يا أهلنا في غزة .. نحن معكم

Sunday, June 24, 2007

يااااه..هوه الوقت ده كله عدا



ذكرت فى التدوينة السابقة ان القادم سيكون خواطر أجازية نسبة الى قدوم الأجازة وحول أمور مصيرية بالنسبة لى فكرت فيها كثيراااا..ولكن شيئ ما على وشك الحدوث فى الفترة القادمة
جعلني أقرر أن أؤجل بداية هذه الخواطر
ليكون الحديث حول شيئ اخر
خبر سعيد فى وسط الأخبار الأخرى :( التى حملتها اليكم
عندما بدأت تتجمع أولى خيوط هذا الحدث
كانت اول جملة جاءت لخاطري:


"يااااااه..هوه الوقت ده كله عدا"

منذ بداية معرفتى بها منذ حوالى 12 سنة أو اكثر(ربنا يديم اخوتنا) وجدت فيها قلبا رفيقا بمن حوله..لازلت اذكر الكثير من ملامح الأيام التى جمعتنا منذ طفولتنا وأرقبها وكأنها شريط طويل يمر امام عينى..

أرقب ذلك المشهد وحن نلعب ونلعب ونلعب ولا نمل..أظننا لعبنا كل الالعاب الموجودة وغير الموجودة ايضاً لعبناها..
:)
هى طفولة أتمنى لو استطعنا توفيرها لابناءنا ببساطتها الشديدة ومتعتها فى نفس الوقت..

كثيرا ما أثرتينى على نفسك حتى فى هذه المرحلة التى لم تنضج فيها عقولنا بعد
كنت لما بنلعب استغماية
واكون زهقانة ولسه معرفتش أمسك حد كنتى بتسلميلى ويبقى انت اللى عليكى الدور
كان ده بالنسبة لى وقتها قمة الايثار
كنت مقتنعة ولازلت بان الايثار والعلاقة القوية والوفاء وكل المعانى دى غالبا لا تبدأ فى مواقف كبيرة وبارزة بقدر ما تبدأ من تلك المواقف البسيطة..زى دور استغماية مثلا..يمكن انت مش فاكرة..بس انا فاكرة الحمد لله
:)

يمر هذا الشريط امام عقلى ليمر مشهد وياتى أخر..

لأجد نفسى ارقب يوم سفركم الزقازيق..أرقب بكائك وبكاءى وحزن الفريق كله..وتفكيرنا..ألن نجتمع ثانية كثيرا..ألنا استيقظ صباحا لأجدكم قادمين ونلعب حاجات ونعمل مغامرات :)..الن أؤلف لكم مسرحيات عجيبة وتجبروا على تمثيلها بالرغم من تخلفها الشديييد ..كنا وقتها نفكر هل ببعد المسافات ستبتعد القلوب..لتمر الايام ونعلم انها ابدا ما ابتعدت بل على العكس بفضل الله..فقد اقتربت واقتربت..

مشهداً أخر يراود خيالى وأذكره..
أرقب تلك المكالمة :"أسماء..احنا جايين بكره "
لأجد شعورا طاغيا بالسعادة يشمل بيتنا كله واستعد ليوم مختلف معكم ربما ينتهى بمحايلات وخطط لكى نظل معا اطول فترة ممكنة..

أرقب أيضاً..فترة اعتقال أبى السابقة والحالية..
دوما كانت مكالماتك تسبق مكالماتى
وسؤالك يسبق سؤالى
وعطاءك يسبق محاولاتي للعطاء

ورغم اختلاف شخصياتنا فى بعض الامور الا انى وجدت عندك معنى خالصا ونقيا للاخوة..ادعو الله أن يجازيكى عنى به خيرا...

أرقب الان أحدث المشاهد وربما كان اقترابه هو السبب الرئيسى لهذه التدوينة
وانت على وشك أن تخطى اول خطواتك فى دور جديد أدعو الله أن يرزقك فيه تمام الاخلاص والنجاح
كما دمت بنتاً بارة
وأختاً مخلصة

دور جديد ومرحلة جديدة وأحداث جديدة....




اذاً انه الزواج


فالفترة القادمة ستشهد زواج حبيتى وأختى الغالية
و الأخ عبد الرحمن

فأحببت أن أهنئكم وادعو لكم بكل خير وكمان أهنئ شارعنا لانه سيعود له الكثير بعودتك اليه ..


:)

طبعا اليكما سلام وسعادة وتهنئة ودعاء وكل شيئ من أبى وأمى فانت تعلمين ماذا يمثل هذا الزواج بطرفاه بالنسبة لهما..شيئا كبيراً وغالياً جداا

وأخييرا أتركك مع نشيدين أولهما يا رفيق الدرب الذى ما سمعته يوماً الا وكنت ممن جاءت صورهم أما عينى
فكم حملت الهم عنى عندما كلت يمينى
ولكم أزرتنى فى أمر دنياى ودينى






والثانى قلت عشان فرح بردو..مينفعش من غير نشيدافراح اخترت أفراح و ورود عشان بحبه





وأخيييرا

بارك الله لكما وبارك عليكما وجمع بينكما فى خير
بارك الله لكما وبارك عليكما وجمع بينكم فى خير
بارك الله لكما وبارك عليكما وجمع بينكم فى خير

22 comments:

belal said...
This comment has been removed by the author.
belal said...

بارك الله لهما وبارك عليهما وجمع بينهما في خير
...
:D

ياسر سليم said...

بارك الله لهما وبارك عليها وجمع بينهما فى خير

وعقبال اللى ما اتجوزش يتجوز

وعقبال اللى اتجوز يخلف

وعقبال اللى خلف ولاده يكبروا ويتجوزوا

وعقبال اللى ولاده كبروا واتجوزوا يخلفوا

لأن اعز الولد ولد الولد :)

Alaa said...

بارك الله لهما و بارك عليهما و جمع بينهما في خير
و آمييييييييين على دعوة ياسر

سناالإسلام said...

حبيبتى الغالية...أسماء
لم أسعد بتهنئة فى حياتى كتهنئتك هذه
فأنت يا سمسة من سجلتك على موبايلى بلقب(أختى)لأن أشعر بذلك فعلا

غاليتى أسماء...عندما أكون فى أى ظرف ما
أجدك أول من يتصل بى ليشدمن أزرى أو ليهنئنى وعندما أسمع صوتك يمتلأ قلبى سعادة ونشوة

حبيبتى أسماء ...بصدق(إنى أحبك فى الله)
وإن شاء الله نرجع نلعب ثانى
:)
عمو وخالتوا...بلغيهم سلامى وحبى لهم جدا فى الله

وأنا مازالت أتذكر الليالى الجميلة التى قضيناها معا وكيف أن عمو كان يذهب الى تاتا لكى نقضى الليل نحن معكم
ولا زالت أتذكر خالتوا أمنية(روحى وحبى)وعطائها الذىبلا حدود وحنيتها التى لم أجد لها مثيل
ولا زال أتذكر أختى أسماء التى تقفز صورنها الى مخيلتى وأنا أقول وردالرابطة
مازالت أذكر الكثير والكثير ولكن....


أسأل الله كما جمعنا فى الدنيا على محبته أن يجمعنا فى الآخرة أخوة على سرر متقابلين

وعقبال ما فرح فيك أقصد أفرح بيك
:)

محمود سعيد said...

بارك الله لهما وبارك عليهما وجمع بينهما فى خير وعلى خير


ممكن أبقى أقعد أنا أقول للعروسة مش هتلاقى زى عبد الرحمن و أقعد أمدح فيه
أخ عزيز أتعرفت عليه مفيش كتير
ولكنه على الرغم أننا بعيد عن بعض ومبنشوفش بعض ولكنه من أقرب الناس إلى قلبى

ومن أكثر الناس اللى ممكن أتوافق معاها


وأكتشتفت من تدوينتك مدونة عروسه المستقبلية

ويا رب أعرف أحضر فرحه :-)

جهاد خالد said...

بارك الله لهما وبارك عليهما وجمع بينهما في خير

لافرق الله بينكم
وجمعكم على منابر من ان شاء الله



فاكرة يا سمسمة لما سالتيني عن الاناشيد اللي بحبها
نسيت أقولك ان (يارفيق الدرب) من اقربهم لقلبي



ربنا يبارك فيكِ ويحفظك وعقبالك يا قمر

Anonymous said...

اخ بلال
أخ ياسر
أخ علاء

جزاكم الله خيرا
وربنا يتقبل دعاءكم الجميل وييسر لهم الخير


نيجى بأه لحبيبتى سناء,,

أسأل الله كما جمعنا فى الدنيا على محبته أن يجمعنا فى الآخرة أخوة على سرر متقابلين

أمييييين

كنت ناوية اكتبلك رد واقولك كلام كتير
بس اكتشفت اننا مش معقولة هنقضى الوقت كله بنرد على بعض فى المدونات
المفروض اشوفك وجها لوجه
عشان كده قلت استنى لغاية ما تيجى
وبعدين اقولك كل حاجة
مع انى متاكده ان ساعتها
مش هقول حاجة
وهسكت
:)
مختصر الكلام يا سناء
انت من الناس التى تفتحت عينى على الحياة فوجدتهم معى
وتركوا فى اثرا كبيرا فى مواقف صغيرة
وعندما اتذكر ذكريات لى لا يمكننى ان اتذكرها بدون ان اذكرهم لانهم من أجمل ما فيها
ربنا يجمعنا دوما على الخير فى الدنيا والاخرة
بس كده
:)

Anonymous said...

أخ محمود

ربنا يباركلهم

والطيبون للطيبات

وربنا يباركلكم فى اخوتكم ويجمعكم على الخير دائما


جهاد

بجد بتحبى يا رفيق الدرب
:)
وقلتيلى قبل كده بتحبى يا نجوماً

لأ كده تمام ومتفقين

وحشانى يا بنتى

مبدخلش على المسنجر الايامدى
ومتسألنيش ليه
اصل انا مش عارفة
بس قريبا هنتكلم ان شاء الله
:)

إخوانية مصرية said...

انا عمالة ادور مين هيه الي اسماء بتحبها الحب داكله
سنا
ماشاء الله
ربنا يباركلكم في اخوتكم ويحفظكم يارب
وبارك الله لهما وبارك عليهما وجمع بينهما في خير
وعقبالك ياقمر يارب

Anonymous said...

بارك الله لهما وبارك عليكما وجمع بينكما فى خير
وعقبالك يا اسماء لما اشوفك مع عريسك عتريس
بس ابقى افتكرينى وابقى اعزمينى اياك ما تعزمنيش هازعل جدا وهاقطعك
بس بردوا ما تهونيش عليا يلا نكلمك زى بعضو
بس عتريس ييجى
نيره عصام عبد المحسن

عبدالرحمن رشوان said...

الأخت الفاضلة أسماء
جزاكى الله خيرا على التهنئة الرقيقة

وأسال الله أن يبارك لى فى زيجتى
وأن يبارك لى فى سناء

وأن يزوج شباب المسلمين

وسلامى الحار للأستاذ ياسر وخالتو أمنية

عبدالرحمن

Anonymous said...

اللهم بارك لهما وبارك عليهما واجمع بينهما في خير

Anonymous said...

اخوانية مصرية

جزاكى الله خيرا يا حبيبتى
والله هى تستحق اكثر من هذا الحب
ربنا يكرمها
ويكرمك
:)

نيرة عصام

بارك الله لهما
وبارك عليكما

ايه بس الضمائر المتظبطة دى
امال ايه اللغة العربية اللى عمالة تدرسيها بقالك قرن من الزمان
هه
:)

وحشتينى يا بنتى جدا
وكان نفسى اشوفك انهارده
انتى وميجو
:)
يلا تتعوض ان شاء الله

اما بالنسبة لاسم عتريس
فربنا يسامحك


أخ عبدالرحمن

واياكم والمسلمين
وابى ايضا اليوم أرسل لكم سلامة وتهنئته
ربنا يباركلكم ان شاء الله

جهاد خالد said...

إذا كنتِ ممن يرون للفتاة المسملة
دورا هاما في الحياة
إذا كنتِ ممن يحلمون بفتاة تصلح لتربية الاجيال
شاركينا آراءكِ ومقترحاتك
في مدونة
بـنـاتـيـت
www.banateet.blogspot.com

لكِ من القلب أعذب التحايا

Rehab Saber said...

ربنا يباركلك يا قمر

انا سعيدة انى اتعرفت عليكى :)

يوم فرح واحدة صاحبتى :)

كنت انا وكليوباترا .. وكانت معاكى مروة :D

ربنا يعزك

Anonymous said...

بارك الله لهما و بارك عليهما وجمع بينهما في خير



اللهم ارزق كل بنات المسلمين الزوج الصالح

وارزق كل شباب المسلمين الزوجة الصالحة

اللهم كثر البيوت المسلمة الاسلام الحق و الملتزمة الالتزام الحق


اللهم جمع شمل ايمائك علي كل خير

واحفظ اللهم اخواتهما وبارك لهنا في ايامهما


ومبروك ل م.ع الرحمن اللي كان نفسي احضر عقد قرانه بس الوالد كان عنا و كيلا

عمرو المصري said...

الي اولئك الذين المتهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

حلم الحرية said...

بارك الله لهما وبارك عليهما وجمع بينهما في خير

عقبال الجميع



ربنا يجمعك بسناء علي خير دايما يا اسماء

About Me said...

الف مبروك
وربنا يباركلهم ويرزقهم بالذرية الصالحة يا رب

مشروع انسان said...

بارك الله لكما وبارك عليهما وجمع بينهما فى خير ما شاء الله ظاهرة زواج المدونين دى كترت مش عارف هما كانوا يعرفوا بعض ولا بتيجى من المدونات المهم ربنا يبارك ليهم ويسهل لهم طريقهم

Aml Ghonaim said...

حينما تكتبين يا أسماء عن رفيقة دربك ...
فماذا عسانا نقول ؟؟؟
أسأل الله أن لايحرمكما هذه الرفقة أبدااا
وأن يكتب لى معكما مكانا ....
وبارك الله لسناء وعبد الرحمن
وبارك عليهما
وجمع بينهما فى خير