يا أهلنا في غزة .. نحن معكم

Saturday, September 8, 2007

أنا بشكر الأهرام


انا بشكر الأهرام

فلولا وجوده فى حياتنا لما حدث الكثير

بالذات الأيام دى


لولاه ما مرت علينا كل تلك الاعلانات التى تملؤه


لولاه لما عرفنا المخبر الذى لا بقرأ له احد وضحكنا على كلامه

حول المجموعات السرية والمجموعات الساخنة والنجوم المتوهجة ونقار الخشب


لولاه لما اطمأنينا على صحة رئيسنا الحبيب حامى الحمى وعلى مصرنا الغالية تحت رايته ورعايته


لولاه لما استطعنا احتمال سخافات واكاذيب بقية الصحف المضللة والمغرضة والعميلة طبعا


لولاه لكانت حياتنا ظلام

وعقولنا نيام


لولاه ولولاه ولولاه


أما الأهم

والذى اشعر ان المدونة كلها لن تكفيه حقه

وانى مهما قلت فلن استطيع شكر الاهرام على ما وفرته لنا

من حل لمشكلة حيايتة واقعية

هى أنه

وبكل صدق

وصراحة


لولا الأهرام

ولولا وجوده فى حياتنا

ولولا كثرة أوراقه

وغزارتها



لما


حمرنا بطاطس

24 comments:

Mai_Jeneen said...

هههههههه ههههه ههه

توووحفة يا أسماء

بس بلاش تحروا بطاطس ع الجرايد عشان ممكن تكون الصفحات فيها اّيات قراّنية مثلاً

بس توووحفة حل مشكلاتنا الواقعية دي

انا كنت باقعد اقرا التقرير اللي بيكتبوه عن الجلسات و ابقى عايزة اموت م الضحك و في نفس الوقت اموت م الغيظ

إلا صحيح يا أسماء ... شوفتيهم لما كتبوا إن هيئة الدفاع تشيد بنزاهة المحكمة و شطارة الشاهد و مش عارفة ايه كدة ...
نكتة الاسبوع

هما اللي كتبوا كدة ... بيفهموا زينا برضة ؟؟

challenging_sam said...

ههههههههههه جامــــــــدة
نفس إحساسي تجاه جريدة الأهرام الغراء و المخبر اللي أنت اتكلمتي عليه أنا عارفة بأمارة أن أول حرف من اسمه أحمد موسى

همسة قلم said...

ههههههههههههههه

مش ممكن يااسماء
طيب بصي بقى

انا عازمة نفسي عندكم على بطاطس صنع الاهرام :D

زمش متنازلة عن ده يوم الافطار انا بقول من بدري اهو

هههههههههه تصدقي بالله
انا كانت اكتر حاجة تفرسني لما الاقي ماما او حد من اخواتي حاطط افاق عربية على السفرة او تحت الاكل
وكنت اقولهم ما عندكم الاهرام ولا الاخبار اعملوا فيهم اللى انتوا عايزينهم :D

جامدة ياسمسمة تسلم ايدكي وطبق بطاطس بقى الله يكرمك

Anonymous said...

لا بجد بوست رائع

اسماء العريــان said...

اليوم السبت الموافق 8-9

مؤتمر فى نقابة الصحفيين بعنوان

سجناء سبتمر بين الحاضر والماضى

ويحضره الاستاذ محمد عبد القدوس

بعد صلاة المغرب

ارجو ممن يريد التضامن ان يذهب

ارجو النشر

Anonymous said...

جنين

ربنا يكرمك

كمان غير الايات القرانية بيقولوا بتكون ملوثة
يعنى الاهرام مش نافعة
حتى فى تحمير البطاطس

نصيحة منى يا بنتى وانتى جاية تفتحى الاهرام
حاولى ان تنحى عقلك جانبا
والا هتندهشى من حاجات كتييير

Anonymous said...

the last samurai

جزاكم الله خيرا
والله مرضيتش اكتب اسمه
الواحد عاوز المدونة تفضل سليمة

سمسمة حبيبتى

مبسوطة انها عجبتك
كله من دا
:)
اه صحيح لما افاق يتفرش بيها
الاهرام يتعمل بيها ايه
عموما العزومة عليا والفطار بس ربنا ييسر ويمشى


مجهول/ة
جزاكم الله خيرا

اسماء
زى متكلمنا
بس يارب تكونى عرفتى تروحى

belal said...

:D
ولما أكلنا سمك ..ولما مسحنا الزجاج
..
:D

صانعة الحرية said...

هههههههههههههه
اضحكك الله كما اضحتينى حبيبتى اسماء
بس انا مقدرش اقراالاهرام لانى بحس انه بتاع دوله تانيه او مش بيتكلم عن مصر
بيحسسنى ان مصر من الدول المتقدمه
وان حكومة سعادته شايفه شغلها تمام بس الشعب هو اللى بيدلع
وعايزنا نحطله الاكل فى فمه بمعلقه دهب
حسبنا الله ونعم الوكيل
المهم يا قمر
ادعوكى للمشاركه فى حملة معا من اجل حرية المعتقلين وادخال السرور على قلوبهم
http://sona3al7iah.blogspot.com/2007/09/blog-post_08.html
وياريت تبلغى كل اللى تعرفيه

Anonymous said...

لأ ده انت ماشفتيش جريدة روزا اليوسف اليومية .....دي مستوي تاني خالص .... دي ورقها لميع و سميك و رزل وبارد و سمج ..... ينفع تعملي فيها صينية بطاطس كمان .... على فكرة بيفرقوها في الشركة هنا ببلاش و بالعافية كمان .... عم الشباب

ا بـن عــمــر said...

يســـــــــلام ليه
اهرام الجيزة دي ولا ايه


اني أحبك في الله وان كنت
لم أعرفك بعد
هكذا تلتقى القلوب قبل العيون
التحرك بالعمل المصحوب بالأمل في وعد الله
هو دا شعارنا فى الفترة القادمه

Anas Emad said...

لا لا لا

قصدك بنحط فيه الطعمية المقلية

صح ؟؟

أميرة محمد محمد محمد said...

اسماء خلي بالك اياكي تحطي البطاطس علي الجرنال ده


لازم تخافي يحصل حاجه بسبب الكلام المقرف والنفاق والكذب اللي مكتوب


احسن حاجه للجورنال ده انه تلمي فيه زباله

ربنا يكرمك

الـفجـريـــة said...

اخ بلال

ولما عملنا حاجات كتير
بس احنا اللى
مبنرضاش بالنعمة


صانعة الحرية

كويس انى ضحتك
اما عن عدم الواقعية وشعورك بانه بيتكلم عن بلد تانية

فده طبيعى
لانهم طبعا شايفين اللى احنا كشعب غلبان مش قادرين نشوفه
سابقين سنهم يعنى

الـفجـريـــة said...

عم الشباب

دى تبقى بطاطس غالبا مسرطنة
اصل روزا اليوسف دى حكاية تانية خالص

وعبد الله كمال وكرم جبر دول حكاية تالتة
انا بحس مش اننا احنا بنكرههم
انا بحسهم هما كارهين نفسهم

اما عن توزيعها مجانا
فبصراحة عندكم فى الشركة يا عمو ظالمين
الحاجات دى المفروض تتوزع
وفوقيها فلوس
:)


ابن عمر

لا..اعظم بكثير طبعا
دى اهرام اسامة سرايا

بس تصحيح لابد منه

انا أخت مش أخ

الـفجـريـــة said...

أخ أنس

طبعا
عموما بنستخدمه فى اتجاه
الا القراءة


أميرة

شكرا على النصيحة
ولو ان التلوث اللى بتقولى عليه
غالبا بيروح بالتسخين
متظلميش الناس لوسمحتى
:)

Anas Emad said...

شكرا علي التعليق عندي

اخيرا الابتسامات اللي صممتها ...

بخصوص
"ولا شخصية بتعملولها
story boards"
ده شخصية انا صممتها كلوجو لموقع بكسل و بحاول اعمل ابتسامات علي اللوجو منها علشان المنتدي هناك ...

بس يعني ايه story boards ؟

مشروع انسان said...

يعنى الواحد مش عارف يكتب ايه
بس اهى على الاقل ليها فايدة
انا سمعت ان مفيد فوزى كمان عمل تحقيق لبرنامجه فى سجن برج العرب
وطلع المساجين هناك انهم عايشين
عيشة محترمة وحاجات من دى
حسبنا الله ونعم الوكيل
فضايحهم بانت
لكل ذى عينين بفضل الله
ولا ننتظر الا تحركنا نحن
وصمودنا نحن ليس الا
والله غالب على امره

احمد الجيزاوى said...

كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى

ياسر سليم said...

السلام عليكم ورحمة الله وبركاتة

كل عام وانت بخير

غفر الله لنا ولك فى رمضان

و ثبتنا على الخير بعد رمضان

الـفجـريـــة said...

أخ أنس

عفوا

story boards
يعنى لما يكون فى شخصية معينة لفيلم رسوم مثلا او حتى لموقع وهنستخدمها كتير وهنحركها بنعملها ستورى بورد يعنى لوحات كثيرة بنبين فيها شكلها من زوايا مختلفة..ملامحها فى اكثر من رد فعل..تجارب لونية لها..اوضاع مختلفة تبين صفاتها الشكلية..يعنى دراسة تفصيلية ليها فى كل شيئ


امام الجيل

هم فعلا كل شوية تظهر لهم فضائح اكتر
من الأول
اما بالنسبة لمفيد فوزى
او التليفزيون المصرى بشكل عام
اصبح كالأهرام
لا ننتظر منه رصد واقعى او أقرب للصدق حتى

الـفجـريـــة said...

أخ أحمد
أخ ياسر

جزاكم الله خيرا على التهنئة
وتقبل الله دعاءكم

مشروع انسان said...

رمضااااااااان كريم
بغلكم الله رمضان
وسلمه لكم
وتسلمه منكم متقبلا
كل عام وانتم بخير
تقبل الله طاعتكم

Anonymous said...

هههههههههههههه

بجد نهاية مضحكة جداً

الجرايد القومية بصراحة ما تتجابش

غير عشان حاجتين :

يا عشان نحط الأكل عليها

يا عشان نقلب في إعلاناتها الكتير

كل عام و أنتم بخير