Saturday, March 10, 2007

غداً قادمين



هل يا ترى سيطول ليل الغاشمين


على ثرى النيل الحزين



أم أن نور الفجر حتماً


عائداً لو بعد حين


قادماً عبر السنين


غداً سيروق لقاء الأحبة


غداً قادمين


وأبعث أشواقى تصاحبها


زهور الياسَمين


غداً نلاقى الغائبين


غداً نسير على ضفتيك


نسابق موجات الحنين


كنت أخاف


كنت اخاف أن أكون


يا نيل أنا وحدى الحزين


وأنت لم تعد سوى مزاراً للزائرين


لا يبالى بالقيود


ولا الظلام ولا السجين


ولكنى أحسبك يا نيل أوفى


أحسبك أوفى من ظنونى


من عيونى الدامعين..

20 comments:

AbdElRaHmaN said...

خاطرة جميلة اوي يا باشمهندسة
بس الشعر التاني أحسن بصراحة :$
ويارب يارب يارب
يكون النيل عند ظنك
وكل مصر تكون عند ظننا .. أوفى من كل حاجه تانية
تحياتي
---------
ممكن حضرتك تبعتي لي صور بحجم كبير للأستاذ ياسر عبده .. لو أمكن يعني
او تحطيها هنا في المدونة
جزاكم الله خيرا
سلام

نور said...

مش هيطول ابدا....النيل وفي وامين....وولاده مخلصين جدا..........والفجر طالع طالع والاحبة هيتجمعوا......والنيل مش هيبقي سعيد والفجر مشقشق عليه وحواليه ولاده المخلصين..........

belal said...

ما شاء الله جميل والله
لكن عندي شوية ملاحظات لو حضرتك تسمحي
..فيه تشتت في الأفكار أو أنها غير مرتبة ..كان من الممكن أن تقسميها فقرات ..وفيه كسر في الأوزان ..
أوبعث أشواقي تصاحبها ..المفروض إن ديات ذروة وليست ابتداء لفقرة جديدة
ومتهيألي ..من عيوني ..دي غلطة إملائية ..
عل العموم زي ما قال عبدو هي خاطرة جميلة جدا

salma abd el_hady said...

وحشتيني يا أسماء جدا
القصيدة معانيها ممتازة بل أكثر من رائعة و على فكرة أنا خلصت تلحين النشيد طبعا لحن عمرك ما تحلمي بيه
و عموما يلا بأه خدي بيت الشعر ده
شعب الأباة مقاوم لغزاته
مهما ضروا و تراه ليس بمهطع
و الحر حر النفس لا يعنو و إن
يمنى بتعذيب و قيد موجع
إن الأبي إذا استضيم يظل ير
فع رأسه حرا و لم يتوجع


أكيد هتعرفيني

اشراقة said...

رائعة يا اسماء فعلا جميلة جدا
ربنا يوفقك يا رب
وجميل اوى ابيات الشعر دى يا سلمى عجبتنى مووووووووووت

الفجرية said...

سلام عليكم,,

بجد يا جماعة جزاكم الله خيرا..بكون داخلة متخيلة لسه محدش رد..وبعدين ألاقيكم..ربنا يكرمكم

أخى عبدالرحمن,,
انا بحب الخواطر دى جدا لكن هوه الثانى أحسن فعلا
أولا عشان عادى أوقات حاجات بتطلع احسن من حاجات لكن السبب الاكبر ان دى كانت أول تجربة شعر فى حياتى فبدائية شوية ومن زمان يعنى لو استخدمنا تعبير حضرتك نقدر نقول
انها مش من رحم المحنة
مع انه مش شرط لكن بردو الحاجات دى بتكون أجمل و أعمق

نور جزاكى الله خيرا حبيبتى على روحك العالية المتفاءلة التى نقلتها لنا

أخى بلال..ما شاء الله ..ايه كل ده..هوه أبى فعلا نصحنى بأن أبدأ فى تركيزى على الجوانب النحوية واللغوية أكثر شوية..
بس كده واضح انى لازم أركز فعلا..
الموضوع مبقاش يتسكت عليه

اشراقة
جزاكى الله خيرايا حبيبتى
خدى من سلمى كتير من ده

سلمى
انت اللى وحشتينى وافتقدتك جدا..مكنش ضرورى سفر يوم الخميس ده يا أنسة..بس يلا خير

بجد خلصتيه..الحمد لله..أدها وأدود يا بنتى..ربنا يجازيكى خير..على فكرة ده اخر أمل لينا فى النجاة..لأن لو مكنش خلص منى كانت ممكن تعمل جريمة..بس ربنا ستر
أشوفك بكره ان شاء الله
الابيات جميلة

الفجرية said...

على فكرة أخ عبدالرحمن
الصور ان شاء الله هبعتها على الميل اللى فى البروفايل

اصرار أمل said...

تساؤل يستحق أن نقف لنجيبه ...
هل سيطول ليل الغاشمين
على ثرى النيل الحزين ؟
باذن الله لن يطول ... نيلنا أوفى من ذلك ...
وشعبنا أكبر من ذلك ..........
وأصدق من ذلك .........
ثقى فى أن النصر قادم ؛ وقريبا ؛ فقط : لو أردناه .........
هو طبعا لازم تذاكرى أوزان كويس
بس أعتقد انك لو قرأتيها صح لن يشعر أحد بفروق الوزن ...
الشعر حلاوته فى السماع ...
لكن بجد ... غاية فى الروووعة ...
سلمت يمينك يا أسماء ......

AbdElRaHmaN said...

جزاكم الله خيرا اخت اسماء
وصلت الصور
تحياتي
سلام

tasneem said...

جزاكم الله خيرا أختى الحبيبة الشعر جميل أوى و أذا كان على الأوزان أصلحهالك يا ستى "انا فى دار علوم " و كلامك عن الغايبين فكرنى بأخويا المسافر و خلتينى أعيط و أن شاء الله النيل حيكون أوفى والى أمام دائما مع شكرى وتحياتى لك

ياء said...

اظن ان المشكله مش فى النيل
بل فى الساكننين على ضفاف النيل

تذكرت كلمات ابو القاسم الشابى

إذا الشّعْبُ يَوْمَاً أرَادَ الْحَيَـاةَ فَلا بُدَّ أنْ يَسْتَجِيبَ القَـدَر

وَلا بُـدَّ لِلَّيـْلِ أنْ يَنْجَلِــي وَلا بُدَّ للقَيْدِ أَنْ يَـنْكَسِـر

كل هذاقريب باذن الله

همسة قلم said...
This comment has been removed by the author.
همسة قلم said...

كلمات جميلة جدا ياأسماء:)

لكِ ألف ألف تحية أخية ثبتكِ الله وفرج همك ويسر أمرك ..ومش تنسيني من دعائك زي ما انا مش بنساكي :)
طلي على اللينك ده لو كان عندك وقت يمكن تلاقي فيه حاجة مفيدة:)
http://hamset-qalam.blogspot.com/2007/03/blog-post_11.html
اختك
أسماء

محمد العنانى said...

بعد السلام
اكيد النور قادم ويتحدى كل القيود بس علشان النور يعرف الطريق لازم يكون فى نور العقول فاذا ضائت العقول اصبح للنور هدف وطريق
وكا طلب الجميع ارغب فى مجموعه صور للااخونا ياسر عبدة لعمل فليم وتائقى

Anonymous said...

يا ابتى استعن بالله ولا تعجز
فما استعين به الا وانتصر
ياابتى قل كما قال رسولك
لا تحزن ان الله معنا

ماشاء الله عليك يا اسماء
ربنا يكرمك ويوفقك ان شاء الله
ومنتظرين مزيد من اشعارك
والسلام عليكم

نيرة عصام

mohamed elbanna said...

أسماء تحياتى لك
وأشواقى وسلامى لأستاذى ياسر
جميل ان الواحد يتعامل مع الواقع ويعيش ولا ينهزم نفسيا وده الأهم
لى تعليق لو يتسع صدرك
كنت خايف اقوله
نفسى الشعارات والأشعار التى نعبر بها عم الظلم الذى نتعرض له تكون متسقه مع البيئة والعصر بمعنى
ان اللى بيشوف فى التلفزيون مسيرات الأخوه والأخوات شكلهم وزيهم وتعليقاتهم وشكواهم يشعر أنهم فئة غريبة ومختلفة عن المجتمع وانا شايف ده مش صح
لازم احنا نشعر والأخرين كمان ان دى بلدنا وان دول أهلنا وأحنا وهما بنتكلم لغة واحدة
احنا مش ناس من زمان من عصر الكفار احنا من دلوقتى زيهم بالظبط وكمان أحق بالبلد دى منهم
يعنى انتى كاتبة شعار كويس
مش هنبطل مش هنسافر مش هنسيب
انا شايفه معبر أكتر من شعار أبى انت حر وراء السدود
لانه بيتكلم باللغة اللى موجوده دلوقت والناس بتفهمها وكمان بيقولهم ان احنا منكم ومش من زمن تانى
زيهم يعنى واللى بيحصلنا ممكن يحصلهم
فاهمانى
يعنى بلاش نحسس الناس ان احنا فئة خاصة ليها لبسها وشعارتها وطريقتها
والفئة دى يا حرام مضطهدة
لا لا لا
احنا زي كل الناس
محنش هنود حمر عايشين فى امريكا
دى بلدنا
ياترى عرفت أوضح
تحياتى

Anonymous said...

الولد الصغير الفلعوص
اللي طالع من البيضة بيصوص
بعد ما ضيع القطاع العام وراح للخصوص
و البنوك اتشفطت منها كل الفلوس
أصله شويه كده لسه مأموص
لأنه عاوز ياكل كل حاجة حتى العصعوص
فأبوه حيساعده و يغير له كل النصوص
و الدستور حيبقي بالكلمات له مرصوص
و حيقعد و يربع رجليه فوق كل الروس
مصرى

الفجرية said...

سلام عليكم..

جزاكم الله خيرا جميعا على تعليقاتكم الرائعة

اتأخرت فى الرد كتيييييييير لأن الكمبيوتر كان فى مفترق طرق..يا يعييش يا يموت بس الحمد لله تم انقاذه وأخيرا ركبت adsl

استاذ محمد البنا,,

هوه فيه حاجتين..

أولا..وصلت لبابا السلام وهوه بيسلم على حضرتك كتيييييير وبيرسل تحياته وسلاماته الكثيرة جدا اليك

ثانيا..بالنسبة لكلام حضرتك عن الشعور باختلافنا..هوه انا متفقة معك فى ان ده شعور غير محبب وبيفصل بيننا وبين الناس لكن مختلفة فى ان المظهر او الشعارات هى السبب الرئيسى لهذا الفصل فانا ارى ان التفاعل مع الناس أو الانفصال عنهم يأتى من داخل الشخص نفسه لايمانه باهمية وجوده بينهم وعندما يؤمن بذلك ويعطى له من عزمه ووقته يصل وتصبح شعاراته ومظهره والذى يمكن أن يكون مختلف يصبح قريبا من الناس لأنه استطاع أن يشركهم معه فى رسالته وطريقه وكان صادقا فى ذلك
..لا أنفى ضرورة أن نواكب ما نحن فيه ولكن اذا شعر شخص بالغربة عن الناس وأنه جزء منفصل كليا عنهم فلن تنجح الشعارات والمظاهر مهما كانت قريبة فى تغيير ذلك الشعور
وعلى العكس فان شخص يشعر بالقرب والتكامل مع من حوله ايا كان انتمائهم الفكرى يستطيع تطويع مظاهر وشعارات حوله ويقرب الناس منها..

بنــات العـــــــريان said...

جميله اوى يا سمسمه

سلامى الكبير لبابا وماما

وان شاء الله ربنا يجمعكو تانى قريب

سميه العريان

AbdElRaHmaN said...

http://al-ghareeb.blogspot.com/2007/03/blog-post_1866.html

-------------
لنضع من هنا التصاميم التي نعبر بها عن رفضنا للتعديلات الدستورية
شاركونا