يا أهلنا في غزة .. نحن معكم

Friday, March 2, 2007

مدونين على الجزيرة

سلام عليكم,,

يا جماعة اناهرده قامت قناة الجزيرة انترناشونال (اللى بالانجليش) بعمل حوار مع أصحاب المدونات من أسر معتقلى الاخوان ..

هيذاع ان شاء الله الساعة 12 بتوقيت القاهرة وهيعاد فى نشرة الثانية ظهرا

تردد القناة للى لسه منزلتش عنده
12015

vertical

3/4

27500

8 comments:

AbdElRaHmaN Ayyash said...

يا مس أسماء انتي عامله الموضوع الساعه اتناشر وخمسه
يارب بس ألحق اشوفه بكره بعد اللاة
عموما ربنا ييسر لكم .. ويارب يكون كل اللي حصل ده خير
أكيد الي حصل خير
وربنا يصبركم .. وعسى أن تكرهوا شيئا وهو خير لكم
لكم منا تحية وسلام
وللأستاذ ياسر ألف تحية
بوركتم
سلام

الـفجـريـــة said...

سلام عليكم,,

اه فعلا ده الساعة 12 و خمسة ..هوه ازاى الوقت كده مش فاهمة ايه اللخبطة دى

عموما مش مشكلة هوه تقريبا البوست دى كانت الساعة 12 وخمسة بليل والتقرير هيتعرض الصبح

كان كويس الحمد لله..مع انى كنت مترقبة

AbdElRaHmaN Ayyash said...

:D للأسف مقدرتش اشوفه
خير ان شاء الله
جزاكم الله خيرا
ويارب يكون اتسجل عشان نشوفه بعدين
والحمد لله انه كان كويس
سلام

Anonymous said...

السلام عليكم
احييك يا استاذة اسماء على مدونتك الجميلة ،باذن الله الاستاذ ياسر يشاركك فى تحريرها لما يطلع قريب جدا جدا اكتر مما نتصور ،بصراحة انا معجب جدا بالحملة اللى ابناء الاخوان عاملينها للاعتراض على اعتقال ابائهم دون ذنب ايوة كده يا شباب اوعوا تسكتوا على الظلم ،على فكرة انا اللى اطلقت على والدك لقب "الاقتصادى المهذب"فى البروفيل اللى عملته عنه فى افاق عربية فى الحبسة اللى فاتت.
تحياتى لكم جميعا ،واعاد الله الينا احبابنا .

AbdElRaHmaN Ayyash said...

http://ensaa.blogspot.com/2007/03/blog-post_2081.html

شفته الحمد لله
تقرير منصف فعلا .. من كلام الناس
أقصد كلام عمرو الكحكي والمعلقة في الاول اللي جابت تاريخ الاخوان

طبعا لازم يكون منصف في كلامكم
بس مين الولد الصغير اللي كان في الموضوع :D
سلام

الـفجـريـــة said...

سلام عليكم,,

ياااه كويس انهم نزلوه على انسى بس طبعا الكمبيوتر عندى بقدراته الغير متكررة بيشغل الفيديو على خمس ساعات..خير هحاول اشوفه فى حتة تانية ان شاء الله..

الأستاذ ياسر أبو العلا..حضرتك فعلا صاحب هذا اللقب
ده لقب غالى جدا عند أمى ولازالت تذكره كثيرا وتتأثر به..

ربنا يخلفكم خيرا بعودة افاق أو افضل كمان..

اخى عبدالرحمن..على فكرة الطفل ده أنس حسن مالك

Anonymous said...

السلام عليكم
اختى اسماء
احييك على المدونة الجميلة وللاسف انا ماشفتش البرنامج على الجزيرة انترناشيونال بس شوفتها فى انسى فعلا بس احم احم .. كان بالانجليزى ومافتهش حاجة بس كفاية انى شوفتكم
ومترقبين اشعارك الجميلة

نيرة عصام

Anonymous said...

أولا أحب أشكرك على تعاونك معايا وجزاكى الله كل خير و لكن اللينك كان بيهنج وبيقولى خطأ فأنا أختها من أولها كده وبلا وجع دماغ وعملت مدونة على "مكتوب" وأسم المدونة زى ما وعدتك هو أه يا بلد وشكرا مرة أخرى أختك فى الله تسنيم