يا أهلنا في غزة .. نحن معكم

Wednesday, July 11, 2007

ربنا..لا تدعنا


سبحانك ربى
ما هذه النفس التى أسكنتها بين جوانحنا
تهدأ أحياناً...وتفور أحياناً
تأخذ بنا الى جمال الانسان وهدايته وتبسط هدوءها على النفس فتصبح كالبحر الهادئ والماء الرقراق..
ثم ما تلبث أن ترعوى وتتململ وتغضب وتضجر..فنحس أننا غرباء على أنفسنا..يعترينا غضب..ونعيش أوقاتا نحس بعدم استبصار مواطن أقدامنا..
سبحانك ربى
ومن رحمتك التى وسعتنا
أرسلت الينا من يهدينا الطريق..ويقوم اعوجاجها..فتتأبى على العلاج أحيانا..وتضطرب معها أحوالنا..
وتستكين عندما نمسح عليها بنصوص من كتابك..
أو هدى من نبيك..فتنشرح لها..
ولكنها ما تلبث أن تضجر..
هذا خلقك..وهذه حكمتك أنت اعلم بها..ورجاؤنا فيك كبير..

كانت هذه الخاطرة من كتاب ونشتاق للبوح احياناً والذى سبق وتكلمت عنه..وجدتها بداية تتفق مع تلك التدوينة..

-----------------------

أن تمر بك لحظات فتور..فهذا من طبيعة البشر..وان تطول بك اوقات الفتور لدرجة الاعتياد والتجاهل لما تمر به..فربما يحدث هذا أيضاً للأسف..لكن الأصعب على نفسك ان تجد من ربك الاختبار بان تكلف بعمل ما_صغر أو كبر _يلزمه الكثير من الاخلاص والرغبة فى العطاء وطاقة عالية للعمل وقلبا تواقاً للجنة.

تحزن حينها عندما تجد ان تقصيرك وتأخرك لم يشملك فقط بل انه ربما يصل ضرره لمن حولك..تجد نفسك فى وضع وجب عليك فيه ان تبث الروح الايمانية العالية فيمن حولك..الحماس والعطاء والحب..وتتألم حينما تتحسس قلبك فتجده غير قادر على اداء مهمته لا لشيئ سوى أن فاقد الشيئ لا يعطيه..

تحزن وتتألم ولكن الغريب ان ذلك لا يحملك على نفض غبار كسلك ولا يدفعك لمزيد من الاجتهاد او لمحاولة للعودة..يسير العمل بمستوى مقبول وان كنت تعلم جيداً ان بالامكان افضل مما كان..

يسير العمل..نعم
يسير وأنت تحاول جاهداً اغماض عينيك واسكات قلبك عن ملاحظة غياب هذا الفيض الربانى والبركة التى كنت تشعر بها قبل ذلك وهى تحيطك ومن حولك تلاحظ غيابه فى همتك المنخفضة..وفى همة من حولك أحياناً..



ذلك الفيض الذى كنت تشعر به يشمل تلك الاعمال ويرعاها ويسددها ..تلاحظه فى صور كثيرة كبرت او صغرت بداية من علو الهمم وسعى الجميع لانجاز العمل واخلاص النوايا وسمو الاخوة وتيسير الأمور وان يفتح الله بيننا وبين من حولنا وصولاً لفرع شجرة تشعر بظله وحنوه فوقك وانت تسير فى وقت شديد الحرارة وتشعر بالرسالة التى يحملها اليك أن استمر..

يمر الوقت..وتزيد ضغوط العمل فكراًُ ووقتاً ..ويستمر تجاهلك للموقف..يزيد شتاتك..وتفقد روحك..ولا تعجب حينما يفقد العمل لذته..لقد فقد قلبك ما يحييه

لقد فقدت اتصالك بالله

أصبح الاستيقاظ دوماً متأخراً وصعباً..أصبحت الشوارع دوماً مزدحمة..أصبح التواصل مع القائمين على العمل فى أغلبه خالى من تلك الروح التى كانت تميزه ..فقدت المواعيد الزامها..وأصبح الوقت ضيق..اصبحت الامور غير ميسرة..
لقد ضاقت على نفسى

الأن وقد بدأت استيقظ من طول الغفلة واتفقد ما وصل اليه حالى وجدت ان اول ما يجب على فعله وامثالى
هو حمد الله حمداً كثيراً

فقد كان من الممكن ان يستمر كل شيئ على ما يرام ويتم العمل حسب ما نتمنى وربما أفضل وأظل أنا فى اللا مبالاة والانتظار ويطول الوقت ومن هنا ياتى الاستدراج..

اما الأمر الثانى فان اعتذر كل من قصرت فى حقه فى الفترة السابقة فى اى امر من الامور حتى ولو كان الدعاء..واعتذر ايضا الى من شارك معى فى هذا العمل ولم يجد منى فى بعض الاوقات ما كان يرجوه..

والثالث..الى من غفل وانتظر..ومازال فى الانتظار..
لماذا نحرم انفسنا من اتصال بالله لا نسطيع الشعور بالحياة بدونه؟ولا ان نصل لما نتمنى فى الاخرة بدونه؟
مازال فى الوقت متسع لنعود ولا مكان للانتظار..

والرابع..توفى أحد الاخوة الشباب فى حينا..أسألكم الدعاء له بان يخلفه الله دارا خير من داره واهلا خيرا من اهله والدعاء ولزوجته ولأولاده ولأسرته باكملها بان يرزقهم الله الصبر والثبات..وان يحيطهم برعايته وحفظه..
وان يفتح لهم ابواب الخير كما حرص هذا الاخ الكريم على فتحها للناس وادخال السرور على قلوبهم..

اختم هذه التدوينة والتى اتمنى ان تكون ختاماً لهذه المرحلة بكلمات من نفس ما بدأت به
ونشتاق للبوح أحياناً

يا الله
كم أنا محتاج لاكون موصولاً بك
فلا تدعنى



22 comments:

Anonymous said...

اختي الحبيبه اسماء
فينك يا حبيبتي
مع كل زيارة لي عند ابي اجد نفسي مشتافه حقا لرؤياكي ابحث عنك ولا اجدك ولما بتكوني موجوده بتمشو بسرعه قبل ما اشوفك
قررت بعد كده اغلس واقومك من الزياره انا مبحبش اعمل كده
بس هاعمل ايه بقي
رغم والله ان احتكاكي بكي قليل الا اني فعلا في اغلب الاوقات بيكون نفسي اشوفك
وكل مرة اكون هناك ومشوفكيش ابقي عايزه ارجع اتصل بيكي واسألك
يعني ازاي يبقي ابويا وابوكي في سجن واحد ومانتقابلش ده كله
ميصحش كده
يعني الحكومه عملت كل ما في وسعها علشان نتعرف علي بعض ونتقابل دوما انتي عارفه نيتها سليمه:)
وبرضه ومبنتقابلش
:)
:)فعلا انا نفسي اشوفك
فكريني اول مرة اقابلك لازم اخد نمرة موبايلك علشان اعرف اتواصل معاكي مباشرة ان شاء الله لاني كل مره انسي وبالمناسبه حبيت اقولك خبر حلو مش عارفه تعرفيه ولا لا ان عمو محمد سعد الحمدلله اخد افراج ورجع بيته
عقبااااااااااااااااال عندنا ياااااااااااااااااااااااارب
قريب
اختك التي تحبك في الله
ساره خيرت الشاطر

belal said...

يا الله
كم أنا محتاج لاكون موصولاً بك
فلا تدعنى
....

MoHaMmAd said...

مش هازود كتير عن كلام بلال ...يا الله
كم أنا محتاج لاكون موصولاً بك
فلا تدعنى
.... كلام خرج من المدونة دخل على القلب ومنه إلى العقل ...جزاكى الله خيراً ..جارى البحث عن الكتاب

الـفجـريـــة said...

حبيبتى الغالية جدا سارة

ازيك يا سارة

انتى اللى وحشاااانى جدا
على رايك بجد
عيب
يبقوا عملو اللى عليهم
وجمعونا
واحنا مش بنشوف بعض

يوم السبت اللى فات جينا
بس مشفتكيش
مع انى لما كنا بنيجى السبت كنتم يتكونوا موجودين

عارفة يا سارة ارتباطى بيكم بأه مختلف عن ارتباطى بناس كتير

انتى عارفة بأيت لما اروح اى تجمع فيه ناس ..ابحث بين الوجوه عند حد منكم
حد من اسرتى الحقيقية
التى كنت سافقد الكثير ان لم انعم بوجودهم فى حياتى
(فى الحياة عموما يعنى مش شرط فى طره)

على فكره احنا رايحين بكره ان شاء الله
ياااارب ينقع اشوفك

اصل الكلية بتاعتنا ربنا يسامحها عملالنا تدريب اجبارى لغاية 22/7 بس
فكأنى لسه فى دراسة

بصى فكرينى اول مشوفك
قوليلى احكيلى موضوع الزيارة
اللى فاتت
وانا هحكيهولك

اه حاجة تانية..ابقى قومينى طبعا
انتى بتهزرى يا سارة
طيب
طالما عرفت انك مبتحبيش تقومى حد
هبقى اقومك كل شوية
:)

وعمو محمد سعد دى كانت حفلة عندنا فى البيت ..لانهم جيراننا جمبنا خالص
فكنا مترقبين الخبر
والحمد لله

طولت عليكى فى الرد جدا
بس يا رب اعرف اشوفك بكره يا حبيبتى
:)
سلمى عليكم

الـفجـريـــة said...

أخ بلال
أخ محمد

جزاكم الله خيرا على مروركم وتعليقكم
واكرر معكم تلك الكلمات

أخ محمد ..الكتاب فعلا رائع ويستحق البحث

Dr.khaled said...
This comment has been removed by the author.
Dr.khaled said...

من من يهد الله فهو المهتد
ومن يضلل فلن تجد له وليا مرشدا

مشروع انسان said...

سبحان الله العظيم
الموضوع ده زى ما يكون مكتوب علشانى اصل سبحان الله لسه كاتب موضوع برضه زى ده بس للاسف بقى انا لسه مصحتش ولسه منطلقتش واقول الحمد لله ان الاخوة حاطنى فى المكانة اللى استحقها وانى متقدمش بل ممكن اكون كمان بتاخر وده الواقع سواء فى علاقتى مع ربنا او مستوى المسئوليات مع الاخوة وارى ان هذا خيرا ان يكون قدر الفرد بمقدار ايمانه واخلاصه وتقواه وده فضل بس عايز من حضرتك تقرير مفصل وعميق جدا عن الانتقال هذا والتحول كيف حدث ووسائله وكل شئ بالتفصيل حتى تعم الفائدة فانا فى اشد الحاجة لمعرفة اول الطريق وكفى وجزاكم الله خيرا

AbdElRaHmaN Ayyash said...

ان شاء الله ربنا مش هيسيبك
استعيني بالله
وف ي كل وقت ... ربنا هييسر لك الخير
لكن هي الوجوه نفسها و الاعمال نفسها و الشوارع نفسها ... و كذلك أنت نفسك
سيكون من السهل أن تعودين كما كنت
وسلام

ياسر سليم said...

ليس لنا إلا الدعاء بان نقول لله

اللهم لا تدعنا فى غفلة

اللهم ان عبادك كثير وليس لى رب سواك .. لا تكلنى إلى نفسى

واجعل أعمالنا خالصة لوجهك

وتذكر قول القائل

عجبت لغافل ليس مغفول عنة

:(

اسماء العريــان said...

تدوينتك يا سمسم جت فى وقتها

جزاكى الله خيرا

بقولك يا سمسم عشان انا مش معايا نمرتك .. ياريت يا سمسم تحاولى توصليلى او هاوصلك عشان كنت عايزة اروح معاكم المحكمه العسكريه

Aml Ghonaim said...

حبيبتى المتألقة دااائما :
هذا الموضوع أروع مافيه ؛ أنك أنت كتبتيه ؛
خاطبت نفسك أولا به ؛؛؛
فكان خطابك لنا رااائعا ؛
يصل الى القلب حيث محله ؛؛؛
بارك الله لك يا أسماء ؛
ولن أعلق على ( ونشتاق للبوح أحيانا )
فأنا لم أعد أسافر بدونه ؛؛؛
دمت سباقة لنشر الخير .....

الـفجـريـــة said...

ض.خالد

ربنا يجعلنا من المهتدين

امام الجيل

بالنسبة لان مستوى الفرد فى العمل يكون يناسب مستواه الايمانى
فده مش مقياس
لان العمل مهما صغر
يحتاج لقلب متصل بالله

بالنسبة للانتقال والتحول
فهو لم يتم بالكشل المرجو
لكن كخطوات مبدأية
عودة الاتصال بالله قلبا
بالنسبة لى يكون بالتفكر
وده شيئ بيختلف من شخص لأخر
وعودة الاتصال بالله فى العبادات والاجتهاد فيها
وعمل وقفة مع النفس فيمال يخص الاخلاص والنوايا
وطبعا ان تسأل بعض ممن حولك الدعاء لك
وان ندعو لانفسنا

يعنى الاحساس بالمشكلة والرغبة فى حلها خطوة كبيرة جدا وتبقى الجدية والاجتهاد والاستمرار هى الخطوة الأهم

الـفجـريـــة said...

أخ عبد الرحمن

ربنا سبحانه وتعالى ارحم بنا من انفسنا

اثق فى ذلك

واثق ان عودتى ان شاء الله ستكون بفضله وتوفيقه وكرمه


أخ ياسر

عجبت لغافل ليس مغفول عنة

أشد العجب
نغفل عن من يعلم سرنا وجهرنا

الـفجـريـــة said...

أسموءة

طيب الحمد لله

خلاص زى مقلتلك
ان شاء الله ينفع
كلمينى نتفق على الوقت

مبسوطة انى شفت حضرتك صوت وصورة انهارده

:)


حبيتى أمل

متألقة مرة واحدة
خليكى يا امل انفخى فيه كده
وبكره تكتشفى الحقيقة المرة
:)
اتبسطت ان ونشتاق للبوح احيانا أصبح صديق سفرك

يارب تكونى اتبسطتى انهارده يا ستى
وكان نفسى اشوفك والله
بس منفعش
انت عارفة مشاغل الدنيا وكده
:)

Anonymous said...

قل يا عبادى الذين أسرفوا على أنفسهم لا تقنطوا من رحمه الله ان الله يغفر الذنوب جميعاانه هو الغفور الرحيم

MoHaMmAd said...

جاى أعاتب...عتاب لحضرتك ولعبد الرحمن عياش ....وجدت لحضراتكم تعليق عند مدونة دعاء عادل....طب وماحدش يقول يا اخوانا انها ليها بلوج؟؟؟!!!..أنا عارف انى المسؤول الوحيد عن جهلى بمدونتها بس بصراحة دخلت فى قلبى غيرة منكم انكم عارفين دعاء عادل وما حدش حتى متكلم عن انها ليها بلوج ...حضرتك مش عارفة أصل أنا باحب ضربة شمس جداً وكل اللى بيكتبوا فيها..مع بعض الاختلافات طبعاً...بس باحبهم ...ولسة عارف دلوقتى ان دعاء عادل ليها بلوج...لأ وحضرتك عارفة أحمد العايدى كمان...والله مش عارف أقول ايه هاقعد طول الليل أقرا مدونات الناس دى كلها....:) عموماً جزاكم الله خيراً على انكم منفتحين على مدونات غير الأخوان و يا ريت تنتشر ما بينا(كمدونى الاخوان) الحكاية دى...ونطلع برة مجتمعنا ونكلم كل المدونين ...الله ينور يا أخت أسماء ...و عبد الرحمن أنا هاروح أكلمه على مدونته...سلام وربنا معاكم بكرة....اسكندرية كلها ان شاء الله هاتكون هناك:):)انا سمعت ان رامزى كلارك من هيئة الدفاع ده صح؟؟والله خايف تطلع حاجة قديمة وانا اللى مش عارف حاجة

Anonymous said...

حبيبتى سالى

جزاكى الله خيرا يا حبيبتى
انتم لى خير عون

أخ محمد

انا فا بداية التدوين عرفت مدونتها من مدونة أخ عبدالرحمن عياش
ودخلت عندها كذا مرة وعلقت

اما أ.أحمد العايدى فعرفته من كتاباتها
عنه فى احدى التدوينات

فى رايى
صحفيى ضربة شمس كلهم مختلفين
بس فى اختلاف تميز فعلا
واحيانا اختلاف لا اميل له
بس موهوبين ما شاء الله

اما عن الانفتاح على بقية المدونات
فده مهم جدا
بس احيانا بيكون عندنا حاجة زى حمى الانفتاح
عاوزين ننفتح وخلاص
وبيكون شعارات اكتر منه تصرفات
بتبقى بتفكرنى بكلمة

ما فائدة ان تفتح لى بابك
وتغلق دونى اذنيك

يعنى الانفتاح اوقات بنمارسه لفظا
ولا نمارسه عقلا

مع مراعاة ثوابتنا فيه

قرات على انسى ان رامازى كلارك هيكون موجود وناس كتير
ربنا ييسر ان شاء الله

اروي الطويل said...

حبيبة قلبي اسماء
انا اسفه اوي
اوي
ياريت تعذريني
انا فعلا كنت جايالك وفجأة جالي تليفون وماكنش ينفع اعتذر ....كانت حاجه ضروري اوي
ربنا يعزك ياحبيبتي
وان شاء الله اشوفك بكره

حسن ارابيسك said...

صحيح ما يخرج من الفؤاد يدخل للفؤاد بمنتهى اليسر
الحقيقة ليستطيع لساني عن وصف هذا البلوج النوراني الجميل الذي أحسست اثناء قراءة كلماته والتنقل بين سطوره الروحانية بروحانيه جميلة تسري في داخلي حقيقي واللهي
وورردت وراءك بعد كل دعاء آمين أمين
صحيح من أحبه الله أحبَ فيه خلقه
فمحتويات البلوج كلها يشعر افنسان عند قراءتها بالصدق من اللحظة الأولى والإيمان العميق صدقيني أحسست للحظات وكأنني اراكي أمامي وارى بعض َ من ملامحك الكريمة
فهنيئاَ لكي بهذا الإيمان وهذه الروح الجميلة التي ندعو الله أن يمدنا بمثلها ويعيننا على فتن الدنيا وشرها ومصائبها وأن يوحد صفوفنا وأن يجمع شملنا .. آمين

فلكي مني كل التقدير والاحترام


أتمنى تشريفك لي في مدونتي

هاتنور بزيارتك ليها

دعوة لزيارة مدونة شاعر تستحق الزيارة

http://mosaiiic.blogspot.com/

Rehab Saber said...

حبيبتى اسماء

ربنا يكرمك يارب :)
وحشانى جدا :)

ربنا ييسرلك الحال

مصرى من يومى said...

بجد ماشاء الله عليكى كلامك وكتابتك وحياتك اعطاكى الله وجزاكى الجنه انا لسه صغننه فى التدوين ومبتدئه لكن بجد اول ما عزمت ان يكون ليه مدونه عندما رئيت وجود هدف فى مدونتك ياريت تبقى تشرفينى وتقوليلى احسن مدونتى ازاى
ابتسامه بداخل قلب طفل صغير