يا أهلنا في غزة .. نحن معكم

Friday, May 16, 2008

حـياة طيـبة




كل يوم

وتجربة بعد أخرى

وفى لحظة صدق

غير تلك التى نقنع أنفسنا فيها

أن المشكلة غالبا ما تكمن فى الأخرين

أتذكر تلك الكلمة مما قيل فى الأثر

طوبى لمن شغلته عيوبه عن عيوب الناس


هى كلمة
صعبة التحقيق

ولكن تخيلوا حياة صاحبها

هى الأجمل على الاطلاق

من هم مثله
هم النقاء
هم الرحمة
هم الصلة


14 comments:

فزلوكة said...

أووووووووووووووووول كومينت

حياة طيبة
ومش بس كدا
هدوء نفسى غير طبيعى ورضا بكل تفصيلات حياتك
المشكلة فى تحميل الآخرين أخطاءنا أننا نعطيهم فرصة التحكم
وبالتالى لانعيش مسؤلية إتخاذ القرار
ولا تحمل نتائجه

أن نكون الحلول
راااااااااااااااائعة

وحشتينى جدا جدا جدا والله

نور جديد said...

يا سلام.. بمنتهى البساطة
صح و الله يا اسماء
كانت كلمة جميلة سمعتها معرفش عرفها و لا لأ
لنكن نحن التغيير الذي نريد ان نراه

أميمة كامل said...

فعلا اذا انشغل كل منا بإصلاح عيوب نفسه والإرتقاء بها سيكون للحياة طعم آخر حياة طيبة

لكن ممكن يكون محتاج مساعدة فلا مانع من ان يساعده احبابه

تقبلى سلامى لك وتحياتى ودعواتى

سلمي لى على فزلوكة هانم
وربنا يعينكم فى مذاكرتكم

محمد said...
This comment has been removed by the author.
محمد said...

صدقت في طرحك .. ولكن صبرا فلعل ما هو آت أفضل

لو اتبع كل واحد لمنهج الرباني لكان أفضل .. قال تعالى : أتامرون الناس بالبر وتنسون أنفسكم وأنتم تتلون الكتاب أفلا تعقلــون

فارس الأزهر .. معاذ فتحى said...

السلام عليكم ورحمة الله

جزاكم الله خيرا على الموضوع وعلى الطرح
وتقبلوا مرورى

طالب بيذاكر

Mai_Jeneen said...

ياه يا أسماء

عارفة ... من كام يوم كنت باتكلم مع حد ظروفنا متشابهة بشكل كبير من حيث مشكلة معينة واقعين فيها ...
كل الكلام كان إن المجتمع بيسبب كذا ... الناس كانوا عايزين كذا ... اضطرينا نعمل كذا غصب عننا

امبارح قعدت مع نفسي شوية ... لقيتني عايزة اتصل بيها تاني و اقولها لأ على فكرة ... احنا غلط ...

اللي عايز يعمل حاجة بيعملها ... أياً كانت الظروف حواليه ....

خلينا نعترف إن احنا اللي غلطانين و ضعفاء و مش بالقوة إننا ننفذ اللي احنا مقتنعين انه صح ... او يمكن احنا مش مقتنعين بالقوة الكافية انه صح ... و في كلتا الحالتين مانلومش حد غير نفسنا !!!


بس رغم كل ده ... طنشت الخواطر دي كلها و ماكلمتهاش : D

بس لقيت كلامك النهاردة بيخبط في نفس الحتة ...



اللي عايز يعيش حياة حلوة ... هيخلي الجمال يطلع من جواه يظهر على كل اللي حواليه ... مش العكس

الـفجـريـــة said...

زهراء اللى بتتفزلك

كويس انك اوووووول كومينت
ولو انه بينى وبينك يعنى

اسمه تعليق
:D

بس يلا هما بتوع الاعلام كده
هنعمل ايييه
!!!

تعليقك اضافلى حاجة مكنتش فى دماغى وانا بكتب
فكرة اننا وقت بنحمل الاخرين الخطأ
كأننا بنقول ان التغيير مفتاحه عندهم
وبالتالى ليس لنا سوى الانتظار
فزى مقلتى لا نعيش مسؤلية اتخاذ القرار

صح كلامك

وانتى كمان يا زهروءة
:)

------

سلماية

لنكن نحن التغيير الذي نريد ان نراه

لا مكنتش اعرفها
وعجبتنى جداا
اصلا المعنى ده مسيطر عليه الايامدى
اصل هوه الحل
لو كل حد استنى الظروف
وتغير البنى ادمين
غالبا يعنى هيفضل منتظر طول عمره
والاكتر من كده
ان البيئة اللى بتشجع على الابداع او الانتاج فى اى مجال بأت قليلة جداا

وبالتالى فالفرصة الايامدى للجادين
انهم يصنعوها ولا ينتظروها
يصنعوها لهم ولغيرهم

بس يبقوا فاهمين ومخلصين وجادين

الفهم والاخلاص والجدية والصبر دول طلعوا حكاااية
كل كلمة فيهم خمس ست حروف بس يبنوا أمة بجد

ربنا يوعدنا يا بنتى
:)

الـفجـريـــة said...

د.أميمة
او خالتو أميمة

اولا..سعيدة بزيارة حضرتك للمدونة

ثانيا

حضرتك قلتى

لكن ممكن يكون محتاج مساعدة فلا مانع من ان يساعده احبابه

ده غالبا بيكون كده
الواحد فى الوقت ده بيكون محتاج اشد الاحتياج لمن يرشده ويساعدهويحبه بصدق..لان التغيير فى النقطة دى بمثابة تغيير لنظام الحياة نفسه ونظرتنا لها

فبعد مكنت شايف نفسى مجرد رد فعل لناس بتصرفاتها وافكارها
بحاول اكون جزء من الفعل نفسه
باصلاح نفسى اللى اكيد مليانة عيوب
ومحاولة استيعاب ما حولى

الموضوع ده محتاج صدق واخلاص واخوة عاليةاوى يا خالتو
بس اذا تحقق
اظنها بتبقى نقلة فى حياة الانسان
بتكون حياة طيبة بجد

هوصل السلام وهى هتشوفه كمان ان شاء الله
------

وضاح

أتامرون الناس بالبر وتنسون أنفسكم وأنتم تتلون الكتاب أفلا تعقلون

جزاكم الله خيرا على ذكر الاية

وكما قلت لو اتبعنا المنهج الربانى لكان افضل للجميع فى اى ظرف وفى اى زمن وفى اى مكان

الـفجـريـــة said...

معاذ فتحى..فارس الأزهر


واياكم والمسلمين

وفقكم الله


-----
جنين

ازيك يا بنتى
بقالى كتير مشفتكيش هنا ولا انا جيت عندك كمان
بس رحت من شوية

ولقيتك محتاسة فى الكلية
ربنا يعينك ان شاء الله

وقريت بتاعت البانوراما
كلماتها جميلة اوى

نيجى بأه لتعليقك

بصى عشان منبقاش بنبحث عن المثالية بردو
فالطبيعى ان الواحد وهو لسه فى اول سكة التغيير دى
بييجى عند اى موقف صعب
او ظروف مدايقانا او اى حاجة
وبنرجعها للوهلة الاولى للناس بردو وتصؤفاتهم واللى بيعملوه

الهم بس اننا نعمل زى معملتى ونفكر تانى بعد شوية
هنلاقى غالبا ان احنا كنا غلطانين وان لينا دور فى اللى بيحصل ده

بتقولى
خلينا نعترف إن احنا اللي غلطانين و ضعفاء و مش بالقوة إننا ننفذ اللي احنا مقتنعين انه صح ... او يمكن احنا مش مقتنعين بالقوة الكافية انه صح ... و في كلتا الحالتين مانلومش حد غير نفسنا !!!

معاكى فى كلامك
بس بأكد انى مقصدش معنى المواجهة العنيفة مع الواقع والناس اللى حواليه
مش قصدى عنف ضرب يعنى
:D
اقصد عنف وعدم تدرج فى عرض ما اريده او اؤمن به

ربنا يكرمك يا مى
ويعينك
انتى وصاحبتك
:)

دعواتك
سلام

Anonymous said...

معك الكثير من الحق وإن ما كنش فيه مانع من اني أنظر لعيوب الآخرين ومحاولة مساعدتهم على التخلص منها وإلا فأين حق الأخ على أخيه؟ ولا إيه

Anonymous said...

السلام عليكم
تحياتى على عمق الفكرة وقصر الكلام
جزاكى الله خيرا
وكم نتمنى هذه الحياة

آن الأوان said...

كان فى مقولة بتقول " نحن نعيب على الأخرين انهم يرتكبون نفس اخطأنا"م

الـفجـريـــة said...

شمس بكره
خالتو منى

:D
ده باه لقبك من ساعة مبأيتى خالتو

كلامك صح جداا ومتفقة معاك فيه
ومساعدة حد انه يشوف عيب معين عنده ويحاول يتخلص منه ده من اجمل واهم حقوق الاخوة.

لكن ما قصدته هو ان احيانا عينى تتسع لرؤية عيوب الاخرين ويبقى عندى دايما نظرة انتقادية للتصرفات
ونفس العين دى بتضيق أدام عيوبى الشخصية اللى اكيد موجودة

يعنى دايما بشوف المشكلة عند الناس وانشغل بده وانسى نفسى او حتى محاولش اساعد حد انه يغير حاجة

مبكنش حل بكون المشكلة

ربنا يباركلك يا منى
بتبسط انك بتيجى هنا
ده بيعوض شوية تباعد لقاءتنا
ولو انه مبيعوضش اوى يعنى
اتمنى اشوفك قريبا
:)
دعواتك

--------
عمر المصرى

واياكم والمسلمين

ربنا ينعم علينا جميعا بهذه الحياة وهذا القلب

--------

أن الأوان

جميلة الجملة
مكنتش اعرفها قبل كده

وتخيلى فعلا افتكرت حاجة ممكن اكون فكرت فيها كده

عموما منورة يا ستى

بس ذاااكرى
:P

اه صحيح
احتمال انزل حاجة رسوم هنا
عشان تقولى رايك بصراحة
ومش وجها لوجه
:D