Thursday, March 22, 2007

أبى ..كل عام وأنت إلى الله أقرب

اليوم 22/3


المناسبة..يوم ميلاد أبى الحبيب


واتمامه 52 عام جعلهم الله فى طاعة






إليك أبى الحبيب منى يوم ميلادك ألف سلام




كل عام أونت الى الله أقرب


وعلى طاعته أدوم


ولكتابه أحفظ


ولسنة نبيه أتبع




كل عام والله غايتك


والرسول قدوتك


والقرأن دستورك


والجهاد سبيلك


والموت فى سبيل الله أسمى أمانيك


أحسبك كذلك ولا أزكى على الله أحدا




وهديتى اليك مع علمى ببساطتها..ألا أنى اعلم أنك ستشعر بها ان شاء الله..فيعلم الله انها من أعماق قلبى




قصيدة بعنوان "أحبك"




أبى


أحبك قدرَ حجارِ السجون
وقدرَ الفراق
وقدر هطولِ دموعِ العيون
وقدر شعوبٍ
أمام الطغاةِ تحبُ السكون
----
أحبك قدرَ جراحِ الأسير
لقهر الأجير الذى يحكمه
بأمر الكبير
وقدر دوامِ أداء بلادى
لدور الصغير
أداءٍ قدير
----
أحبك قدرَ بلادٍ تضم
من الخيرِ مثل ارتفاع الهرم
ولكن حاكمها المحترم
على صدر شعبٍ صموت جثم
وأما النظامُ فخير النظم
أمام الفسادِ كفيفٌ أصم
----


أحبك قدرَ عقولٍ طريدة
لكى لا تفكر
وأخرى بعيدة
لكى لا تُذَ كِر
وأخرى ورغم غيومٍ تُخيم
تجدها تنادى
بفجرٍ مبشر
فيأتى الظلام
يصد النداء
يظن البقاء
ويترك أرض بلادى الصفاء
ولا زرع يُثمر
----
وأعلمُ أنك ترضى الوجود
خلف القيود
لتُبدِل مقاييسَ حبى القديمة
بأخرى جديدة بلا منتهىَ
ليصبح وطنى ورغم الهِرم
بروحٍ وليدة
كروح الحياة
----
لأصبح أحبك قدرَ الأمل
وقدر ظلامٍ قد انقشعَ
وقدر النظر فى وجوه الأحبة
ونحن معا
وقدر تَنُقلِ تلك العقارب
ما بين ظلمة..كضيفٍ ثقيل
وما بين فجرٍ كحبٍ قديم
نريدُ به أن نجتمعَ
----
أحبك قدر اتساعِ الطريق
وقدر الأمانِ لعقلٍ طليق
وقدر شعوبٍ وقد قررت
نفض غبار سكونٍ عميق
وما عاد تهديدها بالسكن
وما عاد تهديدها بالدقيق
----
فصبراً أبى..
سَيَقبلُ قلبى بكلِ الجديد
حتى تهل بشائرُ نصرٍ
على ثغرها بسمةٍ من بعيد






أما عن الزيارة الأخيرة والتى كانت رائعة بشكل لا يوصف وعن رأى أبى فى قصيدتى الصغيرة وعن أشياء تدور بداخل مزرعة طرة أحب أن أنقلها اليكم وعن أناس اكتشف فيهم يوما بعد يوم أشياء جديدة..عن كل ذلك فى التدوينة القادمة ان شاء الله..


سلااااااااااااااام عليكم ورحمة الله وبركاته












25 comments:

بنــات العـــــــريان said...

جميله جدا يا اسماء

بوركتى يا اسماء

بجد رائعه

ومنتظرين القصيدة القادمه

وسلامنا لعمو

اسماء العريان

belal said...

بجد جميلة أوي..ممكن أنا مافهمتش نصها ..يمكن أنا مرهق ذهنيا وللا حاجة..يللا ربنا ياخدهم كلهم اللي معكرين دماغنا كده

elfagreya said...

جزاكى الله خيرا يا أسموءة..على فكرة جبنا سيرتكم فى الزيارة وبقول لبابا على اسم مدونتكم..استغربه شوية وبعدين قال اذا كان محتواها جميل..هنتعود على الاسم مش مشكلة

أخى الكريم بلال..مفهمتش نصها..ما شاء الله..

لأ ده كده جميلة فعلا..ومعبرة
أبى أخبرنى ان الأوزان فيها تحسن بس لسه بردو الموضوع محتاج محاولات

بنــات العـــــــريان said...

ههههههههه

الاسم بردو

طيب خير

لازم توصلي سلامى لعمو

اسماء العريان

AbdElRaHmaN said...

ما شاء الله
راااااااااائعه القصيدة
رائع التصمي
رائعة المناسبة
كل سنة وانت طيب يا عمووو
ان شاء الله قبل 53 تكون بيننا ووسطنا ويكون الهم انزاح من على مصرنا كلنا
ربنا يحميك يااارب
تحياتي لكي اخت اسماء
سلام

elfagreya said...

أخى عبد الرحمن..
ايه كل الحاجات الرائعة دى..جزاكم الله خيرا

ان شاء الله هيكونوا كلهم بيننا..وربنا يتقبل دعاءك
وبنقول أمييييييييين

مصراوي أوي said...

عجبا لأمر المؤمن ان امره كله له خير........................احسبهم مؤمنين وكل لحظة بتمر عليهم في ميزان حسناتهم........وبالنسبة لواحد زيي بيتعلم منهم يعني ايه تضحية في سبيل الله يعني ايه الواحد يختار طريق ربنا وليكن ما يكون من تبعات.........52 وردة ليك يا محاسب يا شريف و52 دعوة من كل قلبي ان ينتقم من الظالمين............اب يشر ف والله هنيئا لكي

Anonymous said...

ماشاء الله ياأسماء
مشاعر رائعةيسعدبربعهاأي أب. هنيئا لاخونا ياسر كل هذا الحب الفياض. ولكن هذا لايمنع اني متغاظ حبتين. هل يعني ضروري كل أب مننا يصبح بطلا ويتحول للقضاء العسكري علشان يسمعله كلمتين حلوين. هل لاتوجد فرصة للاباء العاديين في هذا المجتمع. القصيدة خطوة للامام بلا جدال ونصيحتي قراءة شعر فاروق جويدة وامل دنقل ولكن المذاكرة والتفوق قبل كل الهوايات ابو البنات

Tasneem said...

الله جميلة جدا تلك القصيدة أختى الحبيبة أسماء فجزاكى الله خيرا عليها و كل عام و والدك إلى الله أقرب و أدام الله عليه عافيته و فك أسره هو و أخوانه اللهم آمين و ياريت تعجلى بالتدوينية إللى جاية علشان أتأكد أن بابا منسيش حاجة لما كان بيحكيلى على إللى حصل الزيارة إللى فاتت و كمان كنت عاوزة أسألك أنتى ليه ما بقتيش تشرفينى بالزيارة و بقيتى تبخلى عليا بيها أختك : تسنيم نصر رضوان

Tasneem said...

و يا ستى نحن فى الخدمة أصلحلك أى أوزان و أظبطلك أى حاجة ده أنا يكون ليا الشرف و سلامى أنا و ماما ليكى و لطنط كتييير و السلام عليكم و رحمة الله و بركاته

elfagreya said...

جزاكم الله خيرا على تعليقاتكم جميعا

مصراوى أوى..هوه فعلا نعمة كبيرة ربنا يباركلى فيها..
المدونة جميلة..استمر جعله الله فى ميزان حسناتك..

أبو البنات ..ليه بس كده يا عمو..طب ده بابا وماما دول جمهورى الدائم اللى مقدموش حل غير سماع قصائدى..لكن لو كان أصدك اكتبله قصيدة ليه هوه فى الأيام العادية ..دى فكرة تستحق التجربة لما يخرج ان شاء الله
وطبعا الأباء العاديين لهم كل الحب والمشاعر..فالعبرة ليست بمعتقل أوغيره بقدر ما هى أب صاحب مبدأ وخلق وقلب مفعم بالحنان والحب
ولكل الاباء منا سلااااااااااام

تسنيمو..ازيك..انا مبجيش عندك..أخر مرة كنت هناك امبارح بس مبردش كتير فعلا..بس اوعدك هتلاقينى هناك تانى ان شاء الله..احنا لينا الشرف يا فندم

بأه كده عمو يكون بيزور فى نفس يومنا ومتقوليش..لو كنت اعرف كنت سلمت عليه وبعتلك سلام معاه كمان..القصيدة ادامك اهيه شوفى موضوع الأوزان ده وحاولى ويبقى جزاكى الله خيرا كثيييييرا ..

محمود سعيد said...

لأ بسم الله ما شاء الله

مستواكى فى الشعر أتطور
القصيدة ديه أجمل من اللى قبلها

مواطن من قاهرة المذل لعبيد الله said...

الشعر رائع وانا من الذين يستمتعون بقراءة الاحسلس مش الاوزان بس نعلم انك في كلية الفنون التطبيقية فهلا من لوحة تعبر عن تلك المشاعر تجاه اخواننا خلف القطبان او عن الاقتصادي المهذب واخيرا بوركتي يا اختنا

Anonymous said...

سلام عليكم
ماشاء الله يا اسماء
شاعرة بصحيح
وكل سنة وعمو بخير وان شاء الله يتم 53 وهو بينكم ( 23 سنة )

وسلامى لكم جمييييعا
نيرة عصام عبد المحسن

اصرار أمل said...

أباك يستحق - باذن الله- أن تنظم له القصائد....
قصيدتك رااائعة جداااا
المستوى فى ارتفاع مطرد....
يمكن علشان طالعة من القلب....
أسماء...
كل عام وأبيك فى نعمة وخير وصحة وعافية وسلامة وايمان...
تقبل الله منه ؛ ومد فى عمره على الطاعة....
منتظرين التدوينة الجديدة........

همسة قلم said...
This comment has been removed by the author.
همسة قلم said...

شوفي ياسمسم انا مش هاعلق على القصيدة لأنه مهما كانت أوزانها مش متظبطة او فيها القطط المتفطسة فكفاية انها مشاعر جميلة وصافية من بنت بتحب باباها أوي ..فمن الاخر مش مهم الوزن والقافية ولحاجات دي خالص المهم هي طالعة من مين ولمين:)

وكل سنة وعمو ياسر طيب ويارب السنة الجاية يكون معاكم ياسمسم وتكتبيله قصيدة تانية وهو واقف جنبك ارتجال يعني :)
وسلملنا عليه كتير جدا ولو انه مايعرفنيش :) بس تلاكيك بقى تقولي ايه

وبحبك في الله جدا
:)

عمر جمال عبد السلام said...

السلام عليكم
تدوينه رائعه ومشاعر لا تخرج الا من محب لحبيبه
ربنا يخرجه بالف سلامه

وعلي فكرة مدونة حضرتيك كانت من عوامل قيامي بعمل مدونة لوالدي

جزاكم الله خيرا

ويرات تكتبي عن سجن المحكوم

أحمد said...

كل عام والمهندس ياسر عبده بخير وحرية ودائما ً فى طاعة الله
وتهانينا له ولكل أفراد الأسرة المباركة
وبارك الله فى مشاعرك الجميلة نحو والدك الحبيب جمعك الله به فى أعالى جنة الفردوس إن شاء الله

مشاركة منى : " أحمد "
من الإخوان المسلمين
ونجل أحد إخوان المحاكمة العسكرية 1995

elfagreya said...

بجد جزاكم الله خيراعلى التعليق والتشجيع..
محمود سعيد..جزاكم الله خيرا وكويس ان دى اجمل..ظاهرة صحية

مواطن..جزاكم الله خيرا..انا فنون فعلا بس منذ فترة وانا اشعر بعدم اقبال على الكلية مثل ذى قبل ولا أعلم لذلك سببا ..المهم ان الكتابة أصبحت هى الاقرب لى فى التعبير ولكن فى الفترة الاخيرة بدأت اعود شيئا فشيئ وان شاء الله انتظروا لوحة او تصميم قريبااا

نيرة..ازيك ..وانت بخير ان شاء الله..وسلامى لكم ولعمو..احنا رايحين بكره ان شاء الله..ياريت لو نشوفكم

حبيبتى أمل..ازيك ..يا رب تكونى فى أفضل حال ان شاء الله..
ربنا يتقبل دعائك..وأسعد عند رؤية تدويناتك وتعليقاتك جداااا

أسموءة..شوفى يا بنتى لما شفت تعليقك قلت مصر لسه بخير..لسه فيها ناس طيبة مبتاخدش بالها من الاوزان
ارتجاااااااال مرة واحدة..عشان يتمنى يدخل تانى ولا ايه
هسلملك عليه ان شاء الله كتيير


عمر جمال عبد السلام..سعدت جدا عند رؤيتى لمدونتكم..قدر سعادتى عند رؤية د.جمال عبد السلام عند تقديمه لمؤتمرات دار الحكمة والتى طالما كان لها فضل كبير علينا بعد فضل من الله سبحانه وتعالى

ربنا يرده سالما وأبى واخوانهم جميعا ..
أما عن سجن المحكوم..فممكن اكتب عنه..ولكن ننتظر أيضا كتابة حضرتك عنه لانها ستكون اكثر واقعية واو مثل ما يقولون من أرض الحدث..وربنا يصرف عنكم هذا المكان قريبا جداا


أخ احمد..جزاكم الله خيرا كثيرا
عندما أرى اىِ من أخوة المحاكمات العسكرية السابقة تظهر أمام عينى "يزول الألم ويبقى الاجر" ..ربنا يجعله فى ميزان حسناتكم

..

مواطن من قاهرة المذل لعبيد الله said...

بعيدا عن الموضوع وفي نفس الموضوع برده نعلم ان ليكي ترتيب علي دفعتك شدي حليك ورجعي للمود الدراسي سريعا لان اعتقد ان تفوقك يسعد كل الاخوان وخصوصا والدك زي ما عملت رضوي خيرت الشاطر شدي حيلك و حسبي ينقطع

عمر جمال عبد السلام said...

السلام عليكم
يا اخت اسماء
انا لوكتبت هكتب عن حاضر لكن حضرتيك هتكتبي عن ذكريات وهتكون فيها خبرة
وكمان اسلوب حضرتيك اجمل واحسن
وربنا معاكي

سمية said...

ما شاء الله
قصيدة راااااااائعة يا أسماء
عجبتنى جدا
ربنا يبارك فيكى

salma abd elhady said...

وحشتيني جدا يا اسماء و الله نفسي اكلمك بس موبايلي ربنا يهديه
مش قادرة اقولك القصيدة اثرت في قد ايه لدرجة البكاء و كل سنة و عمو ياسر طيب و بجد بجد سلامي له
يارب يخرج بالسلامة سالما غانما ان شاء الله
اكيد هتعرفيني

elfagreya said...

حبيبتى سلمى..

متكلميش على موبايلك..انت وسالى لازم تعملوا فى موبايلتكم حاجة واحب اقولكم انكم لو جايبنهم بقصد ان الناس توصلكم اسرع..فالقصد لم يتحقق على الاطلاق بالعكس بينرفزوا الواحد..بس يلا مش مشكلة

بجد عجبتك يا سلمى..دى حاجة تشرفنا يا فندم

هجبلك نسخة منها معايا ان شاء الله لما اشوفك