يا أهلنا في غزة .. نحن معكم

Tuesday, May 8, 2007

قضاة مصر الشرفاء...بجد تعظيم سلام






لسه راجعين من مجلس الدولة بعد قبول القضاة للطعن المقدم بخصوص احالة ابى واخوانه للقضاء العسكرى فى سابقة احنا نفسنا مكناش متخيلنها..



وسط الخبث والفساد المنتشراحيانا بتكون الناس مش متخيلة اى حاجة غير كده..





لقضاة مجلس الدولة





الذين لم يخشوا فى الله لومة لائم






الذين نطقوا بالحق






تعظيم سلااااااااااااام


فى سابقة تاريخية ولأول مرة يصدر حكم يبطل قراراً لرئيس الجمهورية .. حيث قضت محكمة القضاء الإداري بمجلس الدولة اليوم الثلاثاء 8/5/2007م برئاسة المستشار محمد الحسيني نائب رئيس مجلس الدولة قراراً برفض تنفيذ قرار رئيس الجمهوية- بوصفه الحاكم العسكري- بإحالة 40 من معتقلي الإخوان المسلمين إلى المحاكمة العسكرية، وذلك فى نصر مدوٍ للحرية والعدالة ويضع القضاء المصرى المدنى العادل فى مكانته السامقة .
وأمرت هيئة المحكمة – برئاسة المستشار محمد الحسيني – بالإفراج الفوري لكافة المعتقلين على ذمة القضية رقم 963 حصر أمن دولة عليا لعام 2006 الماضي والمعروفة باسم قضية "أحداث الأزهر"، مع إعادة أوراق القضية مرة أخرى إلى القضاء الطبيعي ليستكمل النظر فيها.









هناك من يقول انه القرار نافذ و المفروض يفرج عنهم خلال 48 ساعة



وهناك من يستبعد ذلك ويقول انهم سيماطلون فى التنفيذ ويستكملون بذلك سلسلة استهزائهم وعدم احترامهم للقضاء والقانون






فالى الان

موضوع الخروج مش أكيد


لكن والله هذا لن يقلل من فرحتنا بصوت الحق عندما يعلو و يكشف زيف الظلم ويفضحه على الملأ للمرة الرابعة


اترككم مع الصور..فى منها غير واضح لكنها ستظهر لكم مفاجأة أخرى بس دى كانت غريبة شوية وهى وجود القناة الاولى للتليفزيون المصرى وسجلت مع عائشة وخديجة وأنس حسن مالك ووعدت باذاعة ذلك فى اخبار التاسعة ..ونحن فى انتظار ذلك ونحسن الظن بهم وعموما ليست التاسعة ببعيد لتكشف هل هما صادقين ولاااااااا؟؟؟






لمن شاهد قبل ذلك فيلم قديم اسمه "عنتر ولبلب" كان المفروض عشان عنتر يترك للبلب شيئ معين(لا أذكره الأن) يحقق لبلب شرط معين وهو ان يضرب عنتر الضخم المتظاهر بالقوة 7 أقلام


واذا قمنا باسقاط لهذه القصة الأن مع وجود اختلافات كثيرة سنجد انه الى الان ضربناهم 4 أقلام


افراج من الحبس الاحتياطى...قلم


وافراج من الاعتقال..أصبحوا قلمين


وروفض لطعن وزارة الداخلية على الافراج من الاعتقال...3 اقلام


وقبول الطعن اليوم...4أقلام


أتمنى ان تكون سلطة القضاء والقانون مازال لها من القوة ما تمكننا به من أخذ حقوقنا وتنفيذ الافراج و وقف اجراءات المحاكمة العسكرية دون ان نحتاج الى 3 أقلام أو صفعات أخرى لهذا النظام الفاسد والظالم..

17 comments:

Aml Ghonaim said...

سعدت كثيرا أننى الأولى التى سأبارك لك ؛ ولنا ؛
والتى سأقول لك : ان شاء الله سيتم الافراج عن والدك -حفظه الله -ورفاقه الشرفاء يوما ما _ أدعو أن يكون قريبا )وحتى ذلك الحين : دعينا نفخر بالانجازات التى كانوا سببا فيها ؛
لعل أبرزها ماحدث اليوم ؛
مبارك لنا أيتها الحبيبة .
فك الله قيد أسر والدك ؛؛
دعوااااااااااتى لكم ....

Anonymous said...

اولا اسمحى لى يا اسماء ان اهنئك واهنئ نفسي بما حدث اليوم وان لم يتم الافراج فكفى موقف القضاء واثبات برائتنا الى اخر درجة وظلم النظام اللا نهائي
ثانيا انا مش فاهمة اسقاطك للقصه هو احنا لسه هنستنا 3 اقلام علشان نحقق السبعة بتوع لبلب :)
الحاجه الاخيرة لاصرار امل مش عا يزين مبارك لينا ولا جمال عايزين مبروك او سعيد او اى حاجه تانيه عشان زهقنا خلاص

محمد القصاص said...

السلام عليكم

الله اكبر و لله الحمد

مبرووووووووووك حكم المحكمة و إن شاء الله سيتم الإفراج عنهم
بجد انا فرحت جدا بالخبر و حمدت ربنا اوى وكان نفسى يبقى عندى رقمك عشان اباركلك بس خير المهم انى فرحتلكم جدا جدا و ربنا يلم شملكم على خير فى القريب العاجل جدا إن شاء الله

Anonymous said...

أمل

فعلا يا أمل فيكفى ما حدث اليوم..أظن انى هفضل فاكراه طول عمرى..واتبسطت انك اول تعليق
وان شاء الله الفرج قريييييييب

حفصة

لا يا حبيبتى مش هنستنى 3 اقلام ان شاء الله..انا مستبشرة خير
عنتر لازم يتكسف بعد ما تم فضحه على العلن
وحتى ذلك الحين واثقة من ان لبلب مش هيبطل صفعات وأقلام
وفعلا يكفى ما حدث اليوم
ومبروك مش مبارك
وكان يوم جميل مش جمال
حلو كده :)

ايمان
ربنا يباركلك يا حبيبتى وعقبالكم قريبا ان شاء الله..وأقرب مما نتصور كمان..ووقتها تكون معايا التليفون واكلمك ان شاء الله واكلم رنا طبعا

آلاء الرحـمـن said...


الف مبرووووووك يا سمسمتى

ولله فرحت جدا جدا جدا بالخبر

و ان شاء الله ربنا يلم شملكم قريبا يا حبيبتى

قُلْ بِفَضْلِ اللَّهِ وَبِرَحْمَتِهِ فَبِذَلِكَ فَلْيَفْرَحُوا هُوَ خَيْرٌ مِمَّا يَجْمَعُونَ

Anonymous said...

الحمد لله.وربنا يجمعك بوالدك في اسرع وقت

بس يا تري هيخرجوا ولا هيتحولوا امام قاضيهم المدني الطبيعي؟؟؟

About Me said...

ميروك امصر كلها الحكم الرائع ده...الحمدلله لسة في امل في مصر....هو امل بعيد بس لسة موجود
القرار ده يعتبر انتصار طبعا
بس احنا عندنا الحكومة مبتعترفش بالهزيمه
واعتقد انهم مش هينفذوا القرار كالمعتاد
اتمنى اطلع غلطان....ويتم تنفيذ الحكم والافراج الفوري عنهم
بس ماعتقدش خصوصا بعد رفع الحصانة عن عضوين مجلس الشعب كمان
النائبان رجب أبو زيد وصبري عامر

Anonymous said...

السلام عليكم
اخت اسماء
1-الله اكببببببر ولله الحمممممد
2- مبارك هي الاصح في اللغة لكن علشان احنا معارضة فامبروك
3 -لو الادارية العليا وافقت علي رفض قرار رئيس الجمهورية هيكون الحكم ده ثلاث اقلام في بعض وبالتالي لازم عنتر ينسحب من الحلبة والا يضرب بالاحذية زي النمرود لما اضرب بالحذية علشان يخف
ربنا يفك اسر كل المعتقليين
انا قررت اغير اسمي بعد الحكم ده

يا دماغى said...

يارب قضاء مصر يكمل مشوار الحق

Anonymous said...

ألاء الرحمن

الله يبارك فيكى يا لوءة(ولا ألاء دلعها اييه؟؟)
احنا فرحنا فعلا الحمد لله لكن اظاهر فرحنا بتميتهم غيظا فجددوا للمجموعات الباقية 15 يوم وتم رفع الحصانة عن النائبين
بس بردو فرحانين بحكم القضاء الحمد لله
حتى تزيد فضائحهم أكثر

..
مصراوى أوى

لأ هما قانونا المفروض يخرجوا
وحتى بعد مالحكومة قدمت طعن تانى
المفروض يخرجوا حتى يبت فيه
بس ده المفروض اما الواقع فمختلف

Anonymous said...

أ.ميدو مجدى

هوه فعلا الى الان متنفذش ورفع الحصانة ومع ظلمه الا أنه يوضح ضعف موقفهم فحالة التلبس غير موجودة فى قضية النائبين فبيحاولوا يشوشروا باى شكل

أ.مواطن

هوا الاسمين معبرين فمن يسعى ليذل عبيد الله موجود والقاضى الفاضل موجود..لكن أيهما سيستمر؟؟..
موقنة من انالحق دوما سيبقى ويعلو
أدعو ان نكون من جنوده

أ.عمر جمال

يااااااا رب

Anonymous said...

الحمد لله
بجد الف مبروك يا أخت اسماء
ولكل اخواننا واخواتنا
الحمد لله
ربنا يبارك فيكم
ان شاء الله اخواننا المعتقلين هيخرجوا بهمه أكبر من الاول
ربنا يحميهم
ويجمعنا بيهم قريب
خارج اسوار السجن انش اء الله
سلام

مشروع انسان said...

الحمد لله رب العالمين
بس يارب الموضوع يتم على خير هتبقى ضربة كبيرة جدا ويبقى الموضوع والحمد لله جاب صدى ووقع قوى جدا يا رب بس يكمل ووالله هيكون الموضوع ده نقله كبيرة وخطوات لينا عظيمة احساسى بيقول كده يا رب تمها على خير

Anonymous said...

السلام عليكم
يا اختنا شاور الظالم قتل والقاضي الفاضل جاهد وانتصر و املنا في ربنا كبير ونحسن الظن بالله و اكيد الطير راح يرجع تاني يطير ويغني من لحننا

Anonymous said...

القضاء هو الحصن الاخير. وهم يحاولون هدمه وتفتيته بكل همة ونشاط. المشكلة أنهم يجدون دوما ضعاف النفوس الذين يجرون وراء الجزرة (مد السن في حالة القضاةمثلاوالعمادة في حالة الجامعة وهكذا). طبعا في هذا الجو لايملك الانسان الا الشعور بالتقدير الشديد لكل انسان محترم وشريف في المؤسسات المختلفة. والسؤال الاكبر هل سنعيش حتى نرى واحدا من هؤلاء المحترمين وهو يقود السفينة. ربنا يدينا ويديكم طول العمر
عم الشباب

Alaa said...

الله أكبر و الله الحمد
ألف مبروك لنا جميعا أولا
ثانيا
هانت ان شاء الله و هيكملوا السبع اقلام و هيبقوا عشرة و عشرين و مية باذن الله
و ربنا ينتقم من عنتر و رجالته :)

الـفجـريـــة said...

أ.عبد الرحمن عياش
أ.امام الجيل
أ.مواطن
أ.علاء

جزاكم الله خيرا جميعا
وربنا يتقبل دعاءكم
كل حلكة ليل ما هى الا اقترابة فجر باذن الله

عم الشباب
كلام حضرتك صح يا عمو
..وان لم نحيى لهذا اليوم فعلى الأقل نبقى شاركنا فى مجيئه
بس انا حسه ان الموضوع أقرب من كده
وهنشوفه ان شاء الله