Wednesday, April 25, 2007

بين الجلسة والتقييم..ربنا يقدر الخير

غدا تبدأ المهزلة

بعد الافراج الثالث لأبى واخوانه

تم تحديد غدا كأول جلسة فى المحاكمة العسكرية

غدا ده بالنسبة لى اييييييه؟؟

تقييم مادة رسوم متحركة..التقييم ده زى الامتحان بس عملى

المهم عمالة أفكر التقييم ولا الجلسة

مش عارفة..

أسألكم الدعاء بصدق

فى 3 حاجات

أولا ان ربنا يدبر لى أمرى

وثانيا ييسر لهم الخير فى الجلسة

وثالثا أخلص حاجة رسوم اللى مش راضية تخلص ودى حاجة ملهاش علاقة بأى ظروف ..كله من اهمالى وتأخيرى الجميل اللى دايما بعمله

عادى هوه ان شاء الله أياً كان اللى هيحصل هيكون خير..

الحيرة الثانية

لما تكون مقصر وايمانيا تعرف حقيقة ما أنت فيه

أحيانا تخجل من وجودك وسط تلك القلوب..وهذا تفكير

والتفكير الاخر ان الحسنات يذهبن السيئات

ربنا أرحم بنا من أنفسنا..وسيقدر لنا ما فيه الخير..

16 comments:

salma abd el _ hady said...

لعلي يا اسماء الان في منتهى السعادة ان كنت اول من يدعو لك في هذا الموضوع ربنا معاكي يكرمك و يوفقك و يسدد خطاك و يدبر لك امرك فا ننا جميعا لا نحسن التدبير و ربنا يثبت ابائنا جميعا ويكون معهم ويدهم بمدد من عنده و يقدر لهم الخير حيث كان ثم يرضهم و يرضينا به و ادعيلي يا اسماء كتييييير
اكيد هتعرفيني
سلمى حلى

سناالإسلام said...

ربنا يسير لك أمر يا حبيبتى وتنتهى من الرسوم على خير اليلة إن شاء الله وأنا صليت ركعتين قضاء حاجة لك ياسمسم بس ربنا يتقبل...وربنا يفك أسرعمو وكل إخوانه ويقدر الخير حيثما كان...أختك

يلا مش مهم said...

انا رائيي الشخصي
انك تروحي مادة الرسوم لان من الواضح ان النظام فوجئ بقرار محكمة شمال
وعليه قرر الجلسة بسرعة
وان الجلسة بكرة ممكن جدا متاخدش اكتر من خمس دقايق
وتتاجل
لان الهدف هو الخروج من مازق الافراج عنهم بموجب القانون
وبدعيلك بكل خير
وربنا يفك اسر الاستلذ ياسر الذي لم اتشرف بمقابلته الا مرة واحدة في نيابة مصر الجديدة في القضية الاخيرة وكان جاي يزور الدكتور عصام وانا كنت بتعرض مع الدكتور وقعدت معاهم علشان الكلبش كا جامع ما بيني وما بين الدكتور
وفرجه قريب

محمود سعيد said...

يعنى ربنا ييسر لك الخير

أيا كان بقى

اصرار أمل said...

أدعو الله أن ييسر لك ؛ ويكتب لك الخير ؛؛؛
ان شاء الله هتخلصى من الرسوم النهاردة ؛؛؛
وهييسر لك عرضهم بكرة ؛ لاتقلقى ؛ بس ابقى طمنينا ....
والدك كما ذكرت فى التدوينة السابقة بخير ونعمة ؛ من المؤكد أنكم تفتقدونه ؛ لكنه سيسعده ويدخل السرور على قلبه تفوقك ؛ ونجاحك فى حياتك ؛؛
لاتحرميه من هذه السعادة ......

الفجرية said...

سلمى
سناء
أستاذ مجدى
أخ محمود سعيد

جزاكم الله خيرا كثييييييييرا
ولكل من تذكرنى بدعاء
دعاءكم وصل جدا
وخلصت معظم الشغل وبكمل الباقى بس حسه بانجاز بفضل الله..ده اول بركات الدعاء

الثانية ان الحمد لله حصلت اتصالات واتفاقات انه ممكن اذا وصل التصميمات لعدد معين فالدكتورة موافقة انى مجيش التقييم وابعتهم مع حد..ودى حاجة تانية راااائعة

ربنا يباركلكم جميعا ويهدينا لما فيه الخير

الفجرية said...

وامل الغالية

مكنتش شفت ردك

الحمد لله ربنا يسرها

مواطن من قاهرة المذل لعبيد الله said...

ربنا يكرمك في مادة الرسوم
ويفك اسر والدك ويفرحه بيكي
وينتقم من اللي حرمك منه
وينتقم من كل اللي ظلمك او ظلمه انت و كل اخوانك و اخواتك
حسبنا الله ونعم الوكيل

AbdElRaHmaN Ayyash said...

:(
و الله كلماتك دي كأنها بتوصف حالي
حاليا انا مأخر حوالي 6 لوح رسم هندسي
وعلاقتي مع ربنا :(:(
ربنا يستر
واهلنا كلهم بيتحاكموا
اهلنا هم اهلكم
ربنا يفرج عنهم وعننا كلنا
بوست لمست فيا كتير اوي
سلام

Dr cool said...

السلام عليكم ورحمة الله و بركاته

أسأل الله أن يفك الكرب و يفرج الهم

و أهدي مدونتكم الطيبة هذه القصيدة

بعنوان ( مش هنبطل ،، مش هنسافر ،، مش هنسيب )

http://2albmasr.blogspot.com/2007/04/blog-post_26.html

أخوكم

دكتور / عمرو كمال

صحب مدونة من قلب مصر

أحباء فى الله said...

اللهم إنك نسالك ان تييسر على إختنا وأن تساعدها على التخلص من كل شائبه فى قلبها وان تزيل عنها كل ما يزيد همَّها

Anonymous said...

سلام عليكم
طبعا دعتلك فى التقيم ودايما بعمل كده بس استنى ده مش علشانك ده يا ستى علشان الملك ولكى مثله....! تبأى تطمنينا على التقيم اما نخصوص ان الواحد يبص على نفسه وحاله مع الله وبعدين يلأى نفسه وسط الناس والقلوب الجميلة دى يحس ان ربنا بيحبو اوى وى كمان عيزه اوى واكيد كمان عايز منك دعاءك ليه ومنجاتك ده احساسى وسلام عليكم

مصراوي أوي said...

الحسنات يذهبن السيئات

هم الجلساء لا يشقي جليسهم

الفجرية said...

مواطن
أحباء فى الله

فعلاجزاكم الله خيرا..دعاءكم وصل بقوة ربنا يتقبل منكم

dr cool

القصيدة رائعة
جزاكم الله خيرا وخصوصا

مش هنسافر
***
و هاسيب بلادي لمين .. و امشي كسير مهزوم
*
و ان كنت اسافر أنا .. بالحـــق مين هيقــوم
*
مين غيري يبقى هنا .. بقضيتـي مهمـــــــوم
*
هامحي فساد و ظلام .. هامحي غيوم و غيوم
*
و امســك بفــاس الأمــل .. و ازرع في أرضي نجوم
*
جوا عيون شعبنا .. شـايف أنا دا اليوم
*
الحق راجع لنا .. و يــرد للمظلوم

الفجرية said...

عبد الرحمن عياش

يااااه ربنا يعينك
أصل الرسم الهندسى من المواد التى تشعرنى بالانهزام الداخلى :)
بس المشكلة عندى انا
لكن ربنا ييسرلك ان شاء الله وتنتهى من اللوحات على خير

أختى الحبيبة التى لا أعرفها

طيب يا بنتى مش تقولى انتى مين
بس جزاكى الله خيرا على الدعاء وبقول كده عشان الملك بردو.:)
ويا رب يكون كلامك بجد

مصراوى أوى
هما كده فعلا
ربنا يجزيهم عنا خير

امام الجيل said...

ربنا ييسرلك تمورك ويسهل لك دربك بس موضوع التقصير ده من طبيعة النفس البشرية وفعلا الحسنات يذهب السيئات وده من وساوس الشيطان انه يقولنا نبعد عن الصحبة الصالحة ربنا يهدينا جميعا