جالسة على الكرسى امام الكمبيوتر منذ فترة
مش مركزة
بفكر فى كذا حاجة
عندى شغل كلية يكفينى قرن
وحاجات على النت ادور عليها تاخد قرن كمان
وتصميمات على الاقل اكونلها صورة فى عقلى
طيب..ده أولا
فى كتابين
كنت عمالة ادور عليهم طول اليوم
واسأل واشوف
لقيت واحد منهم
وعاوزة أقرأه لانه فعلا جميل
واهوه مستقر على المكتب
ده ثانيا
فى حاجات على النت عاوزة اشوفها
يعنى مثلا
رسالة مارك لينش
قرأتها بس مش بتركيز
وقصيدة مكنتش مصدقة انى لقيتها مكتوبة
وتدوينات عند ناس كنت مأجلاها
مش مركزة
بفكر فى كذا حاجة
عندى شغل كلية يكفينى قرن
وحاجات على النت ادور عليها تاخد قرن كمان
وتصميمات على الاقل اكونلها صورة فى عقلى
طيب..ده أولا
فى كتابين
كنت عمالة ادور عليهم طول اليوم
واسأل واشوف
لقيت واحد منهم
وعاوزة أقرأه لانه فعلا جميل
واهوه مستقر على المكتب
ده ثانيا
فى حاجات على النت عاوزة اشوفها
يعنى مثلا
رسالة مارك لينش
قرأتها بس مش بتركيز
وقصيدة مكنتش مصدقة انى لقيتها مكتوبة
وتدوينات عند ناس كنت مأجلاها
ولا فتح الله كولن
ومقالات قربت تبقى فى طى النسيان
وحاجات تانية
وعموما النت بأه بيعقدنى احيانا من الحاجات اللى موجودة
وعموما النت بأه بيعقدنى احيانا من الحاجات اللى موجودة
يعنى اكتشفت ان الموضوع مش سهل
انك تقولى هعمل ايه
واقرا ايه
وامته؟؟
ده مش سهل
والا بيبقى
توهان
ثلاث شخصيات عاوزة ابعتلهم ميلات
مقصرة معاهم جدا
وعاوزة اقولهم حاجات كتير
ومهم انى ابعتها
ده رابعا
أنا دلوقتى قاعدة بقالى شوية
بدون تركيز
وسايبة جميع ما سبق
وبحمل أناشيد
واسمع واحمل
واحمل واسمع
ما شاء الله
يا جماعة انا افتقد فى هذه الايام لارادة التنفيذ
يعنى عارفة ايه اللى ورايا
فى كل الجوانب
بس خطوة التنفيذ بتتوه
مع انى بكون مركزة فى الوقت
واحيانا بكون عمله لكل شيئ وقته
واجى على نهاية اليوم
اقول..هوه ايه اللى حصل؟؟؟
؟؟؟
؟؟؟
طبعا الموقف اللى بقولكم عليه ده صغير
يعنى انا مستشهدة بيه هنا كرمز
لسياسة فى الحياة
محبش انها تكون طريقتى
ولا احب ان حياتى تكون كده
لكن الواقع
انى بقالى فترة كده
معرفش بس هوه اكيد فى حاجة غلط
بسمع
يا نجوماً
واقول البنى ادم بيظلم نفسه
المعاصى ظلم للنفس
لكن فى ظلم اكتر
انك بعدم تركيزك أو بكسلك احيانا او بيأسك احيانا اخرى
تقف فى طريق نفسك
وتمنعها انها تقدم شيئ بجد
حتى متى؟؟
معرفش
هل السبب ايمانيات معينة مفتقدة احيانا
وهل عند وجودها اتحلت المشكلة
طب مهى احيانا بتكون موجودة
حتى متى؟؟
معرفش
هل السبب ايمانيات معينة مفتقدة احيانا
وهل عند وجودها اتحلت المشكلة
طب مهى احيانا بتكون موجودة
وبتفضل المشكلة
ولا معنى ان الايمانيات لم تحركك لعمل ولانجاز
يبقى لسه ناقص حاجة
ولا السبب سلبية منى
ولا السبب ...
الموضوع ده كنت بعمله تدوينة طويلة عريضة
اذا دى أدت الغرض
خلاص
فلتبقى الأخرى فى الدرافت
حتى يقدر الله لها الخروج منه
واذا لم تؤدى
نبقى نشوف التانية
ولا السبب ...
الموضوع ده كنت بعمله تدوينة طويلة عريضة
اذا دى أدت الغرض
خلاص
فلتبقى الأخرى فى الدرافت
حتى يقدر الله لها الخروج منه
واذا لم تؤدى
نبقى نشوف التانية
بفتكر دلوقتى الشاب اللى راح لشيخه ليخبره بمعاناته فى الاستيقاظ لصلاة الفجر
وبيقوله مش بصلى الفجر
عاوز يعرف يعمل ايه
فقال له شيخه ببساطة
صلى الفجر
اوقات بيكون ده الحل فعلا
انا مش عارفة اعمل كذا
يبقى الحل
اعمل كذا
مفيش حلول تانية
ولكن بتلمس من حوارى مع نفسى ده
انى اوصل لأصل المشكلة عندى
واحاول اجيب من الاخر
وفى نفس الوقت
على التوازى مع كده
احاول اقوم بما على
يا جماعة اللى فهم قصدى وما اعانيه وعنده نصيحة..ياريت متبخلوش بيها..الكرم من شيم الناس الطيبين
.jpg)
31 comments:
مممممممم
احياناً فعلا تمر هذه اللحظات علينا وبتبقى لحظات سيئة
نسأل الله ان تمر بسلام
اعتقد ان الحل ممكن يكون
1-توبه عاجلة نصوحه عن كل الذنوب يتبعها استغفار
2-تغيير جو للخروج من الموود يكون فيها قعده مع النفس
3-تجديد النيه وشد العزم
4-تحديد وقت للبداية زى انى احدد النهاردة ريست وبكرة نبدأ ... مثلا يعنى
4- البداااااية حتى وان كانت بدون تركيز ، لان غالبا البداية بتكون اصعب حاجة ولكن بعدها الامور بتمشى
وقبل دا كله وبعده الاستعانة بالله سبحانه وتعالى
اسأل الله الثبات والسداد لنا ولكم ولجميع المسلمين
ونسألكم الدعااء
:)
أنا على فكرة علطول كده
عارف عليا ايه ومحدد كل حاجة ومش بعمل أي حاجة
..
وبمناسبة نصيحة الأخ
أنا دايما ما آجي أبدا
بحدد النهارده ريست
وبكرة لما بييجي بحدده ريست
وهكذا دواليك
..
كل سنة ووحضرتك طيبة
تخلصي من البدائل الكثيرة
ضعي أمامك شئ واحد
ولو تافه وانجزيه
سياسة حرق المراكب
كل عام وأنتم بخير
نقول بس كل عام وانتم بخير
وعيد سعيد
تقبل الله منا ومنكم
اولا كل سنة وانتي طيبة
ثانيا
الاحساس ده بيجيلنا كلنا كتير
والانشغال في حد ذاته مادام بطاعة نعمة من الله سبحانه ومن علامات حب الله ليكي
بس عدم التنفيذ ده تقدري تقولي عدم تنظيم مع عدم توازن
يعني الوقت اللي مش هتعملي فيه حاجة لانك مش قادرة او مش مركزة
استغليه في راحة تاااااامة مش في اي حاجة تانية ولو ترفيهية
وياريت لو تحددي لنفسك اجندتك اليومية
بمعنى
كل يوم الصبح تجيبي ورقة او نوتة او او
وتكتبي بالترتيب انتي عايزة تعملي ايه النهاردة
وكل ما تخلصي حاجة تحطي عليها صح
وتخلي الورقة دي في جيبك طول اليوم تبصي فيها كل شوية عشان تحسي بالذنب لما تلاقي حاجة مش عليها صح
كمان اوعي تنهمكي في العمل وان كان طاعة عن العبادات الروحانية
لانها فعلا الوقود
ممممممم
بس متهيالي ده اللي انا عيشته وجربته ويارب يفيدك
:)
أولا السلام عليكم يا ... يا وحشاني جدا يا حبيبتي يا أسماء أنا بدور عليكي من السنة اللي فاتت و كنت كتبالك جواب نفسي أديهولك بصي يا أسماء في الموقف اللي أنتي فيه ده أنا مش بلاقي حل غير * دعااااااء طويل و كمان مناجاة و احكي لربنا همي و مشاكلي اللي أنا نفسي أحلها فعلا
*كمان الكتابة بتفرق جدا يعني اكتب كل اللي أنا عاوزة اعمله و أبدأ أقسم أولويات حتى ساعتها هتلاقي دماغك منظمة
* أخيرا لو حاسة إنك محتاجة ترفيه بلغيني بس و أنا هأقوم بالواجب
* طبعا مش هتقدري تعملي حاجة من غير ما ادعيلك فأنا إن شاء الله هأدعيلك جدا يا حبيبتي عشان الموقف ده لما بمر بيه بدايق جدا
كل سنة و أنت طيبة يا حبيبتي
أكيد هتعرفيني
سلمى حلي
انتي سالتي وقولتي الحل
ابدائي
وربنا يبارك ليكي في وقتك ان شاء الله
أخ معاز
أولا..جزاكم الله خيرا على الخطوات دى
ومتفقة جدا بالذات فى اخر نقطة وده اللى اكتشفت انه الحل الحقيقى
البداية حتى وان كان بها ما بها
مع تجديد النية
وأبشر انى ابتديت الحمد لله
صانعة الحرية
وانت طيبة وبخير
وربنا يتقبل منك
ويعينك على اللى جاى
أخ بلال
قلت فى تعليقك
أنا على فكرة علطول كده
بس ده صعب اوى
يعنى صعب يكون علطول
يمكن هذه الايام مثلا
فبنشوف كألأن دى بأت الطبيعة خلاص
بس فعلا التاجيل ده عن تجربة وعن خبرة مع نفسى متكررة
مبينفعش
يعنى أقول بكره
وبعدين اقول السبت الجاى
وبعدين اقول يوم 24 مثلا
اشمعنا يوم 24
معرفش
المهم ارمي معاد البداية بعيد
الحل فى البداية
ان تأخذ خطوة
altawi
ضعى امامك شيئ واحد وانجزيه
هذا ما قمت به فعلا
الحمد لله
فبيحسس بالانجاز
بس معرفش سياسة حرق المراكب
؟؟؟
امام الجيل
وانتم بخير
وتقبل الله منا ومنكم
جهاد الصامدة
وانتى بخير يا حبيبتى
وحشتينى يا بنت
نتكلم قريب ان شاء الله
عدم تنظيم مع عدم توازن
ممكن
وموضوع الورقة اليومية ده فعلا بينفع أوى
لما بمشى بيه بيكون اليوم مظبوط
بس انا المشكلة بالنسبة لى تركيز اكتر منه تنظيم للوقت
وجدية اكتر منها توازن
ورغبة فى تحقيق شيئ اكتر منها توافر وقت لذلك
يا رب يكون أصدى وصل
سلماية
يا أهلا
يا أهلا
بتدورى عليه من السنة اللى فاتت
والله
ده على اساس ان اللى بتشوفيها فى الكلية كل يوم دى قرينة
ماشى
هوه عموما اذا كنتى بدورى على شيئ معين كان عندى وباه مفقود
فانا كمان بدور عليه
اذا لقيتيه قوليلى
:1
حفظتى كل عام ولا لأ
متقوليش لأ
:1
أ.محمد
جزاكم الله خيرا
والحل فى البدايةفعلا
يمكن ان نكون نحن نعرف الحلول وهي بسيطه
ولكننا لا ننفذها
فهذه النصائح لنا اولا ولكي ثانيا
--
اهم حاجه في الموضوع ده
ان مثلا انت وراك 15 حاجه تعمليها مثلا
اولا انت مفروض تخططي وتجيبي ورقه وقلم
وتضعي مخطط زمني
ومش لازم يكون قصير وتكوني مضغوطه
المهم تواظبي عليه
وبعدين تقسمي ال15 حاجه دول الي مجموعات
يعني قراءه وبحث ومذاكره وفسح والخ
وبعدين قسميهم علي الايام بحيث يكون كل يوم فيه كذا حاجه غير بعض
يعني مش لازم يوم كله مذاكره مثلا
لان ده هيبقي مستحيل
ويبقي وراك كل يوم تخلصي الحاجات دي
تاني حاجه
علي الموبايل
الcalender
او التقويم
ده تستخدميه وتحطي في كل يوم الحاجات اللي مفروض تعمليها
وهوا فكرته زي ورقه بتاعة يوم الاتنين مثلا
مكتوب فيها الحاجات بتاعة النهارده
واول اليوم تكتبيها بتركيز
وبعدين باقي اليوم تنفذيه
واخر اليوم تمسكي الورقه دي وتشوفي انتي خلصتي منها ايه؟؟
ولو فيه حاجه ماخليصتيهاش ماتناميش الا لما تخلصيها
---
اما عدم وجود اراده
فده موضوع بيتحل بانك كل حاجه بتعمليها تحطيلها هدف
يعني المذاكره
يبقي علشان اتفوق
ودايما تكوني حاطه قدامك حاجه ترمز الي الهدف
زي صورة واحد ناجح وهو سعيد
وكل لما الارادة تقل تبصي للصوره وتحطي نفسك مكانها
هتلاقي الاراده بقت 100%و
---
حاجه كمان انك لازم ترفهي عن نفسك
يعني اليوم اللي تعملي كل اللي مكتوب في الورقه او في
الcalender
تكافئي نفسك بحاجه او ترفهي عن نفسك
وربنا يوفقك ومعلش علي التطويل
يا جماعه ماهى اسماء مأضياها ترفيه و فسح اصلا و مش محتاجه حد يوصيها
..............
ممكن ككان يكون الحل انك تشاركى حد فى اللى وراكى يعنى مثلا لو حاجه فى الكليه تخلى سميه و اى حد يبقى معاكى
وبعدين لو عايزه مساعده ممكن تطلبيها منى اصل انا كمان مش مركزه الايام ديه
أخ سعد
يمكن ان نكون نحن نعرف الحلول وهي بسيطه
ولكننا لا ننفذها
الجملة دى صح جدا
جزاكم الله خيرا لأن فى حاجة فى تعليقك
كنت الايامدى فعلا مش مركزة فيها
هى انى احط لكل حاجة بعملها مهما كانت صغيرة هدف أو نية وهدف
اصل احيانا مع الزحمة بننسى
مع انه بيكون الاهم
ومع ان طبيعى لو مش مركزين فيه
نلاقى الارادة مش صفر حتى
نلاقيها بالسالب..
ونلاقى الأولوليات متلخبطة تماماا
أن الأوان
نعم
!!
خير
!!
مين دى
!!
ده هوه يوم يا عينى واحد خرجنا..
وانا غلطانة اصلا انى خدتك معايا
هش كده
!!
اما بالنسبة انى اقولك تساعدينى
وانتى الايامدى مش مركزة
فالموضوع مش ناقص عك
:1
نحتاج في بعض الأحيان أن ننفصل عن عالمنا
نترك كل شيء خلف ظهورنا , ننظر إلى الأشياء بعين لا ترى و نسمع بأذن لا تنصت
و إذا وصلنا إلى هذه الحالة - أرى - أنه يجب أن نستسلم لها و نترك أنفسنا و لا نقاوم , فأظنها حالة من إعادة الشحن للنفس و الروح لنقوى على تأدية الأعمال
و لكن في نفس الوقت يجب ألا تستمر لفترة طويلة , بل يجب أن نخرج منها سريعا , فهي حالة من الاسترخاء يجب أن يتبعها نشاط
فالواجبات أكثر من الأوقات
أ- فلنحدد أولا الأعمال الهامة العاجلة فنؤديها على الفور
ب- نخطط للأعمال الهامة الغير عاجلة
ج- نفوض - إن استطعنا - غيرنا للقيام بالأعمال العاجلة و غير هامة
فكثرة الأعمال مع عدم ترتيبها و وضعها في أولوياتها سيؤدي إلى تركها كلها
و هذا يحتاج إلى مزيد من التفصيل ستجديه في أكثر من كتاب يتحدث عن كيفية تخطيط الوقت و ادارته
ربنا يكرمك
دعوة لكل مواطن ولكل مدون حر
لحضور
ملتقي الدفاع عن سجناء الراي وحقوق الانسان
بالإشتراك مع
تجمع المدونين الطامحين في وطن عربي بدون سجين رأي واحد
و بحضور نخبة من الصحفين والسياسين والمدونين
فرصه حقيقيه ليجتمع المدونين مع بعضهم البعض ويعلنوا تضامنهم مع حرية الصحافه والكلمه في مصر
موعدنا : الخميس 18/ 10 الساعه 5بنادي المحامين
بجليم كورنيش البحر الاسكندرية
اعلن في مدونتك
سمسمة
ربنا يسير أمرك وعليك بالقرآن
ربنا يعينك
لا ينجز الاعمال الا مشغول
السلام عليكم
كل سنة وإنتى طيبة يا سمسم ....إنتى داخلة سخنة جامد فى العيد كده ليه ...وعموما أحيانا الإنسان بتكون عنده حالة من اللا توازن يعنى بكون عارفة إيه المشكلة وإيه حلها ومش بنفذه برضه ..مرة بالتأجيل ..مرة بالعند
لكن فى النهاية بتيجى لحظة بيقف فيها الإنسان مع نفسه وبيعمل بداية جديدة (قد تكون للأفضل فى أحيان كثيرة ولكنها أيضا قد تكون للأسؤ والعياذ بالله ) وأحييى الأخ معاذ على نصيحته بجد عملية ورائعة
ملحووووووظة هتروحى الزيارة إمتى
ولا هشوفك فى عيد الأضحى الجاى لاقدر الله
أولا كل عام وأنت بخير
وتقبل الله منا ومنكم
ثانيا بصراحة حاصرتينا
فلقد كتبت المرض والعلاج
ولكن أوصيك بما أوصيتِ به نفسك
أن اعملي ما عليك
الله تعالى قال وما خلقت الجن والإنس إلا ليعبدون
فأي بعد عن الهدف من الخلق يجعل الإنسان كئيبا حزينا غير راضيا
كذلك نحن في أعمالنا .. فنحن عندما نكون مطالبين بأعمال كثيرة ثم نتقاعس عن القيام بها فإننا نصاب بالكآبة والهم وعدم القدرة النفسية على تقبل العمل المطلوب منا إنجازه
أذكرك أختي بأيام الإمتحانات
عندما تتعاظم عليك المواد وتحاولي الهرب منها ثم تجدي ألا ملجأ من المذاكرة إلا بالمذاكرة
فتجلسي وتشحذي الهمة وتمني نفسك وتبدأي .. صحيح أن الوقت المتبقي على الإمتحان قليل ولكن التوكل والعمل يفيدان , وأثناء العمل تتذكرين كيف كنت مخطئة حين ظننت بنفسك سوء , وظننت أنك لن لن تقدري
أتذكرين تلك اللحظة , هي نفسها التي ستذكرينها عندما تنجزين ما عليك من واجبات حالة
أعانك الله ووفقك
السلام عليكم ورحمة الله وبركاته
أولاً: كل عام وأنت بخير
ثانياً: إحنا كلنا بنحس بالإحساس ده أحياناً لما بنكون ماشيين بالبركة كده ومن غير نظام
ثالثاً:تنظيم الوقت وترتيب الأولويات
الأهم فالمهم ده المطلوب
وياريت تزوري مدونتي أنا كاتب بوست جديد ممكن يكون عوناً لك
تحياتي
الله يكون فى عونك
ربنا معاكى
والله انا لو منك كنت قعدت اعيط
يلا ما فيش مشاكل
الدنيا جميله يا اسماء ولا يهمك يا قمر
وان شاء الله هتلاقى كله اتحل بس انتى استعينى بالله
انا والله يا بنتى نفسى اجى لك خاصه انتى عارفه ان انا مجتهده وباروح الكليه كل يوم
اختك
نونى
ten things= no thing
أظن أن ده تقنية دفاع نفسي ضد أشياء أكبر وأصعب الانسان مش عايز يتلفت ليها
سيبي الأولويات تفرض نفسها بنفسها لحد ما ربنا يسهلها من عنده
fadfada
جزاكم الله خيرا
هى المشكلة احيانا بتكون فى ان الوقت اللى متاح ادامنا مفيهوش مساحة لتلك الفترة التى وصفتها
لان اوقات الحاجات اللى ورانا بتكون متعلقة بافراد تانية لها التزامات وقتية
بس اظن الانسب فى الحالات اللى زى دى
ان شحن الروح والعمل يكونوا على التوازى مع بعض
انا مش معاهم
جزاكم الله خيرا
موضوع انه فى اسكندرية ده صعب جدا
على امل تكراره فى القاهرة
سنا الاسلام
وعليك بالدعاء
أ.مصطفى
جزاكم الله خيرا
يارب ننجزها
زهراء أمير بسام
وحشااانى فعلا
دعواتك
عشان اقف مع نفسى وقفة للافضل
كنت انهارده فى الزيارة
لا اعلم القادمة ان شاء الله هتكون امته الى الان بس بيننا اتصال عشان اقولك
أخ وضاح
جزاكم الله خيرا
اللحظة التى وصفتها دى احيانا احاول استعادة نفس الطاقة التى كانت لدى حينها فلا اجدها
معرفش وقتها بتيجى ازاى
هيه توكل مع عزيمة مع حاجات كتير
هو لا مهرب من العمل الا بالعمل
أمير القلوب
جزاكم الله خيرا
وانتم بخير
الاولويات دى يمكن بتاخد وقت فى ترتيبها صح
لكن لما بتترتب صح
الموضوع بيفرق كتيير
نيرة..نونى
بتدلعى نفسك
ماشى يا ستى
لا العياط ده كان زمان
مش زمان اوى يعنى
اكتشفت انه مش مجدى فى الحالات اللى زى دى
ولو انى بينى وبينك يعنى
احب أبدا به احيانا
قبل الحلول العملية
كتنقية للنفس او تخليصها من الضغوط
كان نفسى اشوفك انهارده
لكن تتعوض قريبا ان شاء الله
أحمد..فيه ما فيه
انا سايباها الان فعلا
لكن احيانا لما بتكون المهام متعلقة بافراد اخرين
يعنى اولويات عامة
تجدهم تجمعوا فى وقت واحد
عاجلين
فى وقت الانسان فيه مش مهيئ
ومع كثرة الاعمال
تجده يتوقف عن التفكير والتنفيذ
وان كان يعلم ما عليه
هو فى ايه ياجماعة
فجأة كده الاخوة والاخوات واحد ورا التانى يصيبه اكتئاب وتبلد وتجمد)ALOOF(
ربنا معاكوا
اللنك ده اعتقد انه مفيد
http://www.amrkhaled.net/multimedia/multimedia1031.html
Post a Comment