يا أهلنا في غزة .. نحن معكم

Monday, April 14, 2008

ورد الجنينة..اليكم




هوه ممكن يكون مشروع اتأخر
معرفش ليه اتأخر ومعرفش ليه خدنا خطوة فيه ساعتها
يمكن كان نفسنا ابى يخرج يلاقي مفاجأة صغيرة
ايييه الحكاية؟؟
الحكاية اننا عندنا حوالين بيتنا جنينة صغيرة
كان احد اعمامى مهتم بزراعتها لكن بقالها فترة كبيرة مهملة
محدش مركز معاها يعنى
وبعد ما اعتقل أبى المرة دى عدا علينا جناينى وعرض انه يزرعلنا فيها شوية حاجات
وفعلا بدا يزرعها شوية وبقينا بنرويها كل يوم
زرعلنا مساحة صغيرة منها
فيها نعناع وورد بلدى وورد كمان جميل اوى بس مش عارفه نوعه
المهم ان الزرع طلع وبما اننا نعتبر فى الربيع
فهو دلوقتى فى احسن حالاته
وانا راجعة من الكلية من كام يوم لفت نظرى وقلت ان نفسى اوريه لناس كتير كانوا من ضمن احلامهم ان الجنينة دى تتزرع
مش للناس دى وبس
لكن كمان لناس نفسى اهديهولهم واقولهم جزاكم الله خيرا



كل راغب حقيقى وحالم بالاصلاح
الى كل معتقل ومظلوم فى سجون مبارك او بره
أبى وابائى كلهم فى العسكرية واسرهم
قبل الجلسة بيوم حسيت انى محتاجة اهديهولهم مصحوب بشكر كتييير ودعاء
وتنويه صغير بأه
الجنينة دى
هى الارض اللى داس عليها بتوع امن الدولة لما جم البيت يعتقلوا أبى
وكانوا ملينها يمين وشمال
عادى يعنى محصلهاش حاجة
طلعت ورد
طلعت نعناع
وممكن تطلع ريحان كمان
ويمكن فى يوم تطلع فراولة او توت
او مانجه

مش بعيد يعنى
:))))
نتكلم بجد بأه مع ان اللى فات مكانش هزار اوى يعنى
الا اننا لو ركزنا فى اى ارض بقالها فترة مش مزروعة
مش بتنبت
هنلاقى انها فى اى وقت ممكن تغير من حالها ده
الا فى حالتين
فقدت قدرتها على الانبات
او فقد اصحابهم ايمانهم بقدرتها على الانبات
فسابوها
زى نفوسنا بالظبط
لم تفقد قدرتها على العطاء والانبات
لكن ربما فى حالتى وجدت انه انا من فقدت ايمانى بها
وسيتغير ذلك ان شاء الله
اليكم الورود


ناس تانية نفسى اهديلهم ورد الجنينة كمان
اصحاب تعليقات التدوينة اللى فاتت
قرأت كلماتكم ووصلت الى
و تركت فى اثرا كبيييرا
وكل من دعا لى ايضا
اعطيتم لى من وقتكم ودعاءكم
جزاكم الله خيرااا
وأخص منهم وردة لحبيبتى شيماء سمير بمناسبة انها اخيييرا دونت
وعموما الكثيرات من فنون فى طريقهم للتدوين
بس يارب ميتـأخروش


كمان وردة مخصوصة جداا لأمى
:)




واخر حبة ورد لناس مختلفة..وحشنى جدا..بهديهولهم على امل اللقاء قريبا
أفاجأ هذه الايام ببعض من اقابلهم يخبرونى انهم من متابعى المدونة
اتمنى لو كنتم منهم ان تصلكم تلك الورود
افتقدكم
اتذكركم فابتسم تلقاءيا
:)
أيات
رقية
رفيدة
أمنة
أروى
خالتو حفصة
خالتو رانيا
زهراء الزقازيق

واليكم جميعا ورد الجنينة

21 comments:

shaimaa samir said...

اسمااااااااااااااااااااااء
انااول واحدة هعلق
انا مبسسسسسسسسسسسووووووووطاااا

المهم
انا فى بداية الموضوع
عنيه دمعت لما شفت الور الابيض
وحسيت بتفاؤل رهيييييييب لبكرة
يااااااااارب

ثانيا لانى من الناس اللى كان نفسى الجنينة تتزرع
فانا بجد هجيلكو قريب جدااااا
عشان خالتو وعشان ننا
والورد الابيض فقط لا غير


ثالثا بقااا
لمالقيتك مديانى ورده
عيطت طبعاا
انتى عارفة انى بلمس من الحاجات دى
جزاكى الله خيراااااا حبيبتى

ادام الله صحبتنا
وفرج كروب المسلمين
ويزيل الله هم غد على خييييير
باذنه تعالى

احبك فى الله

شروق الشواف said...

الحمد لله

سعيدة جدااااا بخبر زرع الجنية


كان نفسي اشوف حضرتك امبارح

خلصي دراسة

مها said...

أسماء

أنت بالتأكيد من يستحق
أجمل وأطهر وردة فى الجنينة


دامت كلماتك عطرة بريئة أبية
كما ورد جناين بلدنا

Anonymous said...

عميقة تدويناتك دايمًا
بحس فيها بأفكار رائعة
مش هنقل الكلام تاني
بس الكلام اللي بعد المانجه :)
أثر فيّ جدااا
...
أنا بكتب التعليق ده
واحتمال الجلسة تكون بتبدأ
ربنا يفرّج عنهم يااااااااا رب
...
جميلة الورود دي
يا رب تكون بشرة خير
ياااا رب

صاحب المضيفة said...

يارب يسعدك ويهنيكي ويفك أسر أبالك وكل أباء المحاكامت العسكرية



خواطر جميلة وتشبيه أجمل


ربنا يكرمك ويعزك

AbdElRaHmaN Ayyash said...

هو استاذ ياسر اخباره ايه ؟
ايه الحكم ؟؟؟؟؟
ربنا يستر يارب

Anonymous said...

الف مبروك البراءة
و يارب ينتقم من الظلمة

Anonymous said...

مبروك للأستاذ ياسر

ربنا يفك أسر الباقي قريب
رغم أنف الظلمة

alfarag said...

واهدى لكم كل الورد يا أهل الورد والحمد لله على سلامه الاستاذ ياسر ..وجعل ذلك فى ميزان حسناته وينتقم الله من الظالمين الذين حرمونا من بقيه استاذتنا..
15/4/2008

Anonymous said...

سعدت جدا بخبر الجنينة دة
لكن أرجع أأكدلك إنك في عيني أجمل من أجمل وردة يا حبي
كان نفسي أشوفك أوي يوم السبت
وبعدين لما ما أمكنش قلت أعدي الاربعاءعليكو في الكلية لكن للأسف مش هينفع
سلامي للكل
بحبك في الله أوي

shaimaa samir said...

شفتى يا اسموقة
ياريتك نزلتى موضوع الورد ده من زمااااااااان كان عمو اخد افراج
الفففففففففففففف مبروووووك
مبسووووووووووووووووطة
والله وانا برد امبارح
صدقا كنت حسه

مبارك يا حبيبتى
الحمد لله

وحسبى الله ونعم الوكيل
وربنا يثبت اهالى من ظلموا
ثبتهم الله
وجعل هذا فى ميزان حسناتهم

احبكككككككككككك فى الله

Anonymous said...

ميت مليون وردة بكل الالوان الجميلة لاستاذنا وعمنا استاذ ياسر.....الف الف مبروك...."قل بفضل الله وبرحمته فبذلك فليفرحوا هو خير مما يجمعون"....سلامنا للوالدة الصابرة ...ربنا يأجره ويأجركم خير عن الفترة اللي فاتت دي باذن الله


TASSO

Mo3Az said...

مبروك البراءة
يارب يعود سالم فى اقرب وقت
وربنا يتقبل السنه اللى فاتت دى ويجعلها تكفير لكل الذنوب باذنه ، ويكتب له الجنه بتلك السنه

عقبال باقى اخوانا
وحسبى الله ونعم الوكيل

Anonymous said...

حبيبتي أسماء
ألف مبروووووك لعمو علي البراءه
وسلميلي علي خالتو كتيررررر قوووي
انا مش عاااااارفه إنتي هتفتكريني ولا لأ ؟أنا إيمان عادل أخت هاجر (خالي محمد عبد االعزيز )قلت لك تاريخ العيله
يارب تبقي إفتكرتي ..انا من فرحتي قلت لازم أبااااركلك
مبروك مره تانيه ...وشكرا علي الورد الجميل لأني من متابعين مدونتك الأكثر من راااائعه
....وسلامي لخالتو أمنيه وخالتو بهيره كتيررررر جدا
السلام أمانه

rofayda said...

مباارك يا حبيبتي

رده الله إليكم سالما غانما ..

وحسبنا الله ونعم الوكيل

"ولا تحسبن الله غافلا عما يعمل الظالمون"

عايزين نكثف الدعاء للإخوة المعتقلين ..

ربنا يرينا آياته يااااااارب

ويفك أسرهم

rofayda said...

وعلى فكرة يا أسوم

جزاااك الله خيرا على الورد يا حبيبة قلبي

يعلم الله اني ايضا كلما ذكرتك تبسمت ودعوت لك

ياسمين نعمان said...

ألف مبروك يا سمسمة رجوع عمو بالسلامة و ربنا يجعل السنة الماضية في ميزان حسناتكم ان شاء الله ... و يفك أسر الباقين

آن الأوان said...

أسموءة

كده يا اسماء ماتجبيش سيرة البطختين:p

الف مبروك لعمو ياسر
و ربنا يصبر ويثبت الباقى

اظن اليوم ده مش هاتنسيه ابدا :)

Anonymous said...

تهانينا بخروج الاصلاحي المهذب الاستاذ ياسر عبده

نعم فرحتنا منقوصة ولكن ان شاء الله خير

المجاهد said...

بارك الله لكم الخروج

الخروج ابتلاء

والسجن ابتلاء

لان الدنيا كلها

بلاء

Anonymous said...

أزيك يا أسو يا حبيبتى حزرى فزرى أنا مييييين و لا أقولك يلا يا ستى بلاش أتعبك أنا تسنيم بجد وحشتينى جداً و وحشنى كلامك العاقل و نصيحك و الحمدلله أنهاردة لسة متخانقة مع خديجة صبرى كالعادة علشان نسيت تجبلى نمرة موبيلك من أروى أنا عارفة إنك دلوئتى مستريحة من زنى و رخمتى بس واللهى وحشتينى أوىىىىىىىىىىىىىىىىى جدا خالص و مش عارفة أيه إللى خلانى أدخل على المدونات تانى بعد أنقطاع رهيييييب بس إللى أنا متأكدة منه أنك فعلا وحشتينى
ألف مليون مبروك على رجوع عمو بالسلامة عقبال الأخوة كلهم يا رب و مش عارفة أقولك أيه بس يا ستى أيميلى أهه و هفتحه مخصوص علشانك لو عرفت أنك بعتيلى نمرتك
tota7abibi2010@yahoo.com
أختك : تسنيم نصر