Thursday, May 24, 2007

وعدتك أبى...ولكن


تفتقد عينى لقائه
تفتقد أذنى ندائه
يفتقد بيتنا خطواته
يفتقد قلبى حنانه
يفتقد عقلى حديثه
تفتقد روحى ابتسامته

أفتقدك أبى حقاً
وددت لو لبيت طلبك هذه المرة
وددت لو استطعت ان اوقف الزيارات فى فترة الامتحانات كما طلبت
وددت لو فعلت ذلك فعلا
ولكنى حقا لا استطيع
ميعادنا يوم السبت
حتى ولو لم أطيل
فقط لأراك

والى يوم السبت هذاكر ان شاء الله
أظن كده متفقين
--------------------------------------------------
تحديث
اثناء المذاكرة جاءتنى خاطرة فى صورة سؤال حيرنى..
لما تكون فى فنون
ليه يبقى فى مادة مقررة عليك
اسمها ادارة انتاج ودراسة جدوى!!!
ايه العلاقة
وعندما وجدتنى فاقدة للاجابة
انتبهت لشيئ هام
هوه ايه يعنى اللى حوالينا منطقى وله اجابة..
ولا ايييه؟؟!!


24 comments:

النجمة الصامدة said...

كــان الله لكِ
وجمع بينكما على خير في القريب العاجل


خالص دعائي
وذاكري كويس عشان زي مانتي فخورة بيه هو يفخر بيكي
:)

النجمة الصامدة said...

بعد اذنك يا سمسمة عايزة اتواصل معاكي

ممكن؟؟

:)

القصاص للجميع said...

السلام عليكم

شدى حيلك يا اسماء فى المذاكرة واوعى متروحيش يوم السبت و اكيد طبعا عمو مش هيزعل بس المهم تكونى ذاكرتى

ربنا معاكى إن شاء الله و يفتح عليكى فى المذاكرة و يرجعلك بابا بالسلامة إن شاء الله

الفجرية said...

حبيبتى جهاد

هذاكر ان شاء الله

على فكرة عدد استقبالى لكلمة ذاكرى كويس الايامدى عدا الالاف

خير..بس عارفة يا جهاد بجد فعلا نفسى ربنا ييرلى الخير فى الامتحانات عشان ابى وامى يتبسطوا
يلا ان شاء الله خير

ايوة طبعا ممكن ده ايميلى
mooah87@yahoo.com
ضيفينى عندك لو بتدخلى على الماسنجر
لو لأ
ابعتيلى ميل من عندك عشان اعرف ميلك

ايمان

ربنا يكرمك يا ايمانو

ويا رب اشوفك هناك ورنا كمان

متنسيناش فى الدعاء

بنت من الاخوان said...

ربنا معاك وغدا يعود الاحبة

Anonymous said...

ليه كده يا أسماء
وعد الحر دين عليه
ايه التقل ده
ماتخلى خالتو شوية لازم يعنى تكبسى على نفسهم
احنا مش بنعمل زيك
احنا خفاف خفاف بنخلي ماما تروحوا لوحدها :p
وبعدين بعد شوية يلاقوا حد داخل لهم مننا

يارب يا عمو تفرح بمجية اسماء مش تزعل
( :Dيظهر ان عمو اتعدى من بابا )
وسلميليى على عمو وطنط

وربنا يوفقك ا نشاء الله فى الامتحانات
وادعى لنا معاكى
نيرة عصام

sharkawoo said...

كان الله في عونكم ...

إذا كان هناك أخوة لا نطيق فراقهم ... فما بالكم بمن ربونا وفضلهم علينا كبير ...

حسبنا الله ونعم الوكيل في الظالمين ...

أروي الطويل said...

ربنا يارب يكرمك يا سمسمتي
ويجمعكوا حالا علي خير
:)
:)
:)
سلاماتي

mazagat said...

وحين يلف الشوق أرواحنا

وحين يلم الحب بقلوبنا

فنشتاق لآبائنا وإخواننا وأصحابنا

فتحجبهم عنا فئة طاغية ظالمة ..

وتزيد قسوتهم بقدر ما يزيد الحب في قلوبنا والشوق في جنباتنا ..


حينها ..



نتوسل لله ربنا ومولانا أن يكشف غمة ويزيح ظلمة ويرد علينا أحبة ..



اللهم يا قدير أنت القادر أنت تجمع بين أمتك وأبيها ولو اجتمع على فراقهم كل البشر فنسألك بقدرتك أن تلم شملهما وشمل كل محروم من أبيه ..


قولوا آمين
فقد قلت آمين



تحية


... مزاجات

belal said...

يعني الحق عل الناس إنهم بيدرسوا ليكم انتاج وجدوى..عشان لا قدر الله

لا قدر الله

.....
وماجالكوش نفس تشتغلوا فنون ...تقوموا شغالين تجارة

..
أو مثلا عشان حضرتك لما تفتحي متحف
أو تفتحي هرم ..تعملي دراسة جدوى

elfagreya said...

بنت من الاخوان

أمين يا رب العالمين
واليوم ده جاى أكيييييد وقريبا ان شاء الله

نيرة

باه بعد مخالتو تفتكر انها الحمد لله خلصت منكم
تلاقيكم قدامها
ماشى يا ستى منكم نستفيد
على فكرة يا نيرة اسلوب الخطاب بينى وبينك هيتغير من انهارده
اصل فى حاجة حصلت
هبقى اقولهالك لما اشوفك
:)
:)
:)
حاجة جميييييييية

elfagreya said...

أخ شرقاوى

ربونا وعلمونا واحتوونا حتى اصبحنا جزءا منهم وهم جزء منا

برنا يرزقنا جميعا برهم ويجمعنا بهم على الخير

أروى الطويل

ربنا يتقبل دعائك

يا رب تكونى بخير والمذاكرة ماشية تمام
والجزيرة توك تمام التمام

elfagreya said...

مزاجات

اللهم يا قدير أنت القادر أنت تجمع بين أمتك وأبيها ولو اجتمع على فراقهم كل البشر

كلمات رائعة اخى الكريم
كنت لسه بتكلم مع ابى فى الموضوع ده وان مفيش حاجة بعيدة وان فى لحظة ممكن كل شيئ يتغير حتى لو الكل شايف غير كده وحاول يمنعه..

أمييييييييين

أخ بلال

لما افتح متحف او لما افتح هرم
فكرة بردو
:)

هوه الموضوع مش فى المواد على اد مفى اسلوبها
يعنى واقعيا مبنستفدش منها حاجة
الشرح اى كلام
وطبعا المذاكرى اى كلام
ذاكر وامتحن واقلب
للأسف

سناالإسلام said...

أسمؤة
ربنا يفك أسر عمو وبجمع شملكم و
ربنا يوفقك يا حبيبتى وتطلعى الأولى
ومعلش يا أسماء مش عارفة ايه فايدة التعليم من أساسه بهذا الشكل ال... معلهش يا أسماء أصل أنا لسه راجعه من الامتحان ومتضايقة
ربنا يوفقك ولا تنسينى من دعائك

elbahr said...

بسم الله
استعيني بالله وشدي حيلك
تحياتي
البحر
www.ana-elbahr.blogspot.com

احمد رفعت said...

سلام عليكم
انا اولا لم اكن اتوقع ان مدونتي هتشرف بزيارتك ابدا .
لما دخلت مدونتك عرفت اد ايه ان في هذا الكون احرار يرفضون الفساد .
عرفت اد ايه ان الواحد فينا لما يحس انه بطل ويرى الابطال يتصاغر امام نفسة .

تحية كبيرة لك ايتها الصابرة تحية لاهلك جميعاً تحية لوالدك العزيز فك الله أسرة .

وان شاء الله نحتفل قريباً جميعاً بخروجة هو واخوانه .


شكرا جزيلا لزيارتك

عم أحمد

Anonymous said...

خير اللهم اجعله خير
هيتغير ليه كفا الله الشر
ماشى يا ستى لما تشوفينى ابقى قوليلى

صحيح طمنينى
عمو فرح بزايرتك ولا ايه؟؟؟؟
ولا كان بيقولك جيتى ليه بس بالذوق يعنى
زى مثلا سيبتى مذاكرتك ليه يا أسماء الحاجات دى يعنى
اكيد هو ده اللى حصل

نيرة عصام

علاء said...

ربنا يفك أسر جميع إخواننا و ينتقم من الظالمين
قولوا آمين

همسة قلم said...

لا لا ياسمسمة مافيناش من خلف الوعود ده
ولا اقولك .. المرة دي بس سماح .. وابقي خلي عمو يدعيلي اوي معاكِ
هو انا مش تبعكم ولا ايه

وشدي حيلك ياقمر ربنا معاكِ

الفجرية said...

سناء

ربنا يكرمك يا حبيبتى

الأولى..نبقى نتكلم فى الموضوع ده لما اشوفك يا استاذة
:)


أخى الكريم (البحر -علاء)0

جزاكم الله خيرا وربنا يتقبل دعاءكم


أخى الكريم أحمد رفعت

كلام حضرتك على اد مهو صادق ومعبر

على اد مهوه أكبر منى وأعظم بكثيييير

فكم من اناس لم يعتقلوا ولم يغيب عنهم احبابهم الا انهم يحملون قلبا نقيا ويبذلون ما فى وسعهم لاسعاد من حولهم وادخال السرور عليهم لينالوا بذلك مكانة عند خالقهم ربما يسعى الكثيرون لينالوها
نحسبكم جميعا كذلك ولا نزكى على الله أحدا

الفجرية said...

نيرة

هتعرفى هيتغير ليه والى ان اقابلك هيبقى
تشوييييييييييييق

طبعا اتبسط يا بنتى
وقاللى مكنتش فاكرك هتيجى بس اتبسطت لما جيتى
شايفة الكلام الجميل
:)
هوه بردو فى وسط الكلام
قاللى بس عاوزك تركزى
تفتكرى قصده ايه بابا؟؟
خلتينى اسيئ الظن
ربنا يسامحك

أسموءة
هقوله المرة الجاية ان شاء الله
عشان انا جيت خلاص
ايوة طبعا تبعنا
ومش تبع حد تانى
سامعة يا من تعرف نفسها؟؟

النجمة الصامدة said...

حبيبتي أسماء
أولا جزاكم الله خيرا على قبولك أخوتي

ثانيا.. موضوع الموااد اللي مالهاش علاقة بالكلية ده شيء طبيعي جدا
إنتي نسيتي إن احنا في مصر باين


ثالثا بقى أنا مررتلك تاج عندي في المدونة
تعالي خديه

خااااااااالص دعائي
سلام

Anonymous said...

السلام عليكم


ازيك يا سمسمة ، وحشتيني جداااااااااا
جدا جدا ، وبجد كلماتك رااااائعه ،
ربنا يعزك يا حبيبتي ، ووالدك يرجع ان شاء الله بالسلامة ،
لكن هذا هو طريق اصحاب الدعوات ،
ربنا يجعلنا واياكم مثل ابيكي وربنا يعزه ويكرمك ويكرمه يااااااااارب

اما بقي انتاج وجدوي
لنـــــــــــــــا اللــــــــه
مش قادرة اقول غير كده

بس شدي حيلك وركزي في المسائل علشان عليها درجات اكبر وهي الاسهل ان شاء الله

هقولك زي ما عودتيني انتي
ههههههه

اختك الحبيبة
معلش يا سميمة
اسمحيلي هوقع كده بعد كده ، علشان بصراحة حسيت فيها باخوة ووق عالي جدا منك

اختك الحبيبة

أُكتب بالرصاص said...

تحياتي لمدونتك الرائعة


وبصراحة
النشيد في الخلفية
ادمع عيناي