Wednesday, March 28, 2007

إلى كل حالم(ة) بالتغيير..موعدنا الخميس القدام

إلى كل حالم بالتغيير
لكل من يرغب أن يسمع ويتأمل ويشارك ويصل صوت ه
الى كل صاحب قضية وفكرأياً كان و فى أى مكان
الى كل مناهضى الفساد والاستبداد
موعدنا يوم الخميس 29/3
بنقابة الصحفيين
فى الحملة الدولية ضد الاحتلال الأمريكى والصهيونى من أجل تحالف عالمى
بين القوى المقاومة للإمبريالية والصهيونية
مؤتمر القاهرة الخامس - منتدى القاهرة الاجتماعى الثالث - نقابة الصحفيين 29 مارس ـ 1 أبريل 2007
فلنتحاور ونتكلم ونستمع و نتشارك فى توصيل صوتنا للعالم مهما اختلفت أفكارنا
وبرنامجه يشمل 4 أيام الخميس والجمعة والسبت والأحد
أما عن البرنامج وتفاصيل أكثر ستجدوه على اللينك ده
أتمنى ان نتواجد هناك

16 comments:

Tasneem said...

إن شاء الله نكون كلنا موجون هناك و أتمنى التنسيق معك حتى أتشرف برؤياك فياريت تبعتيلى نمرة موبايلك على أيميلى و جزاكى الله خيرا و السلام عليكم و رحمة الله و بركاته أيميلى حضرتك راح تشوفيه فى البروفايل إللى فى المدونة بس يا ريت حضرتك تعجلى بالرسالة

elfagreya said...

طبعا يسعدنى أشوفك ان شاء الله
بعتلك الرقم على ايميلك على الياهو
سلااام عليكم

همسة قلم said...

بجد هاتبقى هناك يااسماء :)
طيب اسعفيني انا كمان برقم موبايلك يابنت الحلال يمك ربنا ييسر لى انى اقابلك هناك انا كمان
يعني المفروض اني اتواجد الجمعة والسبت من ايام المؤتمر وتبقى فرصة بجد جميلة جدا لو عرفت اشوفك ياسمسمة
والميل هتلاقي برضه في البروفايل بتاع المدونة :) همسة قلم

belal said...

تغيير ايه ...

elfagreya said...

أسموءة
طيب جميل جداااا انى ممكن اشوفك ان شاء الله

وتم ارسال الرقم يا فندم

elfagreya said...

بالنسبة لموضوع تغيير اييييييييه؟؟

هوه تغيير 3 حاجات
أولهم تغيير داخلى يعنى فى عقولنا نفسها..العقول بطبيعتها بتتغير وتنضج برؤية الأخرين والنقاش ومعرفة أهدافهم وافكارهم..ده غير ان الطبيعى انك طول مبتسمع بتكتشف مواضيع مهمة لكن ادراكنا لها وعلمنا بها مش على مستوى اهميتها فبتورينا نقاط ضعفنا لمعالجتها

أما ثانيا فهو تغيير اتجاهات النقاش فبدل ما فى معظم الوقت عمالين نكلم بعض كاخوان ونتفق ونختلف كاخوان فى فرصة لؤية ناس جديدة وعقول هيكونوا مرأة لنا نرى فيها عيوبنا ومواطن تقصيرنا كما نرى فيها أيضا تميزنا ومناطق الاتفاق بيننا

أما ثالثا وهى بالنسبة لى أخر نقطة او نتيجة طبيعية للأولنيين اللى حدوثهم بالنسبة لى انجاز فى حد ذاته..هى توحيد الجهود لمواجهة الفساد حولنا من اخوان واشتراكيين وقوميين وغيرهم الى جانب توصيل صوتنا لضيوف وهيئات دولية ممكن يكونوا خطوة لأن يكون لنا دور فعال فى الداخل والخارج

ده اللى انا شايفاه وخلانى أشعر باهمية تواجدنا هناك..

مصراوي أوي said...

المواعيد مكتوبة بطريقة غير واضحة او يمكن انا اللي مش فاهم قصدي علي مدونة انا اخوان.....المواعيد مش موجودة علي اي موقع تاني؟

Anonymous said...

السلام عليكم
ان شاء الله اقابلك هناك يا اسماء
وسلامى لكل من عندك

نيرة عصام

AbdElRaHmaN said...

طيب انا كنت عاوز اجي :(

سناالإسلام said...

السلام عليكم أزيك يا أسماء وحشتونا جدا سلامى لعمو وخالتوا كثيرا وكان نفسى آجى ولكن سلمى على المدونات اللى هتقابليهم

AbdElRaHmaN said...

:D هاااااااجييييييي
ان شاء الله هاجي :D

محمد العنانى said...

انا محتاج اشوف الى حصل فديو انا اسف انا مش موجود فى القاهره علشان الجامعه لو تسطتيعى ترفعى الفديوهات وتحطى الروابط مش تحطيها على اليوتيوب علشان مبيشلش كتير ارفعيها على موقع وحطى الروابط
وجزاك الله خير

مواطن من قاهرة المذل لعبيد الله said...

فين تعليقاتك علي المؤتمر يا اختنا قلتيلنا روحوا رحنا فين تعليقاتك عليه و بعدين اعتقد ان اللي كان هناك محتاج يدونله فعلا بس انا مواطن مصري صالح ومعنديش وقت ادون و بكتفي بحضور الفاعليات و شوف اصدائها علي مدونات الاخوة والاخوات

اكيد منتظرين تدوينة جديدة

elfagreya said...

التدوينة فى الطريق ان شاء الله..قربت

belal said...

قربت ..هيا راكبة تاكسي ..ولا ايه

Anonymous said...

ماشاء الله على المؤتمر
كان جميل جدا
ومنظم جدا
جزى الله كل من اخرجه بهذه الصورة
بس فين تعليقك عليه يا اسماء
وكنت شايفاكى عماله تصورى بالفيديو وتصورى صور فوتغرافيه
فين كل ده
يلا مستنيين جديدك

نيرة عصام
سلام عليكم