يا أهلنا في غزة .. نحن معكم

Monday, October 29, 2007

خواطر الطريق..رايح جاى



خواطر تجمعت لدى اثناء طريقى لحضور لقاء د.محمد مرسى مع مجموعة من المدونين والمدونات واستمرت خلال اللقاء واثناء عودتى أيضا..و"خلال اللقاء "ككلمة يختلف مدلولها من شخص لأخر..فهناك خلال اللقاء الذى استمر حتى الثامنة والنصف حتى انصرفت..وهناك "خلال اللقاء" بمدلول اخر وهو اللقاء الذى امتد بعد الثامنة والنصف بساعتين والذى وصل الى انه كان له طعما مختلفا...

الرضا لمن رضا
والغنى غنى النفوس
والبلد بلد وسايط
والدنيا مبتديش الواحد كل حاجة يا جماعة
وأى كلمة ماثورة بتحمل معانى مقاربة

:)



وبصراحة فى الحالة اللى احنا بصددها دى اعدت افكر لو ثبتنا كل العوامل قبل وبعد وشفنا ليه الوضع اختلف هنلاقى ان هوه عامل واحد اللى كان موجود وميقاش...تفتكروا هوا السبب؟؟
لو الجملة اللى فاتت دى مش مفهومة فأحسن عشان مضربش ..
:)
والحقيقة لكى أكون صادقة انى استفدت من هذا اللقاء..استفادة من عدة جهات..فهى تجربة ولاشك ضافت الى جديدا.. لكن ما جعلنى اشعر باستفادة منها هو انى لم اكن مهيئة نفسى لهيئة معينة لهذا الحوار ..او توقع لنسبة استفادة محددة منه..كنت ذاهبة وبداخلى شعور متفائل أنى سأعود بجديد وان كان قليلا..وكان هذا يكفينى..


حياة=تجارب

كما ذكرت لكم فلم اكن أضع فى حسبانى شكلا معين وهيئة للحوار لكن أكثر ما يجذبنى لتلك الحوارات هوما أشعر به لدى ولدى الكثيرين من شغف الاطلاع والاستماع لتجارب البشر بشكل عام والتجارب القريبة من مجالات حياتنا التى نعيشها
ونراها بشكل خاص والأجمل عندما تكون على ألسنة من خاضوها..فيصبح لها طعما خاصا ومختلفا..

هذا بشكل عام وعند التخصيص على د.محمد مرسى كمثال..فنجد انه كما ستجد لديه كثير من التجارب فستجد معها مناقشة للأراء التى تكونت لديه من خلال تلك التجارب..والتى تختلف من شخص لأخر..

بدأ الحوار وأنا بداخلى تلك الرغبة لتلمس هذه المعانى سواء مس ذلك موضوع التدوين والمدونات بشكل قريب أو من بعيد..فمن المثمر الحديث حول رأى د.محمد حول تجربة التدوين والمدونات بشكل مباشر..
لكنى أرى ان المثمر ايضا الحديث حول كثير من المواضيع التى تشغل فكر المدونين الذين هم أساس التجربة مثل موضوع الحزب مثلا وغيره الكثير..

فكرت أنه طالما سيعطينا هذا التواصل مع د.محمد هذه الفوائد المختلفة فلماذا اذاً نبخل به على أنفسنا..لماذا لا تتوسع هذه اللقاءات لتشمل شخصيات أخرى..مفكرين من داخل الاخوان وخارجهم..
اشعر ان الكثير منهم لديه استعداد لمنحنا جزءا من وقته ..واننا ايضا لدينا الكثير لنطرحه عليهم..ومع الوقت ستصبح تلك اللقاءات اكثر نضجا واعمق فائدة..هذا الجانب يحتاج لحركة دون الاستسلام لضغوط الانشغال ..فهو لا يحتاج وقتا بقدر ما يحتاج تبنى من كل منا..دعونا نستثمر انفسنا أكثر بشكل متوازن بعيدا عن الاستعجال وسوء الظن ونظرية المؤامرة الله يكرمكم..
عموما اتخيل _وأتمنى_ ان تشهد الايام القادمة خطوات اخرى..



اللى إيده فى النت

وعذراً على العنوان باللغة العامية وسط العربية التى أحاول الالتزام بها..بدأ د.محمد حديثه بمقدمة طويلة كانت فكرتها الرئيسية _أو هكذا وصلت لى _ان صاحب الدعوة والمصلح يجب ان يكون واعيا بما يدور حوله فى الدوائر المختلفة ..بداية بالعالم ككل ويضيق الاطار تدريجيا وصولا لبلاده ويضيق حتى يصل الى عمله وشارعه والبشر الذين يتعامل معهم بمشاكلهم الحقيقية وما يشغلهم..يجب ان يكون على وعى كبير بدوره..وان يجعله ذلك متوازنا بين ان يكون له دوما جانب من السياحة فى عالم الأفكار والعطاء الفكرى..والنظرة المجددة والمراجعة للأمور..وبين ضرورة ان يكون له ناتجا عمليا يخالط فيه الواقع ويصلح فيه ويغير ويدرك حقيقة المشاكل والظروف وليس مجرد صورتها الخارجية..

كان هذا المعنى مسيطرا على منذ كتبت عقل ويد ولكنه كان يحتاج ان يتضح ويتبلور أكثر..وليس المعنى نفسه بقدر كيفية تنفيذه واحداث هذا التوازن..شغلتنى هذه النقطة لدرجة الملل أحيانا..وأصارحكم بأن أكثر الصور التى عندما أتخيل نفسى فيها أصاب بالاحباط واحدة من اثنتين..
أحداهما وانا شيئا فشيئ انسحب من المشاركة الواقعية فى انتاج عملى وصولا لمجرد مشاركة ظاهرية يصاحبها تعمق فى النواحى الفكرية وعين باحثة فى كل شيئ عن موطن الخلاف والعيب ليس لتصلحه ولكن لتؤكد على وجوده وربما تشارك بببعض الاقتراحات الفوقية من حين لأخر..

والصورة الاخرى..الانخراط فى الانتاج الفعلى الثابت _ولو بدا متجددا_..وخطوة بخطوة اجد نفسى وقد فقدت اى ميل كان لدى للابداع او المراجعة او حتى التأمل من حين لأخر..

بين تلك الصورتين يأتى الوسط الذى اتمناه _وان كان هو الاخر متدرج_والذى اتوقع ان نصبح به ليس مجرد ارقام تضاف لعداد البشر أوالمسلمين أوالاخوان بقدر ما نكون افراد مؤثرين..

ليصبح اللى ايده فى النت بردو ايده فى الواقع وليس منفصلا عنه..
يا جماعة فى الأخر عاوزة افكركم بحاجة
ومعلش بـأه الكلام الجاي عامية
كنت فى الزيارة عند بابا من فترة
وأعدنا نتكلم عن التدوين شوية
وبقوله انا حاسة اننا مستعجلين على نفسنا
ومنتظرين تطورات كبيرة فى وقت قليل
ففكرنى بحاجة
قاللى ان الواحد كان زمان عشان يكتب
وتوصل كتاباته للناس
كان بيستنى سنيييين..لغاية مينضج شوية
ويعرف يصيغ افكاره
مش بس يصيغها
لكن حتى يتأكد من قناعته بها واتجاهاته
يعنى عشان يقول
كانت "القوالة"دى بتاخد وقت كتييير
دلوقتى الواحد بيكون عنده مدونة فى دقايق
بيقول فيها اللى هوه عاوزه
طيب يبقى الطبيعى اننا نصبر على نفسنا شوية..ومنستعجلش على نضج التجربة دى
عندنا أو عند غيرنا
الموضوع بيتطور خطوة بخطوة وكل شيئ كده مش التدوين بس
عموما اننا نصل لتجربة معتدلة وناضجة ومتجددة شيئ مش سهل
ويحتاج لخطوات وصبر
لكن على قدر المحاولة والصبر
على قدر ما النتيجة اتخيلها رائعة
وتستحق
ومش هيكون تأثيرها على المدونين بس
طبعا بقول الكلام ده لنفسى قبلكم
وقبل ده كله واساسه
الاخلاص
والغاية


وتحت الاخلاص والغاية دول هنلاقى حاجات كتييرأحيانا بتقع مننا
سلامة صدر وحسن ظن وادب اختلاف وغيرهم
عموما انا مستبشرة خير
وحسة ان الجاى أفضل
وان شاء الله
بكره أفكركم


24 comments:

كدا وبتاع said...

ممم السلام عليكم .. اول زيارة للمدونة لكن الظاهر انها مليئة بالأروع ، عموما تجربة التدوين بشكل عام نضجت عند الكثيرين وما زال الاخرون يتخبطون ويكتبون اى شئ فى اى موضوع ودي مشكلة .. انا شايف ان نجاح اى مدونة بحسب رؤية صاحبها واهدافه الواقعية المحددة من المدونة ، يعني تخصيص المدونة لقضية ما او مجال معين والكتابة بانتظام وبما يضيف جديد أكيد تاثيره بيظهر وفيه مدونات كتير نجحت بقلة مواضيعها لان ليها اهداف ، وفقكم الله وتجربة مفيده بكل تأكيد

فزلوكة said...

إزيك يا أسماء
المدونات أصبحت وسيلة إعلامية هامة وللأسف فهناك من لايعى ذلك
وسلام
أسماء عايزة أشوفك فى المدونة عندى
صحيح إنتى عرفتينى

محمود سعيد said...

والله هو لو ثبتنا كل العوامل
وكده يعنى

مفروض هنعرف العامل

بس مفيش داعى برضه نضخم حجم هذا العامل

لو أخدناه بواقعية
هنشوف أنها خطوة لا يستحقها المدونون (ده أكيد)

ولكنها خطوة تستحق المديح إن صح التعبير يعنى

وبالنسبة لفكرة أن نكرر ونوسع هذا الأمر

هو أكيد مش فكرة جديدة
بس المشكلة فى آلية تطبيقها
اللى هتدفعنا للتكتل وهيتلقى معظمنا نفس المؤثرات و و و

محتاجة تتعمل صح


واللى إيده فى النت مش زى اللى فى الدنيا
أو اللى راسه فى صندق الدنيا مش زى اللى راسه فى الدنيا

صحيح ولازم ننتبه

حلم الحرية said...

ايوة ناس عرفت تحضر...وناس في اخر لحظة قبل السفر سفرها اتلغي ومعرفتش تروح

طبعا انا مش باحسد
انا باقر بس
هههههههههههه


المهم ان محمد حكالي اللي حصل بالتفصيل
يمكن من المعاني اللي اتنقلتلي من كلام محمد هو المعني اللي انتي قلتيه ده
حياة=تجارب
وايا كانت توقعات اللي راحوا في شكل الحوار او صورته او محتواه
انا شايفة ان الحوار ده او اللقاء ده في حد ذاته خطوة رائعه
فعلا هيكون شئ فارق حقيقي مع الكثيرين لو اتيح تكرار زي الخطوة دي مرات ومرات

النقطة التانية اللي اثرتيها
ما بين الجانب الفكري والحركي
ان لا يكون التميز في جانب منهما مبررا لتناسي الجانب الاخر او تجاهله
اتمني لو كثيرين منا يكون عندهم نفس الفهم


سلام مؤقت لغاية ما اقابلك في القاهرة او في اسكندرية او اكلمك ماسنجر

سناالإسلام said...

أسماء
طبعا لقاءمع الدكتور محمد مرسى من المؤكد أنه لقاء مثمر فالدكتور محمد يمتلك من خبرات الحياة والدعوة ما يجعل كل فرد يحاول أن يستغل اللقاء ويستفيد منه...فأتمنى فى مثل هذه اللقاءات أن نحاول أن نستفيد من هذه الشخصيات العظيمة الى أقصى درجة

بالنسبة لموضوع العامل الظاهر إنى هأقتنع بالرأى اللى بيقول أن البنات ليس لهم فى الفكر زى الأولادو....كفايه كده

أنا للأسف لم أحضر ولكن زوجى حضر وكان نفسى أحضر ولكن الظروف وإن شاء الله هأحاول أقابل الدكتور محمد قريبا

سناء

Unknown said...

يمكن اللقاء ده كان عشان اللي بيتكتب من حاجات مينفعش تتكتب

وأدعوكم للأشتراك في الأستطلاع على مدونتي
وجزاكم الله خير

محمد السيد..مش حاسكت said...

لقيت نفسي مدفوع دفع إني أعلق عندك ...

يمكن أنت اول حد اعلق عنده من الناس اللي حضروا ... لأنه فعلا ..أحسن انطباع لغاية دلوقتي ....
ويمكن أكتر كتابة قدمت ناحية متوازنة عن اليوم ...

زائد تعليقاتك ساعتها كانت فعلا بتاكد إنك لازم تكتبي حاجة بالفهم العالي ده ,....

فشكرا ....
شكرا فعلا يا افندم

محمد السيد..مش حاسكت said...

تاني حاجة بقي ...

الرضا لمن رضا
والغنى غنى النفوس
والبلد بلد وسايط
والدنيا مبتديش الواحد كل حاجة يا جماعة
وأى كلمة ماثورة بتحمل معانى مقاربة
:)
..................

لا تعليق .... ما قبل حاجة ... وما بعد حاجة تانية خااااااااااالص ...

تقدري تقولي ما قبل الثامنة وعشر دقائق وما بعد الثامنة وعشر دقائق .....

الواحد شوية ويشمت ... بس أهه الواحد مايضمنش الدنيا مخبية إيه بكرة ....

لكن فعلا باقي اليوم كان غاية في الروعة ...

بس أن مش حاحاول أسأل ايه السبب

محمد السيد..مش حاسكت said...

انتظري بقي تعليقي علي كلامك في بوست عندي ....

وإن كنت أقدر أقولك إني موافق مليون المية في اللي قلتيه ....

وده يمكن كان باين أوي يومها في الحماس المندفع اوي اوي لبعض الجالسين وبين النظرة اللي بتتكلمي بيها ...

لتاني مرة .... شكرا جزيلا يا افندم ....

belal said...

أبصم بالعشرة بالاختلاف بين ما بعد الثامنة والثلث وما بعدها
اللي بعدها هوا اللي فيه الطعم
..

belal said...

مابعد الثامنة والثلث وما قبلها :)

الـفجـريـــة said...

طيب
دلوقتى التعليقات جميلة
وعاوزة اعلق عليها

ده جانب

والجانب الاخر
انى عندى تسليم حاجات فى الكلية بكره
حاجات كتير
وممكن نقول
كتييير أوى
ومش عاوزة أكروت تعليقى على التعليقات

فان شاء الله اذا خلصت الحاجات
قبل مييجى بكره
هدخل وارد

واذا لم يتم ذلك
فميعادنا بكره..بعد الكلية
ان شاء الله

دعواتكم بأه
ان ياتى غدا
على خير
وقد انتهيت

تصبحون على خير
:1

اسماء العريــان said...

وده يمكن كان باين أوي يومها في الحماس المندفع اوي اوي لبعض الجالسين وبين النظرة اللي بتتكلمي بيها ...

ــــــــ

مممم.. مش فاهمه

او هاعمل نفسى مش فاهمه

ــــ

تعليقك على اليوم ممتاز يا اسماء .. بجد جزاكى الله خيرا

ومنتظرين تعليقك على اليوم التانى .. لازم تيجى منتظراكى

محمود سعيد said...

على فكرة حكاية العوامل ديه فى الأول فهمتها حاجة وبعدين فهمتها حاجة تانية

ولا الجملة الأولانية ديه لسه مش عارف إيه دخلها

على العموم جملة العوامل ديه برضه أيا كان الفهم فتعليقى تقريبا هو هو ...


بس أنا أصلاً كنت عاوز أعلق كمان على النقطة بتاعة حوارك مع والدك

مش قلتى فى القعدة النقطة بتاعة إننا لازم نخش فى مرحلة المجتمع وإحنا هنشتغل صح بعد شوية

لأن لو إستنينا اللحظة المثالية مش هتيجى

هاقلب كلامك عليكى وأقول نفس الكلام على الكتابة

AbdElRaHmaN Ayyash said...

اتكلم بصراحة انا عن اللي فهمته
:D لازم اثبت لك خطأك الكبير جدا
أولا .. انا شايف ان بعد اما العامل مشى .. الوضع بقى احسن كتير
ليييييييه ؟
اصل الاخوة مؤدبين و الله .. بايننهم كانو مكسوفين
المشكلة مش في الدكتور
المشكلة فينا احنا
لو زي ما فهمت .. انا فهمت انك قصدتي ان اللقاء بقى احسن او بقى اثرى من كلام الاخوة بعد اما البنات مشو
و ده صحيح جدا
و السبب في رأيي حاجتين
ان الاخوة كانو مستنيين البنات يتكلموا و العكس صحيح
و ان الاخوة كانو فعلا متحفظين شوية و خايفين يتكلموا كويس .. يا عم اصل الاخوات موجودين .. يقولوا علينا ايه
ده رأيي يعني
كلام الدكتور في البداية كان كتير ايوا
لكن في نفس الوقت انتو مشيتو بدري اوي
يعني لو احنا استفدنا بنسبة 80 % من اللقاء
انا رأيي ان البنات استفادوا بنسبة 40 او 30%
و دي غلطتكم انتو بصراحة
عموما مش موضوعنا ده
و ان شاء الله يكون لقاء البنات معاه افضل كتير من لقاءنا
--------
أفضل كلمة سمعتها و كنت ناوي اكتبها في الموضوع
هي ان التدوين سيتطور واحده واحده
بشويييش
و مش بتوصيات ولا غيره
التدوين الاخواني الذاتي و العام سيتطور بتطور الاشخاص و مرور الزمن الذي أعتبره عامل مهم للغاية
ان شاء الله انا شايف ان تجربة التدوين الاخوانية اثرها هيكون عالمي مش محلي او اقليمي عربي بس
و ربنا يوفقكم
جميل الموضوع كالعادة
----
بامكانك دلوقتي انك تشوفي موضوع النقد اللي كنت عدلته
لك تحياتي
سلام

الـفجـريـــة said...

كده وبتاع

جزاكم الله خيرا أولا

ثانيا بأه
متفقة انها بدأت تنضج فعلا لكن مختلفة مع معنى حسيته فى تعليقك وهو وضع هيئة معينة واسلوب تدوينى محدد لنضج التجربة او لنجاحها

بشعر ان الموضوع اوسع من كده والتجربة مختلفة من حد للتانى..
اتمنى اكون فهمت التعليق صح


فزلوكة

يا بنتى انا شكة اصلا فيكى من الأول وبعدين عمالة اقول لأ ممكن مش هيه

انتى زهراءأ.ب صح
عموما الحركة الاستقلالية دى كويسة يا بنتى
:1

بس تعالى نتخانق شوية

انت بتقولى المدونات بأت وسيلة اعلامية هامة
وفى ناس مش بتعى ذلك

يعوه ازاى
يعنى لما يكونوا عارفين كده وحاطينه فى دماغهم
يعملوا اييه بأه!؟
منتظرة ردك عشان على أساسه افهم قصدك يا فندم وعلى اساس اصدك بأه أعلق..اللفة طويلة أوىىى

الـفجـريـــة said...

أخ محمود

هرد على التعليقين مع بعض


العامل اللى كنت اقصده هو وجودنا وبعدين مشينا فالعامل مبقاش موجود

وده كان تساؤل يعنى مش بأقر بانه هو السبب..يعنى ممكن كنت عاوزة اعرف من اللى فضلوا ايه السبب؟؟

طيب ..تقول ان تكرار مثل هذا اللقاء دى حاجة محتاجة تتعمل صح
عشان ممكن تدفعنا للتكتل
ده فعلا ممكن يحصل لا اراديا مع الوقت

متفقة فى النقطة دى جداا
لكن طب منحاول نفكر ازاى تتعمل صح؟؟
منا بقول الموضوع محتاج تبنى مننا

---

حوارى مع والدى..

انا مقتنعة فعلا بالحكاية دى
ومقتنعة اننا بنتطور مع الوقت

سواء فى موضوع المجتمع او فى الكتابة
يمكن بس فى الكتابة دى كنت بقتنع بيها مع الناس لكن مع نفسى أحيانا لا

يعنى مش معترضة

أعدت افتكر ان فى مثال د.محمد قاله عن موضوع التوازن بسن الجهد الفكرى والحركى
اللهو هو بتاع صندوق الدنيا
بس مفتكرتوش وانا كبتب التدوينة

واتمنى يكون موضوع العوامل كده مفهوم


-------------

مروة..حلم الحرية

لأ ما شاء الله
قرك جاب تأثيير شوية
:1

انتى بتقولى
لو اتيح تكرار زي الخطوة دي مرات ومرات

طيب متشاركى فى نفس الفكرة
يعنى نفسى نفكر فى شكل ما للحوارات والتواصل ده
وفى نفس الوقت ميكنش شكله المستقبلى مع الوقت اننا نصبح اقرب للتكتل

ودى حاجة مع الوقت تاثيرها مش جيد فى رايى

اما بالنسبة لانى اما اقابلك فى القاهرة او اسكندرية او الماسنجر

فاسكندرية بالنسبة لى الايامدى الاجمل

ده حتى فى دكتور فى القسم
المادة بتاعته تخص دراسة عناصر من التراث الشعبى..
المهم هيه ملهاش امثلة فى اسكندرية
بس انا يقنعه يعملنا رحلة للاسكندرية
هوه عمال يقنعنى انها مش المكان الانسب للمادة دى
وانا بقنعه ان اسكندرية كبيرة مش هنغلب يعنى..هنلاقى فيها

وشغالة على الموضوع ده..بس لسه مش جايب نتيجة مطلقا
:1

الـفجـريـــة said...

سناء

عندك حق ان الشخصيات دى بيكون مفيد جدا الاستماع لها ولاحوار معها

اما بالنسبة لبدأ اقتناعك بالراى بتاع البنات ملهاش فى الفكر زى الولاد

فتعالوا يا اخوات الزقازيق وشوفوا ما تعرضت له ابنتكم من تغير فى المعتقدات
:1
عموما نتكلم اكتر لما اشوفك ان شاء الله
وان كان بشكل مبدأى
الفكر مينفعش نحصره ولا نقصره على ولاد او بنات
الفكر اساسه انه مفتوح لكل من رغب


mazlomen

جزاكم الله خيرا على المورو والتعليق بس لكن
لأ مكنش عشان كده

الـفجـريـــة said...

أخ محمد

جزاكم الله خيرا
على التشجيع يعنى 3 تعليقات مرة واحدة

الواحد شوية ويشمت ... بس أهه الواحد مايضمنش الدنيا مخبية إيه بكرة

اه والله فعلا ميضمنش
:1

فى انتظار التدوينة
ولو ان فى نقطة بس
ان التعليقات بفهم عالى او التعبير عن الفهم ده فى الكلام او الكتابة
شيئ جميل بس هو المشكلة
المشكلة
هى العمل والتنفيذ بفهم عالى

يعنى ياما ناس كتير مبتعبرش عن الفهم ده
لكن نتفرج على الشغل
والتطبيق

تانى فى انتظار التدوينة..عن ما قبل الثامنة وما بعدها اكيد..وعفوا

-----

أخ بلال

هيه للدقة كانت الثامنة والنصف يعنى
بس مش مشكلة

يعنى اما تكون روحى رياضية واما لأ
وانا اخترت الأولى

:1

الـفجـريـــة said...

سمسمة

او هعمل نفسى مش فاهمة
:1
:1
هوا انا فعلا مش فاهمة المعنى أوى لكن عموما الرأى بيختلف من حد للتانى

المهم تكونى استفدتى
اما بالنسبة لللقاء الجاى

:0:0:0
ففى احتمال بس من غير ضرب انى مقدرش اجى
و احتمال كبير يعنى

بس هسمع منكم لما تروحوا ان شاء الله


------
أخ عبدالرحمن

اولا..
الخطأ تم اثباته
وان كنت مستغربة
بس ممكن والله
بس غريبة كلمة الأخوات هيقولوا ايه

هنقول ايه يعنى؟؟

وان شاء الله الموضوع يتحسن بعد كده..ويبقى كويس لما تكون ابدر من كده شوية

متفقة مع المعنى اللى ذكرته وان التدوين سيتطور واحده واحده
بشويييش

فقاقيع كلام ـ شروق الشمس said...

السلام عليكم ورحمة الله وبركاته

بصي بقى

أنتي وحشتيني ماشي

وأنا مقرأتش موضوعك ده للأسف لأنه طويل

وأنا مضطرة أخلص شوية حاجات وأمشي لأني في سايبر

ومن الآخر كدة أنا داخلة عشان أفكرك بالتاج اللي ليكي عندي

وبطلي الحركات دي يافجرية

لأني قايللك من بدري مش لازم يعني أجي أختم في مدونتك

ياااالا ورينا الأجابات الجامدة

وأسألك الدعاء أووووي عشان محتاجاه جدااااااااااااااااااا جداااااااا


يااالا ياجميل سلام عليكم
موبايلات بقى..

ابوزياد الفاتح said...

السلام عليكم
مدونتك جميله جدا
وموضوعاتك ممتازه
ربنا يكرمك
بس ابقى شرفينا فى الفجر الباسم قادم

فزلوكة said...

إيييييييييييييييييه الشطارة دى يا أسماء
بس ده توب سكرت لغاية ما أقابلك
بالنسبة للوعى فأنا قصدى على مستوى المدونين وعلى مستوى ولنقل المسئولين
لأنه فى تقضير من بعض المسئولين نتيجة لرأيهم إن المدونات مجرد ظاهرة وعلى هذا الأساس يتم التعامل مع البعض (ممن ينتقد ) على إنهم ناس ماشيين مع الموضة
فهمتينى
النهاردة قابلت واحدة بتحبك
كانت عندنا فى الجامعة عموما هتوصلك سلامى وهتعرفيها
كده خلصتى خناقتك بس لسه خناقتى لما نتقابل

Anonymous said...

لا يا اسماء لا فعلا المرة دي التدوينة فعلا دفعتني اني اعلق بصدق اولا عاجبني الاسلوب لاني مسرحتش خالص كمان عجبني انك ركزتي على عدم الاستعجال لاني بحس فعلا ان دي بقأت مشكلة فينا عموما كجيل و اخيرا بقأه التفاؤل اصل انتي عارفاني جدعة انك قدرتي تبثي في كل حرف من كلامك
بس يا اسماء كفاية لحد كده و ارحموا عزيز قوم ذل ها ها ها انا بجد بحاول احفظ الاغنية بس مش عارفة
اني احبك في الله
اكيد هتعرفيني
سلمى حلي