Saturday, June 16, 2007

لماذا صنعت الكاميرا الديجيتال؟؟



تنظم لجنة الحريات ببنقابة الصحفيين مؤتمرا جماهيرا عن حرية الصحافة الالكترونية وحرية التدوين يوم الاربعاء 20 يونيو القادم الساعة السابعة والنصف المؤتمر الذي ينظمه الكاتب الصحفي محمد عبدالقدوس رئيس اللجنة يتحدث فيه
عادل الأنصاري مدير وكالة شروق برس
ا. د شريف درويش أستاذ الصحافة بكلية الاعلام
المدون
علاء عبدالفتاح
المدونة
نورا يونس
المدونة
خديجة مالك
المدون
عبدالمنعم محمود





-------------------------------------


نرجع لعنوان التدوينة


واجابة السؤال الذى يحتويه العنوان


واللى فيه من قارئى هذه السطور اللى ربط بينه وبين الموضوع


وفى اللى فى طريقه للربط


عموما نختصر الطريق


لماذا صنعت الكاميرا الديجتال؟؟


اجاوب انا


الكاميرا عموما صنعت لتسجيل اللحظة لأهداف مختلفة وبعدين تطور الموضوع وظهرت الكاميرات الفيديو ودى لتسجيل اللحظات المتعاقبة و مش مجرد مشهد ثابت واحد


وعلى ذلك فانى


أزعم ان على راس الأسباب المتعلقة بصناعة الكاميرا الديجيتال


بل السبب الاكثر انسنانية ونبلاً

هوه انه يكون فى شيئ قدرت تشوفه وتحضر حدوثه


فى حد تانى مقدرش يشوفه

ويهمه انه يشوفه


بس منعه مانع(زى الامتحانااااات مثلا)0


أظن كده الكل ربط


بس بردو هنوضح توضيح تام ليس فيه ادنى درجة غموض


يا جماعة التدوينة دى طلب ورجاء وتوصية


توصية لكل المدونات والمدونين


اللى ربنا ييسرلهم وهيروحوا


الكاميرا فى ايديكم يا شباب


تصوير..تصوير


والأهم طبعا الفيديو بتاع المؤتمر نفسه وكلمات الضيوف


عشان اللى عندهم تقييم فى الكلية(حاجة زى الامتحان بس عملى) تانى يوم زى حالاتى يشوفوهم على مدوناتكم ويحسوا باستفادة المرواح


كمحاولة لاصلاح ما افسدته الامتحانات


ولا داعى انه حديتطوع و يذكرنى ان المرواح مختلف عن المشاهدة


لانى عارفة كده وراضية الحمد لله


:)


أما عن المؤتمر نفسه فعندى شعور انه هيكون مفيد ومختلف


وان شاء الله يوفق القائمين عليه ويكون كده فعلاً


واعتبروا التصوير ده خدمة للإنسانية


أو صدقة عن عدسة الكاميرا


زى صدقة العلم والمال كده


عاوزين حد يصور من اليمين وحد من الشمال


وحد من النص وممكن حد من الخلف مع انه ده تخصص


--------------------------------------------


حاجة مهمة


يا جماعة الأيامدى عاوزين نركز ونشد حيلنا فى الدعاء لفلسطين


ولاخواننا فى حماس جداااااااااااااااا


ان ربنا يرزقهم الرشاد

ويسدد خطاهم

ويقدرلهم ما فيه الخير
لان الوضع هناك صعب
ونتواصى بذلك بيننا داااائما
فى نقطة تانية هى اننا نسعى لمتابعة الاخبار خلال اليوم وانها تكون من مصدر خبرى موثوق
ونشر القضية بشكل صحيح عند الناس سواء من خلالنا احنا نفسنا او من خلال مدوناتنا


ياريت اللى عنده وسائل تانية يعممها لكى نقوم بهاجميعا ان شاء الله


16 comments:

علاء said...

و لا تزعلي
إن شاء الله هاصور فعاليات المؤتمر و أعملها في تدوينة
زي يوم المحاكمة العسكرية
ربنا يوفقك في الامتحان

إخوانى مخربش said...

طيب كويس انا موافق على الذهاب

وموافق على التصوير

بس ممكن حد يسلفنى الكاميرا الديجتال بتاعته

ولا نقضيها بالموبيلات

fnan_geology said...

هروح

وهبقى اصور فيديو
اوك
ان شاء الله

وترفعهم وانزلهم بوست على المدونه

بس ادعو ربنا يسهل

وسلاااااااام

سناالإسلام said...

فلسطين..........حماس..........ربنا يريهم الحق حق ويرزقهم إتباعه ويريهم الباطل باطلا ويرزقهم إجتنابه

طبعا أنت متأكدة ياأسماء إنى راحة المؤتمر

أروي الطويل said...

هناك ان شاء الله
كان نفسي تكوني موجوده
ياعيني معلش ماتزعليش في ناس مخلصة من إسبوعين
:)))

صاحب البوابــة said...

اتمنى ان تكون فعالية المؤتمر خطوة على طريق الحرية الطويل

تحياتي اختاة

الفجرية said...

أخ علاء

جزاكم الله خيرا
بس ان شاء الله يكون افضل من يوم المحاكمة بكثيييير

اخ اخوانى مخربش

جزاكم الله خيرا
ممكن باى وسيلة تصوير
المهم كل حاجة تتسجل ان شاء الله


فنان جيولوجى
جزاك الله خيرا

سناء

ربنا يتقبل دعاءك

طبعا هتكونى موجودة
امال ايه
:)
هتكونى فين يعنى

عموما مش بعيد تيجى
ولا هتبيعى كل حاجة فى لحظة كده يا سناء
وتتشغلى
ده اللى كنتى خايفة منه
:)


هكلمك ان شاء الله

الفجرية said...

أروى الطويل

وانا كمان كان نفسى اشوفك جداا

مين الناس اللى مخلصة من اسبوعين؟؟

قوليلى بس وانا هتصرف

وانا لما بركز مع حد رايح مكان وانا مش رايحة..متعرفيش بيحصل ايييه؟؟
احذرينى
:)

صاحب البوابة

امتنى ذلك ايضا

ياسر سليم said...

السلام عليكم

عجبنى التدريج ده ..
لماذا اخترعت الكاميرا ..

بس ياريت لو معلومات اكتر بقه مين اللى اخترعها وسنة كام والكلام ده ..

وكان احسن بقة لو كنتى عملتيه عن طريق اسئلة واللى يجاوب تقوليله انته قلت اهوه .. روح صور بقه المؤتمر !

بس انا شايف ان مؤتمر زى ده كان لازم يعملوه فى معاد مناسب شوية .. لأن معروف ان عدد كبير جداً من المدونيين لسة فى امتحانات ..

ـــــــــــــــــ
انا نزلت الزجل اللى قلتلك عليه

أحمد محمد مرسي(الشاب الحر)الأبيّ said...

أنا عجبني جدا الجزء الخاص بالدعوة لفلسطين
انما موضوع الكاميرا ده ف انا مش عارف لأني لسة مشترتش واحدة

و يا ريت يبقي حد يبلغني التقرير عن الفعاليات الاقيها فين عشان اشوفه و يا ريت لو فيديو

اللهم انصر اصحاب الحق في فلسطين
اللي هم ان شاء الله حماس
اللهم ايدهم بالحق و انصرهم علي اليهود و الخونة الملاعييين

nesrelsharke said...

اللهم أظهر الحق وأعز أهله يا أرحم الرحمين
جزاك الله كل خير اختى
وياريت حد يصورلنا المؤنمر

خالد أبوالفضل said...

بالنسبة للمؤتمر فحالي من حالك
أما بالنسبة للدعاء فلا ينقطع فأنا أحس أن ما يحدث الآن في فلسطين هو أول الغيث
اللهم طهر بلادنا من المنافقين والخونة
وكما قالوا
أمة لم تقضي علي منافقيها هي أمة لا تستحق النصر

امام الجيل said...

الحمد لله فيه اخوة كتير راحوا المؤتمر ونزلوه فى مدوناتهم وعلاس مش انا
جايب تفاصيل مين اللى راح ولينكات ليهم كلهم

فاروتا المصرى said...

هارده وكان نفسى اشوف الاستاذ ياسر وةوسالت عليه بس للاسف كان جوة
وبعتله سلللام

الفجرية said...

اخ ياسر

فعلا كانت هتكون فكرة كويسة
اما بالنسبة للمواعيد ففى ناس كتير خلصت وناس كتير خدت الاجازة وان شاء الله يكونوا حضروا

اخ احمد مرسى
نسر الشرق

ربنا يتقبل دعاءكم
ويقدر لهم مما فيه الخير ويعينهم

الفجرية said...

أخ خالد

ربنا يتقبل دعائكم
ويظهر لهم الحق ويعينهم عليه
لان الوضع معقد
والاختيارات بتزداد صعوبة
ربنا يعينهم

امام الجيل

طيب كويس الحمد لله
هروح اشوفهم
جزاكم الله خيرا

أخ فاروتا المصرى

رايحة قريبا ان شاء الله
وهبلغه سلام حضرتك تانى
جزاكم الله خيرا