يا أهلنا في غزة .. نحن معكم

Sunday, June 3, 2007

لا تقل فات الأوان









لا تقل فات الأوان ....وانطلق فالوقت حان


ان أردنا وانطلقنا..بالمنى جاد الزمان



لا تقل فات الأوان من من شريط أعماق السكون للمنشد أسامة الصافى



لسه مفاتش الأوان ان امتنا ترجع تانى لمكانها ولا ان بلدنا تنال حريتها بعد ليل طويل من الظلم


ولسه مفاتش الاوان لكل قلب مننا..غافل او بعيد انه يرجع تانى


ولسه مفاتش الاوان اننا نتغير


لسه مفاتش الأوان ان نقترب من أنفسنا وممن حولنا أكثر


لسه مفاتش الاوان ان حاجات كتير تحت ترجع تانى فوق


وأخيرا..لسه مفاتش الاوان انى افهم الرياضة اللى همتحن فيها ان شاء الله



لسه مفتش الأوان


فقط ان أردنا وانطلقنا

16 comments:

Anonymous said...

جزاكم الله خيراً على هذه الكلمات الطيبات .

وفعلاً لم يفت الاوان فان الامل موجود دائماً،والرياضة مش صعبه وان شاء الله كله يعدى ويبقى سهل :d

!!!!بس ايه علاقة الصورة بالموضوع

الـفجـريـــة said...

أخ معاذ

سبحان الله
اصل انا من شوية بعد منزلت التدوينة عدت مرة أخرى وقلت الصورة مش لايقة

الى ان وضعت الصورة الجديدة قبل رؤية تعليقكم

الرياضة مش صعبة صحيح
لكنها مش سهلة
بس فى امل ان شاء الله

ياسر سليم said...

وأخيرا..لسه مفاتش الاوان انى افهم الرياضة اللى همتحن فيها ان شاء الله


كنت أقرأ البوست ومتأثر بيه وبفكر فى الكلمات .. ان لسه مفاتش الأوان وان اللى يتكسر يتصلح واللى اتعوج يتعدل ...

طلع ان حضرتك كمان بتدى امل للناس اللى لسه ما ذاكرتش .. واللى كل اللى حواليهم يقولوا خلاص اللى ذاكر ذاكر ..

لاء لسه ما فاتش الاوان ..

Anonymous said...

:d اه كدة الصورة دى تمام

جزاكم الله خيراً

وبخصوص الرياضة فهى فعلا مش صعبة ومش سهلة ، بس اهم حاجة هدوء الاعصاب عند مزاكرتها وعدم التفكير فى ضيق الوقت

:واذكرك بقول الحسن البصرى
"علمت أن رزقي لن يأخذه غيري فاطمأن قلبي"

اعاننا واعانكم الله

إخوانية مصرية said...

اظن ان الصورة بتعبر عن واحد بيجري عشان يلحق قبل مايفون الاوان

جزاكي الله خيرا ياغالية علي هذه الكلمات البسيطة المعبرة

الامل موجود دائما بس في ناس مش واخده باله

مشروع انسان said...

المهم البداية المهم البداية المهم البداية امتا بقى نبتدى عشان منقلش فات الاوان ولا مفتش اسوء شئ التسويف شئ شنيع جدا

Alaa said...

الرياضة !!
محدش يغلط في حبيبتي
دخلت هندسة مخصوص عشانها
و بفضل الله 6 رياضات امتياز
و 3 تطبيقات رياضة امتياز
ربنا يخليهالي
و لسه مفتش الأوان

AbdElRaHmaN Ayyash said...

:D و الله النشيد رائع اوي اوي اوي
كفاية انه لأسامة الصافي
النشيد من أروع الاناشيد اللي بسمعها على الاطلاق .. ومعاه يا شاعر الاطفال .. وما زلت ابحث في وجوه الناس
بس ياترى .. هل فعلا لم يفت الأوان ؟؟؟
أعتقد أنه لم يفت على التوبة
لم يفت على الإياب والندم
على الرياضة .. انطلقي .. وربنا يوفقك :)

belal said...

البلد بدنا..بلال(أبو رباح)0




معلشي الصفر ده لو معنى ولاغلطة مطبعية


...
ولا مثلا الرمز الكودي ..00أبورباح

Anonymous said...

اخ ياسر

بدى أمل للناس ولنفسى معاهم
بس اهوه الحمد لله الامتحان عدى على خير
صحيح فضلت حوالى نص ساعة انظر للورقة لاجد كل القوانين وقد نسيتها
بس شوية بشوية ربنا يسر

أخ معاذ

كلمة الحسن البصرى جميلة
ولكن
احيانا نقصر
ونجد انفسنا لم نأخذ بكل ما هو متاح لنا من اسباب
فنقلق
لكن خير الحمد لله..لحقنا

اخوانية مصرية

واياكم يا حبيبتى
اتبسطت لما وجدت ردودك وانك بقيتى زائرة متكررة
ادعو الله لى ولكى ان نكون ممن يملكون عينا متفاءلة واملا متدفق لنا ولمن حولنا

Anonymous said...

امام الجيل

أحيانا نؤجل بدايتنا لقناعة خاطئة منا انه لا داعى لها فلقد فات الاوان مع انه مبيكونش فات ولا حاجة

عموما اتفق على ان التسويف شيئ شنيييع واليأس مثله

أخ علاء

ما شاء الله لا قوة الا بالله
ربنا يبارك فعلا
كنت أحبها جدا واشرحها للناس ولكن الوضع تغير تماما فى الكلية
بس ممكن ترجع تانى ان شاء الله
لسه فعلا مفتش الاوان

Anonymous said...

أخ عبد الرحمن عياش

فعلا أناشيد أسامة الصافى متميزة
سواء كلماتها او لحنها وطبعا الصوت
اكيد مفتش الاوان ان شاء الله
والرياضة عدت على خير
وأكتر منها هيعدى ان شاء الله
احنا بس نحاول نعمل اللى علينا
يحدث ما نريد او لا
نره باعيننا او لا
مش هتكون دى المشكلة

أخ بلال

لو المقصود الاسم فى روابط المدونات عندى

فالمشكلة انى لما بحط قوس مفيش بعديه حاجة بيكون مش مظبوط ((

فلازم بعده حاجة
وهيه دى قصة النقطة

mohamed said...

يمكن اللي مصبر الواحد ان لسه في أمب..

سعات يظهر لابس ابيض ..وكتير يختفي

:)

عند كل امتحان بفتكر مقولة ما لا يدرك كله لا يترك كله

سناالإسلام said...

لسه طبعا فى أمل فى وجه الله الكريم ربنا يسترنا بستره الجميل فى النتيجة
جزاكى الله كل خير يا حبيبتى ...فلقد ذكرتينى بما كدت أنساه...

محمد said...

نعم لم يفت بعد

Anonymous said...

جزاكم الله خيرا يا أخت أسماء على هذه التدوينة المؤثرة.وعلى فكرة النشيد ده من اوائل الاناشيد اللى سمعتها وبحبه جدا.(اظن انا مشبعاكى تعليقات اهو)