يا أهلنا في غزة .. نحن معكم

Saturday, June 9, 2007

يبقى انته أكيد فيييييييييييين؟؟بكل أسف فى مصر..

أحياناً كثيرة لا تجد ما تقول
وتغنيك الصورة عن كل الكلام
الى من لم يرى تلك الصورة
انها فرصة رائعة لتتعرف على وضع وطنك الحالى
حافظ على ضغطك وعلى راسك ألا ينفجر
واياك والدموع
فلتراها حتى تكون اجابتك حاضرة دوما عند سؤالك انته فيييييين؟؟
أعلنها واضحة
انا فى مصر
مصر امن الدولة مش الناس
مصر السلطة مش الشعب



بعد الرؤية
اذا كنت لا تزال لا تعرف الخبر
وتسأل نفسك من هو؟؟
ولماذا؟؟
لا تكلف نفسك عناء الاجابة
ساجيبك أنا
انه الدكتور ياسر حمود
نائب مجلس الشعب بالمنوفية عن دائرة اسطنها
وتعظيم سلام للحصانة
ولحقوق الانسان
ولدولة الحريات
ولأبو الدستور..د.فتحى سرور

الخبر بالتفصيل

قبل أن تسال..هيه وصلت لنواب مجلس الشعب
اجيب
نعم وصلت
مع انى لا أرى فرقا
فهو غير مقبول حتى و لو حدثت مع مواطنا عاديا
الا انى ظننت انهم مازال لديهم فرق
واتضح ان ظنى خاطئا
بعتذر انى ظننت فيكم ظن السوء

أعتذر انى ظننتكم أشباه للبشر
كنت فى السابق أقدر الحيوانات لانهم كائنات مثلنا ويامرنا اسلامنا بالرحمة بهم
ولكن من الأن يجب احترام جميع الحيوانات والجمادات بشكل اكبر
فهناك مرتبة أدنى بكثييير موجودة على الساحة

20 comments:

ياسر سليم said...

لما مواطن ياخد طلقة في ايده
من ظابط فاكر كل الشعب عبيده و مواطن تاني عجوز اتعذب برضة و قضايا وجعت كبده
و بقاله سنين ع الحال ده
و تلاقي حفيده يجي يقوله يا جدو ياخده في ايده و يشده
و يقوله كفاية مناهدة و كفاية شتيمة و ضرب و عصر
يبقى انت أكيد أكيد في مصر ......


تحياتى

Islamist Bloke said...

لا حول ولا قوة الا بالله

هانت

هانت وموت الطاغية اقترب

اللهم عليك بالظالمين





انا عايز اشارك فى موضوع طاعة يومية

هاحطه عندي فى مدونتي

مش هو برضة كلمة اكتبها انا كل يوم بالليل او الفجر.....هنعمل النهاردة كذا؟

ربنا يعيننا على عمل الطاعات والبعد عن المعاصى

ربنا يثيبنا ويأجرنا و يخزي الظالمين ويدمرهم

اللهم امين

والسلام

واحد من الإخوان said...

هو إحنا فعلا في مصر البلد اللي كل ما يتقدم خطوة بيرجع عشرين خطوة لورا

نظام عسكري بيحكمه راجل عسكري ومعاه مجموعة من ذوي المصالح
ماذا نتوقع منه ؟
نتوقع منه بطش عسكري وملاحقات امنيه ومصادرة اموال وترويع الناس
يعني
بعيدا عن الإنفعالات
النظام ده محتاج إننا كإخوان نغير طريقة التعامل
من المقاومة السياسية العادية
لمحاولة تحريك الشارع ضدة
معروف إن تحريك الشارع صعب لإن الناس ليها سنين وهي تحت الضغط الأمني ده غير السلبية الشديدة
لكن لازم نركز معظم جهودنا في إننا نحركه
لإنه النظام ده مش هيتنازل بسهولة عن اللي هو بيعملة

محمد حمزة

جهاد خالد said...

كما قلتِ اختي
الصورة تغني


حسبنا الله ونعم الوكيل

مشروع انسان said...

السلام عليكم لحضرتك تاااااااج عندى ارجو التكرم باستلامه وشكرا

حلم الحرية said...

عندما تتحدث الصورة

فتقول كل الكلام



حسبنا الله ونعم الوكيل

يا امتي صبرا فليلك كاد يشرق عن صباح
لابد للكابوس ان ينزاح عنا او يزاح
والليل ان تشتد ظلمته نقول الفجر لاح

Anonymous said...

جزاكم الله خيرا جميعا

هيه التدوينة دى كتبتها بمجرد رؤيتى الخبر على انسى فكان عندى شعور رهيب بالمرارة

بمجرد ان الواحد يفكر شوية

بيجد انه يحدث حولنا الكثير من هذه الشاكلة

مهما اختلفت الأساليب والاماكن

والموضوع محتاج جهد لكشف هذا الظلم

وان نعزز الحق بكل ما اوتينا

(أخ ياسر - جهاد)

جزاكم الله خيرا

islamist bloke

ياريت حضرتك تشارك والجميع
فالمهم تعميم الفائدة
وان نتفق جميعا على طاعة الله

أخ محمد حمزة

طيب انا شايفة اننا نحاول
الى جانب انهم نفسهم بيعملوا كده
فنطاق الظلم والاضطهاد بعد ان كان يمس من يرفض او يعلو صوته او يواجه
اتسع ليشمل اى بنى ادم فى هذا البلد
وظلم باساليب مختلفة
من حرمان من اقل الحقوق
الى تحكم ذوى السلطة وهكذا

يعنى فعلا الناس العادية بدأت تختلف
المشكلة فى روح اليأس

وكلمات من امثلة..وهو احنا يعنى هنعمل اييييه؟؟وهما دول ينفع معاهم عمل؟؟
وهكذا
لكن على الاقل..يحولوا طاقة العمل الكامنة بداخلهم الى طاقة تعاطف مع الأطراف الاخرى
ويمكن ده بيظهرلى جدا من بعض انس وقت الاعتقالات

امام الجيل

هستلمه ان شاء الله

الـفجـريـــة said...

والليل ان تشتد ظلمته نقول الفجر لاح

:)
:)
:)

بجد جازكى الله خيرا يا مروة

اصل مهما كان الواحد عايش بقناعة ان الفجر يقترب جدا

الا انه فى فجاة بيبقى عاوز حد يقولهاله
والاجمل أن يجده
الحمد لله

أخـــ مسلمة ـــت said...

خلاص ما عادش حاجة يبقوا عليها

باعوها كلها بخيرها بشعبها بنوابها

لسه هنبكي علي اعضلء مجلس الشعب

والله دي نهايتهم هتبقي سودة ان شاء الله

إخوانية مصرية said...

حسبنا الله ونعم الوكيل
ربنا يفرجها عن قريب
انا لله وانا اليه راجعون

Anonymous said...

http://www.chsbs.cmich.edu/fattah/articles/revolution.htm

المقالة أعلاه تساعد في فهم طبيعة المصريين وكيف تكونت لديهم جينات الاستسلام والسبهللة وانتظار الحلول القدرية.حتى أنهم ينظرون لأى انسان مضحى أو مناضل على أنه مسكين مش عارف مصلحته. بصراحة لست متأكدا من أن شعباأغلبه- حتى لانظلم القلة المحترمة-يواجه الاستبداد بمزيد من الطناش والانكماش ومزيد من متابعة المسلسلات والماتشات .....أشك أن هؤلاء يستحقون التضحية.

Anonymous said...

حسبنا الله ونعم الوكيل
حسبنا الله في الظالمين

وهي بصراحة كملت امبارح لما اعتقلوا البنات من الشارع مش عارفة هو قاعد ايه تاني لسة فرعون مصر ما عملهوش

اللهم انا نشكو اليك ضعف قوتنا وقلة حيلتنا وهواننا على الناس الى من تكلنا الى قريب يتجهمنا ام الى عدو ملكته امرنا اللهم ان لم يكن بك علينا غضب فلا نبالي

Anonymous said...

عندما رأيت هذا المنظر لأول مرة لم تصمد عيني أمام الدموع .. ربما لإحساس بذل وانكسار ومهانة .. ولكن عقلي وقلبي الواثق بنصر الله ابتسم .. فمثل هذا التصعيد الهمجي دليل قاطع على بداية نهاية الظالمين

..:: عابر سبيل ::..

عصفور طل من الشباك said...

وصلت ووصلت أوي
بلد لا تحترم قوانين ولا شعب بل ولا دين أو كرامة فلا داعي ليحترم فيها نواب مجلس الشعب وأظن أبلغ رد إسقاط العضوية عن بعض النواب الإخوان بطريقة هي مهزلة بكل المقاييس

عصفور طل من الشباك said...

نورتيني
الحقيقة ما فيش موقع رسمي عنهم بس في مدونة لسامية جاهين بتجيب آخر أخبارهم هتلاقيها عندي في المدونات الجامدة
لو عرفت هقولك

سناالإسلام said...

حسبنا الله ونعم الوكيل
حال بلدنا يدمى القلوب
جزاكم الله كل خيرا حبيبتى

Anonymous said...

اخت مسلمة
اخوانية مصرية
بنت من الاخوان

فعلا ما وصلوا اليه من ظلم وصل للقبض على اخواتنا من الشارع والاعتداء على اعضاء مجلس الشعب والتزوير الواضح والاعتقالات فى الشورى

بمثل ما هو دليل على قرب النهاية فهو دليل كذلك على ضروروة ان نجدد عهدنا مع انفسنا على الاستمرار..

بس ايه ما شاء الله ده اخت مسلمة واخوانية مصرية وبنت من الاخوان.
3
من مادة أ..خ...و..ا..ن
مرة واحدة
:)

عابر سبيل

ولكن عقلي وقلبي الواثق بنصر الله ابتسم .. فمثل هذا التصعيد الهمجي دليل قاطع على بداية نهاية الظالمين

كلام صحيح..وكما ذكرت بداية نهاية الظالمين و تمحيص الفريق الأخر

Anonymous said...

عصفور طل من الشباك

انتى اللى نورتى

:)

كلامك مظبوط..
فلم يترك النظام فئة الا واستثارها ضده بما يفعل
وعموما ده وان كان دلوقتى مخليه عنده شعور ولو وقتى بالاستقرار..اون الكل مشغول باللى هوه فيه

لكن وقت مالكل هيفوق
أظنه مش هيبقى ملاحق

----------
هدخل اشوف مدونة سامية جاهين ان شاء الله

اونت بردو لو عرفتى حاجة قولى


سنا الاسلام

واياكم يا سناء
ابقى طمنينى عليكى
ان شاء الله هشحن واكلمك
مكالمة كبيييييرة
:)

ابوزياد الفاتح said...

هانقول ايهب س
حسبنا الله ونعم الوكيل
انا كل اللى غيظنى فى الموضوع ده
الشعب المصرى وتراخيه وكسله
ورضاه بالذل
عايز ايه علشان يتحرك مش عارف
ايه ممكن يحصل اكتر من كده علشان يثور مش عارف
اما بقى قضية الحصانه
حصانة ايه بس اللى بتتكلموا عنها
االنظام ده ميعرفش الحصانه ولا يعرف اى حاجه عنها
هى مابقيتش حصانه
بقيت
مهزله
وعلى عينك يا تاجر
لكن رغم ذلك
علينا التمسك بالامل
سئل رجل وقالوا له لقد لاقيت الكثير من الصعاب
قال
لولا المحن لشككت فى الطريق
برضه فى امل
فيه امل وعمر وخالد وعلاء وياسر وابوزياد برضه
كلهم موجودين

سياتى الضياء برغم الغيوم
وتشدو الطيور بذاك القدوم
ونمشى سيوا على دربنا
وفى كفنا شعلة من علوم


شرفينى بالزياره
وجزاك الله كل خير

Anonymous said...

بسم الله الحمد لله والصلاة والسلام على رسول الله
لا أدري ماذا أقول
ليس في قلبي إلا " اللهم عجل بزوال هذا النظام، وانتقم من رجاله وسدنته وأعوانه وأذنابه شر انتقام..اللهم أنزل عليهم بأسك الذي لا يرد عن القوم المجرمين..
اللهم آمين
والسلام