يا أهلنا في غزة .. نحن معكم

Saturday, May 19, 2007

رجل طيب ...بفرشتى

لا حول ولا قوة الا بالله

والحمد لله




أصل التدوينة الايامدى مينفعش تبدأ غير كده

الوقت بيجرىىىىىىىى

والامتحانات والتقييمات فى الطريق

والواحد بيكون تايه

لولا فضل الله ورحمته

بس بردو فى شوية سعادة جداد




ليييييه؟؟




لانى من فترو مفتقدة الشعور بالانجاز




يعنى وقت يمر..والاقى ناتج




فده دلوقتى موجود الحمد لله




طيب ايه علاقة ده بالعنوان

وايه موضوع الرجل الطيب

الرجل الطيب ده خطوة جديدة


الرجل الطيب ده هوه اللى ربنا قدرله انى اصوره

وقدرلى انى ارسمه

وقدر لكم انكم تشوفوه بفرشتى

مكانه الدائم هو باب الخلق

هو أول تجربة ليه بألوان الزيت

فوسط كل مواد التصميم الكتييييييرة
والمواد النظرى العجييييييبة

طلعت لنا مادة تفكر الواحد انه فى فنون وانه بيرسم حر

مكنتش متحمسلها فى الأول

لكن شوية بشوية بدأنا نتفاهم

وانتهيت من معظم جلابية الرجل

وجارى الشغل فى الباقى

أترككم مع الرجل الطيب..بفرشتى

بس يا جماعة تقبلوا الأمر بصدر رحب

يعنى احنا لسه بنتعلم

والكبير بيبدأ صغير

وكل المعانى بتاعت تقبل التجربة أيا كانت حطوها فى دماغكم




لما قلت ادون الايامدى

كانت دى اصدق حاجة لأنها فعلا=جزء كبير من وقتى الأيامدى

وفيه تدوينة تانية بس دى بدأت أكتب فيها
والجاية دى بالنسبة لى محتاجة دعاءكم

----------------------------------------


لا تنسونى فى دعاااااااااءكم
فى الأيام المفترجة بتاعت الامتحانات دى
دعاء من النوع المركز


23 comments:

Anonymous said...

ممممممم!!!
هوه كده ومش عاجبك ؟؟
طب بلاش تعقيد بقي يا سمسمه
ويارب تكوني خلصتي لوحة الزيت بقي ،
ربنا معاكي ،
والراجل الجلبية بتاعته حلوة اوي ي ي وخصوصصا اللي في الصورة الاولي ،

ربنا معاكي وشدي حيلك ،

مش هقولك انا مين ،
اكيد انتي عرفتي خلاص ،
( اختك الحبيبة )

كده عرفتي اكيد ،

سلام عليكم

belal said...

جميلةوالله

محمد القصاص said...

السلام عليكم

ربنا يكرمك يا اسماء ...صحيح بلاش تعقيد ...كدة و مش عاجبك...خير إن شاء الله
و الله الجلابة الوانها حلوة اوى و متنسيش تنزليها بعد لما تخلص كلها إن شاء الله
و ربنا يعينك و يباركلك فى الوقت و الجهد إن شاء الله و يعدى الإمتحانات على خير ان شاء الله

Anonymous said...

حبيبتى اللى خلاص بقيت عرفاها

انا قلت مش عاجبنى

لأ عاجبنى الحمد لله كتجربة أولى

بس انا كنت بقول انكم هتشوفوا حاجة بدائية لسه

يعنى بنتعلم يا انسة

المهم انتى عاملة ايه ؟؟

وخلصتى حاجة تقييم بكرة ولا لأ؟؟

متكسفوناش

ان شاء الله ربنا ييسرلك

Anonymous said...

أخ بلال

طيب الحمد لله

ايمان

انهارده يا ايمان فضلنا قاعدين على اللوحات لغاية بليييل

فجيت على الأخر زهقت وأمت عاملة اى كلام فى الخلفية
فبقى شكلها يجنن :(
بس هروح بكره ان شاء الله اظبط فيها
واما تخلص هوريهالكم ان شاء الله

على فكرة تقييمها النهائى بكره الساعة 1
امال هظبطها امته؟؟
بكره الساعة 10 ان شاء الله
دعااااائك وشدى حيلك انتى كمان فى امتحاناتك

مشروع انسان said...

ما شاء الله لوحة جميلة
ربنا يوفقك

Anonymous said...

ازيك يا اسماء
انا اول مرة اعلق هنا
بس انا اول ما شفت الرسمة قعدت اضحك فاصريت اني اعلق
هي الرسمة حلوة باستثناء الوجه الابيض بدون ملامح ومشروع عمل اربع ارجل
بس الرسمة جميلة وهو فعلا الكبير ما بدأش كبير ابتدأ صغير

استحملي غلاستي

Anonymous said...

امام الجيل

جزاكم الله خيرا

بنت من الاخوان

اظنك حد من كليتى الجميلة ولا ايييييييه؟؟

لو سمحتى كله الا وشه

ده لسه متعملش

وبعدين الاربع رجول دى ضحكت الناس كلها عليه

ده يا جماعة كان بيلمع أحذية

فقدامه الأحذية اللى بيلمعها

مش ممكن كده ..الفن ليه احترامه بردو

مينفعش الكلام ده :)

Anonymous said...

أعدوا يقولولى ده من ذوات الأربع

ربنا يسامحكم على فكرة

معلش يا اسماء

الكبير بيبدا صغير

بس واضح كده انه صغير اوىىى

Anonymous said...

ايه يا اسماء مين عم الشيخ اللى قاعد ده
هو جميل عشان طبعا انتى اللى رسماه

نيرة عصام

همسة قلم said...

والله يابنتي
من نظرتي المتفلسفة للأمور وتذوقي الخاص بالفن الملعبك
اقدر اقولك انه لوحتك هتاخد امتياز ان شاء الله خاصة مع الاربعة اللى اشرتي ليهم فوق :D

لأ بجد ياسمسمة جميل انا صح مش بفهم في الحاجات دي بس واضح انه فيه مشروع فنانة جامد ان شاء الله

ربنا يعزك ويبارك فيكِ ويرزقك النجاح والتفوق دنيا واخرة يابنتي

:)

Anonymous said...

ايه الفن ده يا أسماء وبالمناسة فاكرة لما كنا قاعدين فى المسجد وورتينى حاجات جمييييييييلة برضه .عموما ربنا معانا جميعا الايام دى(انى احبك فى الله

Anonymous said...

نيرة عصام

ماله عم الشيخ يا نيرة ..هه؟؟

ايوة جميل طبعا ..انتى بتتكلمى فى ايه :)

سمسمة

امتياز...يا طيبة

لأ مش اوى كده

هوه عموما احنا اتقيمنا خلاص

والدكتور مقالش حاجة..كل ميشوف حد يقول أه ماشى..كويس..اممم..وبس

بس مستبشرة خير ان شاء الله

سالى

عارفة يا سالى
لسه شايفة الحاجات دى وأعدت اضحك لما افتركت تعيقاتك المشجعة أوىىىىىىى

ربنا يعينك ويكرمك ويباركلك فى الوقت وترفعى راسنا فوووق

Anonymous said...

لأ يا اسماء انا مش واحدة من الكلية انا واحدة من اسيوط وفي الصف الثالث الثانوي-مع انه ما يبنش عليا مذاكرة-فشدي حيلك معانا في الدعاء
ولو عايزة تعرفي عني حاجة اسألي خديجة حسن مالك فأنا قرفتها بما فيه الكفاية

محمد said...

جميلة فعلا

ذكرتيني بابنة عمي وهي في فنون تطبيقية
بكالوريوس السنة دي

ومطحونة في مشروع التخرج

أعانك الله ووفقك
وجعل لك من كل ضيق مخرجا ومن كل هم فرجا

شروق الشواف said...

جميله والله اسماء

انا اول واحده شفتها ..وقلتلك انها حلوه ...

يبقى ملكيش دعوه براي حد ثاني ...معلش بقه

مطحبطهاش

وبعدين صراحه كثر خيرك ... ده انا مبعرفش ارسم وارده شكلها محترم ... بس بعرف ارسم الاحشاء الداخليه لاي كائن حلو قوي ..[ بيولوجي بقه ]

MoHaMmAd said...

باسم الله ما شاء الله..هو ربنا معاه على أى حال ..بس حضرتك شدى حيلك وليا طلب ..توريلنا اللوحة بعد ما تخلص..ده رجاء

Anonymous said...

:)
مستني الالوان بتاعتها
بس ما شاء الله لو كده البداية تبقى فعلا ممتازة
ربنا يوفقك ياارب

الـفجـريـــة said...

بنت من الاخوان

اسيوط مرة واحدة
وثانوية عامة كمان
ربنا يعينك يا بنتى
هعرف من خديجة كل حاجة :)

أخ وضاح

ربنا يعينها ان شاء الله
بتوع بكالريوس الايامدى مضغوطين جداا

شروق

الاحشاء الداخلية!!!

طب دى كلمة تتقال واحنا بنتكلم فى فنون والوان وحاجات جميلة
بس بجد يا سروق لما ورتهالك وقولتى كويسة رفعتى روحى المعنوية ورحت تانى يوم الكلية حسه انى بيكاسو 2007
ربنا يكرمك..و ادعيلنا معاكى كده

الـفجـريـــة said...

groslag
أخى عبد الرحمن عياش

جزاكم الله خيرا

ان شاء الله هنزل تحديث اللوحة بعد مخلصت

جهاد خالد said...

هو على حد علمي ان الرسم بالزيت صعب
فكون ان احنا نوصل للمرحلة دي
وانتي بتقولي مبتدئة وانا مش مصدقة

بس نحكم لما عم الشيخ يكمل ان شاء الله


_________
على الهامش
مدونة جميلة
سعيدة بتواجدي هنا

واحد من الإخوان said...

هي اجمل حاجة معبرة في الصورة إنه
حاطط إيده على خده

ده لو انا إستوعبت الصورة صح

وكمان الأرضية اللي قاعد عليها بتعكس حاجتين
عراقة المكان اللي هو قاعد فيه يعني مكان ليه تاريخ
وكمان بتعكس إنه مكان قديم وشعبي
--------------

ياريت لما تكملي الباقي لي رأي

اولا ما تخليش عينه ناحية زاوية التصوير
يعني مش باصص على اللي بيشوف الرسمة
ممكن تخليه بيبص ناحية اليمين
أو تخلي عنيه باصة في الأرض
سرحان يعني
لأنه الطبيعي إنه عنده حاجات كتيير بيفكر فيها

الحاجة الأخيرة
ما تخلهوش يلبس حاجة واضحة في رجلة
ممكن جزمة لكن مش مدية على جزمة
سنه جزمة وسنة سابو
أو شبشب ما لوش نقشة ولا معالم

يلا
انا بقول من تصوري للراجل على اساس
إنه طيب لكن دماغة شاردة في حاجات كتير وأخدت الإنطاع ده من وصلة إيده مع خدة

محمد حمزة

Anonymous said...

النجمة الصامدة

جزاكى الله خيرا

بس بجد دى تجربة اولى..قبل كده كنا بنتعلم ازاى نطلع درجات الوان بالزيت بس عمرنا مرسمنا به ..

مدونتك جميلة

أخ محمد حمزة

استوعبت الصورة صح جدا

وجزاكم الله خيرا على النصائح
اصل اول تعليق يكون فيه راى فى اللوحة بشكل مفصل

بس المشكلة انه جه بعد مخلصت
بس يلا خير