفصال عن من حوله وفقدان التأثير..


ده النموذج الأول


أما الثانى فنجده شخص يتميز بتواجد اجتماعى كبير بين كل الدوائر المحيطة به ..انه يستطيع ببراعة ان يقوم بمهام متعددة..وان يشارك الناس ما يشغلهم..كما أن لديه مهارات تنفيذية رائعة..فهو بين جيرانه واقاربه واسرته..يصاحب ذلك مكان عمله ..انه هناك فى المسجد وهنا يجمع تبرعات للايتام وبينهما يطمئن على جيرانه وهكذا..ولكنه ايضا يكتفى بذلك..ويهمل عقله وما يحتاجه منه من غذاء فكرى..ربما يعتمد على شيئ بسيط يأتيه من ها وهناك دون ان يسعى لتلك المعرفة..او حتى يتزود بحد معين او بنسبة منها..فدوما يجد ان ما يقوم به يكفيه..


وتظهر هنا ايضا المشكلة..


فمع مرور الوقت واتساع رقعة نشاطه ستقل فرصته فى تنمية فكره وعقله من حيث الوقت او المجهود بالاضافة لذلك فانه مع تعمقه اكثر فى العلاقات والاحتكاك ربما سيشارك الناس ما يشغلها لكنه من الطبيعى ان يجد نفسه غير قادر على الوصول لحقيقة مشاكلها وايجاد الحلول الصحيحة لها..او معرفة اصولها وفهمها.. سيصبح من السهل ان يتأثر دون ان يؤثر..


طيب يعنى النموذجين دول غلط تماما ؟؟


فى رأيى لا..بل من الطبيعى انهم يكونوا موجودين لان مفيش مجتمع حتى ولو صغير مفيهوش النماذج دى..و ممكن نكون شايفين اننا أحد النموذجين او عارفين ناس حوالينا منهم..وممكن يكون منهم من يحقق نجاحات ..ونكن له كل التقدير..


لكن الموضوع كله ان النماذج دى متكنش هى ما نطمح اليه

او ما نكتفى به

لكن نحاول اذا كنا كده ان ناخذ من الجانب الاخر(غير ما نتيميز فيه)نسبة ويا سلام لو قدرنا نزود نفسنا فيه أكثر..

ولو كان حد من اللى حوالينا نحاول مساعدته فى ذلك..


ولكن يظل ما نتميز فيه فرصة رائعة للانجاز بل ويجب علينا الحفاظ عليها وتنميتها وعدم وضع اعباء على انفسنا او غيرنا تقلل من فرصة انطلاقنا فيه لكن فلنحاول ان يصاحب هذا الانطلاق خطوات ولو بسيطة فى الاتجاهات الاخرى..


وملحوظة اخيرة..ولو كنت استخدمت الخطاب المذكر فى كل التدوينة الا انى اقصد بها الجميع رجال ونساء بس بزهق لما اعد ازود فى كل كلمة تاء مربوطة..


أتمنى تكون فكرتى وصلت..وفى انتظار ارائكم

32 comments:

AbdElRaHmaN Ayyash said...

كلام يتقال عليه رائع
العمل الجماعي لازم فعلا يكون بالشكل ده
بالنسبة للشخص المفكر في كلامك عنه
أنا شايف انه ممكن يوازن بين كله
طبعا انا مش عارف و مقدرش اقول ازاي
لكن لو هو هيوازن
هينسى نفسه فعلا
عموما الموضوع أروع من الرائع فعلا
و ألف مبروك لحضرتك مرة تانية
و لاخواتنا كلهم دعاء الفرح
ربنا يبارك فيكم
وسلام

AbdElRaHmaN Ayyash said...

صحيح
العقل الفكري أنا أرى أنه لن ينجح الا اذا كان متعايش مع غيره
يعني انا افتكر مثلا مواقف الاستاذ البنا
وللا تعامل المفكرين من اول ارسطو لحد العقاد
الناس دول كان نزولهم في الشارع أكتر من أي حاجه تانية
و كان غذاءهم الفكري تعدى مرحلة الاخذ من الكتب و بقى الاخذ من التعامل مع الناس
و العطاء الزائد
عموما مرة تانية موضوع حلو اوي
سلام

other_things said...

ألف مبروك لحضرتك
...
وبارك الله لكل إخواننا في أفراحهم
...
بوست جميل جدا
أتفق مع حضرتك
...
وأختلف مع عبدو في تعليقه التاني
لوجود الكثير من النماذج التي عاشت في أبراجها العالية
لكنها حققت نجاحات فكرية منقطعة النظير

MoHaMmAd said...

الموضوع حلو أوى ومتفق معاكى ...شخصياً كنت بأميل للنموذج الثانى وكنت شايف زى عبد الرحمن عياش كدة ان النموذج التانى هو الأفضل ...لحد ما أصبحت من المحظورين:) فأخواننا نصحونى انى أحاول انى أجمع ما بين النموذجين وما أقتصرش عند نموذج واحد يعنى أجمع النموذجين فى داخلى ... أكتسب من الجهتين وبالطريقتين ...لكن الحماس شدنى و أصبح هذا الصيف صيف لن أنساه بادرس مليييييييييييييووووووووووووووون حاجة وباتعلم مليون حاجة و باستفيد جداً بس حاسس انى أصبحت كالنموذج الأول ...للأسف افتقدت التواجد مع الناس والتعلم منهم ...بس إحدى قريباتى طمأنتنى و قالت لى أن بمجرد بداية الدراسة العام القادم و نزولى الى الكلية واحتكاكى مرة أخرى بالطلاب ... سأعود لقديم عهدى بل وسأكون قد اكتسبت النموذج الأول داخلى وان شاء الله هاكون من الأخوة الناجحين دعوياً لو اجتمع فيا النموذجين ...بس دعواتكم...دا كان أولاً...ثانياً مبرووووووووووووك للأخوات وعقبالنا....ثالثاً كتاب و نشتاق للبوح أحياناً مش لاقيه فى اسكندرية خالص..ممكن تقوليلى اسم دار النشر ولو ليها فرع فى اسكندرية تدينى عنوانه ولو مالهاش قوليلى عنوانها فى القاهرة ولما أسافر هاجيبه....سلام ومبروك عالنجاح..وعقبال فرحتنا بخروج مستر ياسر

ابو مفراح said...

اولا . مبارك
و ثانيا . جزاكم الله خيراعلى الموضوع و طريقه العرض
ابو مفراح

آن الأوان said...

الله يبارك فيك
وانا بقرا كلامك قعدت افكر لقيت ان النوع التانى عمال نازل طالع مع الناس ومش بيفكر ان العطاء اللى عنده هايجى يوم ويخلص لانه ادى كل اللى عنده وماكنش بيزود ولو هيقول ما فيش وقت ده لانه حاطط نفسه فى مليون حاجه
والنوع الاول عمال ينمى مخه وارائه بس من غير حاجات عمليه مع ان انا شايفه ان التعامل مع الناس هو اللى بيربى الواحد ويعلمه حاجات كتير والمشكله ان اللى عمال يحضر ويقرا وينمى ارائه من غير ما يفيد بيها حد هايسال عليها يوم القيامه وجزاك الله خيرا على الموضوع ده خلتينى افكر انا من انه نوع واصلح نفسى

آن الأوان said...

اه نسيت يعنى لازم الفضايح دى

آن الأوان said...

اه نسيت كمان مبروك على النجاح قولتيلك يومها الصبح انك هاتجيبى جيد جدا بصتيلى بصه كده مش حلوه عشان تبقى تسمعى الكلام

saad alshater said...

الله يبارك فيك

وجزاك الله خيرا

Anonymous said...

السلام عليكم ورحمة الله وبركاته
اختي الحبيبه اسماء
اله يبارك يكي وعقبالك يارب ان شاء الله عن قريب بس يكون عمو خرج ان شاء الله
متنسيش تدعيلي معاكي كتيييييير
اني احبك في الله
اختك ساره خيرت الشاطر

فاروتا المصرى said...

الف مبروك على النجاح

فاروتا المصرى said...

بعد ماقريت المقال
بسم الله ماشاء الله
عرض نظم ومنسق على اعلى مستوى
ده اولا
ثانيا فعلا النماذج دى موجوده فى كل مجتمع
ولابد لكل واحد فينا تنميه القدرات الغير متميز فيها
--------------
تحياتى وسلامى لعمى وحبيبى ا /يا سر عبده

فـــدوى said...

كلام جميل .. كلام معقول .. مقدرش اقول حاجة عنه
جزااااااكي الله خيرا انا سعيدة جدا بالتعرف عليكي يا سمسم

other_things said...

إضافة بسيطة ..هناك أحد المفكرين الأوروبيين الكبار
..
كان يعيش منعزلا بلا عمل
....
ويقول
..
العباقرة لا يعملون ..فهم ليسوا بحاجة للعمل
فيكفي وجودهم لتستفيد منهم البشرية
...

Farag said...

الف الف مبروك النجاح وعقبال لما نشوفك دكتوره فى الجامعه
م. فرج والعائله

الفجرية said...

جزاكم الله خيرا يا جماعة

وبردو كنت داخلة اشوف التعليقات

لأيتها محتاجة وقت عشان نتناقش فيها

فانتظروا ردى على تعليقاتكم الرائعةوالمفيدة جدا بالنسبة لى مساءا ان شاء الله

elfagreya said...

أخ عبد الرحمن

الشخص المفكر فعلا ممكن يوازن مع الحفاظ على تميزه الفكرى والاجتهاد فيه

هينسى نفسه
ممكن ولكن اظن ان بشيئ من تنظيم الوقت مش هيحصل
لانى لا اقصد يسعى ان يكون متميز فى الاتنين
ليس هذا ما اقصد
ولكن انه شاطر جدا فى اتجاه ونسبة من الاتجاه الاخر
جزاكم الله خيرا على التهنئة

elfagreya said...

اما عن تعليقك الثانى
فسأرد عليه مع رد الأخ بلال

أخ بلال

ربنا يباركلهم جميعا ان شاء الله

----
دلوقتى لما قرات التعليق وجدت ان لدى راى لكن مش عارفة ايه مصدره يعنى مقتنعة به لكن بدون دليل محدد..

قال الاخ عبد الرحمن

العقل الفكري أنا أرى أنه لن ينجح الا اذا كان متعايش مع غيره

وقال الاخ بلال

وأختلف مع عبدو في تعليقه التاني
لوجود الكثير من النماذج التي عاشت في أبراجها العالية
لكنها حققت نجاحات فكرية منقطعة النظير
بحس الاتنين صح لكن لو بنقول على شخصية عاوزنها تنجح فى الحياة عموما او تسيب اثر فكرى فممكن تكون عاشت فى ابراج عالية احيانا وتنتج انتاج فكرى متميز

لكن لو عاوزينه ناجح حياتيا ودعويا ومؤثر فى الناس اللى عايشين حواليه فمينفعش يكون منفصل عنهم

يعنى كمثال الامام البنا كان ممكن يكتفى بالتعلم من الافكار السابقة والخروج بهذا الناتج المتميز ويزداد فيه ويخرج منهج فكرى يحتاج لمن يسقطه ويطبقه على حياة الناس

وكده هيكون حقق حاجة

لكنه اختار انه يكون صاحب فكر صحيح لكنه فى نفس الوقت اختار لنفسه ان يساهم فى اسقاط فكره _واللى هو نتاج من قبله مع اجتهاده_ فى صورة عملية على حياة الناس

اتمنى اكون استطعت التوصيل

elfagreya said...

أخ محمد

طيب جميل محاولات تنمية الجانب الاخر

وبحس انه طبيعى ان ممكن الاجازة دى تكون نقلة فى هذا الجانب لسنوات قادمة ان شاء الله فممكن تكون واخدة وقت وتركيز كتير
وستاتى بعدها مرحلة اخرى
تتقدم فيها فى الجانب الذى تختاره

الله يبارك فى حضرتك

اما بالنسبة لنشتاق للبوح احيانا
فهو من دار أجيال

تليفونها
0102189627
هيه اصلا فى المعادى
بس ممكن حضرتك تسالهم عن اماكن توزيعهم فى اسكندرية

elfagreya said...

ابو مفراح

الله يبارك فى حضرتك
واياكم والمسلمين


ان الاوان

اهلا بيكى ونورتينا يعنى

بصى متفقة معاكى ..بس بالنسبة لهيسأل عنها يوم القيامة

انا حاسة هيسأل هو فاد بيها ولا لأ
حتى لو كانت الفائدة دى مش بنزوله وسط الناس

لو كانت باى شكل تانى
المهم فاد باراؤه

بس انا بتكلم عن الناجح حياتيا ودعويا
دى بالنسبة لى
=
فكرى وتطبيقى

نبقى نتكلم فيها دى
اما بالنسبة للنتيجة
مبروكة يا بنتى والله
:)

elfagreya said...

أخ سعد

واياكم والمسلمين


سارة حبيبتى

ربنا يباركلك وهدعيلك ان شاء الله
كل شوية افتكرك واحنا فى الفرح
واضحك على اللى حصل
:)
معرفش هتكونى فاكرة ولا لا..بس انا فاكرة وومكن افكرك كمان
:)

سلمى عليكم كتييير

elfagreya said...

أخ فاروتا

الله يبارك فى حضرتك

جزاكم الله خيرا وهبلغ السلام ان شاء الله

فدوى

ايه بس الفن ده
ماشى يا ستى
وانا كمان سعيدة جداا جداا انى اتعرفت عليكى على السريع كده

بس قوليلى..وصلتى الرسالة اللى بعتك بيها ولا لا
اوعى تقولى لا
بحذرك
:)

elfagreya said...

اخ بلال

ماشى..ولو انى مش مقتنعة بكلمته اوى يعنى

بس بكرر ان فرق بين الشخص المفكر وبس وناجح فى كده

وبين شخص مفكر وداعية وعاوز يؤثر فى الناس تاثير مباشر

النوع الثانى ده فى رايي مينفعش يقول وجودى وافكار كافية للاستفادة منى طالما هو اختار من الاول

elfagreya said...

م.فرج

ربنا يبارك فى حضرتك يا عمو

دكتورة فى الجامعة مرة واحدة
---
سلامى لخالتو ومريم ومروة ويوسف

Anonymous said...

فاكره طبا ياجمييييييلهي دي اجه تتنسي
خليني ساكته بقي وبلاش فضايح
جمعنا الله دوما علي خير
ويارب يكون في الافراح دايما
مش في حته تانيه :)
ساره خيرت الشاطر

samer said...

أخت فجرية ... أنا بس ليا تعليق صغير ...
في رأيي أن الفكر يمكن ان يتلوث ان جاز التعبير اذا نزل صاحبه الى معترك الحياة و ذهب ليشتغل باليد او حسب و صفك ان يمارس الإجتماعيات و يشتغل مع الناس و هكذا ... لماذا؟

أولا لأن حجم ما يستطيع أن ينجزه الأنسان أو حتى مجموعة من الناس محدود و الفكر لا محدود فمن الممكن ان يتأثر الفكر بهذا ... ثانيا من قال أن المفكر إذغ لم يعمل بيديه فهو منعزل في رأيي ان المفكر له وظيفتان في واقع الأمر ... أشتغاله بانتاجه الفكري من ناحية و من ناحية أخرى مراقبة الوضع العام و التأمل في الحياة لكي يحفز و يثير هذه الحاسة المتميزة لديه

و لهذا كان الفارق دوما بالنظرية و التطبيق ... تجدي دوما المنظرين وحدويين و غير اجتماعيين لرغبتهم في المحافظة على نقاء نتاجهم الثقافي و المحافظة على المسافة بين المحدود و اللامحدود و كذلك أيضا التطبيقيين لا سحتاجون أن يغرقوا كثيرا في أعماق النظريات و الأطوحات و هكذا و الا لن ينجز أي عمل ... عليه التفكير فقط في كيفية انجاز المطلوب منه بسرعة و بمنهجية و بدون تفكير

و أخيرا لا شكر على واجب
و هذا أيضا موقع اخر
http://gnomonology.com/

salma abd el - hady said...

يا حبيبني يا أسماء مش عارفة أنتي حاسة بيه و لا لأه بس بجد فعلا أنا ها طير من الفرحة ألف مبروك بجد على النجاح أنا بصراحة معرفش النتيجة ظهرت امته بس أنا لسه راجعة من المصيف انهارده و أول ما رجعت دخلت على الموقع و اطمنت عليكي ياااه أنا فرحانة جدا بجد و طبعا أنتي وحشاني جدا و مفتقداكي بطريقة بشعة عموما خليني ابدأ بالسلام على خالتو و عمو و خليني أقولك رأئي بصراحة خلينا نتخيل مرآتين أمام بعضهما بزاوية صحيحة هل هيطلعوا صورتين و لا صورة و لا تلاتة خليني أقولك إنها هنطلع عدد لا نهائي من الصور
ده بالضبط هوه العمل الجماعي فالمرآتين هي الأدمغة ( جمع دماغ ) اللي بنفكر و الزاوية الصحيحة هي قواعد العمل الجماعي التي لابد من الاتزام بها فبالتالي ينتج عدد لا مهائي من الأفكار و كمان تعلم و خبرات و و و و بعدين الموضوع طويل و أنا زهقت من الكتابة لكن دي فكرتي يا رب تكون وصلت و بجد بكرر نفس السطور الأولنية
و بهديلك نشيد أيامنا صارت أفراح ولو مش عارفاه لما أشوفك إن شاء الله هأبقى أقولهولك
أكيد هتعرفيني
سلمى حلي

الفجرية said...

حبيبتى سارة

امين
وكويس انك فاكرة
انا هسكت خاااالص
احنا بينا عيش وملح بردو
:)

أ.سامر

طبعا جزاكم الله خيرا على الموقع
لكن كمان على التعليق

يمكن فى نقطة بتاعت
أولا لأن حجم ما يستطيع أن ينجزه الأنسان أو حتى مجموعة من الناس محدود و الفكر لا محدود فمن الممكن ان يتأثر الفكر بهذا

دى بالنسبة لى نقطة جديدة

لكن فى حاجة عاوزة اوضح انا لم اقصد انه ينزل بين الناس ويشتبك مع الواقع بدرجة عالية لكنى اقصد نسبة لا ينساها و لو كانت ضئيلة من التجارب العملية بالنسبة لى مهمة ليه؟؟

1- كنوع من انواع مراقبة الوضع العام اللى حضرتك ذكرته وتامله ومحاولة فهمه..

2-كمحاولة منه لان يفيد بما توصل اليه فى هذا الواقع وان لم يكن تطبيق هذه الفائدة بيديه ..

الفجرية said...

سلمى

لو انا وحشاكى اد كده مثلا ---

يبقى حضرتك وحشانى اد كدا ---------------------------------------------------------------------------------

فكرتك مقتنعة بها وحلو مثال المرايا
وان كنت مقلتيش رايك فى صلب الموضوع

شفتى صلب الموضوع دى
:)

عقبال نتجيتكم ان شاء الله

وليه عليكى عتاب..
:::
هبقى اقولهاولك لما اشوفك ان شاء الله
يا رب يكون قريب

الفجرية said...

اه يا سلمى على فكرة مش عارفة

أيامنا صارت افراح

لما اشوفك بأه

mazagat said...

بعد انقطاع فترة عن مدونتك الراقية

أعود ..


فوجدت بوست دسم جدا ..

موفقة في عرض الفكرة أختي الكريمة ..

تحياتي ..


ومبروك لجميع العرسان والعروسات وعقبال شباب المسلمين كلهم وبناتهم ..


التحيات المباركات ..



... مزاجات

MoHaMmAd said...

عايز حضرتك تزورى المدونة و تشوفى لقائنا بدكتور ابراهيم الزعفرانى...وشكراً